ផ្ទុយពីសាសនាកាតូលិករ៉ូម៉ាំង ព្រះគម្ពីរគឺជាអំណាចគ្រប់គ្រាន់សម្រាប់យើង

ប្រសិនបើព្រះគម្ពីរជាព្រះបន្ទូលរបស់ព្រះជាម្ចាស់ នោះតាមអត្ថន័យ៖ គ្មានអំណាចមនុស្សណាដែលកំពុងបម្រើដោយយកព្រះគម្ពីរជាគោលអាចមានអំណាចស្មើនឹងព្រះគម្ពីរផ្ទាល់បាននោះទេ។

៥ មករា ២០២៥អានរយៈពេល ១១ នាទី

មើល១៩២ដង

ផ្ទុយពីសាសនាកាតូលិករ៉ូម៉ាំង ព្រះគម្ពីរគឺជាអំណាចគ្រប់គ្រាន់សម្រាប់យើង

ខគម្ពីរដែលល្បីនៅក្នុងសម័យកំណែទម្រង់ (The Reformation) គឺកណ្ឌគម្ពីរ រ៉ូម ១:១៧ «ដ្បិតសេចក្ដីសុចរិតនៃព្រះ បានសម្ដែងមកក្នុងដំណឹងល្អនោះ ដោយសារសេចក្ដីជំនឿ ហើយឲ្យបានសេចក្ដីជំនឿចម្រើនច្រើនឡើងផង ដូចមានសេចក្ដីចែងទុកមកថា “មនុស្សសុចរិតនឹងរស់នៅ ដោយអាងសេចក្ដីជំនឿ”»។ នេះគឺជាខគម្ពីរដែលលោកគ្រូ ម៉ធិន លូសើរ (Martin Luther) បានវែកញែកនៅសម័យនោះ។

លោកគ្រូដឹងហើយថា នៅឆ្នាំនេះ ខួបសម័យកំណែទម្រង់គឺនៅថ្ងៃអង្គារ ទី៣០ ខែតុលា ឆ្នាំ២០២៣។ ឆ្នាំនេះគឺជាខួបលើកទី៥០៦ឆ្នាំ ដោយសារព្រឹត្តិការណ៍នេះបានកើតឡើងនៅឆ្នាំ១៥១៧។ លោកគ្រូ លូសើរ បានសរសេរនិក្ខេបបទ៩៥ (Ninety-Five Theses) របស់គាត់ ហើយផ្ញើទៅកាន់លោកមហាសង្ឃនាយក (Archbishop) នៅសម័យនោះ។ ខ្ញុំមានពីរសំណួរ ទាក់ទងនឹងចំណុចដែលនាំឲ្យពួកក្រុងរ៉ូម (Rome) បែកគ្នាពីទីក្រុងហ្សឺណែវ (Geneva)។

«ជម្រាបសួរលោកគ្រូ! ថ្មីៗនេះ ខ្ញុំមានមិត្តភក្ដិដែលជាអ្នកនិកាយប្រូតេស្តង់មួយចំនួន ដែលឥឡូវពួកគាត់បានប្ដូរជំនឿទៅជានិកាយរ៉ូម៉ាំងកាតូលិក (Roman Catholic) ហើយចំណុចគន្លឹះមួយគឺទាក់ទងទៅនឹងសំណួរដែលថា តើព្រះគម្ពីរគឺជាអំណាចផ្ដាច់ការនៅក្នុងជំនឿរបស់យើងមែនឬ? បន្ទាប់ពីខ្ញុំបានពិនិត្យមើលចំណុចវែកញែករបស់និកាយរ៉ូម៉ាំងកាតូលិក ខ្ញុំក៏ចាប់ផ្ដើមឲ្យតម្លៃលើចំណុចបញ្ចុះបញ្ចូលរបស់ពួកគាត់។ ប៉ុន្តែ ខណៈពេលដែលខ្ញុំព្យាយាមវែកញែកជាមួយនឹងអ្នកនិកាយប្រូតេស្តង់ នោះខ្ញុំមិនទាន់បានឃើញថា ពួកគាត់មិនមានចំណុចវែកញែកឆ្លើយតបយ៉ាងម៉ឺងម៉ាត់ ដែលមានសភាពស្មើគ្នាទៅនឹងចំណុចរបស់និកាយកាតូលិករ៉ូម៉ាំង ទាក់ទងទៅនឹងគោលជំនឿកំណែទម្រង់ «តាមរយៈតែព្រះបន្ទូលប៉ុណ្ណោះ» (Sola scriptura)។ សូមលោកគ្រូជួយវែកញែកដោយបញ្ចុះបញ្ចូលឲ្យខ្ញុំយល់ ដើម្បីឲ្យខ្ញុំពិតជាជឿលើគោលជំនឿសម័យកំណែទម្រង់មែន»។

