រៀនអត់ទោស

លោកស្រី ស៊ូសាន ហ្សេសេ (Susanne Geske) បានបង្ហោះព័ត៌មានដែលមានការចាប់អារម្មណ៍ពីសំណាក់អន្តរជាតិយ៉ាងខ្លាំងនៅពេលព្រឹកមួយ បន្ទាប់ពីបុរសមូស្លីមប្រាំមួយនាក់បានចាប់ចងប្ដីនាង និងធ្វើទារុណកម្មរហូតដល់ស្លាប់ ដោយសារតែគាត់ជាគ្រីស្ទបរិស័ទ។ បន្ទាប់ពីចាកចេញពីប៉ុស្តិ៍ប៉ូលិស នាងបានបង្ហោះសារមួយថា «ខ្ញុំអត់ទោស ដល់អស់អ្នកដែលបានសម្លាប់ប្ដីខ្ញុំដូចជាព្រះគ្រីស្ទបានអត់ទោសអស់អ្នកដែលបានឆ្កាងទ្រង់ដែរ។ "ឱព្រះវរបិតាអើយ សូមអត់ទោសអ្នកទាំងនេះផង ដ្បិតគេមិនដឹងជាគេធ្វើអ្វីទេ”»។

៧ មករា ២០២៥អានរយៈពេល ១២ នាទី

មើល២៧៣ដង

លោកស្រី ស៊ូសាន ហ្សេសេ (Susanne Geske) បានបង្ហោះព័ត៌មានអន្តរជាតិពេលព្រឹកមួយ បន្ទាប់ពីបុរសមូស្លីមប្រាំមួយនាក់បានចាប់ចង និងធ្វើទារុណកម្មប្ដីនាងរហូតដល់ស្លាប់ ដោយសារតែគាត់ជាគ្រីស្ទបរិស័ទ។ បន្ទាប់ពីចាកចេញពីប៉ុស្តិ៍ប៉ូលិស អ្នកស្រីបានបង្ហោះសារមួយថា «ខ្ញុំអត់ទោស ដល់អស់អ្នកដែលបានសម្លាប់ប្ដីខ្ញុំដូចជាព្រះគ្រីស្ទបានអត់ទោសអស់អ្នកដែលបានឆ្កាងទ្រង់ដែរ។ "ឱព្រះវរបិតាអើយ សូមអត់ទោសអ្នកទាំងនេះផង ដ្បិតគេមិនដឹងជាគេធ្វើអ្វីទេ”»។ សាររបស់អ្នកស្រីបានធ្វើឲ្យមានការហៅទូរស័ព្ទ និងផ្ញើសំបុត្ររាប់ពាន់ទៅកាន់ការចាក់ផ្សាយនៃស្ថានីយទូរទស្សន៍ក្នុងប្រទេសទួរគី សួររកព័ត៌មានបន្ថែមអំពីរបៀបផ្លាស់ប្ដូរពីសាសនាឥស្លាមទៅជាសាសនាគ្រីស្ទវិញ។

ភាគច្រើន យើងមិនមានប្ដី ឬប្រពន្ធដែលត្រូវគេចាប់ខ្លួនដោយកងទ័ពបដិវត្តន៍នោះទេ។ ប៉ុន្តែ យើងអាចនឹងរងគ្រោះមិនថាតិច (ឬច្រើន) ដូចជា៖ យើងប្រហែលជាត្រូវគេធ្វើបាបនៅកន្លែងធ្វើការ មិត្តភក្ដិខ្លះអាចក្បត់យើង ហើយប្ដីប្រពន្ធខ្លះអាចនឹងចុះចោលគ្នា កូនៗរបស់យើង ក៏ប្រហែលជាមិនអើពើនឹងយើងផងដែរ។ នៅក្នុងពិភពលោកដែលបានធ្លាក់ក្នុងអំពើបាប យើងទាំងអស់គ្នាអាចនឹងប្រឈមនឹងការឈឺចាប់ទាក់ទងនឹងទំនាក់ទំនងផ្សេងៗ។ ជាញយដង រឿងរ៉ាវតូចៗមួយចំនួនអាចនឹងរំខានយើងដូចជា៖ ទម្លាប់ចាយវាយមិនល្អ មាត់រហ័ស មិនចេះយល់ពីអារម្មណ៍របស់អ្នកដទៃ ឬមិនចេះជួយធុរៈក្នុងផ្ទះជាដើម។

