តើក្រុមខុសឆ្គង ហ្វីលីស៍ ម៉ាណាឡូ ជានរណា?

ព្រះយេស៊ូវគ្រីស្ទផ្ទាល់បានមានបន្ទូលថា សេចក្ដីសង្គ្រោះគឺមានតែនៅក្នុងអង្គទ្រង់តែមួយគត់ ហើយទ្រង់គឺជាផ្លូវតែមួយគត់ទៅកាន់ព្រះវរបិតា មិនមែនអាស្រ័យទៅលើថា ជាសមាជិកនៅក្នុងក្រុមជំនុំណាមួយនោះឡើយ (យ៉ូហាន ១៤:៦)។

៩ មេសា ២០១៩អានរយៈពេល ១២ នាទី

មើល៥៥២ដង

នៅ

ឆ្នាំ១៩១៤ លោក ហ្វីលីស៍ ម៉ាណាឡូ (Felix Manalo) បានបង្កើតក្រុម “Iglesia ni Cristo” ចេញពីប្រទេសហ្វីលីពីន។ ឃ្លា “Iglesia ni Cristo” គឺជាភាសាថាហ្គាឡូគ (Tagalog) នៅប្រទេសហ្វីលីពីនដែលបកប្រែចេញជាភាសាខ្មែរថា «ពួកជំនុំនៃព្រះគ្រីស្ទ»។ ជាការដ៏គួរឲ្យសោកស្ដាយណាស់ ខណៈពេលដែលពួកគាត់អះអាងថា «ខ្លួនជាក្រុមជំនុំ» ព្រោះថាក្រុមនេះមាននូវរាល់លក្ខណសម្បត្តិនៃពួកខុសឆ្គង។ ចំណុចដំបូងគឺត្រង់ថា អ្នកដឹកនាំពួកគេដែលពូកែក្នុងការវោហារបានអះអាងថា ខ្លួនបានទទួលការបើកសម្ដែងដ៏ពិសេសចេញពីព្រះជាម្ចាស់ដោយផ្ទាល់។ ដំបូងឡើយលោក ហ្វីលីស៍ ម៉ាណាឡូ គឺជាអ្នកដើរតាមគោលជំនឿកាតូលិក ដែលគាត់បានបោះបង់ចោលកាលគាត់នៅវ័យជំទង់។ បន្ទាប់មក គាត់ក៏បានទៅសាកដើរតាមនិកាយប្រូតេស្តង់មួយចំនួន ក៏ដូចជាពួកសាក្សីព្រះយេហូវ៉ាផងដែរ។ ជាចុងបញ្ចប់លោក ហ្វីលីស៍ ម៉ាណាឡូ ក៏បានបង្កើតក្រុមជំនុំរបស់គាត់ផ្ទាល់នៅឆ្នាំ១៩១៤ ដែលគាត់ដាក់ឈ្មោះថា «ពួកជំនុំនៃព្រះគ្រីស្ទ»។ កាលក្រុមជំនុំបែកគ្នានៅឆ្នាំ១៩២២ លោក ម៉ាណាឡូ ក៏បានចាប់ផ្ដើមអះអាងថា ខ្លួនជាហោរារបស់ព្រះជាម្ចាស់។ គាត់បានធ្វើបែបនោះ ដើម្បីព្យាយាមប្រមូលយកអំណាច និងការព្យាយាមឡើងធ្វើជាអ្នកដឹកនាំលើក្រុមជំនុំជាថ្មីម្តងទៀត។

អំណះអំណាងរបស់គាត់មួយចំនួនគឺ «ពួកជំនុំនៃព្រះគ្រីស្ទ» ត្រូវបានគេកត់ទុកនៅក្នុងព្រះគម្ពីរជាស្រេច។ ទំនាយដ៏ចំៗដែលគាត់បានលើកឡើងគឺចេញពីកណ្ឌគម្ពីរ អេសាយ ៤៣:៥-៦ «កុំឲ្យខ្លាចឡើយ ដ្បិតអញនៅជាមួយ អញនឹងនាំពូជពង្សឯងមកពីទិសខាងកើត ហើយនឹងប្រមូលគេមកពីទិសខាងលិច អញនឹងបង្គាប់ដល់ទិសខាងជើងថា ចូរប្រគល់គេមក ហើយដល់ទិសខាងត្បូងថា កុំឃាត់គេទុកឡើយ ចូរនាំអស់ទាំងកូនប្រុសរបស់អញមកពីទីឆ្ងាយ ហើយពួកស្រីអញមកពីចុងផែនដីចុះ»។ «ពួកជំនុំនៃព្រះគ្រីស្ទ» បានកាត់ស្រាយ «ទិសខាងកើត» ថាជា «ទិសខាងកើតឆ្ងាយ» (ដោយអាស្រ័យលើការបកប្រែដ៏មិនត្រឹមត្រូវក្នុងភាសាអង់គ្លេស) ហើយអះអាងថាខគម្ពីរមួយនេះកំពុងតែចង្អុលទៅលើ «ពួកជំនុំនៃព្រះគ្រីស្ទ» ដែលត្រូវបានបង្កើតចេញឡើងនៅប្រទេសហ្វីលីពីន។

ក្រុមខុសឆ្គងមួយនេះបានអះអាងថា មានតែពួកគេទេដែលជាក្រុមជំនុំនៃព្រះគ្រីស្ទដ៏ពិត ព្រោះពួកគេមានឈ្មោះថា «ពួកជំនុំនៃព្រះគ្រីស្ទ» ហើយពួកគេក៏លើកខគម្ពីរមួយចំនួនដែលមានឃ្លាថា «ពួកជំនុំនៃព្រះគ្រីស្ទ»។ ភាគច្រើន ពួកគេចូលចិត្តលើកខគម្ពីរចេញពីកណ្ឌគម្ពីរ រ៉ូម ១៦:១៦ ដែលមានចែងថា «សូមអ្នករាល់គ្នាជម្រាបសួរគ្នាទៅវិញទៅមក ដោយការថើបយ៉ាងបរិសុទ្ធ ពួកជំនុំនៃព្រះគ្រីស្ទទាំងអស់ សូមជម្រាបសួរមកអ្នករាល់គ្នា»។ ទោះជាយ៉ាងណាក្ដី ក៏ក្នុងខគម្ពីរឃ្លាត្រង់ថា «ពួកជំនុំនៃព្រះគ្រីស្ទ» ក៏មិនមែនកំពុងលើកឡើងនូវឈ្មោះនៃក្រុមជំនុំណាមួយផងដែរ ប៉ុន្តែខគម្ពីរមួយនេះកំពុងតែនិយាយសំដៅទៅលើរាល់ក្រុមជំនុំដែលសាវ័ក ប៉ុល បានជួបដែលពួកគាត់បានដើរតាមព្រះយេស៊ូវគ្រីស្ទ។ ពួកគេក៏ដកស្រង់ចេញពីការបកប្រែមិនត្រឹមត្រូវក្នុងភាសាអង់គ្លេសលើកណ្ឌគម្ពីរ កិច្ចការ ២០:២៨ ដែលមានចែងថា «ពួកជំនុំនៃព្រះគ្រីស្ទ» ដែលតាមពិតទៅក្នុងភាសាក្រិកឃ្លាមួយនោះគួរតែអានថា «ពួកជំនុំនៃព្រះជាម្ចាស់»។ មិនថាក្រុមជំនុំដែលមានឈ្មោះថា «ពួកជំនុំនៃព្រះគ្រីស្ទ» ឬក៏អត់ នោះមិនសំខាន់ទេ។ មានក្រុមជំនុំច្រើនណាស់ដែលនៅក្នុងឈ្មោះរបស់ពួកគេមានឈ្មោះថា «ពួកជំនុំនៃព្រះគ្រីស្ទ» ដែរ ប៉ុន្តែនោះមិនមែនជាចំណុចដែលថា មានតែពួកគាត់មួយគត់ទេដែលជាក្រុមជំនុំដ៏ពិតនោះ។