ខ្ញុំមិនដឹងថា ខ្ញុំនឹងអាចបញ្ចុះបញ្ចូលអ្នកសួរបានដែរ ឬក៏អត់ទេ។ ខ្ញុំគិតថាមានអត្ថបទមួយចំនួនដែលអាចជួយបាន ប៉ុន្តែនេះគឺជាអ្វីដែលខ្ញុំចង់លើកឡើង។ នេះជាអ្វីដែលបានទ្រទ្រង់ខ្ញុំ ហើយខ្ញុំសង្ឃឹមថា វាអាចជាជំនួយដល់អ្នកសួរដែរ។ ខ្ញុំមានបីចំណុច ក្នុងការឆ្លើយតប ដែលខ្ញុំសង្ឃឹមថានឹងជួយ គឺជួយឲ្យអ្នកសួរបដិសេធក្នុងការធ្លាក់ក្នុងសេចក្ដីល្បួងនៃការប្ដូរនិកាយចូលសាសនាកាតូលិករ៉ូម៉ាំង។

១) ព្រះគម្ពីរគឺជាព្រះបន្ទូលរបស់ព្រះជាម្ចាស់

ចំណុចនេះមានន័យថា គ្មានអំណាចមនុស្សណា ឬក៏ស្ថាប័នណា ដែលអាចបម្រើដោយកំពុងនៅជាប់ជាមួយនឹងព្រះគម្ពីរ ដោយមានអំណាចស្មើគ្នាបានទេ។ មិនថាសម្តេច ប៉ាប អ្នកប្រឹក្សា វិជ្ជាករ បូជាចារ្យ គ្រូគង្វាល ឬក៏បវេណីមនុស្សណាម្នាក់ទេ ទាំងអស់មិនមានអំណាចស្មើនឹងព្រះគម្ពីរ ប្រសិនបើព្រះគម្ពីរគឺពិតជាព្រះបន្ទូលរបស់ព្រះជាម្ចាស់មែន។ ហើយយើងដឹងហើយថា ព្រះគម្ពីរគឺជាព្រះបន្ទូលរបស់ព្រះជាម្ចាស់ពិតមែន។

លើសពីនេះទៅទៀត គ្មានកន្លែងណាក្នុងព្រះគម្ពីរ ដែលមានចែងអំពីការផ្តល់អំណាចដល់បុគ្គលណា ឬក៏និកាយក្រុមជំនុំណា ដែលមានលក្ខណៈស្មើគ្នាទៅនឹងព្រះគម្ពីរផ្ទាល់នោះទេ។ ព្រះគ្រីស្ទបានប្រទានដល់ក្រុមជំនុំឲ្យមានគ្រូគង្វាល និងគ្រូបង្រៀន (អេភេសូរ ៤:១១)។ តួនាទីរបស់ពួកគាត់គឺមិនមែនប្រកាសការបើកសម្ដែងថ្មីៗ ប៉ុន្តែគឺឲ្យឈរលើមូលដ្ឋានគ្រឹះនៃពួកសាវ័ក និងពួកហោរាវិញ។ ហើយសាវ័ក ប៉ុល ក៏បានលើកឡើងយ៉ាងច្បាស់លាស់ផងដែរថា នៅក្នុងកណ្ឌគម្ពីរ ១កូរិនថូស ១៤:៣៨ ត្រង់ថាអំណាចរបស់អ្នកដែលកាន់នៅក្នុងក្រុមជំនុំ គឺពួកគាត់ត្រូវតែមានការឆ្លើយតបជាមួយនឹងព្រះបន្ទូល គឺមិនមែនជាមួយនឹងខ្លួនឯងនោះទេ។ នេះគឺជាការឆ្លើយតបដំបូងរបស់ខ្ញុំ។

២) សតិសម្បជញ្ញៈរបស់ខ្លួន

ការអនុញ្ញាតឲ្យសតិសម្បជញ្ញៈរបស់ខ្លួនចុះចូលក្រោមអំណាចរបស់មនុស្ស ក្រៅពីព្រះគម្ពីរ គឺមិនមែនជាអ្វីដែលស្របតាមព្រះគម្ពីរ ហើយក៏ជាអ្វីដែលមានប្រាជ្ញាដែរ។ នេះគឺជាពាក្យដ៏ល្បីមួយរបស់លោកគ្រូ ម៉ធិន លូសើរ។ ប្រាកដណាស់ វាមិនអាចទៅរួចបានទេ—សូមព្យាយាមយល់ចំណុចនេះ—វាមិនអាចទៅរួចបានទេ ក្នុងការមានជំនឿដែលស្របតាមព្រះគម្ពីរក្នុងសេចក្ដីពិតណាមួយដែលយើងជឿថា មិនមាននៅក្នុងព្រះគម្ពីរ។ នេះមិនមែនជាលក្ខណៈនៃជំនឿដែលស្របតាមព្រះគម្ពីរទេ។ នេះមិនមែនជាលក្ខណៈនៃការចុះចូលចំពោះព្រះជាម្ចាស់ ដែលស្របតាម ឬក៏មានភាពស៊ីគ្នាទៅនឹងព្រះគម្ពីរ នៅក្នុងព្រះបន្ទូលរបស់ទ្រង់ ក្នុងការឱនក្រាបចុះចូលក្រោមអំណាចរបស់បុគ្គលណាម្នាក់ដែលបង្រៀននៅអ្វីដែលផ្ទុយគ្នាពីព្រះបន្ទូល។

នេះមានន័យថា ទីកន្លែងចុងក្រោយ និងពិតប្រាកដនៃអំណាចគឺមានតែនៅក្នុងព្រះបន្ទូលប៉ុណ្ណោះ ហើយតុលាការចុងក្រោយនៃការកាត់ស្រាយនូវអ្វីដែលព្រះបន្ទូលបង្រៀន គឺមានតែតាមរយៈការបើកសម្ដែងរបស់ព្រះវិញ្ញាណបរិសុទ្ធ នៅក្នុងសតិសម្បជញ្ញៈរបស់យើងដែរ។ ហើយខ្ញុំចង់បញ្ជាក់ថា អំណាចនោះគឺមិនមែនមានជាបន្ទាប់បន្សំ ជាមួយនឹងបុគ្គលណាម្នាក់នៅក្រៅព្រះគម្ពីរ និងនៅក្រៅសតិសម្បជញ្ញៈនៅឡើយ។ ជំនឿស៊ុបនេះមានឫសគល់តែនៅក្នុងលក្ខណសម្បត្តិនៃជំនឿដែលស្របតាមព្រះគម្ពីរ និងនៅក្នុងតែលក្ខណសម្បត្តិនៃការចុះចូលដែលស្របតាមព្រះគម្ពីរប៉ុណ្ណោះ។ នេះគឺជាអ្វីដែលខ្ញុំចង់មានអត្ថន័យ។

ការបង្រៀនថា មានអំណាចមួយណាផ្សេងទៀត នៅក្រៅព្រះគម្ពីរ ដែលអាចចងសតិសម្បជញ្ញៈរបស់មនុស្សយើងឲ្យទាស់នឹងអ្វីដែលវាឃើញនៅក្នុងព្រះបន្ទូល គឺជាការទាមទារឲ្យជំនឿ និងការចុះចូលនោះក្លាយជាទង្វើដែលមិនមែនជាការយល់ដឹង ប៉ុន្តែគ្រាន់តែជាទង្វើនៃការចុះចូលដែលខ្វាក់ចំពោះអំណាចនោះ នៅខាងក្រៅវិញ។ គឺមាននៅក្នុងលក្ខណៈនៃជំនឿដែលបុគ្គលណាម្នាក់មិនអាចទទួលជឿថា មានអ្វីមួយស្របតាមព្រះគម្ពីរ ខណៈពេលដែលគាត់ឃើញថាវាផ្ទុយគ្នាទាំងស្រុងពីអ្វីដែលគាត់ឃើញមានចែងនៅក្នុងព្រះគម្ពីរ ដោយពឹងលើអ្វីដែលបុគ្គលណាម្នាក់ផ្សេងទៀតលើកឡើងថាជាការពិត។ បុគ្គលនោះមិនអាចធ្វើដូច្នេះបានឡើយ។ នេះគឺជាលក្ខណៈនៃជំនឿ។

លោកអ្នកមិនអាចទទួលជឿថា មានចំណុចណាមួយស្របតាមព្រះគម្ពីរបានឡើយ ខណៈពេលដែលលោកអ្នកមិនឃើញថា វាស្របតាមព្រះគម្ពីរទាល់តែសោះ មិនថាមាននរណាមកប្រាប់ឲ្យលោកអ្នកជឿយ៉ាងដូច្នោះក៏ដោយ។ ប្រសិនបើខ្ញុំឃើញថា មានចំណុចណាមួយនៅក្នុងព្រះគម្ពីរ ប៉ុន្តែចុះចូលក្រោមអំណាចដែលបង្រៀននូវចំណុចដែលខុសគ្នាទាំងស្រុងពីព្រះគម្ពីរ នោះមានន័យថា ខ្ញុំកំពុងតែក្បត់ជំនឿ ហើយក៏កំពុងតែលើកអំណាចនោះខ្ពស់ជាងព្រះគម្ពីរដែរ។ ហើយនេះមានន័យថា ខ្ញុំក៏កំពុងតែធ្វើនូវអ្វីដែលមិនអាចធ្វើទៅរួចបាន៖ ការបង្ខំឲ្យខ្លួនឯងជឿថា មានចំណុចណាមួយស្របតាមព្រះគម្ពីរ ខណៈពេលដែលខ្ញុំឃើញថាចំណុចនោះមិនស្របតាមព្រះគម្ពីរឡើយ។ នេះគឺជាការឆ្លើយតបទី២របស់ខ្ញុំ។

៣) សូមសម្រេចចិត្តថា លោកអ្នកនឹងទៅក្រុមជំនុំមួយណា

នេះគឺជាចំណុចដែលធ្វើឲ្យខ្ញុំភ្ញាក់ផ្អើលយ៉ាងខ្លាំង ពីព្រោះវាមិនមែនជាអ្វីដែលមនុស្សជាច្រើនធ្វើឡើយ ពោលគឺចូលរួមក្រុមជំនុំមួយណាឲ្យបានជាក់លាក់ និងជាប់លាប់។ ក្នុងរំពេចនេះ ទាក់ទងនឹងសំណួរមួយនេះ សូមកុំគ្រាន់តែផ្ដោតលើចំណុចនៃអំណាច ដោយមិនផ្ដោតលើចំណុចនៃគោលជំនឿផ្សេងៗ។

ការធ្វើបែបនោះគឺហាក់បីដូចជាថា អ្នកប្រកាន់ភ្ជាប់តាមជំនឿនិកាយប្រូតេស្តង់ ដែលមានជំនឿស៊ុបស្របតាមសេចក្ដីពិតនៅក្នុងព្រះគម្ពីរ គឺគាត់កំពុងតែដើរចូលសេចក្ដីងងឹតដោយបិទភ្នែក ដើម្បីឱបក្រសោបគោលជំនឿសាសនាកាតូលិករ៉ូម៉ាំង ដែលបង្រៀនថា៖ ១) ការជ្រមុជទឹកអាចនាំឲ្យមានការកើតជាថ្មី ដែលតាមពិតទៅការបង្រៀនបែបនេះកំពុងតែបន្ទាបចំណុចសំខាន់នៃព្រះគម្ពីរទាក់ទងទៅនឹងជំនឿដែលសង្គ្រោះ ដែលថានេះគឺគ្រាន់តែជាសញ្ញាសម្គាល់នៃការកើតជាថ្មីតែប៉ុណ្ណោះ ២) គោលជំនឿនៃការរាប់ជាសុចរិតលើអ្វីដែលព្រះជាម្ចាស់បានធ្វើការនៅក្នុងខ្ញុំ ដែលមិនមានមូលដ្ឋានលើព្រះគ្រីស្ទមួយអង្គ តាមរយៈជំនឿតែមួយគត់ ៣) គោលជំនឿនៃការប្ដូរធាតុក្នុងពិធីលៀងព្រះអម្ចាស់ និងការបង្ហូរព្រះគុណតាមរយៈនំប៉័ង និងស្រាទំពាំងបាយជូរ ៤) គោលជំនឿនៃការបង់លុយលោះបាបកម្មជាយុទ្ធសាស្ត្រនៃវិប្បដិសារីទណ្ឌកម្ម និងការអត់ទោសដែលសម្ដេច ប៉ាប ទើបតែបង្រៀនជាថ្មីម្ដងទៀត ហើយក៏បានសង្កត់លើយ៉ាងច្បាស់លាស់។

យើងបានគិតថា ការបង្រៀនបែបនោះលែងមានទៀតហើយ ប៉ុន្តែតាមពិតទៅ វានៅមាននៅឡើយទេ ដូចជាការបង្រៀនអំពីការអភិសេកនាង ម៉ារា ការអធិស្ឋានទៅព្រះមាតា ដោយលើកឋានៈនាងស្មើទៅនឹងព្រះសង្គ្រោះ។ ការបង្រៀនបែបនេះបន្ទាបបន្ថោកចំណុចស្នូលរបស់ព្រះយេស៊ូវគ្រីស្ទ ក្នុងជំនឿរបស់មនុស្សរាប់លាននាក់។

សរុបសេចក្ដីទៅ បើនិយាយម្យ៉ាងវិញទៀត នៅពេលដែលលោកអ្នកគិតអំពីចំណុចនៃអំណាច—ដែលនេះផ្ដោតទៅលើព្រះគម្ពីរតែមួយគត់ ជាជាងទៅលើអំណាចក្រុមជំនុំនិកាយសាសនារ៉ូម៉ាំងកាតូលិក—តើលោកអ្នកពិតជាហ៊ានផ្ដោតតែលើចំណុចនេះមែន? ក្នុងនាមជាអ្នកប្រកាន់ភ្ជាប់តាមនិកាយប្រូតេស្តង់ តើលោកអ្នកហ៊ានមើលរំលងពិធីបង្ហូរព្រះគុណរបស់និកាយសាសនាកាតូលិក ដែលពិធីនោះផ្ទុយគ្នាទាំងស្រុងពីអ្វីដែលលោកអ្នកឃើញនៅក្នុងព្រះគម្ពីរមែនឬ? ប្រសិនបើហ៊ាន តើលោកអ្នកស្ម័គ្រចិត្តក្នុងការបោះបង់សតិសម្បជញ្ញៈរបស់ខ្លួនចោល ហើយនិយាយថា «ខ្ញុំមិនឃើញនូវអ្វីដែលខ្ញុំឃើញនោះទេ»។

និពន្ធដោយ៖ លោកគ្រូ John Piper
បកប្រែដោយ៖ លោក ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ហុង សម្ភស, លោក ឯក សត្យា, លោក សឹម រក្សា
និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៤៤០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២១០៣

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៤១៩៥

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម

អត្ថបទបន្ថែមពី កំណត់ហេតុបណ្ដាញ

៦

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម