ពេលដែលព្រះជាម្ចាស់មិនលុបបំបាត់អំពើបាបរបស់យើងភ្លាមៗ

ព្រះជាម្ចាស់ជាម្ចាស់សន្យាថានឹងប្រទានព្រះគុណ ដើម្បីឲ្យយើងតតាំងនឹងអំពើបាប និងដើម្បីយកឈ្នះលើអំពើបាប។ យើងជឿថា ព្រះជាម្ចាស់ប្រទានព្រះគុណបែបនេះដល់រាស្ដ្រទ្រង់។ នេះមិនមែនជាអ្វីដែលយើងសមនឹងទទួលបានទេ។ វាមិនមែនជារបស់ដែលទ្រង់ជំពាក់យើងទេ ប៉ុន្តែទោះជាយ៉ាងណាក៏ដោយ ក៏ទ្រង់នៅតែប្រទានវាមកដែរ។ វាគឺជាអ្វីដែលយើងមិនស័ក្តិសមនឹងទទួលបានទេ តែគឺជាការពេញហូរហៀរនៃសេចក្តីស្រឡាញ់របស់ទ្រង់សម្រាប់យើងវិញ។

១២ កញ្ញា ២០២៣អានរយៈពេល ៥ នាទី

មើល២៨២ដង

ហើយយើងប្រាថ្នាចង់បានព្រះគុណនោះ គឺជាព្រះគុណដែលសម្លាប់អំពើបាប ព្រះគុណដែលនាំសេចក្ដីសុចរិតឲ្យមានជីវិត ព្រះគុណដែលធ្វើឲ្យយើងក្លាយជាអ្នកណាម្នាក់ និងជាអ្វីមួយដែលទ្រង់ត្រាស់ហៅយើងមកឲ្យធ្វើ។

ព្រះជាម្ចាស់ប្រទានព្រះគុណនោះ ប៉ុន្តែសម្រាប់ហេតុផលមួយចំនួន—ហេតុផលដ៏ល្អៗរបស់ទ្រង់—វាកម្រនឹងមកដល់យើងក្នុងទម្រង់ដែលយើងចង់បានណាស់។ ព្រះជាម្ចាស់ប្រទានវាមកមិនមែនតាមទម្រង់ដែលយើងចង់បានទេ ប៉ុន្តែតាមទម្រង់ដែលយើងត្រូវការ។ យើងចង់ឲ្យព្រះជាម្ចាស់លុបបំបាត់អំពើបាបរបស់យើង គឺលុបបំបាត់វាចោលភ្លាមៗ និងជារៀងរហូត។ សេចក្តីប៉ងប្រាថ្នាទាំងនោះ ការញៀនទាំងនោះ ការថ្វាយបង្គំរូបព្រះក្លែងក្លាយទាំងនោះ—យើងចង់ឲ្យព្រះជាម្ចាស់លុបបំបាត់ចោលនៅក្នុងមួយរំពេចតែម្ដង។

ព្រះជាម្ចាស់អាចធ្វើបែបនេះបាន។ ទ្រង់មានកម្លាំង និងអំណាចព្រះចេស្ដា។ ហើយម្តងម្កាល ទ្រង់ធ្វើបែបនេះមែន ទ្រង់ដកអំពើបាប និងសេចក្ដីល្បួងដែលនាំឲ្យធ្វើបាបភ្លាមៗ ហើយវាមិនត្រឡប់មកវិញដោយមានកម្លាំងដូចដើមនោះទេ។

ប៉ុន្តែ ជាទូទៅ ព្រះគុណរបស់ព្រះជាម្ចាស់មិនត្រូវបានបង្ហាញនៅក្នុងការលុបបំបាត់អំពើបាបភ្លាមៗនោះទេ។ ផ្ទុយទៅវិញ ព្រះគុណរបស់ទ្រង់ត្រូវបានបង្ហាញក្នុងបំណងប្រាថ្នាដែលបានរកឃើញថ្មី ដើម្បីបំផ្លាញអំពើបាបនោះ ចោល។ ព្រះជាម្ចាស់មិនលុបបំបាត់អំពើបាបរបស់យើងទេ ប៉ុន្តែទ្រង់ប្រទានឲ្យយើងនូវការស្អប់ថ្មីចំពោះវា និងបំណងប្រាថ្នាថ្មី ដើម្បីព្យាយាមប្រយុទ្ធនឹងវា។ ទ្រង់មិនដកវាចេញភ្លាមៗទេ ប៉ុន្តែទ្រង់បន្ថែមព្រះគុណ ដើម្បីឲ្យយើងអាចតស៊ូនឹងវាអស់មួយជីវិតបាន។ ទ្រង់បានបន្ថែមព្រះគុណ ដើម្បីឲ្យយើងអាចឃើញជោគជ័យជាបន្តបន្ទាប់ ដោយដឹងពីភាពកម្សោយរបស់យើង និងដង្ហោយស្រែករកកម្លាំងរបស់ទ្រង់។ ទ្រង់ប្រទានអ្វីដែលយើងត្រូវការ ទោះបីវាមិនមែនជាអ្វីដែលយើងចង់បានក៏ដោយ។

ហើយនេះក៏ជាព្រះគុណដែរ។ នេះក៏ជាការពេញព្រះជាម្ចាស់ហឬទ័យដ៏មិនសមទទួលពីព្រះជាម្ចាស់ដែលប្រកបដោយសេចក្ដីស្រឡាញ់ដែរ។ មិនដឹងដោយរបៀបណាទេ ការនេះល្អសម្រាប់យើងជាងជម្រើសផ្សេងៗទៀតឆ្ងាយណាស់។ «តែទ្រង់មានបន្ទូលមកខ្ញុំថា "គុណរបស់អញល្មមដល់ឯងហើយ ដ្បិតកម្លាំងអញបានពេញខ្នាត ដោយសេចក្ដីកំសោយ" ដូច្នេះ ខ្ញុំនឹងស៊ូអួតពីសេចក្ដីកំសោយរបស់ខ្ញុំដោយអំណរជាខ្លាំង ដើម្បីឲ្យព្រះចេស្ដានៃព្រះគ្រីស្ទបានសណ្ឋិតនៅនឹងខ្ញុំ» (២កូរិនថូស ១២:៩)។

និពន្ធដោយ៖ Tim Challies
បកប្រែដោយ៖ អ៊ុច អភិរិន
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូធេ, លោក សឹម រក្សា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

៤៤៧

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៧៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម