ចូលនគរស្ថានសួគ៌

ប្រសិនបើព្រះវរបិតារារាំងបុត្រាបុត្រីរបស់ទ្រង់មិនឲ្យចូលស្ថានសួគ៌ នោះព្រះអង្គក៏ត្រូវតែបណ្ដេញរូបអង្គទ្រង់ចេញផ្ទាល់ផងដែរ។ ព្រះវរបិតាដ៏ល្អរបស់យើងទាំងអស់គ្នាទ្រង់មិនធ្វើដូចនេះទេ ហើយក៏មិនអាចកាត់ការបុត្រាបុត្រីរបស់ទ្រង់ចោលបាននោះឡើយ។

២៦ កុម្ភៈ ២០១៩អានរយៈពេល ៨ នាទី

មើល១០៨៧ដង

គ្រី

ស្ទបរិស័ទគ្រប់ៗរូបសុទ្ធតែប្រាថ្នាចង់ទៅរស់នៅក្នុងនគរស្ថានសួគ៌បន្ទាប់ពីលាចាកជីវិតនៅលើផែនដីនេះទៅ ប៉ុន្តែយើងមិនដឹងច្បាស់ជាប្រាកដថា តើហេតុអ្វីបានជាយើងមានទំនុកចិត្តយ៉ាងជាក់លាក់ដូចនោះក្នុងការដែលចូលទៅក្នុងស្ថានសួគ៌បានដោយរបៀបណាឡើយ។

មានហេតុផលបីយ៉ាងដែលព្រះជាម្ចាស់ត្រូវតែអនុញ្ញាតឲ្យពួកបរិសុទ្ធរបស់ទ្រង់ចូលទៅក្នុងនគរស្ថានសួគ៌បាន៖ ព្រះវរបិតា ព្រះរាជបុត្រា និងព្រះវិញ្ញាណបរិសុទ្ធ។ នៅក្នុងរូបអង្គនីមួយៗមានព្រះពរបីយ៉ាង ដែលទេវវិទូបានផ្ដោត និងផ្អែកទៅលើជាទូទៅ៖ ការរាប់ជាសុចរិត ការយកធ្វើជាកូនចិញ្ចឹម និងការញែកចេញជាបរិសុទ្ធ។

ព្រះពរទាំងបីយ៉ាងនេះ (ទំនាក់ទំនងនៃការស៊ីគ្នាទៅនឹងបុគ្គលនីមួយៗនៃព្រះត្រៃឯកដែលពោរពេញទៅដោយព្រះពរ) បានប្រទានមកយើងនូវការធានាអះអាងដ៏អស្ចារ្យត្រង់ថា តើព្រះជាម្ចាស់នឹងព្រមទទួលយកយើងចូលទៅក្នុងនគរស្ថានសួគ៌នៅពេលដែលយើងស្លាប់ឬក៏អត់។

១.

យើងបានទទួលការរាប់ជាសុចរិតនៅក្នុងព្រះរាជបុត្រា

ទីមួយ ទាក់ទងនឹងការនៅក្នុងព្រះរាជបុត្រា យើងបានទទួលការរាប់ជាសុចរិតតាមរយៈជំនឿរបស់យើងតែមួយគត់។ នេះមិនមែនគ្រាន់តែមានន័យថា ព្រះអង្គបានអត់ទោសនូវរាល់អំពើបាបរបស់យើងនោះទេ ប៉ុន្តែក៏អាចមានន័យថា តាមរយៈជំនឿ យើងបានទទួលនូវភាពសុចរិតរបស់ព្រះគ្រីស្ទ។ ព្រះជាម្ចាស់បានប្រទានភាពសុចរិតមកដល់យើង ដែលប្រកបទៅដោយព្រះគុណផងដែរ។

ម្យ៉ាងវិញទៀត យើងអាចឈរនៅមុខទីកាត់ក្ដីរបស់ព្រះជាម្ចាស់បាន ដោយមានការធានាអះអាងលើការរាប់ជាសុចរិតរបស់យើង ដូចដែលព្រះគ្រីស្ទមាននៅចំពោះព្រះវរបិតាដែរ។ នេះមិនមែនដោយសារតែ ព្រះជាម្ចាស់ទទួលនូវភាពមិនល្អឥតខ្ចោះរបស់យើងនោះទេ ប៉ុន្តែដោយសារតែព្រះជាម្ចាស់ទាមទារឲ្យមានភាពល្អឥតខ្ចោះពីអស់អ្នកណាដែលនឹងចូលស្ថានសួគ៌ដោយមានជីវិត ហើយនៅក្នុងព្រះគ្រីស្ទយើងបានទទួលការរាប់ជាសុចរិតយ៉ាងល្អឥតខ្ចោះតាមរយៈការដែលព្រះជាម្ចាស់បានប្រទានមកឲ្យយើង។ នេះហើយជាមូលហេតុដែលធ្វើឲ្យការរាប់ជាសុចរិតនោះមិនមាននរណាម្នាក់អាចមកដកហូតចេញពីយើងបានឡើយ។ ទាំងអស់នោះឯងជាមូលហេតុដែលយើងមិនអាចបាត់បង់សេចក្តីសង្គ្រោះរបស់យើងបានផងដែរ។

ដោយសារមូលហេតុនេះ យើងមានសិទ្ធក្នុងការចូលទៅក្នុងនគរស្ថានសួគ៌បាន ដូចជាអង្គព្រះគ្រីស្ទទ្រង់ផ្ទាល់ ពីព្រោះទ្រង់បានរាប់យើងជាសុចរិតនៅចំពោះទ្រង់រួចទៅហើយ ដោយយើងមានសេចក្ដីសុចរិតរបស់ទ្រង់ផងដែរ។

ប្រសិនបើព្រះជាម្ចាស់មិនអនុញ្ញាតឲ្យយើងចូលស្ថានសួគ៌ នោះព្រះអង្គក៏នឹងត្រូវបណ្ដេញព្រះរាជបុត្រាតែមួយគត់របស់ទ្រង់ចេញផងដែរ។

២.

យើងជាព្រះវិហាររបស់ព្រះវិញ្ញាណបរិសុទ្ធ

ទីពីរ ទាក់ទងនឹងការនៅក្នុងព្រះវិញ្ញាណ យើងគឺជាព្រះវិហាររបស់ព្រះវិញ្ញាណបរិសុទ្ធ (១កូរិនថូស ៦:១៩)។

គ្រីស្ទបរិស័ទគឺ «មិននៅខាងសាច់ឈាមទៀតទេ គឺនៅខាងវិញ្ញាណវិញ...អ្នកណាគ្មានព្រះវិញ្ញាណរបស់ព្រះគ្រីស្ទ អ្នកនោះមិនមែនជារបស់ផងទ្រង់ទេ» (រ៉ូម ៨:៩)។

អត្តសញ្ញាណរបស់យើងគឺមិនមែនគ្រាន់តែអាស្រ័យលើការដែលយើងនៅក្នុងព្រះគ្រីស្ទប៉ុណ្ណោះទេ ប៉ុន្តែក៏អាស្រ័យលើការដែលយើងមានពេញទៅដោយវិញ្ញាណនៅក្នុងព្រះគ្រីស្ទដែរ។ ដោយសារតែយើងរួបរួមជាមួយនឹងព្រះគ្រីស្ទ នោះយើងក៏រួបរួមជាមួយនឹងព្រះវិញ្ញាណបរិសុទ្ធដែលជា «ព្រះវិញ្ញាណរបស់ព្រះគ្រីស្ទ» ផងដែរ (រ៉ូម ៨:៩)។ ព័ន្ធកិច្ចរបស់ព្រះវិញ្ញាណដែលមាននៅក្នុងជីវិតរបស់យើងនៅលើផែនដីនេះមិនឈានដល់ភាពល្អឥតខ្ចោះនោះឡើយ ប៉ុន្តែទាំងអស់នោះក៏ស្ថិតនៅក្នុងព័ន្ធកិច្ចរបស់ទ្រង់ដដែល។

ប្រសិនបើព្រះជាម្ចាស់រារាំងពួកបរិសុទ្ធរបស់ទ្រង់មិនឲ្យចូលទៅស្ថានសួគ៌ ព្រះអង្គក៏ត្រូវតែបណ្ដេញព្រះវិញ្ញាណចេញផងដែរ។ ការដែលព្រះអង្គធ្វើបែបនោះមិនអាចទៅរួចបានឡើយ។ ប្រសិនបើព្រះជាម្ចាស់ទទួលព្រះវិញ្ញាណទៅស្ថានសួគ៌—ពិតប្រាកដណាស់ការនោះត្រូវតែកើតឡើង—ដូច្នេះព្រះជាម្ចាស់ក៏នឹងត្រូវអនុញ្ញាតឲ្យយើងដែលមានព្រះវិញ្ញាណចូលទៅក្នុងស្ថានសួគ៌ដែរ។

៣.

យើងជាបុត្រាបុត្រីរបស់ព្រះវរបិតា

ចំណុចចុងក្រោយ ទាក់ទងនឹងការនៅក្នុងព្រះវរបិតា យើងគឺជាបុត្រាបុត្រីរបស់ព្រះអង្គ (១យ៉ូហាន ៣:២)។

ក្នុងនាមយើងទាំងអស់គ្នាដែលជាកូនចិញ្ចឹម យើងជាសមាជិកនៃក្រុមគ្រួសារតែមួយរបស់ព្រះអង្គ។ ព្រះជាម្ចាស់គឺជាព្រះវរបិតារបស់យើងរាល់គ្នា។ យើងមានងាររបស់ព្រះអង្គដែលទ្រង់បានដាក់លើយើង (វិវរណៈ ៣:១២)។ ក្នុងនាមព្រះអង្គដែលទ្រង់ជាបិតារបស់យើង ទ្រង់ត្រូវតែថែរក្សាបីបាច់យើង ដូច្នេះការដែលយើងមានសុខុមាលភាពគឺជាទំនួលខុសត្រូវរបស់ទ្រង់។

សាវ័ក ប៉ុល បានលើកឡើងនៅក្នុងកណ្ឌគម្ពីរ ១ធីម៉ូថេ ៥:៨ «បើមានអ្នកណា ដែលមិនផ្គត់ផ្គង់ឲ្យពួកញាតិសន្ដានខ្លួន គឺឲ្យពួកអ្នកផ្ទះខ្លួនជាដើម អ្នកនោះឈ្មោះថាបានបោះបង់ចោលជំនឿហើយ ក៏អាក្រក់ជាងមនុស្សដែលមិនបានជឿទៅទៀត»។ នេះក៏ជាការពិតចំពោះព្រះវរបិតាដែលទ្រង់មានចំពោះយើងដែរ។ ពេលដែលយើងស្លាប់ ព្រះអង្គក៏មានទំនួលខុសត្រូវសម្រាប់សុខុមាលភាពរបស់យើងផងដែរ។

ហេតុអ្វីបានជាលោកអ្នកគួរមានទំនុកចិត្ត?

ជួនកាល យើងបានភ្លេចព្រះពរនានារបស់យើងក្នុងអង្គនីមួយៗនៃព្រះត្រៃឯកដែលទ្រង់ទាមទារឲ្យមាន។ តើលោកអ្នកអាចងាកមកគិតអំពីចំណុចចម្បងដ៏ធំបីយ៉ាង ដែលព្រះជាម្ចាស់គួរអនុញ្ញាតឲ្យយើងចូលក្នុងនគរស្ថានសួគ៌ ជាជាងសេចក្ដីពិតនៃបុគ្គលនីមួយៗនៃព្រះត្រៃឯកដែលនឹងត្រូវបណ្ដេញចេញពីស្ថានសួគ៌ក្នុងករណីដែលព្រះអង្គរារាំងយើងចេញពីសិរីល្អរបស់ទ្រង់បានដែរឬទេ?

ហេតុដូច្នេះហើយ ក្នុងនាមលោកអ្នកជាគ្រីស្ទបរិស័ទម្នាក់ តើលោកអ្នកមានទំនុកចិត្តបែបណាខ្លះក្នុងការចូលទៅកាន់នគរស្ថានសួគ៌បាន? ចម្លើយគឺ៖ ព្រះវរបិតា ព្រះរាជបុត្រា និងព្រះវិញ្ញាណបរិសុទ្ធ។ អាម៉ែន!

នគរស្ថានសួគ៌គឺជាបល្ល័ង្ករបស់ព្រះជាម្ចាស់ ជាកន្លែងដែលព្រះគ្រីស្ទសោយរាជ្យក្នុងអំណាចនៃព្រះវិញ្ញាណក្នុងសិរីល្អ (អេសាយ ៦៦:១; ទំនុកតម្កើង ១១០:១; កិច្ចការ ២:៣៣)។ ព្រះជាម្ចាស់នឹងមិនចាកចេញពីនគរស្ថានសួគ៌ទេ! ហេតុដូច្នេះហើយបានជាព្រះអង្គក៏នឹងមិនអនុញ្ញាតឲ្យរាស្ដ្ររបស់ទ្រង់ទៅកន្លែងណាផ្សេងទៀតឡើយ ក្រៅពីកន្លែងដែលទ្រង់កំពុងមានព្រះវត្តមាន ហើយគង់នៅសព្វថ្ងៃនេះ។

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៣១០៥

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៥

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២១៨៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៤៨

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៤

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម