មិត្តភក្ដិដែលមិនមែនជាអ្នកជឿ

យើងត្រូវមានសេចក្ដីស្រឡាញ់ជាមូលដ្ឋានពិតចំពោះបុគ្គលទាំងនោះ ត្រូវមានការចាប់អារម្មណ៍ និងការស្រឡាញ់ពិតចំពោះពួកគេ ពោលគឺយើងត្រូវតែមានការយកចិត្តទុកដាក់ប្រាកដប្រជាចំពោះប្រយោជន៍របស់ពួកគេ។

១៣ វិច្ឆិកា ២០១៧អានរយៈពេល ៥ នាទី

មើល១២០៩ដង

ព្រះ

គម្ពីរបានផ្ដល់យោបល់ពីរយ៉ាងដល់យើងដែលជាអ្នកជឿលើព្រះយេស៊ូវ៖ ទីមួយ ទាក់ទងនឹងភាពបរិសុទ្ធ ហើយទីពីរ ទាក់ទងនឹងការបង្គាប់ឲ្យយើងផ្សាយដំណឹងល្អ។

ភាពបរិសុទ្ធ

ព្រះជាម្ចាស់បានត្រាស់ហៅយើងឲ្យមានភាពបរិសុទ្ធនៅក្នុងជីវិតរស់នៅរបស់យើង។ យើងត្រូវតែការពារចិត្តគំនិត និងផ្លូវនៃជីវិតរបស់យើង។ សូមប្រយ័ត្ន៖ គ្រោះថ្នាក់មួយនៃការសេពគប់មិត្តជាមួយអ្នកមិនជឿលើព្រះយេស៊ូវ គឺត្រង់ថា ពួកគេអាចនឹងអូសទាញយើងឲ្យធ្លាក់ក្នុងអំពើបាប។ ពួកគេទំនងជាអាចនឹងអូសទាញគ្រីស្ទបរិស័ទឲ្យធ្លាក់ចុះខាងផ្នែកសីលធម៌ ការគិតគូរ និងខាងឯព្រលឹងវិញ្ញាណ។

កណ្ឌគម្ពីរ ១កូរិនថូស ១៥:៣៣ បានលើកឡើងថា «ការសេពគប់មនុស្សអាក្រក់បំផ្លាញកិរិយាល្អ» (គគខ)។ តាមរយៈការចំណាយពេលវេលាជាមួយអ្នកមិនស្រឡាញ់ព្រះយេស៊ូវ ឬក៏មិនគោរពកោតខ្លាចដល់ព្រះអម្ចាស់ នោះអាចនឹងមានផលអាក្រក់ចំពោះសីលធម៌របស់យើង នាំឲ្យមានបញ្ហាដល់របៀបគិតគូររបស់យើង និងអាចនាំឲ្យមានគ្រោះថ្នាក់ដល់ខាងព្រលឹងវិញ្ញាណរបស់យើងផងដែរ។

អ្វីដែលយើងខ្ញុំបានលើកឡើងខាងលើនេះមិនមែនជាការហាមប្រាម មិនឲ្យគ្រីស្ទបរិស័ទមានមិត្តភក្តិដែលជាអ្នកមិនជឿលើព្រះយេស៊ូវនោះទេ ប៉ុន្តែគ្រាន់តែជាការដាស់តឿនប៉ុណ្ណោះ។ នៅក្នុងទំនាក់ទំនងរបស់យើងជាមួយអ្នកមិនជឿ ចូរយើងចេះការពារចិត្តគំនិតរបស់យើង និងអ្វីៗដែលយើងស្រឡាញ់។

ការផ្សាយដំណឹងល្អ

ខណៈពេលដែលយើងត្រូវមានភាពបរិសុទ្ធ យើងក៏ត្រូវចងចាំថា ព្រះជាម្ចាស់ក៏បានបង្គាប់ឲ្យយើងផ្សាយដំណឹងល្អផងដែរ។ ព្រះជាម្ចាស់បានប្រទានមហាបេសកកម្មដល់យើង ហើយយើងត្រូវតែឆ្លើយតបដោយដឹងថា យើងត្រូវតែចេញទៅគ្រប់ទិសទីនៃផែនដី ដើម្បីនឹងនាំអ្នកដែលមិនជឿឲ្យជឿលើព្រះយេស៊ូវ។ វិធីដ៏មានប្រសិទ្ធភាពមួយក្នុងការផ្សាយដំណឹងល្អនោះគឺ តាមរយៈការដែលយើងមានមិត្តភាពជាមួយអ្នកដែលមិនជឿលើព្រះយេស៊ូវ។

នៅពេលដែលយើងបង្កើតមិត្តភាពជាមួយអ្នកដែលមិនជឿលើព្រះគ្រីស្ទ គឺយើងមានឱកាសប្រាប់គាត់អំពីដំណឹងល្អ។ ប៉ុន្តែ យើងមិនគួរបង្កើតមិត្តភាពបែបនេះដោយមិនមានការយកចិត្តទុកដាក់នោះទេ ហើយយើងក៏មិនគួរមានមិត្តភាពបែបនេះដោយមានទំនាក់ទំនងសើៗនោះដែរ។ យើងត្រូវមានសេចក្ដីស្រឡាញ់ជាមូលដ្ឋានពិតចំពោះបុគ្គលទាំងនោះ ត្រូវមានការចាប់អារម្មណ៍ និងការស្រឡាញ់ពិតចំពោះពួកគេ ពោលគឺយើងត្រូវតែមានការយកចិត្តទុកដាក់ប្រាកដប្រជាចំពោះប្រយោជន៍របស់ពួកគេ។ ម៉្យាងវិញទៀតអាចនិយាយបានថាយើងត្រូវតែមានមិត្តភាពដែលមានទំនាក់ទំនងពិតប្រាកដជាមួយពួកគេ ជាទំនាក់ទំនងដែលមិនមែនគ្រាន់តែជាការសម្ដែងឡើយ។

គោលបំណងនៃការមានមិត្តភាពបែបនេះគឺ ដើម្បីបង្ហាញសេចក្ដីស្រឡាញ់ចំពោះអ្នកដទៃ គឺយើងចង់ឲ្យពួកគេទទួលបាននូវអ្វីដែលល្អបំផុតសម្រាប់ពួកគេ ហេតុដូច្នេះហើយបានជាយើងត្រូវតែប្រាប់ពួកគេអំពីដំណឹងល្អ។ ការដាស់តឿនរបស់ខ្ញុំអំពីការមានមិត្តភក្តិបែបនេះគឺ យើងត្រូវតែប្រកាសដំណឹងល្អដល់ពួកគេ ព្រោះបើមិនដូច្នោះទេ លោកអ្នកនឹងបាត់បង់ឱកាសជាមិនខាន។ លោកអ្នកត្រូវតែចេះសួរសំណួរ ដែលលើសពីរឿងរ៉ាវនៅលើផែនដីនេះ ពោលគឺត្រូវសួរអំពីរឿងដែលទាក់ទងនឹងភាពអស់កល្បជានិច្ច។

ដូច្នេះ តើគ្រីស្ទបរិស័ទគួរមានទំនាក់ទំនងជាមួយអ្នកដែលមិនជឿលើព្រះយេស៊ូវដែរឬទេ? ប្រាកដជាបាន ប្រសិនបើពួកគេប្រើទំនាក់ទំនងនោះ ដើម្បីផ្សាយដំណឹងល្អអំពីព្រះអម្ចាស់យេស៊ូវគ្រីស្ទ។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Jesse Johnson

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់ និងលោក អ៊ុន ជ័យរិទ្ធ

ដកស្រង់ខ្លះៗចេញពី thecripplegate.com ដោយមានការអនុញ្ញាត។

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣១៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

១៧

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៦៥

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម