«សូមបង្រៀនឲ្យយើងខ្ញុំ ចេះកំណត់រាប់ថ្ងៃអាយុនៃយើងខ្ញុំ»

បើទោះបីជាមានប្រធានបទជាច្រើននៅក្នុងកណ្ឌគម្ពីរកំណាព្យ ដែលមានស័ក្ដិសមក្នុងការពិនិត្យមើលក៏ដោយ ក៏ប្រធានបទមួយដែលយើងនឹងសញ្ជឹងគិតគឺលើភាពខ្លីនៃអាយុជីវិត...

៣ កញ្ញា ២០២៤អានរយៈពេល ១៥ នាទី

មើល១៩៥ដង

ថ្មីៗនេះ តើលោកអ្នកបានគិតថា ជីវិតពិតជាខ្លីណាស់ដែរឬទេ?

គោលបំណងចម្បងនៃកណ្ឌគម្ពីរកំណាព្យគឺជំរុញរាស្ដ្ររបស់ព្រះជាម្ចាស់ឲ្យគិត (យ៉ូប, ទំនុកតម្កើង, សុភាសិត, សាស្ដា និងបទចម្រៀងសាឡូម៉ូន) ។ ជាញឹកញាប់ ផ្នែកនៃកណ្ឌគម្ពីរនេះណែនាំយើងឲ្យភ្ញាក់ផ្អើលនឹងលក្ខណសម្បត្តិរបស់ព្រះជាម្ចាស់ ឲ្យសញ្ជឹងគិតអំពីមាគ៌ារបស់ទ្រង់ និងចងចាំនូវភាពស្មោះត្រង់របស់ទ្រង់ ។ លើសពីនេះទៅទៀត កណ្ឌគម្ពីរនេះជំរុ ញយើងឲ្យបន្តដេញតាមប្រាជ្ញារបស់ព្រះជាម្ចាស់ (ទំនុកតម្កើង ១:១-២) ឲ្យដើរក្នុងការកោតខ្លាចព្រះអម្ចាស់ (សុភាសិត ១:៧) ហើយផ្ដល់ការព្រមានជាច្រើនដល់អ្នកដែលនឹងបដិសេធ ហើយមិនអើពើនឹងបទបញ្ញត្តិរបស់ព្រះជាម្ចាស់ និងមាគ៌ារបស់ព្រះជាម្ចាស់ (សុភាសិត ១:២៨-៣៣)។

បើទោះបីជាមានប្រធានបទជាច្រើននៅក្នុងកណ្ឌគម្ពីរកំណាព្យ ដែលមានស័ក្ដិសមក្នុងការពិនិត្យមើលក៏ដោយ ក៏ប្រធានបទមួយដែលយើងនឹងសញ្ជឹងគិតគឺលើភាពខ្លីនៃអាយុជីវិត។

លោកយ៉ូបបានពោលនៅក្នុងកណ្ឌគម្ពីរយ៉ូប ៧:៦-៧ ថា៖
«អស់ទាំងថ្ងៃអាយុរបស់ខ្ញុំ លឿនជាងត្រល់ដំបាញផង ហើយក៏កន្លងទៅ ឥតមានទីសង្ឃឹមឡើយ។ ឱព្រះអើយ សូមនឹកចាំថា ជីវិតទូលបង្គំជាខ្យល់ទទេ ភ្នែកទូលបង្គំនឹងមិនដែលឃើញសេចក្តីល្អទៀត»។

នៅក្នុងកណ្ឌគម្ពីរសាស្ដា ស្តេច សាឡូម៉ូន (ជាស្ដេចដែលមានជាងគេបំផុត និងមានប្រាជ្ញាជាងគេបំផុត) ក៏បានបញ្ចូលពាក្យសម្ដីរបស់លោក យ៉ូប នៅពេលទ្រង់ពណ៌នាអំពីភាពឥតបានការ និងភាពឥតប្រយោជន៍នៃជីវិត។ លើសពីនេះស្ដេច សាឡូម៉ូន ក៏នឹងរៀបរាប់យ៉ាងលម្អិតថា រយៈពេលនៃជីវិតរបស់យើង ទោះបីព្រះជាម្ចាស់មានជ្រាបហើយក៏ដោយ ក៏យើងនៅមិនដឹងទាល់តែសោះដែរ៖ «ម្យ៉ាងទៀត មនុស្សមិនស្គាល់ពេលវេលារបស់គេ ដូចជាត្រីជាប់ក្នុងសំណាញ់ដ៏គ្រោះថ្នាក់ និងសត្វស្លាបជាប់ក្នុងអន្ទាក់ ដូច្នេះកូនៗមនុស្សត្រូវជាប់អន្ទាក់នៅគ្រាដ៏អាក្រក់ ពេលវាធ្លាក់មកលើពួកគេភ្លាម» (សាស្ដា ៩:១២)។

ជីវិតផ្ទាល់ប្រៀបបាននឹងសំឡេងខ្សឹបប្រាប់ទៅខ្យល់ ឬដូចភ្លើងទៀន ដែលបន្ទាប់ពីបានផ្លុំហើយនឹងមានផ្សែងអ័ព្ទមួយភ្លែត ហើយបន្ទាប់មកក៏បាត់ទៅវិញជារៀងរហូត។ នេះដូចជាអ្វីដែលក្រោយមកប្អូនប្រុសរបស់ព្រះយេស៊ូវនឹងថ្លែងទីបន្ទាល់ចំពោះភាពពិតទាំងនេះនៅក្នុងគម្ពីរសញ្ញាថ្មី៖ «លោកអ្នកមិនទាំងដឹងថាជីវិតរបស់លោកអ្នកនឹងទៅជាយ៉ាងណានៅថ្ងៃស្អែកឡើយ» (យ៉ាកុប ៤:១៤)។

ក្នុងនាមជាគ្រីស្ទបរិស័ទ យើងបានតាំងចិត្តរស់នៅ ដើម្បីលើកតម្កើងសិរីល្អរបស់ព្រះជាម្ចាស់ ប៉ុន្តែដើម្បីឲ្យធ្វើដូច្នេះបាន គឺយើងត្រូវតែវាយតម្លៃ និងពិនិត្យមើលភាពផុយស្រួយ និងលក្ខណៈភាពកន្លងទៅយ៉ាងឆាប់រហ័សនៅក្នុងពេលដ៏ខ្លីនៃជីវិត។ នៅក្នុងការប្ដេជ្ញាចិត្តរបស់លោក យ៉ូណាថាន អេឌវើដស៍ (Jonathan Edwards) គាត់បានវាយតម្លៃយ៉ាងត្រឹមត្រូវចំពោះភាពមិនគ្រប់គ្រាន់នៃពេលវេលា ហើយបានអធិស្ឋានសូមឲ្យព្រះអម្ចាស់សង្កត់លើសន្តិសម្បជញ្ញៈរបស់គាត់នូវភាពចាំបាច់នៃការមើលពេលវេលារបស់យើងនៅលើផែនដីនេះដោយមានអារម្មណ៍ដ៏ជ្រាលជ្រៅនៃភាពជាអ្នកត្រួតត្រា។ ដោយមានភាពខ្លីនៃថ្ងៃអាយុរបស់មនុស្ស និងធម្មជាតិដ៏អស់កល្បនៃព្រលឹងមនុស្សនៅក្នុងចិត្តគំនិតគាត់ នោះលោក អេឌវើដស៍ ក៏បានអធិស្ឋានថា «ឱ! ព្រះអម្ចាស់អើយ! សូមបោះត្រាភាពអស់កល្បជានិច្ចលើកែវភ្នែកទូលបង្គំ»។ លោក អេឌវើដស៍ បានបដិសេធមិនរស់នៅសម្រាប់ការបណ្ដោះអាសន្ននោះទេ ប៉ុន្តែបានព្យាយាមធ្វើតាមការប្ដេជ្ញាចិត្តរបស់ខ្លួន៖

«គាត់បានត្រូវតាំងចិត្តថា៖ មិនត្រូវធ្វើអ្វីដែលខ្ញុំខ្លាចនឹងធ្វើ ប្រសិនបើទង្វើនោះកើតឡើងនៅម៉ោងចុងក្រោយនៃជីវិតរបស់ខ្ញុំ»។ (យ៉ូណាថាន អេឌវើដស៍ ក្នុងការប្ដេជ្ញាចិត្តទី៧)

លោក អេឌវើដស៍ គឺជាមនុស្សដែលមិនធម្មតាម្នាក់ក្នុងចំណុចនេះ ហើយនោះឯងជាមូលហេតុដែលព្រះជាម្ចាស់បានប្រើប្រាស់គាត់តាមរបៀបមិនធម្មតា។

តើលោកអ្នកធ្លាប់សួរសំណួរថា៖ «តើខ្ញុំអាចរស់នៅក្នុងជីវិតដ៏ខ្លីនេះបានដោយរបៀបណាទេ?»

ដើម្បីឆ្លើយសំណួរនោះដោយសង្ខេប យើងនឹងពិចារណាទំនុកតម្កើងជំពូក៩០។ ថ្វីដ្បិតតែទំនុកតម្កើងជំពូក៩០ នៅក្នុងការដាក់របស់វាក៏ដោយ ក៏នេះគឺជាទំនុកដំបូងបង្អស់ដែលមិនធ្លាប់មាន និងទំនុកតែមួយគត់ដែលសរសេរដោយលោក ម៉ូសេ។

តើលោក ម៉ូសេ មានលក្ខណៈពិសេសអ្វីក្នុងការសរសេរទំនុកតម្កើងអំពីភាពខ្លី ភាពបណ្ដោះអាសន្ន និងភាពផុយស្រួយនៃជីវិត?

ដើម្បីឆ្លើយសំណួរនោះ យើងត្រូវពិចារណាកិច្ចការប្រចាំថ្ងៃរបស់លោក ម៉ូសេ សម្រាប់ ១/៣ នៃជីវិតរបស់គាត់៖ វង្វេងជុំវិញវាលខ្សាច់…ធ្វើពិធីបុណ្យសព។ ប្រសិនបើលោកអ្នកចាំ៖ ប្រជាជនអ៊‌ីស្រាអែលមិនបាន ស្តាប់បង្គាប់ព្រះជាម្ចាស់ទេ ហើយជាលទ្ធផលគឺពួកគេត្រូវបាននាំឲ្យវង្វេងនៅក្នុងវាលរហោស្ថានអស់រយៈពេល៤០ឆ្នាំ រហូតដល់មនុស្សមួយជំនាន់ទាំងមូលបានស្លាប់អស់។ លោក ម៉ូសេ ដែលជាគ្រូគង្វាលនៃមនុស្សពីរលាននាក់បានធ្វើពិធីបុណ្យសពច្រើនជាងអ្នកផ្សេងទៀតនៅក្នុងប្រវត្តិសាស្ត្រមនុស្សជាតិ។ ជារៀងរាល់ថ្ងៃគឺជាការរម្លឹកយ៉ាងខ្លាំងអំពីភាពខ្លីនៃជីវិត និងជោគវាសនាដែលមិនអាចជៀសបានរបស់មនុស្សលោក។ ទីរហោស្ថានបានក្លាយទៅជាកន្លែងចោលឆ្អឹង។ ពិធីបុណ្យសពទាំងអស់នោះ…ការស្លាប់ទាំងអស់នោះបានដំណើរការជាការរម្លឹកដល់រាស្ដ្ររបស់ព្រះជានិច្ចថា «ឯងរាល់គ្នានឹងត្រូវស្លាប់»។

លោក ចេមស៍ ម៉ុនហ្គោមឺរី ប៊យស៍ (James Montgomery Boice) បានកត់សម្គាល់យ៉ាងត្រឹមត្រូវថា៖

«ទំនុកតម្កើងនេះប្រហែលជាទំនុកដ៏អស្ចារ្យបំផុតក្នុងព្រះគម្ពីរដែលលើកឡើងអំពីចំណុចផ្ទុយគ្នារវាងភាពអស្ចារ្យរបស់ព្រះជាម្ចាស់ និងភាពទន់ខ្សោយរបស់មនុស្ស»។

បន្ទាប់ពីបានពិចារណាអំពីភាពអស់កល្ប ភាពអធិបតេយ្យភាព និងយុត្តិធម៌របស់ព្រះនៅដើមខ១១នៃកណ្ឌគម្ពីរទំនុកតម្កើងជំពូក៩០ នោះលោក ម៉ូសេ នឹងមកដល់ចំណុចខ្ពស់នៃទំនុកតម្កើងនៅក្នុងខ១២៖ «ដូច្នេះ សូមបង្រៀនឲ្យយើងខ្ញុំចេះកំណត់រាប់ថ្ងៃអាយុនៃយើងខ្ញុំ ដើម្បីឲ្យយើងខ្ញុំមានចិត្តខ្មីឃ្មាត ឲ្យបានសតិបញ្ញា»។

ពេលលោក ម៉ូសេ សម្លឹងមើលនៅជុំវិញខ្លួនគាត់ អ្វីដែលគាត់បានឃើញគឺជាសុទ្ធតែផ្នូរខ្មោច។ រឿងដ៏ស្រស់ៗនេះបានលាតត្រដាងនៅចំពោះមុខរាស្ដ្ររបស់ព្រះអស់រយៈពេល៤០ឆ្នាំ ហើយបានជំរុញលោក ម៉ូសេ ឲ្យអង្វរព្រះជាម្ចាស់ ដោយអធិស្ឋានសូមឲ្យទ្រង់បានណែនាំរាស្ដ្ររបស់ទ្រង់ «ឲ្យរាប់ថ្ងៃអាយុរបស់ពួកគេ»។

តើវាមានន័យយ៉ាងណាក្នុងការរាប់ថ្ងៃអាយុរបស់យើង?

ការរាប់ថ្ងៃអាយុរបស់យើងមិនមានន័យថា យើងគណនាចំនួនថ្ងៃឲ្យបានត្រឹមត្រូវក្នុង១ឆ្នាំ ឬក្នុងជីវិតដែលបានគ្រោងទុករបស់យើងនោះទេ ប៉ុន្តែជាការវាស់វែងថ្ងៃនេះដោយពឹងលើភាពអស់កល្បជានិច្ច។

ខ្ញុំនៅចាំបានថា ធ្លាប់មានកីឡាករប្រដាល់ល្បីល្បាញម្នាក់ដែលបានឈ្នះមេដាយមាសអូឡាំពិកនៅឆ្នាំ១៩៦៨ ហើយបន្ទាប់មកបានបន្តឈ្នះអស់រយៈពេលជាច្រើនឆ្នាំ ហើយនៅទីបំផុតបានឈ្នះជើងឯកទម្ងន់ធ្ងន់នៅឆ្នាំ១៩៧៣។ លើសពីនេះទៀត ដូចដែលយើងឃើញជាញឹកញាប់នាពេលបច្ចុប្បន្ននេះ គួបផ្សំនឹងសមិទ្ធផលកីឡារបស់បុរសម្នាក់នេះ គឺទ្រព្យសម្បត្តិដ៏មហិមា។ តែគួរឲ្យស្តាយ អ្នកប្រដាល់ជើងចាស់មួយរូបនេះបានដាក់ពាក្យក្ស័យធនក្នុងឆ្នាំ១៩៨៣។ គាត់បានបាត់បង់អ្វីៗគ្រប់យ៉ាង។ តើគាត់អាចធ្វើអ្វីបាន? ពេលនេះ គាត់ចាស់ពេក ហើយមិនអាចចូលប្រដាល់បានវិញទេ។ តើគាត់ត្រូវវិនាសផ្នែកហិរញ្ញវត្ថុមែនទេ? ជាសំណាងល្អ អ្នកប្រដាល់ដ៏ឆ្នើមមួយរូបនេះបានផ្លាស់ប្ដូរកាលៈទេសៈរបស់គាត់នៅវ័យជាង៤០ឆ្នាំ ហើយរកបានមកវិញនូវប្រាក់ទាំងអស់ដែលគាត់បានបាត់បង់ ហើយបន្ទាប់មកក៏រកបានមករាប់លានវិញទៀត។ គាត់បានធ្វើដូច្នេះ មិនមែនដោយការប្រដាល់នោះទេ ប៉ុន្តែតាមរយៈការធ្វើទីផ្សារចង្ក្រានអាំងអគ្គិសនីចល័ត ដែលមានឈ្មោះយីហោថា៖ ចច ហ្វ័រមែន ហ្គ្រៀលស៍ (George Foreman Grills) ។ អ្នកប្រដាល់ដែលធ្លាប់បាត់បង់អ្វីៗទាំងអស់នោះ ឥឡូវមានសម្បត្តិតម្លៃជាង ៣០០,០០០,០០០ ដុល្លារដោយសារកេរ្តិ៍ឈ្មោះចង្ក្រានអាំងសាច់របស់គាត់។

ភ័ព្វសំណាងអាចបាត់បង់ និងកើតឡើងវិញបាន ប៉ុន្តែគ្មាននរណាម្នាក់អាចឲ្យម្សិលមិញត្រឡប់មកវិញបានទេ។នៅពេលដែលវេលាកន្លងផុតទៅហើយ គឺវានឹងទៅជារៀងរហូត។

យើងពិចារណាចំនួនទឹកលុយនៅក្នុងគណនីចូលនិវត្តន៍របស់យើង ប៉ុន្តែតើលោកអ្នកធ្លាប់បានសញ្ជឹងគិតអំពីចំនួនថ្ងៃរបស់លោកអ្នកហើយឬនៅ? លោក ម៉ូសេ ដឹងថាពេលវេលាផ្ទាល់គឺប្រៀបដូចជាខ្សាច់ដែលរសាត់តាមម្រាមដៃរបស់យើងទៅ។ យើងអាចព្យាយាមចាប់យកពេលវេលា ប៉ុន្តែកាលណាយើងកាន់តែព្យាយាមចាប់យកវា នោះពេលវេលានឹងកាន់តែគេចចេញពីយើង។ ដោយពឹងលើការយល់នេះលោក ម៉ូសេ បានអង្វរព្រះជាម្ចាស់ឲ្យប្រទានដល់គាត់នូវទស្សនៈត្រឹមត្រូវអំពីដំណើរជីវិតដែលមានភាពបណ្ដោះអាសន្នរបស់គាត់។

វាជាការដ៏គួរឲ្យចាប់អារម្មណ៍ណាស់ ការរក្សាពេលវេលា និងការដែលយើងរស់នៅសម្រាប់ជាសិរីល្អរបស់ព្រះជាម្ចាស់មិនមែនជាការចាប់ផ្ដើមជាមួយនឹងការមានបញ្ជីកិច្ចការដែលយើងត្រូវធ្វើដ៏វែងនោះទេ តែវាចាប់ផ្ដើមដោយមានអារម្មណ៍ពេញចិត្តយ៉ាងខ្លាំងចំពោះសេចក្តីសប្បុរសរបស់ព្រះជាម្ចាស់ដែលនៅស្ថិតស្ថេរនៅជាដរាប។ លោក ម៉ូសេ បានអង្វរព្រះជាម្ចាស់នៅក្នុងខ១៤ថា «ឱសូមចំអែតយើងខ្ញុំ ដោយសេចក្តីសប្បុរសនៃទ្រង់ នៅពេលព្រឹក ដើម្បីឲ្យយើងខ្ញុំបានរីករាយឡើង ហើយមានសេចក្តីអំណររហូតដល់អស់១ជីវិត» ។

ជីវិតរបស់យើងតែងតែមានលក្ខខណ្ឌនៅក្នុងការឆ្លើយតបទៅនឹងភាពខ្លីនៃជីវិតជាមួយនឹងការបន្តភាពដឹងខ្លួនលើផ្នែកនៃការដាក់វិន័យសីលធម៌។ ការដាក់វិន័យលើខ្លួនឯងជារឿងល្អ ប៉ុន្តែដើម្បីឲ្យគ្រប់គ្រងជីវិតដ៏ខ្លីរបស់យើងបានល្អ គឺលោក ម៉ូសេ បានជំរុញយើងឲ្យបង្កើតការប្ដេជ្ញាចិត្តនៅពេលព្រឹកជាថ្មី ដោយអធិស្ឋានសូមឲ្យព្រះបំពេញចិត្តយើងដោយសេចក្ដីសប្បុរសដែលនៅស្ថិតស្ថេរនៅជាដរាបរបស់ទ្រង់។

បន្ទាប់ពីបានពិចារណាអំពីសេចក្ដីសប្បុរសដែលនៅស្ថិតស្ថេរនៅជាដរាបរបស់ព្រះនៅក្នុងខ១៤រួចមក នោះលោក ម៉ូសេ ក៏ទូលសូមព្រះនៅក្នុងខ១៧ថា «សូមឲ្យព្រះគុណនៃព្រះយេហូវ៉ាជាព្រះនៃយើងខ្ញុំបានសណ្ឋិតលើយើងខ្ញុំ ហើយតាំងការនៃដៃយើងខ្ញុំឲ្យខ្ជាប់ខ្ជួនឡើង។ អើ សូមតាំងការនៃដៃយើងខ្ញុំឲ្យស្ថិតស្ថេរចុះ»។

អ្នកនិពន្ធកណ្ឌគម្ពីរទំនុកតម្កើងមិនបានជំរុញយើងឲ្យធ្លាក់ទៅក្នុងភាពអស់សង្ឃឹមទេ តែគាត់កំពុងជំរុញយើងឲ្យឆ្ពោះទៅរកការពឹងផ្អែកលើព្រះគុណ និងសេចក្ដីស្រឡាញ់របស់ព្រះជាម្ចាស់វិញ។

តើយើងអាចរស់នៅក្នុងជីវិតដ៏ខ្លីរបស់យើងនេះឲ្យបានល្អដោយរបៀបណា?

យើងអាចរស់នៅក្នុងជីវិតដ៏ខ្លីរបស់យើងនេះឲ្យបានល្អដោយការឈានទៅរកការពេញចិត្តក្នុងសេចក្ដីសប្បុរសដែលនៅស្ថិតស្ថេរនៅជាដរាបរបស់ព្រះជាម្ចាស់។ លើសពីនេះទៀត យើងត្រូវអង្វរសូមឲ្យព្រះជាម្ចាស់ដាក់ព្រះហស្ដរបស់ទ្រង់មកលើជីវិតរបស់យើង។ លោក ម៉ូសេ បានយល់យ៉ាងត្រឹមត្រូវថា ក្រៅពីការពេញចិត្ត ព្រះគុណ និងសេចក្តីសប្បុរសរបស់ព្រះអម្ចាស់ នោះគ្មានអ្វីនៅក្នុងជីវិតរបស់យើងដែលនឹងមានតម្លៃយូរអង្វែងនោះឡើយ។

ស៊ី. ធី. ស្តូត (C.T. Studd) បានធ្លាប់លើកឡើងថា៖ «ជីវិតដ៏ខ្លីមួយនេះនឹងកន្លងផុតបាត់ទៅ ប៉ុន្តែនូវរាល់អ្វីៗដែលយើងធ្វើសម្រាប់ព្រះគ្រីស្ទនឹងបន្តគង់នៅ»។

នេះជាការពិត មានតែអ្វីដែលបានធ្វើឡើងសម្រាប់ព្រះគ្រីស្ទប៉ុណ្ណោះដែលនឹងនៅស្ថិតស្ថេរ។ ប៉ុន្តែលោក ម៉ូសេ បាននាំយើងមួយជំហានទៅមុខទៀត៖ មានតែការដែលបានធ្វើសម្រាប់ព្រះគ្រីស្ទ ហើយទទួលបានការទទួលស្គាល់ពីព្រះគ្រីស្ទប៉ុណ្ណោះដែលនឹងនៅស្ថិតស្ថេរ។

ព្រះគម្ពីរបានជំរុញយើងឲ្យគិត។ ជាពិសេសនៅត្រង់នេះ តាមរយៈព្រះបន្ទូលដ៏មានជីវិត និងសកម្មរបស់ទ្រង់ គឺព្រះជាម្ចាស់បង្គាប់ឲ្យយើងពិចារណាលើសំណួរទាំងនេះ៖

តើលោកអ្នកកំពុងរាប់ថ្ងៃអាយុរបស់លោកអ្នកដោយពឹងលើភាពអស់កល្បជានិច្ចដែរឬទេ?
តើលោកអ្នកបានពិចារណាអំពីភាពខ្លីនៃជីវិតនេះ និងភាពស្ថិតស្ថេរនៃជីវិតបន្ទាប់ដែរឬទេ?

បើសិនជាមិនបានធ្វើដូច្នោះទេ ចូរលោកអ្នកអធិស្ឋានតាមការអធិស្ឋានរបស់លោក ម៉ូសេ៖

«សូមបង្រៀនឲ្យយើងខ្ញុំចេះកំណត់រាប់ថ្ងៃអាយុនៃយើងខ្ញុំ ដើម្បីឲ្យយើងខ្ញុំមានចិត្តខ្មីឃ្មាត ឲ្យបានសតិបញ្ញា»។

និពន្ធដោយ៖ Jonny Ardavanis
បកប្រែដោយ៖ កញ្ញា គឹម បូព្រឹក
ជំនួយការបកប្រែ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ,
លោក ឯក សត្យា,លោក ហុង សម្ភស និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី forthegospel.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

១៩៣

កំណត់ហេតុបណ្ដាញ២ កក្កដា ២០២៤

ការរក្សាព្រះបន្ទូល

...តើអ្វីជាការគ្រប់គ្រាន់ដើម្បីសេចក្ដីសង្គ្រោះ? ដើម្បីផ្លាស់ប្ដូរ? ដើម្បីបំភ្លឺ? ប្រសិនបើព្រះទ្រង់បានបើកសម្ដែងអង្គទ្រង់ជាលក្ខណៈទូទៅនៅក្នុងធម្មជាតិ តើទ្រង់បង្ហាញអំពីអង្គទ្រង់ឲ្យជាក់លាក់នៅកន្លែងណា?

អានបន្ថែម

៥

កំណត់ហេតុបណ្ដាញ២៥ សីហា ២០២៦

តើយើងដើរដោយព្រះវិញ្ញាណដោយរបៀបណា?

លោកគ្រូ តើសាវ័ក ប៉ុល ចង់មានន័យដូចម្ដេច នៅពេលដែលគាត់បានបង្គាប់ឲ្យគ្រីស្ទបរិស័ទ«ដើរដោយព្រះវិញ្ញាណ» ឬ«រក្សាជំហានក្នុងព្រះវិញ្ញាណ»? (រ៉ូម…

អានបន្ថែម

៨៨

កំណត់ហេតុបណ្ដាញ១៨ សីហា ២០២៦

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

នៅថ្ងៃទី០១ ខែមេសា ឆ្នាំ២០០១ លោកគ្រូបានអធិប្បាយនៅព្រះវិហារមួយនៅកណ្ឌគម្ពីរ រ៉ូម:៧។ អត្ថបទនោះមានចំណងជើងថា «សារៈសំខាន់នៃការស្គាល់អំពើបាប…

អានបន្ថែម

អត្ថបទបន្ថែមពី កំណត់ហេតុបណ្ដាញ

៤៣៦

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៩៦

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៦៣៤៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៦

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

«សូមបង្រៀនឲ្យយើងខ្ញុំ ចេះកំណត់រាប់ថ្ងៃអាយុនៃយើងខ្ញុំ»

៣ កញ្ញា ២០២៤អានរយៈពេល ១៥ នាទី

មើល១៩៥ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ការ​រក្សា​ព្រះ​បន្ទូល

តើយើងដើរដោយព្រះវិញ្ញាណដោយរបៀបណា?

រូប​ភាព​អាសអាភាស និង​ការ​ទប់ទល់​នឹង​អំណាច​នៃ​សេចក្ដី​ល្បួង

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ការ​រក្សា​ព្រះ​បន្ទូល

តើយើងដើរដោយព្រះវិញ្ញាណដោយរបៀបណា?

រូប​ភាព​អាសអាភាស និង​ការ​ទប់ទល់​នឹង​អំណាច​នៃ​សេចក្ដី​ល្បួង

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

មតិយោបល់

សរសេរមតិយោបល់

ការរក្សាព្រះបន្ទូល

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

ការរក្សាព្រះបន្ទូល

រូបភាពអាសអាភាស និងការទប់ទល់នឹងអំណាចនៃសេចក្ដីល្បួង

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)