ការអនុញ្ញាតឲ្យមានអំពើអាក្រក់

ព្រះជាម្ចាស់អនុញ្ញាតឲ្យមានការអាក្រក់កើតឡើង ពីព្រោះវាជាបំណងព្រះហឫទ័យរបស់ទ្រង់ក្នុងការអនុញ្ញាតឲ្យការអាក្រក់នោះកើតឡើង។ ប៉ុន្តែ នោះមិនមែនមានន័យថា ព្រះជាម្ចាស់បណ្ដាលឲ្យមានការអាក្រក់កើតឡើងដោយផ្ទាល់នោះទេ។

១៩ តុលា ២០២០អានរយៈពេល ៦ នាទី

មើល១២៤៥ដង

ព្រះ

ជាម្ចាស់អនុញ្ញាតឲ្យមានការអាក្រក់កើតឡើង ពីព្រោះវាជាបំណងព្រះហឫទ័យរបស់ទ្រង់ក្នុងការអនុញ្ញាតឲ្យការអាក្រក់នោះកើតឡើង។ ប៉ុន្តែ នោះមិនមែនមានន័យថា ព្រះជាម្ចាស់បណ្ដាលឲ្យមានការអាក្រក់កើតឡើងដោយផ្ទាល់នោះទេ។ ឧទាហរណ៍៖ ទ្រង់មិនសព្វព្រះហឫទ័យឲ្យមនុស្សកុហក ប៉ុន្តែទ្រង់អនុញ្ញាតឲ្យពួកគេកុហក។ ដូចគ្នាផងដែរ ទ្រង់ក៏មិនចង់ឲ្យមនុស្សរងទុក្ខ ប៉ុន្តែទ្រង់អនុញ្ញាតឲ្យមនុស្សរងទុក្ខ។ នៅក្នុងករណីទាំងពីរ វាជាបំណងព្រះហឫទ័យរបស់ទ្រង់ក្នុងការអនុញ្ញាតឲ្យមនុស្សធ្វើអំពើអាក្រក់។

កណ្ឌគម្ពីរ អេភេសូរ ១:១១ មានចែងថា ព្រះជាម្ចាស់ធ្វើគ្រប់ការទាំងអស់ឲ្យបានសម្រេចស្របតាមបំណងព្រះហឫទ័យរបស់ព្រះអង្គ។ រឿងដែលយើងចាត់ទុកថាជាអំពើអាក្រក់ដែលមានដូចជា ត្រូវបានគេមកប្លន់ ឬក៏បាក់ជើងដោយសារធ្លាក់ពីលើកាំជណ្ដើរ ទាំងពីរអាចជាការអាក្រក់។ ការលួចគឺជាការខុសច្បាប់តាមផ្នែកសីលធម៌ ប៉ុន្តែការបាក់ជើងដោយចៃដន្យមិនមែនដូច្នោះនោះទេ។ ទ្រង់អនុញ្ញាតឲ្យការទាំងពីរប្រភេទនោះកើតឡើងលើយើង។ ហេតុអ្វី? ជាក់ស្ដែង យើងមិនអាចផ្ដល់នូវចម្លើយយ៉ាងច្បាស់លាស់ចំពោះរាល់ស្ថានភាពបាននោះទេ ប៉ុន្តែយើងអាចនិយាយបានថា ព្រះជាម្ចាស់មិនមានព្រះហឫទ័យភ្ញាក់ផ្អើលនឹងអ្វីដែលបានកើតឡើង ហើយទ្រង់ក៏នៅមានហេតុផលក្នុងការអនុញ្ញាតឲ្យមានការអ្វីមួយកើតឡើង។

មានការពន្យល់មួយផ្សេងទៀតដែលថា ហេតុអ្វីបានជាព្រះជាម្ចាស់អនុញ្ញាតឲ្យការអាក្រក់កើតឡើង គឺដោយសារលោក អ័ដាម តំណាងមនុស្សលោកទាំងមូល។ លោក អ័ដាម តំណាងឲ្យយើងទាំងអស់គ្នា (ខយោង៖ ១កូរិនថូស ១៥:២២) ដូច្នេះនៅពេលដែលគាត់បានប្រព្រឹត្តិអំពើបាបនៅក្នុងសួនច្បារអេដែន នោះយើងក៏បានទទួលការរងទុក្ខពីផលកម្មនៃការបះបោររបស់គាត់។ បើនិយាយម្យ៉ាងទៀតទៅ យើងកើតមកលើផែនដីនេះជាកន្លែងដែលបាក់បែក និងពេញដោយអំពើបាបដោយសារអំពើបាបរបស់លោក អ័ដាម។ ដូច្នេះ នេះមានន័យថា ព្រះជាម្ចាស់កំពុងតែអនុញ្ញាតឲ្យផលកម្មនៃអំពើបាបមានដំណើរការលើផែនដីនេះ ដែលនេះមានរួមបញ្ចូលទាំងអំពើអាក្រក់នានាផងដែរ។ ចេញពីការនេះ យើងក៏អាចនិយាយបានថា នេះជាការបង្ហាញថាអំពើបាបពិតជាអាក្រក់ខ្លាំងណាស់ ហើយព្រះជាម្ចាស់ក៏សព្វព្រះហឫទ័យក្នុងការបង្ហាញមនុស្សទាំងអស់ឲ្យបានឃើញថា អំពើបាប និងផលកម្មរបស់វាប៉ះពាល់យ៉ាងអាក្រក់ណាស់ដែរ។

ចំណែកឯការពន្យល់មួយទៀតគឺថា ព្រះជាម្ចាស់ក៏អាចប្រើប្រាស់ការអាក្រក់ទាំងនោះឲ្យក្លាយទៅជាការល្អបានដែរ។ ឧទាហរណ៍៖ នៅពេលដែលយើងមើលការដែលគេឆ្កាងព្រះយេស៊ូវ ដែលនោះជារបៀបយើងទទួលបានសេចក្ដីសង្គ្រោះចេញពីអំពើបាបរបស់យើង នោះយើងឃើញពីលទ្ធផលនៃការដែលមនុស្សធ្វើការអាក្រក់ទៅលើព្រះយេស៊ូវ។ តែទោះជាយ៉ាងណាក្ដី ក៏យើងនៅទទួលបានសេចក្ដីសង្គ្រោះតាមរយៈការនេះដែរ។ ចូរសរសើរដល់ព្រះជាម្ចាស់ចុះ។ កណ្ឌគម្ពីរ កិច្ចការ ៤:២៧-២៨ បានចែងថា៖ «ប្រាកដមែន នៅក្នុងក្រុងនេះ ស្តេចហេរ៉ូឌ និងលោកប៉ុនទាស‌-ពីឡាត់ បានប្រជុំគ្នា ហើយពួកសាសន៍ដទៃ និងសាសន៍អ៊‌ីស្រាអែល ទាស់នឹងព្រះយេស៊ូវ ជាអ្នកបម្រើបរិសុទ្ធរបស់ព្រះអង្គ ដែលទ្រង់បានចាក់ប្រេងតាំង ដើម្បីធ្វើអ្វីៗដែលព្រះហស្តព្រះអង្គ និងគម្រោងការរបស់ព្រះអង្គ បានកំណត់ទុកឲ្យកើតឡើង» (គកស)។

ពេលខ្លះ យើងមិនយល់ថា ហេតុអ្វីបានជាមានអំពើអាក្រក់កើតឡើងទេ។ ឧទាហរណ៍ផ្ទាល់ខ្លួន៖ មិនយូរប៉ុន្មានបន្ទាប់ពីកូនប្រុសយើងបានកើតមក គាត់ក៏បានស្លាប់ទៅ។ ប្រពន្ធរបស់ខ្ញុំ និងខ្ញុំបានធ្វើពិធីបុណ្យសពសម្រាប់គាត់ ហើយទោះបើថា ពួកយើងមិនដឹងអំពីមូលហេតុដែលព្រះជាម្ចាស់អនុញ្ញាតឲ្យកូនយើងស្លាប់ក៏ដោយ ប៉ុន្តែអស់រយៈពេលជាច្រើនឆ្នាំនេះ ខ្ញុំបានមានទំនាក់ទំនងជាមួយអស់អ្នកដែលបានបាត់បង់កូនៗរបស់គេដែរ។ ខ្ញុំអាចលើកទឹកចិត្តដល់ពួកគេបាន ហើយចង្អុលបង្ហាញពួកគេឲ្យមើលទៅកាន់ព្រះយេស៊ូវ—ពីព្រោះខ្ញុំដឹងអំពីអ្វីដែលពួកគេកំពុងឆ្លងកាត់ដែរ។ ដូច្នេះ ពេលខ្លះព្រះជាម្ចាស់អនុញ្ញាតឲ្យការអាក្រក់កើតឡើង ដើម្បីឲ្យយើងអាចជួយអស់អ្នកដែលឆ្លងកាត់ការលំបាកៗជាច្រើននៅក្នុងជីវិតរបស់ពួកគេបាន។

និពន្ធដោយ៖ លោកគ្រូ Matt Slick
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ប៊ុន ធីម៉ូថេ, លោកស្រី ថាវ ប៊ុនរី និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី carm.org ដោយមានការអនុញ្ញាត។

តើអ្នកគិតយ៉ាងណា?

៤ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៦៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១៣៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១១៨

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

១០

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម