តើមហាបេសកកម្មគឺសម្រាប់គ្រីស្ទបរិស័ទគ្រប់ៗរូបមែនឬ?

ព្រះយេស៊ូវបានប្រទានមហាបេសកកម្មមកកាន់យើង។ ក្នុងមហាបេសកកម្មនេះ ព្រះអង្គបានបង្គាប់ឲ្យយើងឈោងចាប់មនុស្សគ្រប់រូបនៅលើផែនដីនេះជាមួយនឹងដំណឹងល្អ...

២៣ មិថុនា ២០២៤អានរយៈពេល ១៣ នាទី

មើល១៣១ដង

តើមហាបេសកកម្មគឺសម្រាប់គ្រីស្ទបរិស័ទគ្រប់ៗរូបមែនឬ?

ព្រះយេស៊ូវបានប្រទានមហាបេសកកម្មមកកាន់យើង។ ក្នុងមហាបេសកកម្មនេះ ព្រះអង្គបានបង្គាប់ឲ្យយើងឈោងចាប់មនុស្សគ្រប់រូបនៅលើផែនដីនេះជាមួយនឹងដំណឹងល្អ។ ប៉ុន្តែ តើព្រះយេស៊ូវកំពុងតែមានព្រះបន្ទូលទៅកាន់អ្នកណា? តើបង្គាប់នោះសម្រាប់តែពួកសាវ័កដំបូងមែនឬ? ទៅកាន់ក្រុមជំនុំទាំងមូល? ទៅកាន់ក្រុមជំនុំតាមតំបន់ណាមួយមែនឬ? ទៅកាន់អស់អ្នកដែលកំពុងតែបម្រើនូវជួរមុខ ដែលជាអ្នកគិតអំពីបេសកកម្ម? ឬក៏ទៅកាន់គ្រីស្ទបរិស័ទគ្រប់ៗរូប?

ប្អូនប្រុសម្នាក់បានសួរដូចតទៅ៖ «ជម្រាបសួរលោកគ្រូ ថ្មីៗនេះ មិត្តភក្ដិរបស់ខ្ញុំម្នាក់បានលើកឡើងថា យើងគួរកាត់ស្រាយបញ្ជានៃមហាបេសកកម្មក្នុងការបង្កើតសិស្សថាសំដៅទៅកាន់ក្រុមជំនុំទាំងមូល មិនមែនជាបញ្ជាទៅកាន់គ្រីស្ទបរិស័ទរៀងៗខ្លួននោះទេ។ តើលោកគ្រូគិតថា វាជាការល្អទេដែលយើងកាត់ស្រាយបញ្ជានៃការឈោងចាប់មនុស្សជាតិថាសម្រាប់ពួកសាវ័ក អ្នកដឹកនាំក្រុមជំនុំ និងសូម្បីតែសម្រាប់ក្រុមជំនុំតាមតំបន់ទាំងមូល? ឬក៏ថា នេះគឺជាបញ្ជាបែបបុគ្គលពីព្រះយេស៊ូវ ដែលទ្រង់បានប្រទានទៅកាន់អ្នកជឿរៀងៗខ្លួនវិញ?»។

តើអ្នកណាជាក្រុមជំនុំ?

ចូរយើងចាប់ផ្ដើមដោយវែកញែកសំណួរផ្ទាល់សិន។ ទី១ «តើយើងគួរកាត់ស្រាយបញ្ជានៃមហាបេសកកម្មថាសំដៅទៅលើក្រុមជំនុំទាំងអស់ ហើយថាមិនមែនជាបញ្ញត្តិសំដៅទៅលើអ្នកជឿរៀងៗខ្លួនមែនឬ?» ដូច្នេះ តើនេះមានន័យថាយ៉ាងដូចម្ដេច ប្រសិនបើយើងកាត់ស្រាយថា បញ្ញត្តិនៃមហាបេសកកម្មគឺសម្រាប់ក្រុមជំនុំទាំងអស់? តើការធ្វើបែបនោះនឹងមិនបន្សល់នូវសំណួរដូចគ្នាដែលថា សម្រាប់អ្នកជឿរៀងៗខ្លួន ហាក់បីដូចជាថាបញ្ញត្តិនោះគឺ សំដៅផ្ទាល់ទៅលើគាត់?

ប្រសិនបើលោកអ្នកគិតថា ព្រះអង្គបានប្រទានបញ្ញត្តិនេះទៅកាន់ក្រុមជំនុំទាំងអស់ ហើយលោកអ្នកមិនបានគិតថា ក្រុមជំនុំទាំងអស់នឹងមិនទៅឈោងចាប់មនុស្សជាតិទាំងអស់ ប៉ុន្តែគ្រាន់តែសំដៅទៅលើបុគ្គលនីមួយៗនៅក្នុងក្រុមជំនុំទាំងអស់វិញ នោះលោកអ្នកត្រូវតែសម្រេចថា តើបុគ្គលមួយណានឹងចេញទៅធ្វើនូវអ្វីដែលក្រុមជំនុំទាំងមូលធ្វើ។ បើដូច្នោះមែន នោះបញ្ញត្តិនេះគឺសម្រាប់បុគ្គលនីមួយៗដូចគ្នា ហាក់បីដូចជាថា បញ្ញត្តិនោះគឺសំដៅទៅលើគាត់ផ្ទាល់តែម្ដង៖ តើចំណុចនេះមានន័យថាខ្ញុំផ្ទាល់ត្រូវទៅមែនឬ ឬក៏មានន័យថា ខ្ញុំផ្គត់ផ្គង់បេសកកម្មតាមរយៈអស់អ្នកដែលចេញទៅផ្ទាល់វិញ?

ដូច្នេះ ខ្ញុំគិតថាការធ្វើបែបនោះមិនដោះស្រាយចំណុចអនុវត្តផ្ទាល់ទាល់តែសោះ ក្នុងការលើកឡើងថា បញ្ញត្តិនេះគឺសំដៅទៅលើក្រុមជំនុំទាំងអស់។ នេះគឺជាការវែកញែកដំបូងរបស់ខ្ញុំលើសំណួរនេះ។ ខាងក្រោមនេះគឺជាការវែកញែកទី២។

មិនមែនថា គ្រប់គ្នាចេញទៅនោះទេ

នៅត្រង់នេះ យើងក៏ត្រូវវែកញែកឲ្យបានច្បាស់លាស់សិនដែរ៖ «តើនេះជាបញ្ជាបែបបុគ្គលពីព្រះយេស៊ូវ ដែលទ្រង់បានប្រទានទៅកាន់អ្នកជឿរៀងៗខ្លួនមែនឬ?»។ ប្រសិនបើយើងឆ្លើយថា «បាទ/ចាស» នោះយើងក៏ត្រូវតែបន្តវែកញែកឲ្យបានច្បាស់លាស់ដោយសួរថា៖ «តើលោកអ្នកមានន័យថា ព្រះយេស៊ូវបានបញ្ជាអ្នកជឿគ្រប់ៗរូបឲ្យធ្វើជាបេសកជនទៅមនុស្សជាតិជាមួយនឹងដំណឹងល្អ និងផ្ដោតលើការឆ្លងវប្បធម៌ និងឈោងចាប់មនុស្សជាតិទាំងអស់ ដែលតាមពិតទៅនោះគឺជាការផ្ដោតលើបញ្ញត្តិនៃមហាបេសកកម្ម (មិនដែលគ្រាន់តែសម្រាប់ការផ្សាយដំណឹងល្អតាមតំបន់នោះទេ)?»។

ចម្លើយលើសំណួរហ្នឹងគឺច្បាស់ណាស់៖ ទេ! ព្រះអង្គមិនបានរំពឹងទុកដូចនោះ ហើយក៏មិនបានបញ្ជាដូចនោះដែរ។ កណ្ឌគម្ពីរ (រ៉ូម ១៥) គឺជាភស្តុតាងមួយ ដែលត្រង់នេះសាវ័ក ប៉ុល កំពុងតែបបួលអស់អ្នកដែលនៅទីក្រុងរ៉ូមថាមិនឲ្យទៅស្រុកអេស្ប៉ាញជាមួយគាត់ ប៉ុន្តែឲ្យផ្គត់ផ្គង់ដល់គាត់ ខណៈពេលដែលគាត់ចេញទៅស្រុកអេស្ប៉ាញវិញ។

គាត់ដឹងថា អ្នកទាំងអស់នោះដែលគាត់កំពុងតែសរសេរសំបុត្រផ្ញើទៅទីក្រុងរ៉ូម—គ្រីស្ទបរិស័ទទាំងនោះដែលទទួលបានដំណឹងល្អ—មានការងារ។ ពួកគាត់មានទំនាក់ទំនងជាមួយនឹងអ្នកដទៃទៀត។ ដូច្នេះ គាត់មិនមែនហៅពួកគាត់ «ឱអស់អ្នកដែលជាអ្នកជឿពិតអើយ គ្រប់គ្នាសូមឡើងទូក ហើយចេញទៅស្រុកអេស្ប៉ាញជាមួយខ្ញុំ» នោះទេ។ គាត់កំពុងតែលើកឡើងថា «សូមផ្គត់ផ្គង់មកកាន់ខ្ញុំ ខណៈពេលដែលខ្ញុំចេញទៅ»។

ដូច្នេះ ព្រះគម្ពីរសញ្ញាថ្មីបានលើកឡើងយ៉ាងច្បាស់លាស់ថា ព្រះជាម្ចាស់មិនបានរំពឹងឲ្យបុគ្គលគ្រប់ៗរូបដែលបានឮអំពីមហាបេសកកម្មចេញទៅ ឆ្លងវប្បធម៌ ហើយធ្វើជាបេសកជននោះទេ។ ខ្ញុំគិតថាកណ្ឌគម្ពីរ (១ពេត្រុស ២:៩) បានណែនាំឲ្យអ្នកជឿគ្រប់ៗគ្នាប្រកាសអំពីភាពឧត្តុង្គឧត្តមរបស់ព្រះគ្រីស្ទ ក្នុងបណ្ដាញទំនាក់ទំនងរបស់ខ្លួន៖ «តែអ្នករាល់គ្នាជាពូជជ្រើសរើស ជាពួកសង្ឃហ្លួង ជាសាសន៍បរិសុទ្ធ ជារាស្ត្រដ៏ជាកេរ្តិ៍អាករនៃព្រះ ដើម្បីឲ្យអ្នករាល់គ្នាបានសម្ដែងចេញ ឲ្យឃើញអស់ទាំងលក្ខណៈរបស់ព្រះ ដែលទ្រង់បានហៅអ្នករាល់គ្នាចេញពីសេចក្តីងងឹត មកក្នុងពន្លឺអស្ចារ្យរបស់ទ្រង់»។

ប៉ុន្តែ ព្រះគម្ពីរសញ្ញាថ្មីក៏មិនបានថាឲ្យគ្រប់អ្នកជឿគួរឆ្លងវប្បធម៌ ហើយធ្វើជាបេសកជននោះទេ ដោយព្យាយាមឈោងចាប់អស់អ្នកដែលមិនទាន់បានជឿក្នុងនាមជាបេសកជននៅជួរមុខឡើយ។

ដរាបដល់អស់កល្ប

ដូច្នេះ ចូរយើងត្រឡប់ទៅមើលមហាបេសកកម្មបន្តិចក្នុងកណ្ឌគម្ពីរ (ម៉ាថាយជំពូក២៨)។ ប្រយោគដែលថា «ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍» (ខ១៩) គឺព្រះយេស៊ូវកំពុងតែសំដៅទៅលើពួកសាវ័កទាំង១១នាក់។ យើងឃើញអំពីការនេះនៅក្នុង(ខ១៦)។ យើងឃើញថាពួកសាវ័កទាំង១១នាក់បានមកជួបជុំគ្នា។

តម្រុយដែលព្រះយេស៊ូវមានសម្រាប់បញ្ញត្តិនេះគឺមិនមែនគ្រាន់តែសម្រាប់ពួកសាវ័កទាំង១១នាក់ទេ ប៉ុន្តែក៏សំដៅទៅលើក្រុមមនុស្សដែលនឹងរស់នៅយូរជាងពួកសាវ័កទាំង១១នាក់វិញ យើងឃើញតម្រុយនេះនៅក្នុងខ២០។ ដីកា ជំហរ និងការគាំទ្របញ្ញត្តិនេះ គឺសេចក្ដីសន្យាដែលថា «ហើយមើល ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ»។ ហើយព្រះអង្គបានប្រាប់ថាដីកានេះនឹងនៅយូរប៉ុណ្ណា៖ «ដរាបដល់បំផុតកល្ប»។

កិច្ចការនេះនឹងនៅបន្តមានយូរតាមដែលព្រះជាម្ចាស់សន្យាថានឹងជួយ ខណៈពេលដែលកិច្ចការនោះនៅមាន៖ «ខ្ញុំនឹងនៅជួយអ្នករាល់គ្នាជារាល់ថ្ងៃក្នុងកិច្ចការនេះ ដរាបដល់បំផុតកល្ប»។

ដូច្នេះ សំណួរសួរថា—ហើយគ្រប់ជំនាន់នៃអ្នកជឿក៏ត្រូវតែសួរសំណួរនេះដដែលៗដែរ—តើអ្នកណានឹងបន្តព័ន្ធកិច្ចនៅក្នុងសតវត្សរ៍បន្ទាប់? វាមិនគ្រប់គ្រាន់ទេក្នុងការលើកឡើងថា ទំនងបុគ្គលគ្រប់ៗរូប ឬក៏ក្រុមជំនុំទាំងមូលត្រូវបន្តព័ន្ធកិច្ចនេះ។ ចម្លើយនោះមិនគ្រប់គ្រាន់ទេ ពីព្រោះវាមិនបានឆ្លើយថាអ្នកណានឹងបន្តចេញទៅធ្វើឡើយ។

អ្នកណានឹងចេញទៅធ្វើ?

តើអ្នកណានឹងងើបឡើងចេញទៅ ហើយហ៊ានប្ដូរផ្ដាច់ជីវិតក្នុងការឈោងចាប់អស់អ្នកដែលមិនទាន់បានជឿនៅលើផែនដីនេះ? នេះគឺជាចំណុចសំខាន់។ បុគ្គលនីមួយៗមិនធ្វើការនោះទេ ហើយក្រុមជំនុំទាំងមូលក៏មិនធ្វើការនោះដែរ។ គឺបុគ្គលជាក់លាក់ណាម្នាក់ ដែលធ្វើការនោះ។

យើងសង្ឃឹមថាបុគ្គលជាក់លាក់នោះនឹងទទួលការផ្គត់ផ្គង់ពីបុគ្គលនីមួយៗ និងពីក្រុមជំនុំទាំងមូល។ គឺបុគ្គលនីមួយៗដែលនាំដំណឹងល្អឆ្លងវប្បធម៌ទៅកាន់អ្នកដទៃ។ តើពួកគាត់មកពីណា? តើពួកគាត់ជានរណា? តើពួកគាត់ឈានទៅដល់ចំណុចនោះដោយរបៀបណា? តើពួកគាត់ទទួលបានអំណាច អំណោយទាន ចំណេះដឹង និងការទ្រទ្រង់ខ្លួនដោយរបៀបណា?

នេះគឺជាចំណុចដែលខ្ញុំឃើញនៅក្នុងព្រះគម្ពីរដែលចង្អុលបង្ហាញទៅកាន់ចម្លើយ។ ព្រះយេស៊ូវបានមានបន្ទូលនៅក្នុង កណ្ឌគម្ពីរ (យ៉ូហាន ១០:១៥-១៦) ថា៖ «ខ្ញុំស៊ូប្តូរជីវិតខ្ញុំនឹងចៀម ខ្ញុំក៏មានចៀមឯទៀត ដែលមិនទាន់នៅក្នុងក្រោលនេះនៅឡើយ ត្រូវតែខ្ញុំនាំចៀមទាំងនោះមកដែរ វានឹងស្តាប់តាមសំឡេងខ្ញុំ នោះនឹងមានហ្វូងតែ១ និងអ្នកគង្វាលតែ១វិញ»។ បើនិយាយម្យ៉ាងទៀតទៅ ព្រះយេស៊ូវបានខ្ចាយព្រះលោហិតរបស់ទ្រង់—«ខ្ញុំស៊ូប្ដូរជីវិតខ្ញុំនឹងចៀម»—ដើម្បីប្រមូលចៀមឯទៀតរបស់ទ្រង់ ដែលមិនមែនជាសាសន៍យូដា ឲ្យចូលក្នុងក្រោលដែរ។

យោងតាមកណ្ឌគម្ពីរ (យ៉ូហាន ១១:៥២) ចៀមបានខ្ចាត់ខ្ចាយពាសពេញផែនដី ហើយព្រះអង្គត្រូវប្រមូលឲ្យពួកគាត់មកវិញ។ ព្រះអង្គបានប្ដូរជីវិតទ្រង់ ដើម្បីប្រមូលពួកគាត់។ បន្ទាប់មក ព្រះអង្គបានមានបន្ទូលថា «វានឹងស្ដាប់តាមសំឡេងខ្ញុំ»។ តើពួកគាត់នឹងស្ដាប់សំឡេងទ្រង់ដោយរបៀបណា? ពួកគាត់នឹងឮសំឡេងទ្រង់ តាមរយៈសំឡេងមនុស្ស ដែលនឹងប្រកាសសេចក្ដីពិតអំពីព្រះយេស៊ូវឲ្យពួកគាត់ដឹង។

ព្រះយេស៊ូវបានអធិស្ឋាននៅក្នុងកណ្ឌគម្ពីរ (យ៉ូហាន ១៧:២០)៖ «ទូលបង្គំមិនអធិស្ឋាន ឲ្យអ្នកទាំងនេះតែប៉ុណ្ណោះ គឺឲ្យដល់ទាំងអ្នកណា ដែលនឹងជឿដល់ទូលបង្គំ ដោយសារពាក្យរបស់គេថែមទៀតដែរ»។ យើងឃើញថា នៅទីណាដែលគេបានបន្ទរពាក្យពេចន៍របស់ពួកសាវ័ក តាមរយៈបបូរមាត់របស់ទូតព្រះយេស៊ូវ នោះមនុស្សម្នាក៏បានបើកចិត្តជឿដែរ។

ដូច្នេះ តើយើងអាចឈោងចាប់ជាតិសាសន៍ និងមនុស្សជាតិបានដោយរបៀបណា? គឺតាមរយៈអ្នកជឿដែលបើកមាត់ខ្លួន ដោយប្រកាសអំពីដំណឹងល្អដែលពួកសាវ័កផ្ញើទុកនៅក្នុងព្រះគម្ពីរសញ្ញាថ្មី ទាក់ទងទៅនឹងដំណឹងល្អរបស់ព្រះយេស៊ូវ។ ហើយតើអ្នកណាជាទូត ដែលឆ្លងកាត់វប្បធម៌នោះ? តើពួកគាត់ជាអ្នកណា? គឺបុគ្គលនីមួយៗ។

ការត្រាស់ហៅដ៏អាថ៌កំបាំង

នៅពេលនោះ ខ្ញុំបានបម្រើជាគ្រូគង្វាលអស់រយៈពេល៣៣ឆ្នាំ—ដោយមានបន្ទុកនេះ និងលើកឡើងនូវសំណួរនេះជាច្រើនដង ហើយរស់នៅដោយគិតអំពីអស់អ្នកដែលមិនទាន់ជឿពាសពេញផែនដី—អស់រយៈពេល៣៣ឆ្នាំនោះ គឺវាពិតជាអស្ចារ្យ ពេញដោយសិរីល្អ និងភាពស្អាតស្អំក្នុងកាលឃើញព្រះជាម្ចាស់តែងតាំងមនុស្សមួយចំនួនក្នុងចំណោមកូនៗរបស់ទ្រង់ ដែលមានការត្រាស់ហៅដ៏អស្ចារ្យផ្ទាល់ ឥតឈប់ឈរ មិនអាចបដិសេធបាន ទទួលការណែនាំពីព្រះគម្ពីរ ពេញវ័យខាងឯវិញ្ញាណ មានមូលដ្ឋានលើក្រុមជំនុំ ក្នុងការចេញទៅធ្វើព័ន្ធកិច្ចនៅជួរមុខ ឆ្លងវប្បធម៌សម្រាប់ប្រយោជន៍ព្រះគ្រីស្ទ។

ដូច្នេះ ចម្លើយសង្ខេបរបស់ខ្ញុំគឺថា៖ អ្នកដែលស្រឡាញ់ព្រះយេស៊ូវត្រូវតែស្រឡាញ់ ផ្គត់ផ្គង់ និងគាំទ្រមហាបេសកកម្ម ដូចដែលព្រះយេស៊ូវបានស្រឡាញ់ដែរ។ យើងមិនស្រឡាញ់ការនេះមិនបានទេ។

ក្នុងចំណោមអ្នកទាំងនេះ គឺក្នុងក្រុមជំនុំដែលប្រកាសដំណឹងល្អ ហើយបានលើកស្ទួយបន្ទុកបេសកកម្មឡើង នោះព្រះជាម្ចាស់នឹងត្រាស់ហៅទូតជួរមុខរបស់ទ្រង់ក្នុងរបៀបដែលពេញទៅដោយអាថ៌កំបាំង ការអស្ចារ្យ និងធ្វើឲ្យភ្ញាក់ផ្អើលជាមិនខាន។

និពន្ធដោយ៖ John Piper
បកប្រែដោយ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា, និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

១៨

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២៩៧

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៤១៩០

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៦៩

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២១

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។