អ្វីដែលគួរឲ្យចាប់អារម្មណ៍នោះគឺថា គ្រីស្ទបរិស័ទភាគច្រើនដែលខ្ញុំបាននិយាយជាមួយ ពួកគេបានដឹងថាមានសេចក្ដីបង្គាប់ឲ្យអត់ទោសទៅកាន់អ្នកដទៃ ប៉ុន្តែមានមនុស្សតិចណាស់ដែលយល់ថា ហេតុអ្វីបានជាពួកគេត្រូវអត់ទោស។ ដូច្នេះ យើងនឹងមើលទៅកាន់អត្ថបទគម្ពីរអំពីអត្ថន័យនៃការអត់ទោស ហើយមូលហេតុយើងត្រូវអត់ទោស៖

ទីមួយ ការអត់ទោសចាប់ផ្ដើមជាមួយនឹងរបៀបដែលយើងគិត។

នៅក្នុងកណ្ឌគម្ពីរ អេភេសូរ ៤:៣២ សាវ័ក ប៉ុល បានប្រើពាក្យ «ចិត្តទន់សន្ដោស» ដើម្បីសំដៅលើការអត់ទោស ហើយពាក្យជាភាសាក្រិកវិញមានន័យថា មានដួងចិត្តដែលចេះយោគយល់ទោះស្ថិតក្រោមសំពាធក្ដី។ យើងទទួលបានរូបភាពមួយដែលគួរឲ្យព្រួយបារម្ភថានឹងកើតឡើង នៅពេលយើងលែងមានដួងចិត្តអាណិតអាសូរ នៅក្នុងកណ្ឌគម្ពីរ ម៉ាថាយ ១៩:៨ ដែលព្រះយេស៊ូវមានបន្ទូលថា៖ ការលែងលះកើតឡើង «គឺដោយព្រោះតែចិត្តអ្នករាល់គ្នារឹងរបឹងប៉ុណ្ណោះ»។

ដូច្នេះ ការចេះគ្រប់គ្រងការគិតពីបុគ្គលដែលធ្វើបាបទាស់នឹងយើងគឺជាចំណុចសំខាន់មួយនៃការអត់ទោស។ បន្ទាប់ពី យើងបានទទួលរងនូវការឈឺចាប់ហើយ ទំនោរធម្មជាតិរបស់យើងគឺវាយបកទៅគេវិញ ឬបង្ហាញក្នុងរបៀបមួយដែលមិនឲ្យតម្លៃបុគ្គលម្នាក់នោះ។ ប៉ុន្តែ ការអត់ទោស គឺជាការបង្ហាត់គំនិតយើងកុំឲ្យមានការឆ្លើយតបដោយអវិជ្ជមាន។

ទីពីរ ការអត់ទោសស្ដែងចេញពីអ្វីដែលយើងជ្រើសរើស។

មានប្រស្នាប្រៀបធៀបដ៏ល្បីមួយរបស់ព្រះគ្រីស្ទអំពីកូនពៅវង្វេង ដែលបានយកមរតករបស់ឪពុក ហើយបានខ្ជះខ្ជាយទៅលើពិធីជប់លៀងសប្បាយ។ ពេលកូនពៅត្រឡប់មកវិញតាមផ្លូវ ឪពុកបានត្រៀមខ្លួនរួចជាស្រេច ដើម្បីនឹងអត់ទោស និងរត់ទៅឱប ហើយធ្វើពិធីជប់លៀងជាមួយគ្រួសារគាត់។ នេះគឺជារូបភាពមួយនៃព្រះវរបិតារបស់យើងដែលគង់នៅស្ថានសួគ៌ ព្រះអង្គមិនជ្រើសរើសអាក់អន់ព្រះទ័យនោះឡើយ។

