ការកុហក៥យ៉ាងអំពីការមើលរូបមិនគប្បី

អំពើបាបរបស់លោកអ្នកនឹងដើរទាន់លោកអ្នក (ជនគណនា ៣២:២៣)។ វាចង់ទាញនាំលោកអ្នកឲ្យទៅប្រព្រឹត្តតាមវា និងឲ្យលោកអ្នកគិតថា ខ្លួនជាម្ចាស់របស់ខ្លួន មានសន្តិភាព មិនឲ្យលោកអ្នករវីរវល់នឹងអ្វីទាំងអស់ តែបន្ទាប់មកវានឹងត្របាក់លេបលោកអ្នក រួចខ្ជាក់ចេញមកវិញ (១ពេត្រុស ៥:៨)។

២១ មេសា ២០១៧អានរយៈពេល ១៩ នាទី

មើល៥១៣៦ដង១មតិ

ពេ

លដែលខ្ញុំសរសេរពីកំណត់ហេតុទាក់ទងនឹងបញ្ហានៃការមើលរូបភាព និងវីដេអូអាសអាភាស វាបានបង្ហាញឲ្យឃើញថា ការមើលរូបភាព និងរឿងដូចនេះកំពុងតែរីកដុះដាលយ៉ាងខ្លាំងនៅក្នុងពិភពលោកយើងនេះ។ ក្រោយមកកំណត់ហេតុនេះ ក៏បានក្លាយទៅជាសៀវភៅមួយដែលមានចំណងជើងថា Sexual Detox ដែលសៀវភៅនេះមានរៀបរាប់ពីអំពើបាបទាំងនោះបានក្លាយទៅជាស្រមោលអតីតកាលដក់ជាប់នៅក្នុងជីវិតមនុស្សជាច្រើន។ មានមនុស្សតិចណាស់ដែលបានដឹងថា អំពើបាបនេះមានពោរពេញទៅដោយគ្រោះថ្នាក់ និងភាពសាហាវឃោរឃៅ។ កាលពី១០ឆ្នាំមុន មានមនុស្សភាគតិចណាស់ដែលយល់ពីគ្រោះថ្នាក់នៃការមើលរូបភាព និងវីដេអូអាសអាភាស ប៉ុន្តែឥឡូវនេះ យើងទើបនឹងចាប់ផ្តើមយល់អំពីគ្រោះថ្នាក់ដ៏កាចសាហាវមួយនេះ។ នៅពេលនេះយើងបានដឹងថា មានក្មេងប្រុសស្រីជំទង់ជាច្រើនបានចាប់ផ្តើមប្រឡូកមើលរូបភាព ឬវីដេអូអាសអាភាស ហើយពួកគេក៏កំពុងតែបន្តនៅមើល តែក៏មានអ្នកខ្លះកំពុងតយុទ្ធ ហើយខ្លះទៀតក៏កំពុងញៀននឹងការមើលរូបភាពទាំងនោះជាដដែលៗ។ នេះហើយជាមូលហេតុដែលខ្ញុំត្រឡប់មកសរសេរខ្លឹមសារដែលទាក់ទងនឹងប្រធានបទនេះ ដោយរំពឹងថានឹងបានផ្តល់ក្តីសង្ឃឹមដល់ពួកគេ។ ខ្លឹមសារក្នុងឯកសារនេះ យើងខ្ញុំមានបំណងចង់លើកឡើងអំពីការកុហកដ៏អាក្រក់មួយចំនួនដែលចេញមកពីការមើលរូបភាព ឬវីដេអូអាសអាភាសដល់លោកអ្នកដូចតទៅនេះ៖

១.

វាមិនមែនជារឿងធំដុំទេ

ការកុហកដ៏ចម្បងមួយដែលលោកអ្នកនឹងជួបប្រទះ នៅពេលដែលលោកអ្នកប្រឈមមុខទៅនឹងការល្បួងទាក់ទងនឹងការមើលរូបភាពមិនគប្បីដែលវានឹងធ្វើឲ្យលោកអ្នកជឿថា៖ នោះមិនមែនជារឿងធំដុំនោះទេ។ ប្រសិនបើមនុស្សគ្រប់គ្នាកំពុងតែមើលរឿងដូចនេះ នោះវាមិនមែនជាអំពើបាបធ្ងន់ធ្ងរនោះទេ។ តើនោះជាការពិតទេ?

ព្រះគម្ពីរបានលើកឡើងនូវរឿងរ៉ាវផ្ទុយពីគំនិតបែបនោះ។ សាវ័ក ប៉ុល បានលើកឡើងថា ∩ដ្បិតព្រះទ្រង់សព្វព្រះហឫទ័យ ឲ្យអ្នករាល់គ្នាបានញែកជាបរិសុទ្ធ ដើម្បីឲ្យបានចៀសពីសេចក្ដីកំផិតចេញ...ដ្បិតព្រះមិនបានហៅយើងរាល់គ្នា មកក្នុងសេចក្ដីស្មោកគ្រោកទេ គឺមកក្នុងសេចក្ដីបរិសុទ្ធវិញ∪ (១ថែស្សាឡូនីច៤:៣, ៧)។ ព្រះជាម្ចាស់បានត្រាស់ហៅគ្រីស្ទបរិស័ទឲ្យរស់នៅប្រកបដោយភាពបរិសុទ្ធខាងផ្លូវភេទ។ សាវ័ក ប៉ុល បានបន្តលើកឡើងនូវចំណុចដ៏គួរឲ្យរន្ធត់មួយទៀតថា ∩អ្នកណាដែលមិនព្រមទទួល នោះមិនមែនបោះបង់ចោលមនុស្ស ឈ្មោះថាបោះបង់ចោលព្រះវិញ ដែលទ្រង់បានប្រទានព្រះវិញ្ញាណបរិសុទ្ធនៃទ្រង់មកយើង∪ (១ថែស្សាឡូនីច ៤:៨)។ នៅពេលដែលលោកអ្នកមើលរូបភាព ឬវីដេអូអាសអាភាស នោះមានន័យថា លោកអ្នកកំពុងតែប្រព្រឹត្តអំពើបាបទាស់នឹងអំណាចព្រះចេស្ដា និងព្រះវត្តមាននៃព្រះវិញ្ញាណបរិសុទ្ធដែលស្ថិតនៅក្នុងជីវិតរបស់លោកអ្នកហើយ។ ព្រះអង្គកំពុងតែប្រាប់លោកអ្នកមិនឲ្យប្រព្រឹត្តបាប ប៉ុន្តែលោកអ្នកនៅតែបន្តល្មើសទាស់នឹងព្រះហឫទ័យទ្រង់ដដែល។

ក្នុងនាមលោកអ្នកជាគ្រីស្ទបរិស័ទ គឺលោកអ្នកបានប្រកាន់ជំនឿលើព្រះគ្រីស្ទ ព្រមទាំងបានទទួលព្រះវិញ្ញាណបរិសុទ្ធដែលកំពុងរស់នៅក្នុងជីវិតរបស់លោកអ្នកផងដែរ។ ព្រះវិញ្ញាណបរិសុទ្ធនេះហើយ ជាអង្គដែលកំពុងប្រាប់លោកអ្នកកុំឲ្យបន្តប្រព្រឹត្តអំពើបាបទៀត ហើយព្រះអង្គក៏បានអះអាងដល់លោកអ្នកដែរថា ទ្រង់នឹងជួយលោកអ្នកឲ្យចេះរស់នៅក្នុងរបៀបមួយដែលត្រឹមត្រូវ។ ការដែលលោកអ្នកនៅតែបន្តប្រព្រឹត្តអំពើបាបនោះជាដដែលៗ នោះជាការខុសឆ្គងខ្លាំងណាស់។ រាល់ពេលដែលលោកអ្នកប្រព្រឹត្តអំពើបាបបែបនោះ មានន័យថាលោកអ្នកកំពុងតែបន្តប្រព្រឹត្តអំពើបាបយ៉ាងសកម្មដែលវាជំទាស់នឹងព្រះវត្តមានរបស់ព្រះជាម្ចាស់ដែលកំពុងគង់នៅក្នុងលោកអ្នក។ នេះមិនមែនជារឿងតូចតាចនោះឡើយ។

២.

ការមើលរូបភាព ឬវីដេអូអាសអាភាសជះឥទ្ធិពលលើខ្ញុំតែម្នាក់ប៉ុណ្ណោះ

ការកុហកទីពីរគឺ ការគិតថាការមើលរូបភាព ឬវីដេអូអាសអាភាសគ្រាន់តែជះឥទ្ធិពលលើខ្លួនខ្ញុំតែម្នាក់ប៉ុណ្ណោះ។ ការមើលរូបភាពពុំគប្បីធ្វើឲ្យលោកអ្នកជឿថា ការមើលនេះគឺគ្រាន់តែជាបញ្ហាផ្ទាល់ខ្លួនរបស់លោកអ្នក តែពុំមែនជាបញ្ហារបស់អ្នកដទៃឡើយ។ ទោះបើការនេះពិតជាមានគ្រោះថ្នាក់មែន ក៏លោកអ្នកនៅតែហ៊ានបង្ខំខ្លួនឲ្យគិតថា គ្រោះថ្នាក់នេះបានកើតឡើងមកលើលោកអ្នកតែម្នាក់ឯងប៉ុណ្ណោះ។ បើលោកអ្នកកំពុងតែប្រឈមមុខនឹងការល្បួងឲ្យជឿលើសេចក្ដីកុហកបែបនេះ នោះខ្ញុំចង់លើកទឹកចិត្តលោកអ្នកឲ្យចំណាយពេលខ្លះ ដើម្បីគិតអំពីគ្រោះថ្នាក់ដែលបណ្ដាលមកពីការមើលរូបភាព ឬក៏វីដេអូអាសអាភាសទាំងនេះដូចតទៅ៖

វាគ្រោះថ្នាក់ដល់ព្រលឹងវិញ្ញាណរបស់លោកអ្នក។ ប្រសិនបើលោកអ្នកនៅតែបន្តបណ្តោយខ្លួនឲ្យញៀននឹងការមើលរូបភាព ឬវីដេអូអាសអាភាស ហើយពុំមានចិត្តចង់សម្លាប់អំពើបាបហ្នឹងចោល នោះមានន័យថា លោកអ្នកមានហេតុផលសួរខ្លួនឯងថា តើព្រលឹងរបស់ខ្ញុំបានទទួលការសង្គ្រោះហើយឬនៅ? ប្រសិនបើលោកអ្នកពុំមានវិប្បដិសារីនឹងអំពើបាប មិនមានចិត្តប្រាថ្នាចង់យកឈ្នះលើអំពើបាបនោះ ហើយនៅតែបន្តជ្រើសរើសនូវការប្រព្រឹត្តអំពើបាបនេះម្តងហើយម្តងទៀត ដោយមិនមានចិត្តចង់បានព្រះយេស៊ូវដែលជាព្រះអង្គសង្គ្រោះរបស់លោកអ្នក នោះលោកអ្នកគួរតែសួរខ្លួនឯងថា៖ តើខ្ញុំស្រឡាញ់រូបភាព និងវីដេអូអាសអាភាសទាំងនោះដល់កម្រិតដែលអាចឲ្យខ្ញុំហ៊ានធ្លាក់នរកដោយសារវាមែនឬ? ដើម្បីជាប្រយោជន៍ដល់ព្រលឹងវិញ្ញាណរបស់លោកអ្នក ចូរឈប់មើលវាទៅ!

វាគ្រោះថ្នាក់មួយដល់អ្នកជិតខាងរបស់លោកអ្នក។ ព្រះយេស៊ូវបានប្រាប់ឲ្យយើងស្រឡាញ់អ្នកជិតខាងឲ្យដូចខ្លួនយើង។ មនុស្សនៅក្នុងរូបភាពដែលលោកអ្នកកំពុងមើល គឺសុទ្ធសឹងតែជាអ្នកជិតខាងរបស់លោកអ្នក។ ពួកគាត់ក៏ជាមនុស្សដែលព្រះជាម្ចាស់បានបង្កើតមកក្នុងរូបអង្គទ្រង់សម្រាប់ថ្វាយសិរីល្អដល់ទ្រង់ដែរ។ តើការដែលលោកអ្នកមើលនូវអ្វីដែលពួកគាត់កំពុងធ្វើ បានបង្ហាញថា លោកអ្នកស្រឡាញ់ពួកគាត់ដែរឬទេ? ចម្លើយគឺ ទេ! នៅពេលដែលលោកអ្នកបណ្តោយខ្លួនទៅមើលរូបភាពដែលពុំគប្បីទាំងនោះ នោះមានន័យថា លោកអ្នកបានជ្រើសរើសចូលរួមប្រព្រឹត្តអំពើបាបខាងផ្លូវភេទ ក៏ដូចជាបានអនុញ្ញាតឲ្យអ្នកដែលគេថតរូប ឬវីដេអូអាសអាភាសទាំងនោះប្រព្រឹត្តអំពើបាប ដើម្បីជាប្រយោជន៍ដល់ភាពស្រើបស្រាលរបស់ខ្លួនអ្នកផងនោះ។ ដូចនេះ ដើម្បីជាប្រយោជន៍ដល់អ្នកជិតខាង ចូរឈប់មើលវាទៅ!

វាគ្រោះថ្នាក់ដល់ក្រុមជំនុំរបស់លោកអ្នក។ មានបុរសជាច្រើនដែលមានលក្ខណសម្បត្តិស័ក្តិសមធ្វើជាគ្រូគង្វាល ឬជាអ្នកដឹកនាំក្នុងក្រុមជំនុំ ប៉ុន្តែគួរឲ្យសោកស្តាយណាស់ដែលពួកគាត់បែរជាជ្រើសរើសយកការស្រឡាញ់រូបភាព ឬវីដេអូអាសអាភាសជាជាងស្រឡាញ់ក្រុមជំនុំទៅវិញ។ មិនតែប៉ុណ្ណោះក៏មានស្ត្រីជាច្រើននាក់ដែរ ដែលស័ក្តិសមនឹងធ្វើជាអ្នកដឹកនាំក្នុងព័ន្ធកិច្ចស្ត្រី ប៉ុន្តែពួកគាត់មិនអាចធ្វើបាន ហើយក៏ពុំព្រមធ្វើជាអ្នកដឹកនាំដែរ ដោយសារពួកគាត់ពុំមានសិទ្ធិតទៅទៀតឡើយ។ នេះមកពីពួកគាត់បានជ្រើសរើសដើរក្នុងគន្លងនៃការបំពេញភាពស្រើបស្រាលក្នុងកាមតណ្ហារបស់ខ្លួន។ ដូច្នេះដើម្បីជាប្រយោជន៍ដល់ក្រុមជំនុំរបស់លោកអ្នក ចូរឈប់មើលវាទៅ!

វាគ្រោះថ្នាក់ដល់សុភមង្គលនៃក្រុមគ្រួសាររបស់លោកអ្នក។ បុរសជាច្រើនកំពុងតែបំផ្លាញសុភមង្គលគ្រួសាររបស់ខ្លួន ដោយសារគាត់ចង់បាននូវភាពរីករាយដែលមិនត្រឹមត្រូវ។ មួយវិញទៀតសោត ក៏មានមនុស្សស្រីជាច្រើនដែលកំពុងតែបដិសេធនឹងការយកចិត្តទុកដាក់ពីប្តីរបស់ខ្លួន ដោយសារពួកគាត់ចង់អាន ឬមើលនូវអ្វីដែលពុំគប្បី។ ក្មេងៗក៏កំពុងតែចាប់ផ្តើមមើលវីដេអូ ឬរូបភាពអាសអាភាសដែរ ដោយសារតែឪពុកម្តាយរបស់ពួកគាត់បានបន្សល់ទុកនូវអ្វីដែលពុំគួរគប្បីដល់ពួកគេ។ ឪពុកជាច្រើនកំពុងតែអញ្ជើញអារក្សសាតាំងឲ្យមកគ្រងរាជ្យក្នុងផ្ទះរបស់ខ្លួន ពីព្រោះពួកគាត់បានប្រព្រឹត្តនូវអ្វីដែលអារក្សសាតាំងពេញចិត្ត ជាជាងធ្វើតាមព្រះហឫទ័យដែលទ្រង់ហាមមិនឲ្យធ្វើ។ ដូច្នេះដើម្បីសុភមង្គលក្នុងក្រុមគ្រួសាររបស់លោកអ្នក ចូរឈប់មើលវាទៅ!

វាគ្រោះថ្នាក់ដល់សេចក្តីសង្គ្រោះរបស់លោកអ្នក។ ជាការពិតណាស់ នេះគឺជាគ្រោះថ្នាក់ដ៏ធំបំផុតក្នុងចំណោមគ្រោះថ្នាក់ឯទៀតៗ។ ក្នុងនាមលោកអ្នកជាគ្រីស្ទបរិស័ទ បើលោកអ្នកនៅតែបន្តមើលរូបភាព ឬក៏រឿងអាសអាភាស នោះមានន័យថា លោកអ្នកទទួលស្គាល់ថា តម្លៃនៃការអត់ទោសដោយការសុគតរបស់ព្រះគ្រីស្ទគ្មានសារៈសំខាន់អ្វីនោះទេ។ ព្រះយេស៊ូវបានរងទុក្ខ ហើយសុគត ដើម្បីលោះបាបរបស់លោកអ្នក។ ដូច្នេះ ក្នុងនាមជាគ្រីស្ទបរិស័ទមួយរូប ហេតុអ្វីក៏លោកអ្នកបែរជាលេងសើច ហើយប្រឡូកជាមួយនឹងអំពើបាប ព្រមទាំងរាប់វាថា មិនមែនជាបញ្ហាធំដុំដូច្នោះ? ហេតុអ្វីបានជាលោកអ្នកនៅតែបន្តឱបក្រសោបអំពើបាបទាំងនោះទៀត? ដូច្នេះដើម្បីសិរីល្អរបស់ព្រះជាម្ចាស់ ចូរឈប់មើលវាទៅ!

៣.

នេះជារឿងអាថ៌កំបាំងរបស់ខ្ញុំ

ការកុហកទី៣ ការមើលរូបភាព ឬវីដេអូអាសអាភាសគ្រាន់តែជារឿងអាថ៌កំបាំងសម្រាប់តែខ្ញុំម្នាក់ឯងប៉ុណ្ណោះ។ លោកអ្នកក៏ប្រហែលជាប្រឈមមុខនឹងសេចក្តីល្បួង ដោយលោកអ្នកចង់ជឿថា អ្វីៗដែលលោកអ្នកបានធ្វើនៅក្នុងបន្ទប់ គឺគ្រាន់តែជារឿងផ្ទាល់ខ្លួនរបស់លោកអ្នក ដោយវាពុំមែនជារឿងរបស់អ្នកដទៃ។ ការកុហកដែលចេញមកពីការមើលរូបភាពពុំគប្បីបានលើកឡើងថា ទាំងនេះគឺជារឿងអាថ៌កំបាំងរបស់លោកអ្នក ដែលគ្មាននរណាម្នាក់ដឹងក្រៅពីលោកអ្នកឡើយ។ ក៏ប៉ុន្តែ តើលោកអ្នកចាំទេថា អំពើបាបដែលលោកអ្នកបានប្រព្រឹត្តតែងតែតាមលោកអ្នកទាន់ (ជនគណនា ៣២:២៣)? អំពើបាបតែងតែក្បត់យើងបែបហ្នឹងជានិច្ច។ អំពើបាបតែងតែចូលចិត្តបង្ខំលោកអ្នកឲ្យជឿថា ខ្លួនរបស់លោកអ្នកផ្ទាល់ គឺជាអ្នកដែលគ្រប់គ្រងលើគ្រប់កាលៈទេសៈទាំងអស់ ជាមេ ហើយជាអ្នកដែលអាចសម្រេចថានឹងបញ្ឈប់នូវការប្រព្រឹត្តបាបដែលខ្លួនកំពុងធ្វើ ក៏ដូចជាបោះបង់អំពើបាបនោះចោលបាន។ ទោះជាយ៉ាងណាក៏ដោយ ក៏ការនោះមិនមែនជាលក្ខណសម្បត្តិនៃអំពើបាបឡើយ។ នៅពេលដែលខ្ញុំយកអំពើបាបមកប្រៀបធៀបថាជាបុគ្គលណាម្នាក់ (អំពើបាប=បុគ្គល) ខ្ញុំបានឃើញថា អំពើបាបគឺជាតួអង្គដ៏អាក្រក់បំផុត ដែលចង់បំផ្លាញរូបកាយខ្ញុំ ព្រលឹងខ្ញុំ ចិត្តគំនិតខ្ញុំ ទំនាក់ទំនងខ្ញុំ ព្រមទាំងកេរ្តិ៍ឈ្មោះរបស់ខ្ញុំ។ សរុបមក អំពើបាបចង់បំផ្លាញគ្រប់ទាំងកិច្ចការក្នុងជីវិតរបស់លោកអ្នក។ អំពើបាបបានក្លែងខ្លួនធ្វើជានុយ ដើម្បីមកល្បួងលោកអ្នក ហើយចង់ឲ្យលោកអ្នកស៊ីនុយនោះ បន្ទាប់មកវានឹងបំផ្លាញលោកអ្នកចោលទាំងស្រុង (យ៉ាកុប ១)។

អំពើបាបរបស់លោកអ្នកនឹងដើរទាន់លោកអ្នក (ជនគណនា ៣២:២៣)។ វាចង់ទាញនាំលោកអ្នកឲ្យទៅប្រព្រឹត្តតាមវា និងឲ្យលោកអ្នកគិតថា អ្នកជាម្ចាស់លើខ្លួនឯង មានសន្តិភាព មិនឲ្យលោកអ្នករវីរវល់នឹងអ្វីទាំងអស់ តែបន្ទាប់មក វានឹងត្របាក់លេបលោកអ្នក រួចខ្ជាក់ចេញមកវិញ (១ពេត្រុស ៥:៨)។ តើលោកអ្នកមិនបានឃើញពីចំណុចទាំងនោះទេឬអី? អំពើបាប ចង់ឲ្យលោកអ្នកគិតថា ការមើលរូបភាព ឬវីដេអូអាសអាភាស គ្រាន់តែជារឿងអាថ៌កំបាំងផ្ទាល់ខ្លួន ហើយក៏ពុំមានគ្រោះថ្នាក់អ្វីដែរ។ ក៏ប៉ុន្តែ សូមចងចាំថា មិនយូរមិនឆាប់នឹងមាននរណាម្នាក់មកតាមទាន់លោកអ្នក នៅពេលដែលលោកអ្នកកំពុងតែមើលរូបភាពនោះ ហើយក៏នឹងមាននរណាម្នាក់ទៀតមើលឃើញពីប្រវត្តិគេហទំព័រដែលលោកអ្នកបានបើកមើល (website search history) ហើយក៏នឹងមាននរណាម្នាក់ឃើញអំពីរបៀប និងទីកន្លែងដែលលោកអ្នកចាយលុយផងដែរ។ អំពើបាបចង់បង្ហាញអំពីអ្វីៗដែលលោកអ្នកបានធ្វើឲ្យអ្នកដទៃឃើញ ហើយចង់បំបាក់មុខលោកអ្នក ព្រមទាំងចង់ប្រើការជំពប់ដួលនោះ ដើម្បីបន្ថោកតម្លៃនៃដំណឹងល្អផងដែរ។

៤.

អំពើបាបនេះនឹងធ្វើឲ្យខ្ញុំស្កប់ស្កល់

ការកុហកទី៤ ការមើលរូបភាព ឬវីដេអូអាសអាភាសនឹងធ្វើឲ្យលោកអ្នកស្កប់ស្កល់។ លោកអ្នកបានស្គាល់ពីអារម្មណ៍នេះហើយថា ពេលដែលលោកអ្នកសម្របខ្លួនដោយជឿលើសេចក្ដីកុហកដែលថា បើលោកអ្នកប្រព្រឹត្តបាប ពេលនោះឯងលោកអ្នកនឹងមានភាពស្កប់ស្កល់យ៉ាងពិតប្រាកដ តែបើលោកអ្នកមិនព្រមធ្វើតាមអំពើបាបនោះទេ លោកអ្នកក៏មិនអាចមានភាពស្កប់ស្កល់បានដែរ។ របៀបមួយដែលអាចឲ្យលោកអ្នកអរសប្បាយឥឡូវនេះបាន របៀបមួយដែលអាចឲ្យលោកអ្នកស្កប់ស្កល់បាន របៀបមួយដែលអាចឲ្យលោកអ្នកគេងលក់ស្រួលបាននៅពេលយប់នេះ នោះគឺលោកអ្នកត្រូវតែប្រព្រឹត្តអំពើបាប។

អំពើបាបតែងតែសន្យាថា វានឹងនាំឲ្យលោកអ្នកមានភាពស្កប់ស្កល់ ប៉ុន្តែវាមិនដែលបំពេញក្ដីសន្យារបស់វាឲ្យបានលើសពីពីរបីវិនាទីនោះឡើយ។ ជាទីបញ្ចប់ វាតែងតែសន្យាលើសពីអ្វីដែលវាអាចបំពេញបាន ជាពិសេសចំពោះអំពើបាបដែលទាក់ទងនឹងផ្លូវភេទ។ នៅពេលដែលលោកអ្នកធ្លាក់ចូលទៅក្នុងសេចក្ដីល្បួងបែបនេះ នោះលោកអ្នកនឹងកត់សម្គាល់ឃើញថា ភាពស្កប់ស្កល់មានតែមួយភ្លែតប៉ុណ្ណោះ ដែលវាមិនមែនជាភាពស្កប់ស្កល់ដ៏ពិតដល់ព្រលឹងវិញ្ញាណរបស់លោកអ្នកឡើយ។ ព្រះជាម្ចាស់បានសន្យាថា សេចក្តីអំណរដ៏ពិតប្រាកដ នឹងអាចកើតមានឡើងតាមរយៈការស្តាប់បង្គាប់ទ្រង់ មិនមែនការជំទាស់នឹងទ្រង់ឡើយ។ ទ្រង់មានព្រះហឫទ័យចង់បង្ហាញការនោះដល់លោកអ្នក ក៏ប៉ុន្តែលុះត្រាតែលោកអ្នកអនុញ្ញាតឲ្យទ្រង់បង្ហាញការនោះ នោះទើបព្រះអង្គអាចធ្វើការបាន។ មានតែការស្តាប់បង្គាប់ទ្រង់មួយតែប៉ុណ្ណោះដែលអាចនាំលោកអ្នកឲ្យស្គាល់ពីព្រះពរនៃការស្តាប់បង្គាប់នេះបាន។ បើលោកអ្នកនៅតែបន្តចុះចូលនឹងអំពើបាបជារៀងរាល់ថ្ងៃ នោះលោកអ្នកពិតជាមិនអាចស្គាល់នូវព្រះពរដែលព្រះជាម្ចាស់បានរៀបចំទុកសម្រាប់អស់អ្នកដែលបានស្តាប់បង្គាប់ទ្រង់ឡើយ។ ផ្ទុយពីការសន្យាដែលធ្វើឲ្យលោកអ្នកបានស្កប់ស្កល់ គឺសេចក្តីហិនវិនាស។ ព្រះវរបិតាទ្រង់បានសន្យាថា ទ្រង់នឹងប្រទានភាពស្កប់ស្កល់ ហើយលើសពីនោះទៅទៀត ទ្រង់បានប្រទាននូវអ្វីដែលយើងបានសុំ ហើយគិតមិនដល់។ ចូរទទួលជឿសេចក្ដីសន្យារបស់ទ្រង់ចុះ!

៥.

ពុំមាននរណាម្នាក់អាចសង្គ្រោះខ្ញុំបានឡើយ

នេះគឺជាការកុហកទី៥ លោកអ្នកបានគិតថាមិនមាននរណាម្នាក់អាចសង្គ្រោះខ្ញុំឲ្យរួចពីការមើលរូបភាព ឬវីដេអូអាសអាភាស។ ការកុហកដ៏ចម្បងទាក់ទងនឹងការមើលរូបភាពពុំគប្បី៖ គឺជាការដែលយើងជឿថា ការមើលរូបភាព ឬក៏វីដេអូអាសអាភាសជាចៅហ្វាយលើជីវិតរបស់លោកអ្នក ហើយគ្មាននរណាម្នាក់អាចជួយរំដោះលោកអ្នកបានឡើយ ពោលគឺលោកអ្នកគ្មានក្តីសង្ឃឹម ទាំងចិត្ត និងគំនិតរបស់ខ្លួន។ វាប្រហែលជាកំពុងតែខ្សឹបខ្សៀវដាក់ត្រចៀកលោកអ្នកថា ឯងបានធ្វើបាបនេះច្រើនដងពេកហើយ រហូតដល់ក្លាយជាទម្លាប់ដែលឯងគ្មានផ្លូវណាអាចនឹងកែខ្លួនបានទេ។

យ៉ាងណាមិញ ការមានគំនិតបែបនេះ គឺមិនមែនជារឿងដែលត្រឹមត្រូវ និងសមហេតុផលឡើយ។ តាមពិតវាគឺជាការកុហកដែលចេញពីមាត់អារក្សសាតាំងផ្ទាល់តែម្តង ហើយក៏ជាការបដិសេធដំណឹងល្អចោលទាំងស្រុងដែរ។ ព្រះយេស៊ូវបានមានបន្ទូលថា «អ្នករាល់គ្នាមិនមែនជារបស់ផងខ្លួនទេ ដ្បិតព្រះទ្រង់បានចេញថ្លៃលោះអ្នករាល់គ្នាហើយ» (១កូរិនថូស ៦:១៩-២០)។ ព្រះអង្គបានយកព្រះលោហិតទ្រង់ ដើម្បីទិញលោកអ្នក ដែលនេះមានន័យថា ព្រះអង្គជាម្ចាស់លើលោកអ្នក ហើយលោកអ្នកគឺជាកម្មសិទ្ធិរបស់ទ្រង់។ ការមើលរូបភាព ឬក៏វីដេអូអាសអាភាសមិនមែនជាម្ចាស់លើជីវិតលោកអ្នកទេ តែព្រះយេស៊ូវទេដែលជាម្ចាស់លើលោកអ្នក! ព្រះអង្គបាន «ធ្វើទាំងអស់ឡើងជាថ្មី» វិញ (វិវរណៈ ២១:៥)។ នេះមិនមែនមានតែរុក្ខជាតិ ចក្រវាល ឬផែនដីថ្មីនោះឡើយ ប៉ុន្តែគឺលោកអ្នកនេះហើយដែលព្រះជាម្ចាស់ទ្រង់បានច្នៃជាថ្មី។ ទ្រង់កំពុងតែច្នៃលោកអ្នកឡើងជាថ្មីវិញ ដែលនេះមានន័យថា ព្រះអង្គកំពុងតែបំផ្លាញនូវគ្រប់ទាំងអំពើបាបដែលមានក្នុងលោកអ្នក ហើយទ្រង់ក៏កំពុងត្រាស់ហៅលោកអ្នកឲ្យមានជីវិតថ្មី ឲ្យទទួលបាននូវភាពបរិសុទ្ធ និងបានរាប់លោកអ្នកជាសុចរិតផងដែរ។ អំណាចព្រះចេស្ដារបស់ព្រះយេស៊ូវធំជាងអំណាចនៃការមើលនូវរូបភាព ឬវីដេអូអាសអាភាសទៅទៀត ពោលគឺធំជាងអ្វីដែលលោកអ្នកអាចពណ៌នាបាន។

ពិតជាមានអ្នកដែលអាចជួយលោកអ្នកបាន! គ្មានអំពើបាបណាមួយដែលព្រះលោហិតរបស់ព្រះយេស៊ូវលុបលាងមិនបានឡើយ ហើយក៏គ្មានអំពើបាបណាមួយដែលលោកអ្នកប្រព្រឹត្តច្រើនដងពេក រហូតដល់លោកអ្នកមិនអាចផ្តាច់វាចោលបាននោះដែរ។ មិនមានអំពើបាបណាមួយធំហួសពេកដែលព្រះយេស៊ូវមិនអាចអត់ទោសឲ្យបានដែរនោះឡើយ។ ដូច្នេះ ចូរកុំអស់សង្ឃឹមឡើយ! កុំអនុញ្ញាតឲ្យខ្លួនឯងគិតថា គ្មាននរណាម្នាក់អាចជួយខ្ញុំបានឡើយ។ ក្តីសង្ឃឹមដ៏ធំបំផុតរបស់លោកអ្នក គឺដំណឹងល្អរបស់ព្រះគ្រីស្ទ!

បើលោកអ្នកកំពុងជឿទុកចិត្តលើព្រះគ្រីស្ទ កំពុងសង្វាតចាប់យកក្ដីសន្យារបស់ព្រះជាម្ចាស់ និងកំពុងជឿលើដំណឹងល្អ នោះមានន័យថា លោកអ្នកនឹងមិនជ្រើសរើសមើលរូបភាព ឬវីដេអូអាសអាភាសម្ដងទៀតឡើយ។ ប្រសិនបើលោកអ្នកអនុញ្ញាតឲ្យព្រះជាម្ចាស់ជួយ នោះព្រះអង្គនឹងជួយលោកអ្នកដោយអំណរ ដើម្បីមិនឲ្យលោកអ្នកបណ្ដោយខ្លួនទៅមើលរូបភាព ឬវីដេអូអាសអាភាសតទៅទៀតឡើយ។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Tim Challies

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ, លោក ជួប ប៊ុនហាក់, លោក ទេព រ៉ូ និងកញ្ញា ថន ស្ថាពរ

ដកស្រង់ខ្លះៗចេញពី www.challies.com ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

២១៦២

កំណត់ហេតុបណ្ដាញ២ កញ្ញា ២០២៥

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

គណនេយ្យករសាជីវកម្ម អ្នកគ្រប់គ្រងសិទ្ធផ្តាច់មុខ ឬនាយកប្រតិបត្តិទីផ្សារប្រហែលជាត្រូវធ្វើការយ៉ាងម៉ត់ចត់ជាមួយម៉ោងការងារដោយសារមានមនុស្សជាច្រើនកំពុងមើលខុសត្រូវលើគាត់...ក្នុងនាមជាគ្រីស្ទបរិស័ទ នៅពេលដែលនិយាយអំពីការយល់ខុសត្រូវ វាមិនមែនជាសំណួរអំពីអ្វីដែលត្រូវបានអនុញ្ញាតឬក៏អត់នោះទេ ប៉ុន្តែគឺអំពីអ្វីតាមព្រះគម្ពីរវិញ។

អានបន្ថែម

១៣៩

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

១១៣៧

កំណត់ហេតុបណ្ដាញ១២ ឧសភា ២០២៥

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អធិប្បាយកណ្ឌគម្ពីរអេសាយ ដើម្បីឲ្យឃើញអំពីសិរីល្អនៃសេចក្តីសង្គ្រោះរបស់ព្រះជាម្ចាស់ដែលមានព្រះជន្មរស់ ដែលមានការឆ្លុះបញ្ចាំងលើព្រះភក្ត្ររបស់ព្រះយេស៊ូវគ្រីស្ទ។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

មតិយោបល់

មានមតិយោបល់ដែលបានអនុម័ត 1

hak sreyhoun២២ មេសា ២០១៧
អត្ថបទនេះពិតជាលើកទឹកចិត្តខ្ញុំណាស់ ខ្ញុំត្រូវការសេចក្តីបង្រៀនដែលនាំជីវិតខ្ញុំអោយកាន់តែប្រសើរថែមទៀត ខ្ញុំរីករាយនឹងទទួលក្នុងសេចក្តីចែកចាយរបស់អ្នក

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ការកុហក៥យ៉ាងអំពីការមើលរូបមិនគប្បី

២១ មេសា ២០១៧អានរយៈពេល ១៩ នាទី

មើល៥១៣៦ដង១មតិ

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធ​ដោយ៖ លោក​គ្រូ Tim Challies

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ, លោក ជួប ប៊ុនហាក់, ​លោក ទេព រ៉ូ និង​កញ្ញា ថន​ ស្ថាពរ

ដកស្រង់ខ្លះៗចេញពី www.challies.com ដោយមានការអនុញ្ញាត។

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ចុះ​ប្រសិន​បើ​ខ្ញុំ​មិន​បាន​ធ្វើ​ការ​ឲ្យ​គ្រប់​ម៉ោង​តាម​ដែល​ខ្ញុំ​គួរ​ធ្វើ?

ប្រកាសអំពីព្រះយេស៊ូវនៅលើកាប៉ាល់ទីតានិច

ហេតុ​ផល​៤​យ៉ាង ​ដែល​លោក​អ្នក​គួរ​អធិប្បាយ​តាម​រយៈ​កណ្ឌ​គម្ពីរ ​អេសាយ

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធ​ដោយ៖ លោក​គ្រូ Tim Challies

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ, លោក ជួប ប៊ុនហាក់, ​លោក ទេព រ៉ូ និង​កញ្ញា ថន​ ស្ថាពរ

ដកស្រង់ខ្លះៗចេញពី www.challies.com ដោយមានការអនុញ្ញាត។

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ចុះ​ប្រសិន​បើ​ខ្ញុំ​មិន​បាន​ធ្វើ​ការ​ឲ្យ​គ្រប់​ម៉ោង​តាម​ដែល​ខ្ញុំ​គួរ​ធ្វើ?

ប្រកាសអំពីព្រះយេស៊ូវនៅលើកាប៉ាល់ទីតានិច

ហេតុ​ផល​៤​យ៉ាង ​ដែល​លោក​អ្នក​គួរ​អធិប្បាយ​តាម​រយៈ​កណ្ឌ​គម្ពីរ ​អេសាយ

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

និពន្ធដោយ៖ លោកគ្រូ Tim Challies

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ, លោក ជួប ប៊ុនហាក់, លោក ទេព រ៉ូ និងកញ្ញា ថន ស្ថាពរ

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

និពន្ធដោយ៖ លោកគ្រូ Tim Challies

បកប្រែដោយ និងកែសម្រួលដោយ៖ លោក ឈាង បូរ៉ា, លោក អ៊ុន ជ័យរិទ្ធ, លោក ជួប ប៊ុនហាក់, លោក ទេព រ៉ូ និងកញ្ញា ថន ស្ថាពរ

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)