ឧទាហរណ៍មួយទៀតដែលបង្ហាញថា គោលជំនឿរបស់ «ពួកជំនុំនៃព្រះគ្រីស្ទ» គឺជាគោលជំនឿខុសឆ្គង គឺត្រង់លើអ្វីដែលពួកគេជឿអំពីព្រះគ្រីស្ទ។ ពួកគេមិនទទួលជឿថា ព្រះយេស៊ូវគ្រីស្ទគឺជាព្រះនោះទេ (ដូចពួកក្រុមខុសឆ្គងភាគច្រើនតែងតែធ្វើ) ហើយបែរជាបង្រៀនថា ព្រះជាម្ចាស់ជាអង្គដែលបានបង្កើតព្រះយេស៊ូវគ្រីស្ទ ហើយបានផ្ដល់អំណាចឲ្យទ្រង់ធ្វើការអស្ចារ្យសម្រាប់ព្រះអង្គ។ ពួកគេក៏មិនទទួលជឿលើគោលជំនឿនៃព្រះត្រៃឯកផងដែរ។ ពួកគេអះអាងថា ព្រះវិញ្ញាណបរិសុទ្ធគឺជាថាមពលដែលគ្មានលក្ខណៈបែបជាបុគ្គលលទ្ធភាពនោះទេ។ ហើយពួកគេក៏បានអះអាងថាក្រុមជំនុំគ្រីស្ទបរិស័ទសព្វថ្ងៃនេះគឺជាក្រុមជំនុំដែលបានធ្លាក់ចុះទៅក្នុងសេចក្ដីបង្រៀនខុសឆ្គងរួចទៅហើយ ហើយថា «ពួកជំនុំនៃព្រះគ្រីស្ទ» គឺជាក្រុមជំនុំដ៏ពិតដែលត្រូវបានតាក់តែងតាំងឡើងសាជាថ្មីជំនួសក្រុមជំនុំដំបូងៗដែលបានធ្លាក់ចុះ។ ពួកគេធ្វើបែបនោះដោយអះអាងថាលោក ហ្វីលីស៍ ម៉ាណាឡូ គឺជាអ្នកនាំសារដ៏ចុងក្រោយបង្អស់របស់ព្រះជាម្ចាស់ ដែលគាត់ផ្ទាល់គឺជាអ្នកបង្កើត «ពួកជំនុំនៃព្រះគ្រីស្ទ»។

ឧទាហរណ៍មួយទៀតដែលបង្ហាញពីលក្ខណៈខុសឆ្គងរបស់ «ពួកជំនុំនៃព្រះគ្រីស្ទ» គឺត្រង់ថាពួកគេបានអះអាងថា មានតែពួកគេទេដែលជាប្រភពនៃសេចក្ដីពិត និងសេចក្ដីសង្គ្រោះ។ មើលទៅ ចំណុចនេះហាក់បីដូចជាប្លែកណាស់ ជាពិសេសត្រង់ថា ជំនឿគ្រីស្ទបរិស័ទទាំងមូលបានអះអាងដូចបែបនេះរួចទៅហើយ។ ចំណុចខុសគ្នាក្នុងចំណុចមួយនេះគឺត្រង់ថា ជំនឿគ្រីស្ទបរិស័ទទាំងអស់ពិតជាបានអះអាងដែរបែបដូច្នោះមែន ប៉ុន្តែនិកាយឬក៏ក្រុមជំនុំណាមួយមិនធ្វើដូចនោះទេ (យ៉ាងហោចណាស់ក៏មិនគួរធ្វើ) ដោយអះអាងថា មានតែខ្លួនមួយគត់ដែលជាប្រភពនៃសេចក្ដីពិត។ ក្រុមជំនុំដ៏ពិតក៏នឹងទទួលស្គាល់ថា ពិតជាមានក្រុមជំនុំគ្រីស្ទបរិស័ទផ្សេងទៀតមែន ក្រៅពីនិកាយរបស់ខ្លួនផ្ទាល់ ដែលថាយើងទាំងអស់គ្នាក៏ជាគ្រីស្ទបរិស័ទដ៏ត្រឹមត្រូវដែរ ហើយថាយើងអាចជឿលើគោលជំនឿខុសៗគ្នាបាន ដែលគោលជំនឿទាំងនោះមិនមែនជាគោលជំនឿសំខាន់ៗ ហើយខណៈពេលនោះយើងនឹងអាចទទួលបានសេចក្ដីសង្គ្រោះ។ ព្រះយេស៊ូវគ្រីស្ទផ្ទាល់បានមានបន្ទូលថា សេចក្ដីសង្គ្រោះគឺមានតែនៅក្នុងអង្គទ្រង់តែមួយគត់ ហើយទ្រង់គឺជាផ្លូវតែមួយគត់ទៅកាន់ព្រះវរបិតា មិនមែនអាស្រ័យទៅលើថា ជាសមាជិកនៅក្នុងក្រុមជំនុំណាមួយនោះឡើយ (យ៉ូហាន ១៤:៦)។