បន្ទាប់ពីយើងរងគ្រោះដោយពាក្យសម្ដី ឬសកម្មភាពណាមួយ នោះមានការបង្ខូចកុងត្រា ដែលមិនបានសរសេរចុះជាមិនខាន។ រាល់ទំនាក់ទំនងគឺជាកុងត្រានៃការសន្យា កុងត្រានៃព្រំដែន ឬជាគម្រោងការ។ ទោះបីដឹង ឬមិនដឹងខ្លួនក្ដី កុងត្រាទាំងនោះមានពិតមែន ឧទាហរណ៍៖ «ពួកគេនឹងយកចិត្តទុកដាក់ចំពោះខ្ញុំ» ឬ «ពួកគេនឹងមិនចាកចេញពីខ្ញុំ» ឬ «ពួកគេនឹងស្មោះត្រង់ជាមួយខ្ញុំ»។ ដូច្នេះ នៅពេលដែលមានភាគី «ក» បំពានកិច្ចសន្យា នោះភាគី «ខ» នឹងខឹងសម្បារដោយបាត់បង់ការគ្រប់គ្រងចិត្ត (ដោយសារគាត់បានក្លាយជាជនរងគ្រោះ) ហើយការឆ្លើយតបតាមធម្មជាតិរបស់យើង (សាច់ឈាម) គឺជ្រើសរើសវាយបក ឬក៏រត់គេចចេញ។

ប៉ុន្តែ សេចក្ដីជំនឿគឺជាជម្រើសទី៣ដែលព្រះគម្ពីរបានបង្គាប់មក វាជាជម្រើសក្នុងការទុកចិត្តលើព្រះជាម្ចាស់ ដែលបានអនុញ្ញាតឲ្យការអាក្រក់នោះកើតឡើង ដើម្បីសម្រេចនូវទីបញ្ចប់ដ៏ល្អ (សូមមើល លោកុប្បត្ដិ ៤៥:៥)។ ហើយការជ្រើសរើសនេះ ក្នុងការឆ្លើយតបដោយមានជំនឿនឹងបណ្ដាលឲ្យភាគី «ខ» មានការគ្រប់គ្រងចិត្ត ទោះបីជាវាលំបាកក៏ដោយ ក៏យើងនឹងជ្រើសរើសអត់ទោស ដោយមិនអនុញ្ញាតឲ្យការដែលមិនរក្សាសេចក្ដីសន្យាបន្តបង្កឲ្យមានបញ្ហាកាន់តែច្រើនឡើងថែមទៀតឡើយ។

ចុងក្រោយ ការអត់ទោសមានការគាំទ្រពីអ្វីដែលយើងលះបង់។

កណ្ឌគម្ពីរកិច្ចការជំពូក៧បានលើកយករឿងដែលគួរឲ្យចាប់អារម្មណ៍អំពីបុគ្គលដែលស៊ូរងទុក្ខរហូតដល់ស្លាប់ព្រោះតែសេចក្ដីជំនឿដំបូងគេនៅក្នុងព្រះគម្ពីរ។ លោក ស្ទេផាន ត្រូវគេគប់សម្លាប់ដោយដុំថ្ម ហើយគាត់ស្រែកឡើងថា «ឱព្រះអម្ចាស់យេស៊ូវអើយ សូមទទួលវិញ្ញាណទូលបង្គំផង… សូមកុំរាប់បាបនេះដល់គេឡើយ» បន្ទាប់មក លោកក៏ស្លាប់បាត់ទៅ។ ព្រះគម្ពីរប្រាប់យើងផងដែរថា កាលមិនទាន់បានទទួលការសង្គ្រោះនៅឡើយ នោះសាវ័ក ប៉ុល បានឈរកាន់អាវធំឲ្យអ្នកដែលកំពុងគប់ដុំថ្មទាំងនោះ។

យើងអាចស្រមៃឃើញថា សាវ័ក ប៉ុល បានលុតជង្គង់មុនគេនៅចំពោះព្រះភក្ត្រព្រះយេស៊ូវពេលលោកទៅជួបទ្រង់។ ហើយយើងក៏ប្រហែលជាអាចគិតថា បន្ទាប់មកគាត់នឹងទៅរកលោក ស្ទេផាន ហើយក៏ប្រហែលជាសុំការអភ័យទោស ចំពោះទង្វើនៃការឈឺចាប់ ដែលគាត់បានចូលរួមប្រព្រឹត្ត។ យ៉ាងណាមិញ លោក ស្ទេផាន ប្រហែលនឹងរម្លឹកប្រាប់សាវ័ក ប៉ុល ដ្បិតមុនពេលរៀបនឹងស្លាប់លោកបានអធិស្ឋានថា៖ កុំឲ្យទ្រង់រាប់បាបនឹងសាវ័ក ប៉ុល ឡើយ។ តើព្រះគ្រីស្ទមិនបានឆ្លើយតប ដោយធ្វើឲ្យសាវ័ក ប៉ុល ក្លាយទៅជាបេសកជនដ៏អស្ចារ្យម្នាក់នៅលើផែនដីដែរឬទេ?

ចំណុចសំខាន់គឺថា ការអត់ទោសគឺជាការទម្លាក់ចោលការសងសឹកគ្នានៅលើផែនដី ដោយទុកចិត្តលើការវិនិច្ឆ័យរបស់ព្រះជាម្ចាស់នៅឯស្ថានសួគ៌វិញ។ ការអត់ទោសគឺជាការទម្លាក់ចោលដាវនៃការសងសឹកផ្ទាល់ខ្លួនរបស់យើងចុះ ហើយទុកចិត្តលើព្រះជាម្ចាស់ដែលមានផែនការល្អប្រសើរជាងនោះ។ ហេតុអ្វីបានជាយើងអាចអត់ទោសតាមវិធីនេះបាន?

១. យើងអាចអត់ទោសបាន ដោយសារតែព្រះគ្រីស្ទបានអត់ទោសឲ្យយើងមុន។

បន្ទាប់ពីស្ដេច ដាវីឌ បានប្រព្រឹត្តអំពើកំផិតជាមួយនឹងនាង បាតសេបា ហើយបានសម្លាប់ប្ដីរបស់នាង ទ្រង់បានសរសេរនៅក្នុងទំនុកតម្កើងជំពូក៥១ ថា «ទូលបង្គំបានធ្វើបាបនឹងទ្រង់ហើយ គឺនឹងទ្រង់តែ១ព្រះអង្គ…»។ សំណេររបស់ស្ដេច ដាវីឌ បានបង្ហាញថា ទោះបីជាទ្រង់បានធ្វើបាបដល់មនុស្ស នោះគឺទ្រង់កំពុងតែទាស់នឹងព្រះជាម្ចាស់ផ្ទាល់។ ចំពោះយើងវិញក៏ដូចគ្នាដែរ តាំងពីមុនយើងប្រព្រឹត្តអំពើបាបទាស់ប្រឆាំងនឹងអ្នកដទៃ នោះយើងបានប្រឆាំងទាស់នឹងព្រះជាម្ចាស់រួចទៅហើយ ប៉ុន្តែទ្រង់នៅតែអត់ទោសឲ្យយើង។ ពេលយើងដឹងថា ព្រះជាម្ចាស់បានបង្កើត បានជ្រើសរើស បានសុគតជំនួសយើង និងបានអត់ទោសបាបដល់យើង—ដោយឡែកពីអ្វីដែលយើងធ្វើផ្ទាល់—យើងនឹងមានចិត្តក្ដួលអាណិតដល់អ្នកដទៃទៀតផងដែរ។

២. យើងអាចអត់ទោសបាន ដោយព្រះគ្រីស្ទបានអត់ទោសឲ្យយើងទាំងស្រុងហើយ។

កណ្ឌគម្ពីរទំនុកតម្កើងជំពូក១០៣បានរម្លឹកយើងថា ទ្រង់បានអត់ទោសរាល់អំពើបាបរបស់យើងដូចជា «ទិសខាងកើតឆ្ងាយពីទិសខាងលិចប៉ុណ្ណា»។ ព្រះអង្គជ្រាបអ្វីៗទាំងអស់ ប៉ុន្តែទ្រង់តែងជ្រើសរើសបំភ្លេចអំពើបាបយើង។ នេះជាសេចក្ដីពិតដ៏អស្ចារ្យមួយ។ ជាច្រើនដង យើងអធិស្ឋានដោយនៅចាំអំពីបាបរបស់យើង ទាំងជាប់នៅក្នុងបន្ទុកបញ្ហា ភាពអាម៉ាស់ និងរម្លឹកពីអំពើបាបញឹកញាប់ប៉ុណ្ណា! ទោះជាយ៉ាងណា ព្រះជាម្ចាស់ដែលគង់នៅលើបល្ល័ង្ក ទ្រង់ទតទៅកាន់ព្រះគ្រីស្ទ ហើយឃើញយើងដូចដែលទ្រង់ទតឃើញព្រះរាជបុត្រាទ្រង់ដែរ។ ព្រះយេស៊ូវមិនចោទប្រកាន់ មិនរម្លឹកអំពើបាប មិនរម្លឹកសេចក្ដីសម្អប់ ឬក៏សងសឹក។ ទាំងអស់នេះ គឺដោយសារទ្រង់ជ្រើសរើសបំភ្លេចរាល់អំពើបាបរបស់យើង។

៣. យើងអាចអត់ទោសបាន ដោយព្រះគ្រីស្ទបានអត់ទោសឲ្យយើងយ៉ាងពិតប្រាកដមែន។

សាវ័ក ពេត្រុស ក៏បានប្រព្រឹត្តអំពើបាបដែរ ប៉ុន្តែគាត់សរសេរថា «រីឯព្រះដ៏មានព្រះគុណសព្វគ្រប់ ដែលទ្រង់បានហៅយើងរាល់គ្នាមកក្នុងសិរីល្អនៃទ្រង់ដ៏នៅអស់កល្បជានិច្ច ដោយព្រះគ្រីស្ទយេស៊ូវ នោះសូមទ្រង់មេត្តាប្រោសឲ្យអ្នករាល់គ្នាបានគ្រប់លក្ខណ៍ ទាំងចម្រើនកម្លាំង ហើយតាំងអ្នករាល់គ្នាឲ្យមាំមួនឡើង ក្នុងខណៈក្រោយដែលបានរងទុក្ខបន្តិច» (១ពេត្រុស ៥: ១០)។ សូមចាំថា អស់អ្នកដែលដើរតាមព្រះគ្រីស្ទ នឹងបានគ្រប់លក្ខណ៍តាមរយៈការរងទុក្ខដែលពួកគេបានជួបប្រទះ។ គំនិតមួយនេះគួរឲ្យចាប់អារម្មណ៍ខ្លាំងណាស់ ការរងទុក្ខភាគច្រើនកើតចេញពីមនុស្ស ប៉ុន្តែព្រះជាម្ចាស់ប្រើការរងទុក្ខនោះ ដើម្បីកសាងចរិតលក្ខណៈយើងឲ្យកាន់តែដូចព្រះគ្រីស្ទវិញ។ ការរងទុក្ខ ឬក៏ការឈឺចាប់នោះអាចមានដូចជា៖ អាពាហ៍ពិពាហ៍ដែលមិនចុះសម្រុង អ្នកជិតខាងមិនល្អ កូនៗទាស់ទែងនឹងឪពុកម្ដាយ ភាពអយុត្តិធម៌ ការប្រមាថ និងអំពើអាក្រក់ផ្សេងៗ ព្រះជាម្ចាស់ប្រទានមក ដើម្បីដុសខាត់ភាពបរិសុទ្ធរបស់យើង។

មែនហើយ ការអត់ទោសមិនមែនជារឿងងាយស្រួលទេ ប៉ុន្តែវាចាំបាច់ណាស់។ ព្រោះក្នុងការអត់ទោស នោះយើងបានកាន់តែដូចព្រះគ្រីស្ទ ទាំងកាន់តែថ្វាយសិរីល្អដល់ទ្រង់ និងបានជាការល្អដល់មិត្តភក្តិ និងក្រុមគ្រួសាររបស់យើងដែរ។

និពន្ធដោយ៖ Tony Wood
បកប្រែដោយ៖ លោក ស៊ូ ទិត្យ
ជំនួយការបកប្រែ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក ឡង់ គីមឡុង, លោកស្រី ឡូញ ស្រីរដ្ឋ និងលោក Josiah Baker
ដកស្រង់ខ្លះៗ និងកែសម្រួលចេញពី forthegospel.org ដោយមានការអនុញ្ញាត។

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

១៩២

កំណត់ហេតុបណ្ដាញ២ កក្កដា ២០២៤

ការរក្សាព្រះបន្ទូល

...តើអ្វីជាការគ្រប់គ្រាន់ដើម្បីសេចក្ដីសង្គ្រោះ? ដើម្បីផ្លាស់ប្ដូរ? ដើម្បីបំភ្លឺ? ប្រសិនបើព្រះទ្រង់បានបើកសម្ដែងអង្គទ្រង់ជាលក្ខណៈទូទៅនៅក្នុងធម្មជាតិ តើទ្រង់បង្ហាញអំពីអង្គទ្រង់ឲ្យជាក់លាក់នៅកន្លែងណា?

អានបន្ថែម

១៨

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៦៩

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២១

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៦៥

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម