តើព្រះវរបិតាបង្ហាញព្រះគុណ ដោយមានការស្ទាក់ស្ទើរមែនឬ?

៣១ ធ្នូ ២០២៤អានរយៈពេល ១២ នាទី

មើល១៣៦ដង

តើព្រះវរបិតាបង្ហាញព្រះគុណ ដោយមានការស្ទាក់ស្ទើរមែនឬ?

តើព្រះជាម្ចាស់បានបង្ហាញព្រះគុណរបស់ទ្រង់ដល់យើងនៅពេលណា និងដោយរបៀបណា? តើមានលក្ខខណ្ឌអ្វីខ្លះ ដែលយើងត្រូវបំពេញមុននឹងទទួលបានព្រះគុណរបស់ព្រះគ្រីស្ទដែរឬទេ? ច្បាស់ណាស់មិនមានទេ
ដោយព្រោះតែ៖

ខណៈពេលដែលយើងនៅទន់ខ្សោយនៅឡើយ ព្រះគ្រីស្ទបានសុគតជំនួសមនុស្សដែលមិនកោតខ្លាចព្រះរួចស្រេចទៅហើយ។
ខណៈពេលដែលយើងនៅជាមនុស្សមានបាបនៅឡើយ ព្រះគ្រីស្ទបានសុគតជំនួសយើងរួចស្រេចទៅហើយ។
ខណៈពេលដែលយើងនៅជាខ្មាំងសត្រូវនៅឡើយ យើងត្រូវបានផ្សះផ្សានឹងព្រះជាម្ចាស់វិញ ដោយការសុគតរបស់ព្រះរាជបុត្រាទ្រង់រួចស្រេចទៅហើយ។

តើមានលក្ខខណ្ឌអ្វីខ្លះ ដែលយើងត្រូវបំពេញ ដើម្បីឲ្យព្រះជាម្ចាស់ចាត់ព្រះរាជបុត្រាទ្រង់តែមួយ ឲ្យមកក្នុងពិភពលោកនេះ ដើម្បីសុគតជំនួសមនុស្សមានបាបនោះ? គ្មានទេ។ មែនហើយ មិនអាចមានទេ។ នេះជាអ្វីដែលលោក បូស្តុន បានរកឃើញគុណតម្លៃនៅក្នុងឃ្លាមួយដែលថា «ព្រះគ្រីស្ទបានសុគតជំនួសលោកអ្នក»។ សម្រាប់លោក បូស្តុន ឃ្លានេះមានន័យថា៖ «ខ្ញុំមិនបានប្រទានព្រះគ្រីស្ទមកពិភពលោកនេះដល់លោកអ្នក ដោយសារមូលហេតុដែលថាលោកអ្នកបានប្រែចិត្តនោះទេ។ តាមពិតទៅ ខ្ញុំបានថ្វាយទ្រង់ដល់បុរស
និងស្ត្រី ដែលស្លាប់ក្នុងការរំលង និងអំពើបាបរបស់ពួកគាត់។ ការប្រទាននូវដំណឹងល្អអំពីព្រះយេស៊ូវគ្រីស្ទនេះ
គឺសម្រាប់លោកអ្នកគ្រប់គ្នា មិនថាលោកអ្នកជានរណា ឬជាអ្វីនោះទេ។ »

គ្រោះថ្នាក់មួយក្នុងចំណោមគ្រោះថ្នាក់ដែលលោក បូស្តុន បានកត់សម្គាល់នោះគឺថា «លក្ខខណ្ឌនិយម»
ផ្តល់ផលប៉ះពាល់ត្រឡប់ទៅលើរបៀបដែលយើងសម្លឹងមើលព្រះជាម្ចាស់ផ្ទាល់។ វាបង្ហាញនូវរូបភាពមួយនៃការបង្ខូចលក្ខណសម្បត្តិរបស់ទ្រង់។ សម្រាប់វាគឺអាចទៅរួច ដើម្បីមើលឃើញថា គ្មានលក្ខខណ្ឌណាមួយសម្រាប់ព្រះគុណ អាចត្រូវបានបំពេញដោយយើងនៅឡើយទេ ប៉ុន្តែនៅតែរក្សាលក្ខខណ្ឌដ៏ស្រទន់នៅក្នុងព្រះគុណរបស់ព្រះនៅក្នុងព្រះគុណនោះផ្ទាល់។

ការនេះបានបង្ហាញថា នៅពេលដែលដំណឹងល្អត្រូវបានប្រកាសជាមួយឃ្លាទាំងនេះ៖ ព្រះជាម្ចាស់ស្រឡាញ់លោកអ្នក ពីព្រោះព្រះគ្រីស្ទបានសុគតជំនួសលោកអ្នក!

តើពាក្យទាំងនោះ បំភ្លៃដំណឹងល្អដោយរបៀបណា? តើពាក្យទាំងនេះបង្ហើបឲ្យឃើញថាការសុគតរបស់ព្រះគ្រីស្ទ គឺជាហេតុផលនៃសេចក្តីស្រឡាញ់របស់ព្រះជាម្ចាស់ចំពោះខ្ញុំ។

ផ្ទុយទៅវិញ បទគម្ពីរបញ្ជាក់អះអាងថាសេចក្ដីស្រឡាញ់របស់ព្រះជាម្ចាស់ចំពោះយើង គឺជាមូលហេតុនៃការសុគតរបស់ព្រះគ្រីស្ទ។

នោះគឺជាការគូសបញ្ជាក់នៃកណ្ឌគម្ពីរ យ៉ូហាន ៣:១៦។ ដ្បិតព្រះ (ពោលគឺ ព្រះវរបិតា ដែលត្រង់នេះ
«ព្រះជាម្ចាស់» គឺជាបុព្វនាមនៃ «ព្រះរាជបុត្រា...របស់ទ្រង់» ស្រឡាញ់មនុស្សលោកដ៏ម្ល៉េះបានជាទ្រង់ប្រទានព្រះរាជបុត្រាទ្រង់តែមួយដល់យើង។ ព្រះរាជបុត្រាមិនចាំបាច់ធ្វើអ្វី ដើម្បីបញ្ចុះបញ្ចូលព្រះវរបិតាឲ្យស្រឡាញ់យើងនោះទេ។ ទ្រង់ស្រឡាញ់យើងរួចហើយ!

គ្រោះថ្នាក់...នៅត្រង់ទីនេះ គួរតែឃើញច្បាស់៖ ប្រសិនបើយើងនិយាយអំពីឈើឆ្កាងរបស់ព្រះគ្រីស្ទជាបុព្វហេតុនៃសេចក្តីស្រឡាញ់របស់ព្រះវរបិតា នោះយើងបានបង្កប់អត្ថន័យថានៅពីក្រោយឈើឆ្កាង ហើយក្រៅពីឈើឆ្កាងនោះទ្រង់ប្រហែលជាមិនស្រឡាញ់យើងសោះឡើយ។ ទ្រង់ត្រូវបាន «បង់ថ្លៃ» នូវថ្លៃលោះ ដើម្បីស្រឡាញ់យើង។ ប៉ុន្តែ ប្រសិនបើវាតម្រូវឲ្យការសុគតរបស់ព្រះគ្រីស្ទ ដើម្បីបញ្ចុះបញ្ចូលទ្រង់ឲ្យស្រឡាញ់យើង («ព្រះវរបិតា ប្រសិនបើខ្ញុំស្លាប់ តើទ្រង់នឹងចាប់ផ្ដើមស្រឡាញ់ពួកគេទេ?») តើយើងអាចប្រាកដបានទេថា ព្រះវរបិតាទ្រង់ស្រឡាញ់យើង—«យ៉ាងជ្រាលជ្រៅ» ជាមួយសេចក្តីស្រឡាញ់ដ៏អស់កល្ប?» ដោយរបៀបណា? ពិតណាស់ ព្រះវរបិតាមិនបានស្រឡាញ់យើងទេ ពីព្រោះយើងជាមនុស្សមានបាប។ ប៉ុន្តែ ទ្រង់ស្រឡាញ់យើង ទោះបីយើងជាមនុស្សមានបាបក៏ដោយ។ ទ្រង់បានស្រឡាញ់យើង មុនពេលព្រះគ្រីស្ទសុគតជំនួសយើងទៅទៀត។

ដោយសារទ្រង់ស្រឡាញ់យើង ទើបព្រះគ្រីស្ទបានសុគតជំនួសយើង!

យើងមិនត្រូវយល់ច្រឡំអំពីសេចក្តីពិតដែលថា ដោយសារអំពើបាបរបស់យើងត្រូវបានអត់ទោសឲ្យ ដោយព្រោះតែការសុគត និងការរស់ឡើងវិញរបស់ព្រះគ្រីស្ទដោយមានគោលគំនិតខុសគ្នាខ្លាំងដែលថា ព្រះជាម្ចាស់ស្រឡាញ់យើងគឺដោយព្រោះតែការសុគត និងការរស់ឡើងវិញរបស់ព្រះគ្រីស្ទនោះទេ។ មិនមែនបែបយ៉ាងនេះទេ «ទ្រង់ស្រឡាញ់យើងតាំងពីដើមដំបូង» ដូច្នេះហើយបានជាទ្រង់ចាត់ព្រះរាជបុត្រាទ្រង់ ដែលបានយាងមកដោយស្ម័គ្រព្រះទ័យ ដើម្បីសុគតជំនួសយើង។ តាមរបៀបនេះ ការយល់ដឹងត្រឹមត្រូវអំពីកិច្ចការរបស់ព្រះគ្រីស្ទនាំយើងទៅរកការយល់ដឹងដ៏ពិតអំពីសេចក្តីស្រឡាញ់ដែលមិនអាចប្រៀបផ្ទឹមបានដែលព្រះវរបិតាមានចំពោះយើង។ វាមិនមានភាពមិនប្រក្រតីណាដែលរំខានក្នុងការប្រកបនៃព្រះត្រៃឯកនោះទេ។

ការឆ្លុះបញ្ចាំងរបស់លោក បូស្តុន នៅក្នុងការតភ្ជាប់នេះកំពុងបំភ្លឺឡើង។ នៅក្នុងសៀវភៅជីវប្រវត្តិរបស់គាត់ គាត់បានពន្យល់លើសេចក្តីពិតដែលថា កាលពីដើម ជីវិតនៃការអធិប្បាយរបស់គាត់ត្រូវបានបំផ្លាញដោយភាពស្របច្បាប់នៅក្នុងស្មារតីផ្ទាល់ខ្លួនរបស់គាត់៖ «ខ្ញុំមានការផ្ដន្ទាទោសផ្នែកច្បាប់ជាច្រើននៅក្នុងការអនុវត្តផ្ទាល់ខ្លួនរបស់ខ្ញុំ» គាត់បានសរសេរសៀវភៅនេះឡើងនៅឆ្នាំ១៧០៤ ដោយក្រឡេកមើលការបម្រើព័ន្ធកិច្ចពីមុនៗរបស់គាត់។ យ៉ាងណាក៏ដោយ ក្រោយមក គាត់មានគំនិតខុសគ្នាខ្លាំងណាស់៖ «ខ្ញុំមិនមានការស្រឡាញ់ខ្លាំងក្លាចំពោះសេចក្តីបង្រៀនអំពីលក្ខខណ្ឌនៃសេចក្ដីសញ្ញានៃព្រះគុណនោះទេ»។

គួរឲ្យចាប់អារម្មណ៍ណាស់៖ លោក បូស្តុន ក៏មានការកក់ទុកផងដែរអំពីអ្វីដែលត្រូវបានគេស្គាល់ថាជា
«ការតាំងសេចក្តីសញ្ញានៃការប្រោសលោះ» ឬ «ការតាំងសេចក្តីសញ្ញានៃសេចក្តីសុខសាន្ត»
។ គំនិតនៃការតាំងសេចក្តីសញ្ញាបែបបណ្ដោះអាសន្នដែលបានធ្វើឡើងរវាងព្រះវរបិតា និងព្រះរាជបុត្រាដោយមានទស្សនៈចំពោះការប្រោសលោះរបស់យើង។ វាទាក់ទងនឹងរឿងនេះដែលលោក យ៉ូណាថាន់ អ៊ីតវ៉ដ (Jonathan Edwards) បានពន្យល់ថាគាត់មិន «យល់ពីគ្រោងការណ៍នៃការគិតបែបនេះ» នៃសៀវភៅរបស់លោក បូស្តុន «ការតាំងសេចក្តីសញ្ញានៃព្រះគុណ» (The Conenant of Grace) ទោះបីជាក្នុងសៀវភៅ «ធម្មជាតិជាមនុស្សក្នុងលក្ខណៈបួនបែប» (Human Nature in Its Fourfold State) គាត់បានសរសេរថា «ខ្ញុំ...ចូលចិត្តវាខ្លាំងណាស់។ ខ្ញុំគិតថា ក្នុងការនិពន្ធនោះ ព្រះបានបង្ហាញរូបអង្គទ្រង់ថាជាព្រះដ៏អស្ចារ្យ»។

