តើមិត្តប្រុសរបស់អ្នកមានភាពចាស់ទុំគ្រប់គ្រាន់ឬនៅសម្រាប់អ្នក?

តើលោកអ្នកដែលគិតឬទេអំពីការលូតលាស់ខាងព្រលឹងវិញ្ញាណរបស់អនាគតស្វាមី ឬភរិយារបស់អ្នក?

២៤ កញ្ញា ២០២៣អានរយៈពេល ៥ នាទី

មើល៣៦៣ដង

សំណួរទី១៖ ជាការពិតណាស់ ព្រះគម្ពីរបង្គាប់ឲ្យគ្រីស្ទបរិស័ទរៀបការ «ក្នុងព្រះអម្ចាស់» ដែលនោះមានន័យថា រៀបការជាមួយគ្រីស្ទបរិស័ទផ្សេងទៀត។ ប៉ុន្តែ សព្វថ្ងៃនេះ ដោយសារគេងាយទទួលស្គាល់អ្នកដែលថាខ្លួនជាគ្រីស្ទបរិស័ទ ជាគ្រីស្ទបរិស័ទលឿនពេក ដូច្នេះយើងងាយនឹងកត់សម្គាល់អំពីការលូតលាស់ខាងឯវិញ្ញាណដែលថា៖ បុរស និងស្ត្រីគួរមានលក្ខណយ៉ាងដូចម្ដេចទើបអាចធ្វើជាប្ដី ឬប្រពន្ធបាន។

ជាការពិតណាស់ ខ្ញុំគិតថាអ្វីដែលលោកអ្នកកំពុងស្វែងរកគឺជាភាពម៉ត់ចត់មួយអំពីការលូតលាស់នៅក្នុងសេចក្ដីជំនឿរបស់បុគ្គលណាម្នាក់។

ការលូតលាស់ក្នុងការគោរពកោតខ្លាចព្រះ

ខ្ញុំគិតថារបៀបដែលក្រុមជំនុំពិតជាអាចបម្រើដល់ និងជួយដល់គ្រីស្ទបរិស័ទនៅលីវបាន ក្នុងការគិតពិចារណាអំពីចំណងអាពាហ៍ពិពាហ៍ និងការចែចង់បានគឺថា នៅក្នុងសម្ពន្ធនៃសហគមន៍នៅក្នុងសេចក្ដីជំនឿ បុគ្គលម្នាក់គួរតែស្គាល់ និងគួរតែមានអ្នកដទៃនៅជុំវិញពួកគាត់ដែលអាចនិយាយអំពីលក្ខណសម្បត្តិរបស់ពួកគាត់៖ មិនថាពួកគាត់កំពុងលូតលាស់នៅក្នុងព្រះអម្ចាស់ មិនថាពួកគាត់មានភាពម៉ត់ចត់អំពីការលូតលាស់នៅក្នុងព្រះអម្ចាស់ ឬក៏ថាតើពួកគាត់កំពុងសម្លាប់អំពីបាបនៅក្នុងជីវិតរបស់គាត់ឬក៏អត់។ នោះគឺជាអ្វីដែលលោកអ្នកគួរតែចង់ស្វែងយល់។ លោកអ្នកកំពុងសួរថា តើមានភាពម៉ត់ចត់នៅក្នុងបុគ្គលម្នាក់នេះក្នុងការលូតលាស់ក្នុងទំនាក់ទំនង ហើយក្នុងការយល់ដឹងរបស់ពួកគាត់ជាមួយព្រះអម្ចាស់ដែរឬទេ?

ដោយសារអ្វីដែលខ្ញុំបានឃើញនោះគឺជារឿងសោកស្ដាយណាស់ត្រង់ថា គ្រីស្ទបរិស័ទនៅលីវ ពួកគេនឹងមកដល់ចំណុចមួយដែលត្រូវការខ្លាំង ជាពិសេសសម្រាប់ស្ត្រីវ័យក្មេង ហើយពួកគាត់នឹងលើកឡើងថា «មិនអីទេ គាត់ជាគ្រីស្ទបរិស័ទ គាត់ក៏មកព្រះវិហារដែរ»។ ហើយអ្វីដែលពួកគេកំពុងនិយាយនោះគឺថា ពួកគេមកព្រះវិហារតែពីរទៅបីដងក្នុងមួយខែ ប៉ុន្តែនៅពេលមិនមកថ្វាយបង្គំវិញ ពួកគេមិនមានភាពម៉ត់ចត់អំពីការលូតលាស់ក្នុងការយល់ដឹងពីព្រះអម្ចាស់ ឬការរីកចម្រើនក្នុងការយល់ដឹងពីព្រះគម្ពីរ ឬក៏ជាបុគ្គលដែលចំណាយពេលអធិស្ឋាននោះទេ។ មិនមានភាពរស់រាន ឬក៏ការស្លាប់ពិតប្រាកដណាមួយដែលគេអាចរកឃើញក្នុងបុគ្គលបែបនេះ ហើយក៏គ្មាននរណាម្នាក់ស្គាល់ពួកគេគ្រប់គ្រាន់ក្នុងការនិយាយអំពីភាពរីកចម្រើននៅក្នុងអត្តចរិតរបស់ពួកគេបានឡើយ។

ដូច្នេះ ខ្ញុំគិតថា នេះគឺជាអ្វីដែលលោកអ្នកកំពុងស្វែងរក៖ តើបុគ្គលនោះមានភាពម៉ត់ចត់ណាមួយទាក់ទងនិងការលូតលាស់ក្នុងអ្វីដែលទាក់ទងនឹងព្រះអម្ចាស់ដែរឬទេ?

ភាពជាសិស្សក្នុងសហគមន៍

ជាការអនុវត្ត៖ ពួកគាត់បានចូលរួមនៅក្នុងជីវិតរបស់ក្រុមជំនុំ។ ពួកគាត់បានស្វែងរកអ្នកដទៃ ដើម្បីនិយាយណែនាំមកកាន់ជីវិតរបស់ខ្លួន។ ពួកគាត់ទទួលបានការបង្រៀនក្នុងភាពជាសិស្ស មិនថាតាមរយៈខ្លួនឯង ឬក៏អ្នកដទៃនោះទេ។ ដូច្នេះ ពួកគាត់មានចំណែកក្នុងក្រុមជំនុំទាក់ទងនិងភាពជាសិស្ស ឬក៏ពួកគាត់អាចស្វែងរកអ្នកចាស់ទុំជាង ហើយអញ្ជើញគាត់ក្នុងការនិយាយណែនាំមកកាន់ជីវិតរបស់គាត់បានដែរ។

ហើយខ្ញុំគិតថា ប្រសិនបើពួកគាត់មានចំណែកដូចដែលបានលើកឡើងខាងលើ នោះជារង្វាស់ដែលមានសុវត្ថិភាពជាងដែលថា ពួកគាត់គូសចំណាំលើព្រះគម្ពីរ ការស្គាល់ព្រះគម្ពីរ ឬក៏ការដែលលោកអ្នកឃើញពួកគាត់នៅពេលថ្វាយបង្គំរៀងរាល់សប្ដាហ៍ទៀតផង។

និពន្ធដោយ៖ លោកគ្រូ Matt Chandler
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោកស្រី ឡូញ ស្រីរដ្ឋ, លោក ខែម បូឡុង, លោក ឯក សត្យា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៨៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៧

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម