អ្នកស្អប់បុណ្យណូអែល

ដោយអាស្រ័យលើរាល់អ្វីៗទាំងអស់ដែលព្រះគ្រីស្ទបានសម្រេចនៅលើឈើឆ្កាង នោះស្នូកសត្វក៏បានក្លាយជាទីកន្លែងដែលពេញដោយក្ដីសង្ឃឹមក្នុងចក្រវាលដ៏ងងឹតដែលគ្មានសង្ឃឹមឡើយ។

១ ធ្នូ ២០២១អានរយៈពេល ៨ នាទី

មើល២៣៤ដង

មក

កដល់ពេលនេះ យើងប្រាកដជាធ្លាប់ឮជាច្រើនលើកច្រើនសារហើយថាបុណ្យណូអែលជារដូវកាលមួយដ៏ពិបាកសម្រាប់មនុស្សជាច្រើន។ រឿងប្រលោមលោកប្រឌិតអំពីលោក ស្គ្រូហ្គជ៍ (Scrooge) និពន្ធដោយលោក ឆាលស៍ ឌិកគិនស៍ (Charles Dickens) មានចំណងជើងជាភាសាអង់គ្លេសថា “A Christmas Carol” ដែលបានរៀបរាប់អំពីបញ្ហារបស់គាត់ជាមួយនឹងពិធីបុណ្យមួយនេះ លែងជារឿងមួយដែលគាត់តែម្នាក់ឯងបានឆ្លងកាត់ទៀតហើយ។ មកដល់ឥឡូវនេះ វាជារឿងមួយដែលមនុស្សជាច្រើនកំពុងឆ្លងកាត់។ ទំនងវាជារឿងមួយដែលបានកើតឡើងតាំងពីយូរយារណាស់មកហើយក៏អាចថាបាន។ អំណរនៃរដូវកាលនេះអាចជាការឈឺចាប់សម្រាប់អស់អ្នកដែលនឹកស្រមៃមិនឃើញអំពីអំណរនៃរដូវកាលនោះ។

កាលពីថ្មីៗនេះ ខ្ញុំបានឮពីបុគ្គលម្នាក់ដែលបានរៀបរាប់អំពីការដែលបុណ្យណូអែលគឺជាពេលវេលាដ៏ពិបាកសម្រាប់គាត់ ពីព្រោះក្នុងក្រុមគ្រួសាររបស់គាត់ មានរឿងដ៏ឈឺចាប់មួយចំនួនបានកើតឡើង។ ដែលនាំមកនូវភាពអស់សង្ឃឹម និងការឈឺចាប់ខ្លោចផ្សារ។ ដោយសារការឈឺចាប់ថ្មីៗពេក នោះបានជាគាត់មិនអាចមានអំណរក្នុងរដូវកាលនៃបុណ្យណូអែលបាន។ វាជារឿងរ៉ាវដែលពិបាកនឹងបំភ្លេចចោលបាន។

ខ្ញុំយល់អំពីអារម្មណ៍មួយនេះ។ ខ្ញុំចង់និយាយថា នរណាក៏អាចយល់បានដែរព្រោះថារដូវកាលបុណ្យណូអែលជារដូវកាលជួបជុំគ្រួសារដ៏ធំមួយ។ ទោះបើជាក្នុងកាលៈទេសៈល្អយ៉ាងណាក៏ដោយ ក៏រដូវកាលនៃការឈប់សម្រាកនេះមានភាពតានតឹងដែរ។ ទោះបើជាគ្មាននរណាម្នាក់មានជំងឺមហារីក ឫគ្មាននរណាម្នាក់លែងលះគ្នា ឬក៏សាច់ញាតិបងប្អូនទាំងអស់បានមកជួបជុំគ្នាក៏ដោយ ក៏ការធ្វើសន្ទនាជាមួយពួកគេអាចជារឿងដ៏ពិបាកមួយដោយសារពួកគេមានចរិតខុសៗគ្នាហើយអ្វីដែលយើងនិយាយអាចធ្វើឲ្យប៉ះពាល់ដល់អារម្មណ៍នរណាម្នាក់ មិនខុសពីការដើរក្នុងចំការមីនដោយព្យាយាមមិនឲ្យជាន់មីននោះឡើយ។ អ្វីដែលធ្វើឲ្យរដូវកាលនេះជាពេលវេលាដ៏ល្អក៏ជាអ្វីដែលធ្វើឲ្យរដូវកាលនេះជាពេលវេលាដ៏ពិបាកមួយផងដែរ។ គ្រួសាររបស់ខ្ញុំផ្ទាល់ក៏មិនអាចគេចផុតពីបញ្ហានេះដែរ ។

ប៉ុន្តែ សូមអនុញ្ញាតឲ្យខ្ញុំជំទាស់បន្តិចជាមួយនឹងគំនិតបែបនេះ។ បើឲ្យខ្ញុំនិយាយដោយទន់ភ្លន់ទៅ ខ្ញុំគិតថាយើងមានការយល់ដឹងខុសហើយអំពីរដូវកាលនេះ។ យើងបានឲ្យផ្នត់គំនិតនេះដិតដាមក្នុងចិត្តថា រដូវកាលនៃបុណ្យណូអែលគឺជាពេលវេលាសម្រាប់ពួកអ្នកដែលមានសុភមង្គលតែប៉ុណ្ណោះ។ ពួកអ្នកដែលមានក្រុមគ្រួសារដ៏មានសុភមង្គលគេនាំគ្នាអង្គុយខាងមុខឡកម្តៅផ្ទះព័ទ្ធជុំវិញដោយកាដូ ដូចជានៅក្នុងសុបិនអញ្ចឹង។ បុណ្យណូអែលសម្រាប់អស់អ្នកដែលមានសុខភាពល្អដែលចូលចិត្តសើច ហើយសើចត្រូវពេលមែនទេ? សម្រាប់អស់អ្នកដែលមានជោគជ័យ ហើយមានមុខមាត់ស្អាតៗ ដែលរស់នៅក្នុងបុរីដ៏ប្រណិតតែប៉ុណ្ណោះ ដែលអាចមានភាពងាយស្រួលក្នុងការអរសប្បាយជាមួយរដូវកាលនៃការឈប់សម្រាកនេះ។ ពួកគេក៏មិនបានវង្វេងផ្លូវ ពីព្រោះមានប្រព័ន្ធ GPS ថ្មីដែលពួកគេទទួលបានកាលពីឆ្នាំមុន។ ពួកគេមានទឹកមុខស្រស់ញញឹមបន្ទាប់ពីបានមើលខ្សែភាពយន្តដ៏ល្បីអំពីបុណ្យណូអែល និងដេកអង្កុញជើងលើសាឡុងយ៉ាងមានសេចក្តីសុខ ខណៈពេលដែលក្រុមគ្រួសារទាំងមូលរបស់ពួកគេអង្គុយមុខទូរទស្សន៍ដែលមានអេក្រង់យក្ស។ យើងរស់នៅ ហើយធ្វើមើលតែពួកទាំងអស់នេះគឺជាពួកអ្នកដែលគួរតែសប្បាយនៅក្នុងរដូវកាលនៃបុណ្យណូអែលនេះអញ្ចឹង ។

ប៉ុន្តែ ផ្នត់គំនិតនេះខុសទាំងស្រុង។ បុណ្យណូអែល—ដំណើររឿងរ៉ាវអស្ចារ្យបំផុតនៃការដែលព្រះសង្គ្រោះបានយាងមកយកកំណើតជាមនុស្ស—គឺសម្រាប់មនុស្សគ្រប់ៗគ្នា ជាពិសេសសម្រាប់អស់អ្នកដែលត្រូវការសេចក្ដីសង្គ្រោះ។ ព្រះយេស៊ូវបានប្រសូតមកជាព្រះឱរស ដើម្បីឲ្យស្គាល់ការឈឺចាប់ ហើយយល់ពីភាពទន់ខ្សោយរបស់យើង។ ព្រះយេស៊ូវបានយាងមកយកលក្ខណៈដូចជាយើង ដើម្បីឲ្យក្នុងការមានព្រះជន្មរស់ឡើងវិញរបស់ទ្រង់ យើងក៏អាចមានលក្ខណៈដូចជាទ្រង់បានដែរ មានសេរីភាពពីការភ័យខ្លាចនៃសេចក្តីស្លាប់ និងពីការឈឺចាប់នៃការបាត់បង់។ ពួកអ្នកដែលមកថ្វាយបង្គំព្រះយេស៊ូវមុនគេដែលបានចែងទុកក្នុងព្រះគម្ពីរគឺមិនមែនជាមនុស្សដែលមានឋានៈខ្ពស់នោះទេ។ ពួកគេជាជនក្រីក្រ អ្នកគង្វាលមិនស្អាតបាត ជាមនុស្សដែលនឿយហត់ដោយសារពួកគេត្រូវធ្វើការងារធ្ងន់ៗជាច្រើន។ ហើយក៏មានមនុស្សជាច្រើនបានមើលងាយមើលថោកចំពោះពួកគេទៀតផង។

ព្រះយេស៊ូវបានយាងមកសម្រាប់អស់អ្នកដែលឆ្លុះកញ្ចក់ ហើយឃើញភាពអាក្រក់របស់ខ្លួន។ ព្រះយេស៊ូវបានយាងមកសម្រាប់កូនស្រីៗដែលឪពុកខ្លួនមិនដែលប្រាប់ពួកគាត់ថា ពួកគាត់ស្អាត។ បុណ្យណូអែលសម្រាប់អស់អ្នកដែលទៅ «ជប់លៀង» តែម្នាក់ឯង។ បុណ្យណូអែលសម្រាប់អស់អ្នកដែលជីវិតរបស់ពួកគេត្រូវបានបំផ្លាញដោយជំងឺមហារីក ហើយការដែលស្រមៃថាបានរស់នៅដល់បុណ្យណូអែលឆ្នាំក្រោយហាក់បីដូចជាសុបិន្ដដែលមិនអាចកើតឡើងបាន។ បុណ្យណូអែលសម្រាប់អស់អ្នកដែលឯកាគ្រប់ពេលវេលា ប្រសិនបើគាត់គ្មានបណ្ដាញសង្គមលេង។ បុណ្យណូអែលសម្រាប់អស់អ្នកដែលមានជីវិតអាពាហ៍ពិពាហ៍ប្រេះស្រាំ ហើយក៏កំពុងឈានដល់ការលះលែងគ្នាដែរ។ បុណ្យណូអែលសម្រាប់កូនប្រុសដែលឪពុកខ្លួនទិញសម្ភារៈបរបាញ់សត្វឲ្យ ខណៈពេលដែលកូនគាត់ចង់បានតែសម្ភារ:ហត្ថកម្មប៉ុណ្ណោះ។ បុណ្យណូអែលសម្រាប់អស់អ្នកដែលញៀនបារី ខណៈពេលដែលគាត់មិនអាចឈប់ជក់បាន ទោះបើគាត់ដឹងថា គាត់កំពុងតែប្រឈមមុខនឹងសេចក្តីស្លាប់ក៏ដោយ។ បុណ្យណូអែលសម្រាប់ស្ត្រីពេស្យា ពួកផិតក្បត់ និងតារាសម្ដែងរឿងអាសអាភាសដែលចង់បានសេចក្ដីស្រឡាញ់ខុសរបៀប និងខុសទីកន្លែង។ បុណ្យណូអែលសម្រាប់ពួកនិស្សិតមហាវិទ្យាល័យដែលកំពុងអង្គុយជួបជុំគ្នាជាមួយនឹងគ្រួសារ ហើយអន្ទះអន្ទែងចង់ចេញទៅផឹកស្រាទៀត។ បុណ្យណូអែលសម្រាប់អស់អ្នកដែលបរាជ័យម្តងហើយម្តងទៀតក្នុងការចាប់យកក្តីស្រមៃរបស់ខ្លួន។ បុណ្យណូអែលសម្រាប់អស់អ្នកដែលបានបង្ខូចកេរ្តិ៍ឈ្មោះគ្រួសារ និងបំផ្លាញមរតក—ពួកគេចង់វិលត្រឡប់ទៅ «ផ្ទះ» វិញ ប៉ុន្តែពួកគេមិនអាចនឹកស្រមៃបានថា បងប្អូន គ្រួសារនឹងទទួលយកគាត់វិញ ដោយភាពកក់ក្តៅទេ។ បុណ្យណូអែលសម្រាប់ឪពុកម្ដាយដែលកំពុងមើលជីវិតអាពាហ៍ពិពាហ៍របស់កូនខ្លួនបរាជ័យ។

តាមពិតទៅ បុណ្យណូអែលជាដំណឹងល្អនៃព្រះគុណសម្រាប់ពួកមនុស្សមានបាប។ ដោយអាស្រ័យលើរាល់អ្វីៗទាំងអស់ដែលព្រះគ្រីស្ទបានសម្រេចនៅលើឈើឆ្កាង នោះស្នូកសត្វក៏បានក្លាយជាទីកន្លែងដែលពេញដោយក្ដីសង្ឃឹមក្នុងចក្រវាលដ៏ងងឹតដែលគ្មានសង្ឃឹមឡើយ។ ក្នុងចំណោមការសើចចំអកនៃការសើចចំអកជាច្រើន បុណ្យណូអែលសម្រាប់អស់អ្នកដែលពិបាកនឹងអរសប្បាយនៅក្នុងរដូវកាលនៃបុណ្យណូអែលនេះ។ បើនិយាយឲ្យខ្លីទៅ បុណ្យណូអែលគឺសម្រាប់អស់អ្នកដែលស្អប់បុណ្យនេះខ្លាំងជាងគេ។

និពន្ធដោយ៖ លោកគ្រូ Matt Redmond
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, កញ្ញា ជុំ ចាន់ដារ៉ា, កញ្ញា អឿង ដាលីន, លោកគ្រូ លូកា ស្មីត
និងអ្នកគ្រូ សេង សុខា
ដកស្រង់ខ្លះៗចេញពី thegospelcoalition.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៥១

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

ឱអ្នកម្តាយអើយ សូមប្រើប្រាស់ពេលវេលាបន្តិចបន្តួចឲ្យបានល្អបំផុត

១២៨

កំណត់ហេតុបណ្ដាញ៣០ កញ្ញា ២០២៥

ឱអ្នកម្តាយអើយ សូមប្រើប្រាស់ពេលវេលាបន្តិចបន្តួចឲ្យបានល្អបំផុត

ការខកចិត្តរបស់ខ្ញុំជាមួយស្វាមីរបស់ខ្ញុំ—និងការដែលមានអារម្មណ៍ថាជាប់គាំងដោយការគ្មានពេលវេលាសម្រាប់ខ្លួនឯង—នៅទីបំផុតបានចាប់ផ្ដើមដោយកើតចេញពីទស្សនៈខុសលើពេលវេលា និងពីការគិតថាថ្ងៃនេះជា «របស់» ខ្ញុំ។

អានបន្ថែម