ខាងក្រោមនេះគឺជាគោលជំនឿបន្ថែមដែលមិនមានចែងក្នុងព្រះគម្ពីរ ដែល «ពួកជំនុំនៃព្រះគ្រីស្ទ» បានយកមកបង្រៀន៖

ពួកគេទទួលជឿថា មានតែសមាជិកណាម្នាក់ដែល «ពួកជំនុំនៃព្រះគ្រីស្ទ» តែងតាំងទេ ទើបអាចធ្វើជាអ្នកប្រកាសដំណឹងល្អបាន។
ពួកគេទទួលជឿថា «ពួកជំនុំនៃព្រះគ្រីស្ទ» គឺជាឈ្មោះផ្លូវការសម្រាប់ក្រុមជំនុំ។ ឈ្មោះណាផ្សេងទៀតក្រៅពីឈ្មោះនោះគឺមិនមែនជាឈ្មោះក្រុមជំនុំដ៏ពិតទេ។ បើនិយាយឲ្យខ្លីទៅក្រុមជំនុំនោះគឺជាក្រុមជំនុំខុសឆ្គងហើយ បើមិនមានឈ្មោះដូចនោះ។
ពួកគេទទួលជឿថា ដាច់ខាត! ដើម្បីឲ្យបុគ្គលណាម្នាក់ទទួលសេចក្ដីសង្គ្រោះបាន បុគ្គលម្នាក់នោះត្រូវធ្វើជាសមាជិក «ពួកជំនុំនៃព្រះគ្រីស្ទ» ហើយទទួលពិធីជ្រមុជទឹកពីក្រុមជំនុំនោះ។
ពួកគេទទួលជឿថា យើងមិនអាចបរិភោគខឈាមជ្រូកបានទេ ដែលធាតុពិតនេះគឺជាម្ហូបដ៏ពេញនិយមមួយមកពីប្រទេសហ្វីលីពីន។
ពួកគេទទួលជឿថា សមាជិកក្រុមជំនុំត្រូវតែគេចចេញពីការចូលរួមក្នុងសមាជិកភាពសហជីពពាណិជ្ជកម្ម។
សមាជិកក្រុមជំនុំត្រូវតែគេចចេញពីការចូលរួមក្នុងសាលាកាត់ក្ដី។
ពួកគេត្រូវតែបោះឆ្នោតបែបឯកបក្សទាំងអស់គ្នា។
ដាច់ខាត! ពួកគេត្រូវតែចូលរួមពិធីថ្វាយបង្គំជារៀងរាល់ថ្ងៃអាទិត្យ។
ដាច់ខាត! ពួកគេត្រូវតែថ្វាយដង្វាយទៅកាន់ក្រុមជំនុំ។

យោងតាម «ពួកជំនុំនៃព្រះគ្រីស្ទ» ដើម្បីឲ្យបុគ្គលណាម្នាក់ទទួលបានសេចក្ដីសង្គ្រោះ ដាច់ខាតគាត់ត្រូវតែស្តាប់តាម និងធ្វើតាមព្រះវិន័យដែលមានចែងដូចខាងលើនោះ។ តាមពិតទៅ ព្រះគម្ពីរបានបង្រៀនថាសេចក្ដីសង្គ្រោះ «គឺជាអំណោយទានរបស់ព្រះ ក៏មិនមែនដោយការប្រព្រឹត្តដែរ ក្រែងអ្នកណាអួតខ្លួន» (អេភេសូរ ២:៨ក-៩)។

ដូចដែលមានភស្តុតាងយ៉ាងច្បាស់លាស់ហើយថា «ពួកជំនុំនៃព្រះគ្រីស្ទ» គឺជាពួកខុសឆ្គង។ ពួកគេបដិសេធគោលជំនឿគ្រីស្ទបរិស័ទសំខាន់ៗ ជាពិសេសគោលជំនឿលើព្រះត្រៃឯក និងភាពជាព្រះរបស់ព្រះយេស៊ូវគ្រីស្ទតែម្ដង។ ពួកគេក្ដាប់យកសមាជិកយ៉ាងខ្លាំង ស្ទើរតែឲ្យសមាជិកមិនអាចរើបម្រាស់ខ្លួនចេញបាន ហើយពួកគេក៏ដាក់ច្បាប់ដែលមនុស្សបង្កើតឲ្យសមាជិកដើរតាម ដើម្បីថាឲ្យអាចទទួលបានសេចក្ដីសង្គ្រោះតាមរយៈទង្វើ និងអំពើរបស់ពួកគេ។ ព្រះអម្ចាស់យើងបានទាយទុកហើយថា នៅថ្ងៃចុងក្រោយនឹងមានមនុស្សម្នាជាច្រើនមកអះអាងថា ខ្លួនជាព្រះគ្រីស្ទ ហើយនិងនាំអ្នកផ្សេងឲ្យវង្វេងដែរ (ម៉ាថាយ ២៤:៥)។ ប៉ុន្តែ អរព្រះគុណព្រះអង្គ ព្រោះព្រះអង្គក៏បានលើកឡើងផងដែរថា អ្នកជឿពិតនឹងមិនភ្លាត់ខ្លួនធ្លាក់វង្វេងដូចអ្នកផ្សេងនោះឡើយ (យ៉ូហាន ៦:៣៧)។

ដាច់ខាត! ក្នុងនាមជាគ្រីស្ទបរិស័ទ យើងត្រូវតែមានការប្រុងប្រយ័ត្ននឹងព្រះមេស្ស៊ីក្លែងក្លាយ និងនិកាយគ្រីស្ទបរិស័ទដែលជាពួកខុសឆ្គងដូចជា «ពួកជំនុំនៃព្រះគ្រីស្ទ»។ ដាច់ខាត! យើងត្រូវតែមានមូលដ្ឋានគ្រឹះឲ្យនឹងធឹងនៅក្នុងព្រះបន្ទូលរបស់ព្រះជាម្ចាស់ ដើម្បីឲ្យយើងអាចស្គាល់សេចក្ដីបង្រៀនខុសឆ្គងទាំងនោះបាន។ យើងក៏ត្រូវតែទទួលស្គាល់ផងដែរថា ចំពោះអស់អ្នកដែលបានធ្លាក់ក្នុងអន្ទាក់នៃសេចក្ដីបង្រៀនខុសឆ្គងបែបអស់នោះក៏ពួកគាត់ត្រូវការទទួលសេចក្ដីសង្គ្រោះផងដែរ ដែលយើងអាចរកបាននៅក្នុងអង្គព្រះយេស៊ូវគ្រីស្ទតែមួយអង្គប៉ុណ្ណោះ ព្រះរាជបុត្រាតែមួយគត់របស់ព្រះជាម្ចាស់ ដូចកាលដែលយើងនៅវង្វេងក្នុងអំពើបាបផងដែរ។

និពន្ធដោយ៖ ក្រុម Got Questions
បកប្រែដោយ និងកែសម្រួលដោយ៖ លោក ឈាង បូរ៉ា, លោក ទេព រ៉ូ, លោក ខែម បូឡុង និងកញ្ញា សួន សុជាតា
ដកស្រង់ខ្លះៗចេញពី www.gotquestions.org ដោយមានការអនុញ្ញាត។

តើអ្នកគិតយ៉ាងណា?

៧ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៦៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១១៨

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

៤

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម