គ្រាចុងក្រោយ

ព្រះជាម្ចាស់បានប្រទានទំនាយទាំងអស់នេះមកកាន់យើង ពីព្រោះទ្រង់មិនសព្វព្រះហទ័យឲ្យមនុស្សយើងវិនាសឡើយ ហើយព្រះអង្គតែងតែព្រមានជាច្រើនលើកច្រើនសារមុនទ្រង់ចាក់សេចក្ដីក្រោធរបស់ព្រះអង្គមកលើយើងទៀតផង (២ពេត្រុស ៣:៩)។

៣០ មីនា ២០២០អានរយៈពេល ៩ នាទី

មើល២០៧៧ដង

ព្រះ

គម្ពីរបានថ្លែងជាទំនាយអំពីព្រឹត្តិការណ៍ជាច្រើនដែលនឹងកើតឡើងក្នុងគ្រាចុងក្រោយ។ យើងអាចសង្ខេបព្រឹត្តិការណ៍ទាំងនោះទៅជា ទីសម្គាល់ពីធម្មជាតិ ខាងឯព្រលឹងវិញ្ញាណ ក្នុងសង្គម អេឡិចត្រូនិក និងទីសម្គាល់ខាងឯនយោបាយ។ យើងអាចពិនិត្យមើលអ្វីដែលព្រះគម្ពីរបានលើកឡើងអំពីព្រឹត្តិការណ៍ទាំងនេះ ហើយប្រសិនបើមានទីសម្គាល់ជាច្រើន នោះយើងអាចសន្មតថា ពិតណាស់យើងកំពុងតែរស់នៅក្នុងគ្រាចុងក្រោយមែនហើយ។

ពីធម្មជាតិ

កណ្ឌគម្ពីរ លូកា ២១:១១ បានរៀបរាប់ពីទីសម្គាល់ពីធម្មជាតិដែលនឹងកើតឡើងមុនព្រះយេស៊ូវយាងមកជាលើកទី២៖ «នឹងមានរញ្ជួយផែនដីជាខ្លាំង និងអំណត់ ហើយអាសន្នរោគនៅកន្លែងផ្សេងៗ ទាំងមានហេតុនាំឲ្យភ័យ និងទីសម្គាល់យ៉ាងធំពីលើមេឃផង» (គកស)។ ខណៈពេលដែលយើងមិនគួរកាត់ស្រាយថារាល់គ្រោះមហន្តរាយគឺជាទីសម្គាល់នៃគ្រាចុងក្រោយ នោះយើងអាចនៅដឹងបានថាគ្រោះមហន្តរាយធម្មជាតិគឺហាក់បីដូចជាការកំដៅ [សាច់ដុំ] នូវអ្វីដែលនឹងកើតឡើងជាបន្តបន្ទាប់—«ឈឺចាប់ហៀបនឹងសម្រាលកូន» ដូចដែលព្រះយេស៊ូវបានលើកឡើងអំពីការនោះ (ម៉ាថាយ ២៤:៨)។

ខាងឯវិញ្ញាណ

ព្រះគម្ពីរបានលើកឡើងអំពីទីសម្គាល់ខាងឯវិញ្ញាណទាំងបែបវិជ្ជមាន និងអវិជ្ជមាន។ តាមរយៈកណ្ឌគម្ពីរ ២ធីម៉ូថេ ៤:៣-៤ យើងឃើញថា នឹងមានមនុស្សជាច្រើនដែលនឹងដើរតាមគ្រូខុសឆ្គង។ សព្វថ្ងៃនេះ យើងសង្កេតឃើញថា មានក្រុមអ្នកជឿងប់ងុល ក្រុមបង្រៀនខុសឆ្គង ក្រុមបោកបញ្ឆោត និងសាសនាជាច្រើនដែលកំពុងតែងើបឡើង ហើយមនុស្សជាច្រើននាក់ក៏ជ្រើសរើសដើរតាមទស្សនៈទំនើប ឬក៏ក្រុមសាសនាទាំងនោះ។ បើនិយាយតាមបែបវិជ្ជមាន៖ យើងសង្កេតឃើញហើយថា កណ្ឌគម្ពីរ យ៉ូអែល ២:២៨-២៩ បានទាយថានឹងមានពេលដែលព្រះវិញ្ញាណបរិសុទ្ធនឹងត្រូវបានចាក់មកលើមនុស្សយើង។ នៅថ្ងៃបុណ្យ ៥០ ព្រះអង្គបានបំពេញ [ផ្នែកមួយចំនួននៃ] ទំនាយរបស់ហោរា យ៉ូអែល (កិច្ចការ ២:១៦) ហើយយើងក៏នៅតែបន្តឃើញឥទ្ធិពលនៃការចាក់ពីព្រះវិញ្ញាណបរិសុទ្ធក្នុងការដែលមនុស្សយើងបំផ្លាស់បំប្រែចិត្ត ហើយមានចលនាគ្រីស្ទបរិស័ទដែលដឹកនាំដោយព្រះវិញ្ញាណ ហើយនៅក្នុងការប្រកាសដំណឹងល្អពាសពេញពិភពលោកផងដែរ។

ខាងឯសង្គម

អមគ្នាជាមួយនឹងទីសម្គាល់ពីធម្មជាតិ និងខាងឯវិញ្ញាណ យើងក៏នៅមានទីសម្គាល់ខាងឯសង្គមផងដែរ។ ការប្រព្រឹត្តល្មើសខាងឯសីលធម៌ក្នុងសង្គមយើងសព្វថ្ងៃនេះគឺជាចំណុចសម្គាល់នៃការដែលមនុស្សយើងបះបោរទាស់នឹងព្រះជាម្ចាស់។ ការពន្លូតកូនចោល ការរួមភេទជាមួយនឹងភេទដូចគ្នា ការញៀនគ្រឿងញៀន និងការរំលោភបំពានសិទ្ធិកុមារៗ ទាំងនេះគឺជាភស្តុតាងដែលថា «មនុស្សអាក្រក់ និងពួកបោកប្រាស់ គេចេះតែប្រព្រឹត្តអាក្រក់កាន់តែខ្លាំងឡើងៗ» (២ធីម៉ូថេ ៣:១៣)។ ឥឡូវនេះ យើងកំពុងតែរស់នៅក្នុងសង្គមសប្បាយនិយម និងសម្ភារៈនិយម។ មនុស្សយើងបានក្លាយជាអ្នកស្រឡាញ់ខ្លួនឯង—«ឲ្យតម្លៃលើខ្លួនឯងថាជាលេខ១»—ហើយក៏កំពុងតែធ្វើនូវអ្វីដែលគិតថា ត្រូវក្នុងកែវភ្នែករបស់ខ្លួន។ សព្វថ្ងៃនេះ យើងអាចឃើញនូវចំណុចទាំងអស់នោះ និងចំណុចជាច្រើននានាទៀត នៅជុំវិញយើង (សូមអានបន្ថែមក្នុងកណ្ឌគម្ពីរ ២ធីម៉ូថេ ៣:១-៤)។

អេឡិចត្រូនិក

មុនមានយុគសម័យគ្រឿងអេឡិចត្រូនិកទំនើបៗដូចសព្វថ្ងៃនេះ ការទាយពីគ្រាចុងក្រោយហាក់បីដូចជាមិនអាចកើតឡើងបានឡើយ។ ការថ្កោលទោសមួយចំនួនក្នុងកណ្ឌគម្ពីរវិវរណៈហាក់បីដូចជាអាចនឹងកើតមានឡើងក្នុងយុគសម័យនុយក្លេអ៊ែរឥឡូវនេះ។ ក្នុងកណ្ឌគម្ពីរវិវរណៈជំពូក១៣ យើងឃើញថា អាទទឹងនឹងគ្រប់គ្រងលើទីផ្សារដោយបង្ខំមនុស្សឲ្យមានទីសម្គាល់គឺជាឈ្មោះរបស់សត្វនោះ ហើយអាស្រ័យទៅលើឌីសកុំព្យូទ័រក្នុងគ្រឿងអេឡិចត្រូនិកដែលមានសព្វថ្ងៃនេះវាអាចទំនងជាកំពុងតែប្រើប្រាស់ទីសម្គាល់នោះរួចបាត់ទៅហើយ។ តាមរយៈប្រព័ន្ធអ៊ីនធឺណិត វិទ្យុ និងទូរទស្សន៍ នោះយើងក៏អាចផ្សព្វផ្សាយដំណឹងល្អពាសពេញផែនដីនេះដែរ (ម៉ាកុស ១៣:១០)។

ខាងឯនយោបាយ

ហើយក៏មានទីសម្គាល់ខាងឯនយោបាយដែរ។ ការដែលសាសន៍អ៊ីស្រាអែលត្រូវបានបង្កើតឡើងជាជាតិសាសន៍ក្នុងទឹកដីរបស់ពួកគេនៅឆ្នាំ ១៩៤៨ គឺជាការបំពេញទំនាយដែលគួរឲ្យចាប់អារម្មណ៍ខ្លាំងជាងគេ ដែលជាភស្តុតាងថា យើងកំពុងតែរស់នៅក្នុងគ្រាចុងក្រោយនេះហើយ។ មុនឈានដល់សតវត្សរ៍ទី២០ គ្មាននរណាដែលនឹកដល់ថា សាសន៍អ៊ីស្រាអែលនឹងត្រឡប់ទៅទឹកដីរបស់ពួកគេបានទេ ហើយថែមទាំងយកទឹកដីនៃក្រុងយេរូសាឡឹមទៀតផង។ ប្រាកដណាស់! ក្រុងយេរូសាឡឹមគឺជាទឹកដីកណ្ដាលនៃនយោបាយ ហើយក៏នឹងឈរតែឯងក្នុងការទាស់ប្រឆាំងនឹងខ្មាំងសត្រូវជាច្រើន ដូចដែលកណ្ឌគម្ពីរ សាការី ១២:២ បានគាំទ្រអញ្ចឹងដែរ៖ «នៅថ្ងៃនោះ យើងនឹងធ្វើឲ្យក្រុងយេរូសាឡឹមធ្ងន់ដូចជាថ្ម សម្រាប់មនុស្សទាំងអស់ អ្នកណាដែលលើកថ្មនោះ នឹងត្រូវរបួសធ្ងន់ ហើយគ្រប់ទាំងសាសន៍នៅផែនដី នឹងមូលគ្នាទាស់នឹងទីក្រុងនោះ»។ កណ្ឌគម្ពីរ ម៉ាថាយ ២៤:៦-៧ ក៏បានទាយទុកផងដែរថា «សាសន៍មួយនឹងលើកគ្នាទាស់នឹងសាសន៍មួយ នគរមួយទាស់នឹងនគរមួយ»។ «អ្នករាល់គ្នានឹងឮអំពីសង្គ្រាម និងដំណឹងអំពីសង្គ្រាម» វាពិតជាស្ថានភាពនៃយុគសម័យបច្ចុប្បន្ននេះមែន។

ទាំងនេះគឺគ្រាន់តែជាទីសម្គាល់មួយចំនួនប៉ុណ្ណោះដែលបញ្ជាក់ថា យើងកំពុងតែរស់នៅក្នុងសម័យនៃគ្រាចុងក្រោយប៉ុណ្ណោះ។ នៅមានទីសម្គាល់ជាច្រើនទៀត។ ព្រះជាម្ចាស់បានប្រទានទំនាយទាំងអស់នេះមកកាន់យើង ពីព្រោះទ្រង់មិនសព្វព្រះហទ័យឲ្យមនុស្សយើងវិនាសឡើយ ហើយព្រះអង្គតែងតែព្រមានជាច្រើនលើកច្រើនសារមុនទ្រង់ចាក់សេចក្ដីក្រោធរបស់ព្រះអង្គមកលើយើងទៀតផង (២ពេត្រុស ៣:៩)។

តើយើងកំពុងរស់នៅក្នុងគ្រាចុងក្រោយមែនឬ? គ្មាននរណាដឹងថា ព្រះយេស៊ូវនឹងយាងត្រឡប់មកវិញពេលណានោះទេ ប៉ុន្តែគ្រាឆក់យកនឹងកើតឡើងក្នុងមួយរំពេចណាក៏ថាបានដែរ។ ព្រះជាម្ចាស់នឹងកាត់ទោសលើអំពើបាបដោយយោងលើព្រះគុណ ឬក៏សេចក្តីក្រោធ។ កណ្ឌគម្ពីរ យ៉ូហាន ៣:៣៦ បានលើកឡើងថា «អ្នកណាដែលជឿដល់ព្រះរាជបុត្រា អ្នកនោះមានជីវិតអស់កល្បជានិច្ច តែអ្នកណាដែលមិនព្រមជឿដល់ព្រះរាជបុត្រាវិញ អ្នកនោះនឹងមិនឃើញជីវិតឡើយ គឺសេចក្តីក្រោធរបស់ព្រះ តែងនៅជាប់លើអ្នកនោះជានិច្ច»។ អស់អ្នកណាដែលមិនទទួលយកព្រះយេស៊ូវគ្រីស្ទថាជាព្រះអង្គសង្គ្រោះរបស់ខ្លួននឹងស្ថិតក្រោមសេចក្ដីក្រោធរបស់ព្រះអម្ចាស់។

ដំណឹងល្អគឺថា វាមិនទាន់ហួសពេលទេក្នុងការជ្រើសរើសយកជីវិតដ៏នៅអស់កល្បជានិច្ច។ អ្វីដែលជាការទាមទារគឺ៖ ទទួលយកតាមរយៈជំនឿនូវអំណោយទានដ៏ឥតគិតថ្លៃនៃព្រះគុណរបស់ព្រះជាម្ចាស់។ លោកអ្នកមិនអាចធ្វើអ្វីបានទេ ដើម្បីទិញព្រះគុណ។ ព្រះយេស៊ូវបានបង់ថ្លៃសម្រាប់លោកអ្នកហើយ (រ៉ូម ៣:២៤)។ តើលោកអ្នកបានត្រៀមខ្លួនជាស្រេចហើយឬនៅអំពីការយាងមកវិញរបស់ព្រះអម្ចាស់? ឬក៏ថា តើលោកអ្នកនឹងស្ថិតក្រោម សេចក្ដីក្រោធរបស់ទ្រង់វិញ?

និពន្ធដោយ៖ ក្រុម QotQuestions
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ផុន ស្រីអែម និងលោក ប៊ុន ធីម៉ូថេ
ដកស្រង់ខ្លះៗ និងកែសម្រួលចេញពី www.gotquestions.org ដោយមានការអនុញ្ញាត។

តើអ្នកគិតយ៉ាងណា?

៩ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៥

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១០៥

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២១៨៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៤៨

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៤

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម