តើពេលណាជាលើកចុងក្រោយបង្អស់ដែលលោកអ្នកបានរីករាយជាមួយលុយរបស់ខ្លួន?

ខ្ញុំបានស្តាប់ឮការពិភាក្សាដ៏គួរឲ្យចាប់អារម្មណ៍មួយកាលពីប៉ុន្មានថ្ងៃមុន។ ខ្ញុំកំពុងតែទៅនេះទៅនោះ ហើយចាប់ទាន់ត្រង់ការពិភាក្សាបន្តិចអំពីលុយ និងភាពសប្បាយរីករាយនៃការមានវា។ ខ្ញុំមិនអាចលួចស្តាប់ឲ្យលើសពីពីរទៅបីម៉ាត់ទេ ប៉ុន្តែអ្វីដែលខ្ញុំបានឮគ្រប់គ្រាន់ ដើម្បីឲ្យគំនិតរបស់ខ្ញុំដំណើរការបាន។ ខ្ញុំបានគិតអំពីរបៀបដែលខ្ញុំប្រើប្រាស់លុយ និងរបៀបដែលយើងជាគ្រីស្ទបរិស័ទប្រើប្រាស់លុយរបស់យើង។ ហើយខ្ញុំចងសួរសំណួរនេះដល់លោកអ្នក៖ តើពេលណាជាលើកចុងក្រោយបង្អស់ដែលលោកអ្នកបានរីករាយជាមួយលុយរបស់ខ្លួន?

៣១ តុលា ២០២៣អានរយៈពេល ៦ នាទី

មើល១៣៨ដង

លោកអ្នកដឹងហើយថា វាមិនអីទេ។ លោកអ្នកមានការអនុញ្ញាតឲ្យរីករាយជាមួយនឹងលុយរបស់ខ្លួន។ តោះ! យើងសាកគិតជាមួយគ្នាមើល។

ខ្ញុំជឿជាក់យ៉ាងច្បាស់ថា អ្វីៗគ្រប់យ៉ាងដែលយើងមានគឺជារបស់ផងព្រះ។ យើងមិនមែនជាម្ចាស់លើលុយយើងទេ ប៉ុន្តែយើងជាអ្នកមើលខុសត្រូវលើលុយរបស់ព្រះវិញ។ យើងភាគច្រើនជឿលើការនេះ ហើយក៏ព្យាយាមរស់នៅតាមការនេះដែរ។ ហើយមានរបៀបជាច្រើនដែលយើងអាចមើលខុសត្រូវលើលុយរបស់ព្រះដោយស្មោះត្រង់បាន។

យើងបម្រើជាអ្នកបម្រើស្មោះត្រង់នៅពេលយើងរស់នៅតាមអ្វីដែលយើងមាន។ យើងបម្រើជាអ្នកបម្រើស្មោះត្រង់នៅពេលយើងសន្សំទុកសម្រាប់ថ្ងៃអនាគត។ យើងបម្រើជាអ្នកបម្រើស្មោះត្រង់នៅពេលយើងផ្ដោតលើការសងបំណុល។ យើងបម្រើជាអ្នកបម្រើស្មោះត្រង់នៅពេលយើងបង់វិក្កយបត្ររបស់យើង និងនៅពេលដែលយើងចំណាយការខិតខំប្រឹងប្រែងក្នុងការព្យាយាមកាត់បន្ថយការចំណាយរបស់យើង។ យើងបម្រើជាអ្នកបម្រើស្មោះត្រង់នៅពេលដែលយើងជៀសវាងពីបំណុលលើសលប់ ការមានអត្រាការប្រាក់ខ្ពស់ ឬក៏ការគិតថាយើងត្រូវការរបស់របរផ្សេងទៀតឲ្យកាន់តែច្រើនក្នុងការរស់នៅ។ យើងបម្រើជាអ្នកបម្រើស្មោះត្រង់នៅពេលយើងផ្តល់ឲ្យដោយមានចិត្តទូលាយដល់កិច្ចការរបស់ព្រះអម្ចាស់ ឬជួយមិត្តភក្ដិដែលខ្វះខាត។ នៅទីបំផុត យើងបម្រើជាអ្នកបម្រើស្មោះត្រង់នៅពេលយើងរស់នៅដោយដឹងថា លុយអាចក្លាយជាព្រះដ៏គួរឲ្យខ្លាច ប៉ុន្តែក៏ជាឧបករណ៍ដ៏ល្អក្នុងការបម្រើព្រះដែរ។

នៅក្នុងដំណើរនេះ យើងក៏អាចបង្កើតទំនាក់ទំនងផ្លូវការ និងប្រកបដោយវិជ្ជាជីវៈជាមួយលុយដែលលុយគ្រាន់តែក្លាយជាមធ្យោបាយលើសជាងឧបករណ៍។ រាល់ប្រាក់ដុល្លារមានការងារមួយការបង់—ជាវិក្កយបត្រ និងការបង់រំលោះ ហើយសន្សំប្រាក់សម្រាប់ចូលនិវត្តន៍ ក៏ដូចជាការជួយឧបត្ថម្ភដល់បេសកជនផ្សេងៗ។ រាល់ប្រាក់ដុល្លារមានការងារ ប៉ុន្តែការងារទាំងនោះមិនច្រើនទេដែលផ្តល់ឲ្យមានការសប្បាយចិត្ត។ យើងប្រើប្រាស់លុយរបស់យើងដោយកាតព្វកិច្ច ប៉ុន្តែកម្រនឹងរីករាយជាមួយនឹងវាណាស់។

មានរឿងល្អៗជាច្រើនដែលយើងអាចធ្វើជាមួយលុយរបស់យើងបាន។ ប៉ុន្តែ ខ្ញុំគិតថា រឿងល្អមួយដែលយើងប្រហែលជាងាយនឹងខកខានគឺ ការគ្រាន់តែរីករាយជាមួយវា។

តើមានពេលណាជាលើកចុងក្រោយបង្អស់ ដែលលោកអ្នកបានផ្តល់ឲ្យកូនម្នាក់ៗ២០ដុល្លារ ហើយកំណត់ឲ្យពួកគាត់ទិញអ្វីៗដោយសេរីនៅក្នុងហាងលក់ប្រដាប់ក្មេងលេង ឬហាងលក់សៀវភៅ? តើមានពេលណាជាពេលចុងក្រោយបង្អស់ដែលលោកអ្នករីករាយនឹងការសម្រាកលម្ហែកាយពិតប្រាកដ? តើមានពេលណាដែលលោកអ្នកទៅហាងពិសេស ហើយទិញនំ និងរបស់ឈ្ងុយឆ្ងាញ់? តើមានពេលណាជាលើកចុងក្រោយបង្អស់ដែលលោកអ្នកបានអង្គុយ ហើយពិសាកាហ្វេមួយពែងដែលថ្លៃ ប៉ុន្តែពិតជាឆ្ងាញ់មែន? តើលោកអ្នកបានទិញសៀវភៅថ្មីចុងក្រោយនៅពេលណា ហើយទិញដោយគ្រាន់តែចង់ទិញ? តើពេលណាជាលើកចុងក្រោយបង្អស់ ដែលលោកអ្នកបានទិញភួងផ្កាដ៏ប្រណិតជូនភរិយា? តើពេលណាជាលើកចុងក្រោយបង្អស់ដែលលោកអ្នកបានរីករាយជាមួយលុយរបស់ខ្លួន?

វាជាការល្អក្នុងការអនុវត្ដការគ្រប់គ្រងខ្លួនជាមួយនឹងលុយរបស់យើង ហើយក៏ជាការល្អក្នុងការប្រើប្រាស់វាឲ្យបានល្អដែរ។ ប៉ុន្តែ វាក៏ជាការល្អក្នុងការរីករាយជាមួយនឹងវាផងដែរ។ ដោយសារលុយមានលក្ខណៈលើសពីគ្រាន់តែជាឧបករណ៍មួយ វាក៏ជាមធ្យោបាយនៃការរីករាយផងដែរ។

ហើយនេះគឺរឿងល្អ៖ នៅពេលដែលអ្នកគ្រប់គ្រងលុយរបស់ខ្លួនបានប្រសើរជាងមុនដូចជាលុយរបស់ព្រះ នោះលោកអ្នកក៏នឹងកាន់តែរីករាយជាមួយការសប្បាយជាមួយការដ៏តិចតួចនេះដែរ។ នៅពេលដែលអ្វីគ្រប់យ៉ាងដែលលោកអ្នកចង់បានពីលុយ គឺការសប្បាយចិត្ត នោះវានឹងផ្តល់នូវការខូចខាត ដែលមិនចេះរីងស្ងួតជាមិនខាន។ ប៉ុន្តែ នៅពេលដែលលោកអ្នកចាត់ចែងវាដោយស្មោះត្រង់ នោះការសប្បាយតិចតួចទាំងនោះនឹងកាន់តែពោរពេញទៅដោយភាពផ្អែមល្ហែមដ៏ប្រសើរ។

ដូច្នេះ ចូរប្រើប្រាស់លុយរបស់អ្នក ហើយប្រើប្រាស់វាដោយមានប្រាជ្ញា ហើយប្រើប្រាស់វា ដើម្បីសិរីល្អទៅដល់ព្រះ។ ប៉ុន្តែ កុំភ្លេចរីករាយជាមួយវាផងដែរ។

និពន្ធដោយ៖ Tim Challies
បកប្រែដោយ៖ លោក ពេជ្រ ប៊ុនណា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ឯក ធីម៉ូថេ, លោក សឹម រក្សា, និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី www.challies.com ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៨៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៧

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម