in

ព្រះ​ជាម្ចាស់​ព្រះ​សណ្ដាប់ ហើយ​យល់

How to Pray in Times of Trouble

សេចក្ដី​សន្យា​មួយ​ដែល​ខ្ញុំ​ចូល​ចិត្ត​ខ្លាំង​បំផុត​ក្នុង​ចំណោម​ក្ដី​សន្យា​ជា​ច្រើន​ដែល​មាន​ក្នុង​ព្រះ​គម្ពីរ​នោះ​គឺ៖ ពេល​ដែល​យើង​មិន​ដឹង​ជា​លើក​ពាក្យ​ពេចន៍​សំណូម​ពរ​អធិស្ឋាន​ទៅ​កាន់​ព្រះ​ជាម្ចាស់​យ៉ាង​ម៉េច ហើយ​ពេល​នោះ​អ្វី​គ្រប់​យ៉ាង​ដែល​យើង​អាច​ធ្វើ​បាន​នោះ​គឺ គ្រាន់តែ​ថ្ងូរ​ពី​កាលៈទេសៈ​របស់​យើង​ដល់​ទ្រង់ នោះ​ព្រះ​វិញ្ញាណ​បរិសុទ្ធ​ក៏​យល់​ពី​ដំងូរ​របស់​យើង ហើយ​ទ្រង់​បក​ប្រែ​ដំងូរ​នោះ​ឲ្យ​ទៅ​ជា​សេចក្ដី​អធិស្ឋាន​ដែល​អាច​យល់​បាន​ទៅ​កាន់​ព្រះ​ជាម្ចាស់​ដ៏​ជា​ព្រះ​វរបិតា​របស់​យើង ហើយ​ទ្រង់​នឹង​ឆ្លើយ​តប​សេចក្ដី​អធិស្ឋាន​នោះ​ក្នុង​ព្រះ​នាម​ព្រះ​រាជបុត្រា។

ចំណុច​មួយ​ដែល​យើង​គួរ​ធ្វើ​ពេល​ដែល​យើង​ជួប​នឹង​បញ្ហា​នោះ​គឺ ព្យាយាម​អធិស្ឋាន​តាម​ដែល​យើង​អាច​ធ្វើ​បាន ហើយ​ទោះ​បើ​យើង​មិន​អាច​អធិស្ឋាន​បាន​យ៉ាង​ល្អ ក៏​ព្រះ​ជាម្ចាស់​នៅ​យល់ ហើយ​ទ្រង់​ក៏​នឹង​ឆ្លើយ​តប​នឹង​សេចក្ដី​អធិស្ឋាន​នោះ​បាន​យ៉ាង​ល្អ​ជាង​យើង​អាច​អធិស្ឋាន​ទៅ​ទៀត។

ចំណុច​មួយ​ទៀត​ដែល​យើង​អាច​ធ្វើ​បាន​នោះ​គឺ សុំ​បងប្អូន​រួម​ជំនឿ​ឲ្យ​អធិស្ឋាន​សម្រាប់​យើង​ពេល​យើង​ជួប​បញ្ហា។ វា​ពិត​ជា​ព្រះ​ពរ​មែន​ក្នុង​ការ​ដែល​យើង​អាច​ចែកចាយ​បញ្ហា និង​បន្ទុក​របស់​យើង​ជាមួយ​នឹង​មិត្ត​ដែល​ចេះ​គិត​គូរ មាន​ពេញ​ដោយ​ប្រាជ្ញា ពេញ​វ័យ​ខាង​ឯ​វិញ្ញាណ និង​ជា​អ្នក​ដែល​ចេះ​មើល​ថែ​អ្នក​ដទៃ ដើម្បី​ឲ្យ​ពួក​គាត់​ជួយ​អធិស្ឋាន​ក្នុង​របៀប​ដែល​គាត់​អាច​ធ្វើ​បាន​សម្រាប់​យើង។

ខ្ញុំ​ជឿ​យ៉ាង​មុតមាំ​លើ​សេចក្ដី​សន្យា​របស់​ព្រះ​ជាម្ចាស់​ដែល​ថា «ដ្បិត​សេចក្ដី​ទូល​អង្វរ​ដ៏​អស់​ពី​ចិត្ត​របស់​មនុស្ស​សុចរិត នោះ​ពូកែ​ណាស់» ហើយ​ខ្ញុំ​ក៏​ធ្លាប់​ដក​ពិសោធន៍​នឹង​ការ​នោះ​ក្នុង​ជីវិត​របស់​ខ្ញុំ​ផង​ដែរ (យ៉ាកុប ៥:១៦)។

ដូច្នេះ ចូរ​អធិស្ឋាន​ក្នុង​របៀប​ដែល​លោក​អ្នក​អាច​ធ្វើ​បាន ហើយ​ចូរ​សុំ​បងប្អូន​រួម​ជំនឿ​ឲ្យ​ជួយ​អធិស្ឋាន​សម្រាប់​លោក​អ្នក ក្នុង​របៀប​ដែល​ពួក​គាត់​អាច​ធ្វើ​បាន ព្រោះ​នោះ​ជា​ចំណុច​ដ៏​ល្អ​បំផុត​ដែល​យើង​គួរ​ធ្វើ។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។
និពន្ធ​ដោយ៖ លោក​គ្រូ Philip Graham Ryken
បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់
ដកស្រង់ខ្លះៗចេញពី www.crossway.org ដោយមានការអនុញ្ញាត ពី​សៀវភៅ When Troubles Comes
image_pdfទាញ​យក​ជា PDF

តើអ្នកចូលចិត្តអត្ថបទនេះទេ?

0 points
Upvote Downvote

មតិយោបល់

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

Loading…

0

បន្ថែម​មតិយោបល់​​

មតិយោបល់​​

សេចក្ដី​ទុក្ខ​ព្រួយ

ពិបាក​យល់​ណាស់