ទស្សនៈរបស់លោក បូស្តុន គឺថាសេចក្ដីសញ្ញានៃព្រះគុណត្រូវបានធ្វើឡើងជាមួយព្រះគ្រីស្ទ ក្នុងនាមជាមនុស្សទីពីរ និងជាលោក អ័ដាម ចុងក្រោយ ហើយធ្វើឡើងក្នុងទ្រង់សម្រាប់រាស្ដ្ររបស់ទ្រង់។ វាទំនងជាកម្លាំងរុញច្រានសម្រាប់ការបដិសេធរបស់គាត់នូវគំនិតនៃសេចក្តីសញ្ញានៃការប្រោសលោះគឺថា ការនេះអាចបង្ហាញពីការប្ដេជ្ញាចិត្តដោយក្ដីស្រឡាញ់របស់ព្រះវរបិតាចំពោះមនុស្សមានបាបដែលមានលក្ខខណ្ឌលើការស្តាប់បង្គាប់របស់ព្រះរាជបុត្រា ជំនួសឲ្យបរិបទសម្រាប់ការស្តាប់បង្គានោះ។ នេះជាការបង្ហាញពី «គម្លាតនៃសេចក្ដីស្រឡាញ់»
រវាងព្រះវរបិតា និងព្រះរាជបុត្រាក្នុងព្រះទ័យរបស់ទ្រង់ចំពោះមនុស្សមានបាប។ គោលលទ្ធិបែបនេះមិនត្រឹមតែបង្ហាញពីភាពមិនដំណើរការនៅក្នុងជីវិតនៃព្រះត្រៃឯកប៉ុណ្ណោះទេ ប៉ុន្តែវាថែមទាំងបង្ខូចលក្ខណសម្បត្តិរបស់ព្រះវរបិតានៅក្នុងគំនិតរបស់អ្នកជឿ ដែលជាគ្រីស្ទបរិស័ទ។ យើងអាចប្រាកដថា ព្រះទ័យរបស់ព្រះយេស៊ូវចំពោះយើងគឺមានតាមរយៈសេចក្តីស្រឡាញ់ ប៉ុន្តែយើងខ្លាចថាព្រះទ័យរបស់ព្រះវរបិតាគឺជាលទ្ធផលនៃការបញ្ចុះបញ្ចូល មិនមែនជាការលះបង់ផ្ទាល់របស់អង្គទ្រង់នោះទេ។ ពិតប្រាកដណាស់ ប្រហែលជាទ្រង់មានព្រះហឫទ័យស្ទាក់ស្ទើរ ពីព្រោះវាតម្រូវឲ្យមានការសុគតរបស់ព្រះគ្រីស្ទ ដើម្បីធ្វើឲ្យទ្រង់ទទួលបានដូច្នោះ។

ប្រសិនបើ នេះគឺជាបរិយាកាសដែលយើងផ្សាយដំណឹងល្អ ហើយមនុស្សឆ្លើយតបចំពោះវា នោះភាពសង្ស័យមួយនៃព្រះវរបិតាអាចនឹងមានរយៈពេលយូរ ហើយបង្ហាញថាជាឧបសគ្គដ៏ធ្ងន់ធ្ងរក្នុងដំណើរជីវិតជាគ្រីស្ទបរិស័ទ។ ខណៈពេលដែលជាញឹកញយព្រលឹងរបស់យើងមិនមានសកម្មភាព ពីពេលមួយទៅពេលមួយនោះគំនិតរបស់យើងនឹងផុសឡើងថា ប្រហែលជាក្នុងព្រះវរបិតាផ្ទាល់ ទ្រង់មិនស្រឡាញ់យើងដូចព្រះរាជបុត្រានោះទេ។ អាកប្បកិរិយាបែបនេះនឹងនាំទៅរកវិញ្ញាណមួយនៃភាពដែលសង្ស័យ និងការជាប់ឃុំឃាំង មិនមែនការមានវិញ្ញាណនៃសេរីភាព និងសេចក្តីអំណរនោះទេ។ បន្ទាប់មក នៅពេលយើងសួរសំណួរថា «តើព្រះវរបិតាអង្គណា ដែលយើងត្រូវប្រឈមជាមួយ ហើយតើទ្រង់ជាព្រះវរបិតាបែបណា? យើងប្រហែលជាមិនអាចគេចផុតពីការសង្ស័យទាំងស្រុងដែលថា ទ្រង់មិនមែនជាព្រះវរបិតាដែលមានសេចក្តីស្រឡាញ់តាំងពីអស់កល្បមកម៉្លេះនោះទេ។

និពន្ធដោយ៖ Sinclair Ferguson
បកប្រែដោយ៖ លោក ថៃ វណ្ណៈ
ជំនួយការបកប្រែ៖ លោក ង៉ែត វិទូ និងលោក ឈាង បូរ៉ា
កែសម្រួលដោយ៖ លោក ខែម បូឡុង, លោក ស៊ូ ទិត្យ, លោក ទេព រ៉ូ, លោក ឯក សត្យា, លោក ហុង សម្ភស,លោក ឡង់ គីមឡុង និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី tms.edu ដោយមានការអនុញ្ញាត។

ដកស្រង់ចេញពីសៀវភៅ «ភាពពេញលេញទាំងស្រុងរបស់ព្រះគ្រីស្ទ៖ ច្បាប់និយម, ការប្រឆាំងច្បាប់និយម, និងការធានានៃដំណឹងល្អ—ហេតុអ្វីបានជាភាពចម្រូងចម្រាសរបស់ Marrow ក្នុងនៃសាសនានៅតែជាបញ្ហា» (The Whole Christ: Legalism, Antinomianism, and Gospel Assurance—Why the Marrow Controversy Still Matters) ដោយលោក Sinclair B. Ferguson, © 2016, ទំព័រ៦៥-៦៨។ ទទួលបានការអនុញ្ញាតពី Crossway ដែលជាព័ន្ធកិច្ចនៃការបោះពុម្ពរបស់ Good News Publishers, Wheaton, IL 60187, www.crossway.org។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

របៀបធ្វើឲ្យពេលវេលាអធិស្ឋានដែលស្លាប់ មានជីវិតឡើងវិញ

៤២១០

កំណត់ហេតុបណ្ដាញ៤ មិថុនា ២០២៤

របៀបធ្វើឲ្យពេលវេលាអធិស្ឋានដែលស្លាប់ មានជីវិតឡើងវិញ

តើរបៀបណាដែលយើងអាចត្រឡប់មករកជីវិតនៃការអធិស្ឋានដែលរស់រវើក នៅក្នុងពេលវេលានៃជីវិតដ៏សែនមមាញឹក? តើមានរបៀបណាដែលយើងអាចវិលត្រឡប់មកភ្ជាប់ទំនាក់ទំនងជាមួយព្រះយ៉ាងពិតប្រាកដបាន?

អានបន្ថែម

៣៣៨៦

កំណត់ហេតុបណ្ដាញ៩ វិច្ឆិកា ២០២០

ទទួលបានសេចក្ដីសង្គ្រោះ

ពីមុនយើងជាប់ក្នុងចំណងនៃអំពើបាបដោយគ្មានជម្រើស ក្រៅពីការបះបោរ ប៉ុន្តែឥឡូវនេះយើងបានទទួលសេរីភាព។ ទោះបើការប្រាថ្នាចង់បន្តប្រព្រឹត្តអំពើបាបនៅមានក៏ដោយ ក៏ឥឡូវយើងពិតជាមានសេរីភាពក្នុងការស្ដាប់បង្គាប់មែន។

អានបន្ថែម

៨០៥

Image

សម្រង់សម្ដី២ កុម្ភៈ ២០១៧

មានចំណុចល្អអ្វី?

«តើមានចំណុចល្អអ្វីក្នុងយើងដែលបណ្ដាលឲ្យព្រះជាម្ចាស់បញ្ជូនព្រះរាជបុត្រាតែមួយគត់របស់ទ្រង់ឲ្យមកសុគតសម្រាប់បាបរបស់យើង? គ្មានចំណុចល្អអ្វីទេ!» (Sinclair Ferguson)

អានបន្ថែម

អត្ថបទបន្ថែមពី កំណត់ហេតុបណ្ដាញ

៤

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម