ដំបូន្មាន៨យ៉ាងសម្រាប់គ្រីស្ទបរិស័ទដែលនៅលីវពីលោក ធីម ឃែលឺ

តើលោកអ្នកចង់រៀនពីលោក ធីម ខែល័រ ចំពោះភាពនៅលីវដែលឬទេ? ទាំងនេះជាដំបូន្មានចំនួន៨យ៉ាង ដែលលោកបានផ្តល់ចេញពីសៀវភៅរបស់លោក ស្តីអំពីអាពាហ៍ពិពាហ៍ដែលមានចំណងជើងថា អត្ថន័យនៃអាពាហ៍ពិពាហ៍។

២៤ កញ្ញា ២០២៤អានរយៈពេល ១៦ នាទី

មើល១៣៩ដង

ខ្ញុំមានការភ្ញាក់ផ្អើល ប៉ុន្តែក៏រីករាយដែលបានឃើញមានមួយជំពូកទាំងមូលដែលសរសេរឡើងសម្រាប់អ្នកនៅលីវគ្រីស្ទាន នៅក្នុងសៀវភៅដ៏ល្អរបស់លោក ធីម និង លោកស្រី ខេតធី ឃែលឺ ស្តីអំពីអាពាហ៍ពិពាហ៍។ នៅក្នុងផ្នែកមួយដែលមានចំណងជើងថា «ដំបូន្មានជាក់ស្ដែងមួយចំនួនសម្រាប់អ្នកចង់រៀបអាពាហ៍ពិពាហ៍» (“Some Practical Counsel for Marriage Seekers”) គ្រួសារលោកឃែលឺបានផ្តល់នូវព័ត៌មានជំនួយដ៏មានប្រយោជន៍ជាច្រើនសម្រាប់អ្នកនៅលីវ។ ខ្ញុំបានរាយបញ្ជីការប្រឹក្សាទាំងនោះនៅខាងក្រោម រួមជាមួយនឹងចំណុចបន្ទាប់បន្សំមួយចំនួនរបស់គ្រួសារលោកខែល័រ ក្នុងទម្រង់ជាចំណុចរងសម្រាប់បង្កើនការអាន។[១]

១. ចូរទទួលស្គាល់ថាមានរដូវកាលដែលមិនត្រូវស្វែងរកការរៀបអាពាហ៍ពិពាហ៍

- មានពេលជាច្រើនដង ឬ «កាល» ដែលការណាត់ជួប និងការស្វែងរកអាពាហ៍ពិពាហ៍ដ៏សកម្មមិនចាំបាច់កើតឡើងនោះទេ។

- នរណាម្នាក់ដែលតែងតែត្រូវតែ «មាននរណាម្នាក់» គឺប្រហែលជាបានធ្លាក់ចូលទៅក្នុងការយកអាពាហ៍ពិពាហ៍ជាព្រះហើយ។

- នៅពេលដែលលោកអ្នកកំពុងឆ្លងកាត់ការផ្លាស់ប្ដូរដ៏សំខាន់មួយ—ចាប់ផ្ដើមការងារថ្មី ចាប់ផ្ដើមសាលារៀនថ្មី ប្រឈមមុខជាមួយការស្លាប់របស់ឪពុកម្តាយ ឬពេលវេលា ឬព្រឹត្តិការណ៍ណាមួយដែលស៊ីពេលវេលាជាច្រើន—វាប្រហែលជាមិនមែនជាពេលវេលាដ៏ល្អទេក្នុងការចាប់ផ្ដើមមានទំនាក់ទំនងស្នេហា។

- នៅក្នុងអំឡុងពេលនៃការព្យាបាល ឬក៏ការចាប់ផ្ដើមជាថ្មីឡើងវិញ លោកអ្នកប្រហែលជាត្រូវការមានមិត្តភាពជាគ្រីស្ទបរិស័ទជិតស្និទ្ធច្រើនជាងការណាត់ជួប និងការមានគំនិតនៃការរៀបអាពាហ៍ពិពាហ៍។

២. សូមយល់ដឹងអំពីអំណោយទាននៃភាពនៅលីវ

- សាវ័ក ប៉ុល បានហៅការនៅលីវថាជាអំណោយទាន (១កូរិនថូស ៧:៧)។

- នៅក្នុងសំណេររបស់សាវ័ក ប៉ុល គឺគាត់តែងតែប្រើពាក្យ «អំណោយទាន» ដើម្បីសំដៅទៅលើសមត្ថភាពមួយដែលព្រះជាម្ចាស់បានប្រទានមកឲ្យស្អាងអ្នកដទៃឡើង។

- នៅពេលនោះសាវ័ក ប៉ុល មិនបាននិយាយអំពីស្ថានភាពពិបាកយល់ ដែលគ្មានភាពតានតឹងមួយចំនួន ដែលនឹកមិនដល់ទេ។ សម្រាប់សាវ័ក ប៉ុល «អំណោយទាន» នៃការនៅលីវសំដៅទៅលើសេរីភាពដែលវាផ្ដល់ឲ្យគាត់ផ្ដោតអារម្មណ៍លើការបម្រើព័ន្ធកិច្ច ក្នុងរបៀបដែលបុរសៗរៀបការហើយមិនអាចធ្វើបាន។

- គាត់ (សាវ័ក ប៉ុល) មិនគ្រាន់តែរកឃើញសមត្ថភាព ដើម្បីរស់នៅក្នុងជីវិតដែលបម្រើព្រះជាម្ចាស់ និងអ្នកដទៃប៉ុណ្ណោះទេ...គាត់ក៏បានរកឃើញលក្ខណៈពិសេសនៃជីវិតនៅលីវ (ឧទាហរណ៍៖ ដូចជាការបត់បែននៃពេលវេលាបាន) ដើម្បីបម្រើព្រះជាម្ចាស់ប្រកបដោយប្រសិទ្ធភាពខ្ពស់បាន។

- «ការត្រាស់ហៅឲ្យនៅលីវ» ដែលសាវ័ក ប៉ុល បានលើកឡើងអំពីគឺមិនមែនជាលក្ខខណ្ឌដែលគ្មានការតស៊ូ ឬក៏ជាបទពិសោធន៍នៃទុក្ខវេទនាផ្សេងទៀតនោះឡើយ...នៅពេលដែលលោកអ្នកមានអំណោយនេះ នោះលោកអ្នកប្រាកដជានឹងមានឧបសគ្គ ប៉ុន្តែរឿងសំខាន់នោះគឺថា ព្រះជាម្ចាស់កំពុងជួយលោកអ្នកឲ្យរីកចម្រើនខាងឯវិញ្ញាណ និងបង្កើតផលផ្លែក្នុងជីវិតអ្នកដទៃ ទោះបីជាមានឧបសគ្គក៏ដោយ។

៣. សូមកាន់តែយកចិត្តទុកដាក់ក្នុងការរៀបអាពាហ៍ពិពាហ៍ នៅពេលដែលលោកអ្នកកាន់តែចាស់ទៅៗ

- នៅពេលយើងកាន់តែចាស់ទៅៗ គឺមានទំនោរដែលមនុស្សភាគច្រើនតែងតែគិតថា៖ «ប្រសិនបើលោកអ្នកចេញទៅក្រៅជាមួយនឹងខ្ញុំ នោះលោកអ្នកកំពុងគិតអំពីទំនាក់ទំនង ឬអាពាហ៍ពិពាហ៍ដែលច្បាស់លាស់ហើយ»។

- ស្ថានភាពដ៏ឈឺចាប់បំផុតមួយដែលលោកអ្នកអាចមាន គឺនៅពេលដែលអ្នកណាម្នាក់គិតថា ការណាត់ជួបនេះគឺ ដើម្បីពិចារណាអំពីទំនាក់ទំនងដ៏ច្បាស់លាស់ ហើយអ្នកម្នាក់ទៀតគិតថា វាគ្រាន់តែជាការសប្បាយនៅក្នុងសង្គម និងកម្សាន្តប៉ុណ្ណោះ។

- ធ្វើខ្លួនតាមអាយុកាលរបស់លោកអ្នក...បើលោកអ្នកនៅលីវ និងនៅក្នុងវ័យសាមសិបឆ្នាំជាង លោកអ្នកគួរតែទទួលស្គាល់ថា ប្រសិនបើខ្លួនទទូចចង់បន្តការកម្សាន្តបែបណាត់ជួបជាមួយអ្នកដទៃ ដែលមានអាយុស្របាលលោកអ្នក នោះជាញឹកញាប់លោកអ្នកនឹងលេងសើចនឹងអារម្មណ៍របស់គេហើយ។

- កាលណាលោកអ្នកកាន់តែចាស់ទៅៗ នោះលោកអ្នកនឹងចេញទៅក្រៅជាញឹកញាប់ ហើយទាំងពីរនាក់ត្រូវតែទទួលស្គាល់ថា ខ្លួនកំពុងស្វែងរកការរៀបអាពាហ៍ពិពាហ៍កាន់តែឆាប់រហ័ស។

៤. កុំបណ្ដោយឲ្យខ្លួនលោកអ្នកមានទំនាក់ទំនងផ្លូវចិត្តស៊ីជម្រៅជាមួយនឹងអ្នកដែលមិនជឿ

នៅគ្រប់ខទាំងអស់ក្នុងព្រះគម្ពីរបានសន្មតថា គ្រីស្ទបរិស័ទនឹងរៀបការជាមួយគ្រីស្ទបរិស័ទដូចគ្នា។

- ការយកព្រះទ័យទុកដាក់របស់ព្រះជាម្ចាស់គឺមិនមែនអំពីការដែលលោកអ្នករៀបការជាមួយពូជសាសន៍ផ្សេងក្រៅនោះទេ ប៉ុន្តែគឺសេចក្ដីជំនឿវិញ។

- ប្រសិនបើដៃគូរបស់លោកអ្នកមិនយល់អំពីសេចក្ដីជំនឿគ្រីស្ទបរិស័ទរបស់លោកអ្នកទេ នោះគាត់ពិតជាមិនបានយល់ដូចលោកអ្នកយល់ ពីខាងក្នុងទេ។ ហើយប្រសិនបើព្រះយេស៊ូវស្ថិតនៅចំកណ្ដាលដួងចិត្តលោកអ្នក នោះមានន័យថា ដៃគូរបស់លោកអ្នកពិតជាមិនបានយល់អំពីលោកអ្នកឡើយ។

- ប្រសិនបើលោកអ្នករៀបការជាមួយនឹងបុគ្គល ដែលមិនកាន់ខ្ជាប់តាមសេចក្ដីជំនឿដ៏ជ្រាលជ្រៅ និងជំនឿស្នូលដូចលោកអ្នកទេ នោះលោកអ្នកនឹងធ្វើការសម្រេចចិត្តម្តងហើយម្តងទៀត ដែលដៃគូរបស់លោកអ្នកមិនអាចយល់បានទាល់តែសោះ។ ផ្នែកនោះនៃជីវិតរបស់លោកអ្នក—ហើយវាគឺជាផ្នែកដ៏សំខាន់បំផុត—នឹងមានភាពស្រអាប់ជានិច្ច និងជាអាថ៌កំបាំងជារៀងរហូតចំពោះជីវិតប្ដីប្រពន្ធរបស់លោកអ្នក។

-លោកអ្នកមិនគួរតាំងចិត្តរៀបការជាមួយបុគ្គលដែលមិនមានជំនឿលើព្រះគ្រីស្ទដូចគ្នានឹងលោកអ្នកនោះឡើយ។

5. ចូរមានអារម្មណ៍ថា «ទាក់ទាញចិត្ត» ក្នុងន័យដ៏ទូលំទូលាយបំផុត

- សាវ័ក ប៉ុល បានបង្រៀនថា ការទាក់ទាញចិត្តគឺជាកត្តាដ៏សំខាន់ក្នុងការសម្រេចចិត្តរៀបអាពាហ៍ពិពាហ៍ (១កូរិនថូស ៧:៩)។ ប៉ុន្តែ សូមឲ្យយើងចូលកាន់តែជ្រៅទៀត…សូមហៅវាថា «ការទាក់ទាញចិត្តដ៏ទូលំទូលាយ»។ តើវាជាអ្វី? ផ្នែកខ្លះៗគឺការទាក់ទាញទៅនឹងចរិតលក្ខណៈរបស់នរណាម្នាក់ ឬផលផ្លែខាងឯវិញ្ញាណ (កាឡាទី ៥:២២)។

- ដៃគូអាពាហ៍ពិពាហ៍អាចនិយាយបានថា «ខ្ញុំបានឃើញអ្វីដែលលោកអ្នកកំពុងតែក្លាយទៅជា និងអ្វីដែលលោកអ្នកនឹងក្លាយទៅជា (ទោះបីជានិយាយតាមត្រង់ទៅ លោកអ្នកមិនទាន់ទៅដល់ចំណុចនោះនៅឡើយទេ)។ ប៉ុន្តែ ពន្លឺនៃអនាគតរបស់លោកអ្នកទាក់ទាញចិត្តខ្ញុំ។

- ដៃគូអាពាហ៍ពិពាហ៍អ្នកគួរតែជាផ្នែកមួយនៃអ្វីដែលយើងអាចហៅថា «រឿងព្រេង» របស់លោកអ្នក។ លោក ស៊ី.អេស. ល៊ូហ្វីស (C.S. Lewis) បាននិយាយអំពី «ខ្សែអំបោះអាថ៌កំបាំង» ដែលបង្រួបបង្រួមសៀវភៅ តន្ត្រី ទីកន្លែង ឬកន្លែងកម្សាន្ត ដែលមនុស្សគ្រប់គ្នាចូលចិត្ត។ ជួនកាល លោកអ្នកនឹងជួបមនុស្សម្នាក់ដែលមានខ្សែអំបោះរឿងព្រេងអាថ៌កំបាំងដូចគ្នានឹងលោកអ្នកដែរ ដែលបានធ្វើឲ្យគាត់ក្លាយជាផ្នែកមួយនៃខ្សែអំបោះនោះផ្ទាល់។ នេះគឺជាប្រភេទនៃការទាក់ទាញចិត្តដ៏ទូលំទូលាយ ដែលលោកអ្នកគួរស្វែងរកនៅក្នុងដៃគូនាពេលអនាគតរបស់លោកអ្នក។

៦.កុំបណ្តោយឲ្យរឿងរ៉ាវងប់ងុលលឿនពេក

– ការណាត់ជួបគ្នាបែបសម័យទំនើបតែងតែនាំឲ្យមានការរួមភេទឆាប់រហ័សពេកហើយ ហើយពេលដែលរឿងនោះបានកើតឡើង នោះការឈ្លក់វង្វេងនឹងស្នេហាអាចលេចឡើងភ្លាមៗដែរ។ បទពិសោធន៍បែបនោះ មានទំនោររារាំងដល់ការវាយតម្លៃជាក់ស្ដែងថា តើបុគ្គលនោះពិតជានរណា?

- ប្រភេទស្នេហាដែលនៅស្ថិតស្ថេរអស់មួយជីវិតគឺមិនមែនមានត្រឹមតែផ្នែកអារម្មណ៍ប៉ុណ្ណោះនោះទេ។ វាត្រូវតែមានការប្ដេជ្ញាចិត្តដ៏មុតមាំគ្រប់គ្រាន់ ដើម្បីជំរុញយើងឲ្យរីករាយ ដោយមិនមានការរអ៊ូរទាំ មានការបម្រើអ្នកដទៃដោយចេះលះបង់ សូម្បីតែក្នុងរដូវកាលដែលជៀសមិនរួច នៅពេលដែលអារម្មណ៍នោះស្ងួត ឬត្រជាក់ក៏ដោយ។ ស្នេហាបែបនោះកើតចេញពីការទាក់ទាញចិត្តដ៏ទូលំទូលាយនេះទៅលើអត្តចរិត អនាគត និងបេសកកម្មក្នុងជីវិតរបស់បុគ្គលម្នាក់នោះ។

-វិធីមួយដែលលោកអ្នកអាចវិនិច្ឆ័យបានថា តើលោកអ្នកបានឆ្លងផុតដំណាក់កាលនៃការរំជើបរំជួលឬយ៉ាងណា គឺត្រូវសួរនូវសំណួរមួយចំនួននេះ៖ តើលោកអ្នកបានឆ្លងកាត់ និងដោះស្រាយជម្លោះដ៏មុតស្រួចមួយចំនួនហើយឬនៅ? តើលោកអ្នកបានឆ្លងកាត់វដ្ដនៃការប្រែចិត្ត និងការអត់ទោសដែរឬទេ? តើលោកអ្នកបានបង្ហាញអ្នកដទៃថា លោកអ្នកអាចធ្វើការផ្លាស់ប្ដូរបានដែលកើតចេញពីសេចក្ដីស្រឡាញ់គ្នារវាងគ្នានឹងគ្នាបានហើយឬនៅ?

- មធ្យោបាយសំខាន់មួយសម្រាប់លោកអ្នក ដើម្បីជៀសវាងភាពងងឹតងងុល និងការផ្លាស់ប្ដូរអារម្មណ៍នៃការងប់ងុលលឿនពេក គឺការបដិសេធការរួមភេទមុនពេលរៀបការ។ ការពិតជាក់ស្ដែងគឺថា សកម្មភាពផ្លូវភេទបង្កឲ្យមានតណ្ហាយ៉ាងជ្រាលជ្រៅនៅក្នុងលោកអ្នកចំពោះអ្នកដទៃដែលលោកអ្នកនឹងត្រូវមើលគាត់/នាងឲ្យបានច្បាស់លាស់ជាមុនសិន។

- ដាក់ការអភិវឌ្ឍមិត្តភាពលើការអភិវឌ្ឍចរិតលក្ខណៈ។

៧. ទោះយ៉ាងណាក៏ដោយក៏កុំក្លាយជាប្ដី/ប្រពន្ធក្លែងក្លាយសម្រាប់អ្នកដែលមិនបានប្ដេជ្ញាចិត្តចំពោះលោកអ្នកឡើយ

- ខណៈពេលដែលគូខ្លះអាចឆាប់គិតច្បាស់លាស់លឿនពេកក៏មានគូផ្សេងទៀតដែលនឹងមានសមាជិកម្នាក់ ដែលនឹងមានការស្ទាក់ស្ទើរយ៉ាងខ្លាំងក្នុងការបន្តទំនាក់ទំនង ឬប្ដេជ្ញាចិត្តក្នុងការរៀបអាពាហ៍ពិពាហ៍ដែរ។

- ប្រសិនបើទំនាក់ទំនងបានអូសបន្លាយអស់ជាច្រើនឆ្នាំដោយគ្មានមុខសញ្ញានៃភាពស៊ីជម្រៅ ឬឈានទៅរកជីវិតអាពាហ៍ពិពាហ៍នោះទេ នោះប្រហែលជាមានបុគ្គលម្នាក់បានដឹងដល់កម្រិតនៃទំនាក់ទំនង (ការមិនចង់រៀបអាពាហ៍ពិពាហ៍) ដែលគាត់/នាងកំពុងទទួលបានអ្វីដែលខ្លួនចង់បានហើយ និងមានអារម្មណ៍ថាមិនត្រូវឈានទៅដល់ដំណាក់កាលចុងក្រោយនៃការប្ដេជ្ញាចិត្តទេ។

៨. សូមទទួល និងស្នើសុំមតិយោបល់ពីអ្នកនៅជុំវិញខ្លួន

- គោលការណ៍មូលដ្ឋានគឺត្រឹមត្រូវ និងសំខាន់។ អាពាហ៍ពិពាហ៍មិនគួរតែមានបុគ្គលម្នាក់តឹងរ៉ឹង ឬក៏ការសម្រេចចិត្តឯកតោភាគីនោះទេ។ វាសំខាន់ពេកហើយ ហើយទស្សនៈផ្ទាល់ខ្លួនរបស់យើងក៏ងាយយល់ច្រឡំផងដែរ។

- នៅក្នុងសហគមន៍យើងមានដៃគូរៀបការជាច្រើន ដែលមានប្រាជ្ញាច្រើនសម្រាប់ឲ្យអ្នកនៅលីវអាចស្ដាប់តាមបាន។ អ្នកនៅលីវគួរតែទទួលមតិយោបល់ពីនាក់នៅជុំវិញខ្លួនក្នុងគ្រប់ជំហាន នៅពេលស្វែងរកជីវិតអាពាហ៍ពិពាហ៍។

- តាមពិតទៅ ខ្ញុំចង់ណែនាំរឿងមួយបន្ថែមទៀត។ ជីវិតអាពាហ៍ពិពាហ៍របស់គ្រីស្ទបរិស័ទគួរតែជាបែបសហគមន៍ ដែលនេះមានន័យថាគ្រីស្ទបរិស័ទដែលបានរៀបការហើយគួរតែស្វែងរកវិធីផ្សេងៗ ដើម្បីចែករំលែកបទពិសោធន៍នៃជីវិតអាពាហ៍ពិពាហ៍របស់ខ្លួនជាមួយអ្នកនៅលីវ និងគូស្វាមីភរិយាផ្សេងទៀត នៅក្នុងសហគមន៍របស់ពួកគេដែរ។

- សូមគិតអំពីឥទ្ធិពលនៃការនេះដែលអាចនឹងមាន! អ្នកនៅលីវត្រូវតែមើលឃើញថា ជីវិតអាពាហ៍ពិពាហ៍លំបាក និងមានភាពរុងរឿងខ្លាំងប៉ុណ្ណា មិនមែនគ្រាន់តែភាពស្កប់ចិត្តប៉ុណ្ណានោះទេ។ មានមធ្យោបាយតែមួយគត់ដែលការនេះអាចកើតឡើងបាន គឺគូស្វាមីភរិយាដែលបានរៀបការរួចហើយត្រូវតែចែករំលែកជីវិតរបស់ពួកគេជាមួយអ្នកនៅលីវ ដើម្បីឲ្យអ្នកនៅលីវអាចយល់បានថា តើអាពាហ៍ពិពាហ៍មានលក្ខណៈពិតបែបណាឲ្យប្រាកដ។

ធនធានបន្ថែមចំពោះភាពនៅលីវ៖

ម្ចាស់ស្នេហ៍

លើសពីរាត្រីទឹកឃ្មុំ

ដៃគូជីវិត

អាពាហ៍ពិពាហ៍ដែលអ្នកប្រាថ្នា

ទឹមនឹមស្រៀក

ភាសានៃសេចក្តីស្រឡាញ់ទាំង៥

កំណត់ចំណាំ៖

១. ខ្ញុំយកខ្លឹមសារនៃការប្រកាសនេះចេញពីជំពូកទីប្រាំពីរ «ភាពនៅលីវ និងអាពាហ៍ពិពាហ៍» (Singleness and Marriage) នៃសៀវភៅរបស់លោក ធីម និងលោកស្រី ឃេតធី ខែល័រ ស្តីអំពីជីវិតអាពាហ៍ពិពាហ៍។ ដូចដែលលោកអ្នកអាចប្រាប់បាន ខ្ញុំមិនបានចម្លងគ្រប់ពាក្យនៃជំពូកនោះទេ។ ផ្ទុយទៅវិញ ខ្ញុំបានជ្រើសរើសយកប្រយោគមួយចំនួន ដែលខ្ញុំគិតថាលេចធ្លោជាងគេ។ ខ្ញុំក៏បានកែសម្រួលប្រយោគទាំងនោះខ្លះៗ ដើម្បីឲ្យអាចអានបានប្រសើរជាងមុនសម្រាប់ការបង្ហោះនេះ ប៉ុន្តែខ្ញុំមិនបានផ្លាស់ប្ដូរ ឬបន្ថែមការគិតរបស់ខ្ញុំទៅលើអ្វីដែលគ្រួសារលោកខែល័របានសរសេរហើយនោះទេ។ សូមមើលជំពូកទី៧ នៅក្នុងសៀវភៅដែលមានចំណងជើងថា «អត្ថន័យនៃអាពាហ៍ពិពាហ៍» (The Meaning of Marriage) សម្រាប់ខ្លឹមសារដ៏មានប្រយោជន៍បន្ថែមទៀត អំពីភាពនៅលីវរបស់គ្រីស្ទបរិស័ទ។

និពន្ធដោយ៖ David Kaywood
បកប្រែដោយ៖ កញ្ញា គឹម បូព្រឹក
ជំនួយការបកប្រែ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ,
លោក ឯក សត្យា, លោក ហុង សម្ភស និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី gospelrelevance.com ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

អ្វីដែលវេនថ្វាយបង្គំរួមគ្នារបស់យើងត្រូវការ

១១២៣

កំណត់ហេតុបណ្ដាញ២៣ កញ្ញា ២០២៥

អ្វីដែលវេនថ្វាយបង្គំរួមគ្នារបស់យើងត្រូវការ

ការថ្វាយបង្គំថ្ងៃអាទិត្យគឺសម្រាប់គ្រីស្ទបរិស័ទ។ ហើយគ្រីស្ទបរិស័ទទាំងនោះគួរតែមានអារម្មណ៍ប៉ះពាល់ចំពោះការថ្វាយបង្គំរបស់អ្នក។ ពួកគេគួរតែមានអារម្មណ៍ថា ពួកគេកំពុងទទួលបានអ្វីមួយនៅក្នុងព្រះវិហារដែលពួកគេមិនអាចទទួលបាននៅក្នុងលោកីយ៍។ សូមឲ្យពួកគេទាំងអតិសេដ្ឋភាព និងបង្កើយភាព។

អានបន្ថែម

២២៩

ពេញនិយម

កំណត់ហេតុបណ្ដាញ១៦ កញ្ញា ២០២៥

តើការពិចារណាខ្លួនឯង មុននឹងទទួលពិធីលៀងព្រះអម្ចាស់មានន័យដូចម្ដេច?

វាជារឿងត្រូវបានដឹងយ៉ាងទូលំទូលាយនៅក្នុងចំណោមគ្រីស្ទបរិស័ទ ថាការទទួលពិធីលៀងព្រះអម្ចាស់គួរតែយកចិត្តទុកដាក់ឲ្យបានម៉ត់ចត់...

អានបន្ថែម

៩៤០៣

កំណត់ហេតុបណ្ដាញ៣ ធ្នូ ២០២៤

របៀបប្រកាសដំណឹងល្អដល់អ្នកដែលមិនជឿ

ខ្ញុំមិនមានន័យថា នេះជាការហៅនរណាមកឯអាសនា ឬក៏អញ្ជើញនរណាម្នាក់ឲ្យមកខាងមុខ ដើម្បីអធិស្ឋានយាងព្រះអង្គឲ្យចូលក្នុងចិត្តរបស់គេនោះទេ (ទោះបីជាក្នុងបរិបទខ្លះ គេធ្វើក៏ដោយ) តែផ្ទុយទៅវិញ នេះគឺជាការជំរុញអ្នកស្តាប់បើកចិត្តជឿលើព្រះអម្ចាស់យេស៊ូវគ្រីស្ទ ដោយទុកចិត្តថា ព្រះវិញ្ញាណបរិសុទ្ធនឹងធ្វើការនៃការបង្កើតជាថ្មី នៅក្នុងចិត្តរបស់បុគ្គលនោះជាមិនខាន (ឬនៅក្នុងចិត្តរបស់មនុស្សជាច្រើន) ប្រសិនបើទ្រង់សព្វព្រះហឫទ័យធ្វើដូច្នោះ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២២១៦

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៧

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥១

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៨

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ដំបូន្មាន៨យ៉ាងសម្រាប់គ្រីស្ទបរិស័ទដែលនៅលីវពីលោក ធីម ឃែលឺ

២៤ កញ្ញា ២០២៤អានរយៈពេល ១៦ នាទី

មើល១៣៩ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

អ្វី​ដែលវេន​ថ្វាយ​បង្គំ​រួម​គ្នា​របស់​យើង​ត្រូវការ​

តើ​ការ​ពិចារណា​ខ្លួន​ឯង ​មុន​នឹង​ទទួល​ពិធី​លៀង​ព្រះ​អម្ចាស់​មាន​ន័យ​ដូច​ម្ដេច?

របៀប​ប្រកាស​ដំណឹង​ល្អ​ដល់​អ្នក​ដែល​មិន​ជឿ

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

អ្វី​ដែលវេន​ថ្វាយ​បង្គំ​រួម​គ្នា​របស់​យើង​ត្រូវការ​

តើ​ការ​ពិចារណា​ខ្លួន​ឯង ​មុន​នឹង​ទទួល​ពិធី​លៀង​ព្រះ​អម្ចាស់​មាន​ន័យ​ដូច​ម្ដេច?

របៀប​ប្រកាស​ដំណឹង​ល្អ​ដល់​អ្នក​ដែល​មិន​ជឿ

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

អ្វីដែលវេនថ្វាយបង្គំរួមគ្នារបស់យើងត្រូវការ

តើការពិចារណាខ្លួនឯង មុននឹងទទួលពិធីលៀងព្រះអម្ចាស់មានន័យដូចម្ដេច?

របៀបប្រកាសដំណឹងល្អដល់អ្នកដែលមិនជឿ

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

អ្វីដែលវេនថ្វាយបង្គំរួមគ្នារបស់យើងត្រូវការ

តើការពិចារណាខ្លួនឯង មុននឹងទទួលពិធីលៀងព្រះអម្ចាស់មានន័យដូចម្ដេច?

របៀបប្រកាសដំណឹងល្អដល់អ្នកដែលមិនជឿ

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)