ឱអ្នកម្តាយអើយ សូមប្រើប្រាស់ពេលវេលាបន្តិចបន្តួចឲ្យបានល្អបំផុត

៣០ កញ្ញា ២០២៥អានរយៈពេល ១១ នាទី

មើល១២០ដង

ឱអ្នកម្តាយអើយ សូមប្រើប្រាស់ពេលវេលាបន្តិចបន្តួចឲ្យបានល្អបំផុត

នៅពេលដែលកូនប្រុសរបស់ខ្ញុំនៅជាទារកនៅឡើយ ខ្ញុំចងចាំអំពីអារម្មណ៍ច្រណែនរបស់ខ្ញុំជាមួយនឹងស្វាមីខ្ញុំ។ គាត់ភ្ញាក់ពីគេង ហើយចាកចេញពីផ្ទះ ដើម្បីទៅធ្វើការងារជារៀងរាល់ថ្ងៃ ដែលរួមមានទាំងការធ្វើដំណើរបន្តិចនៅក្នុងឡានដ៏ស្ងប់ស្ងាត់ដែលគាត់អាចស្តាប់អ្វីដែលគាត់ចង់ស្តាប់ក៏បាន ឬអាចអង្គុយនៅភាពស្ងប់ស្ងាត់រយៈពេលពីរបីនាទីទៀតផង។ ឯខ្ញុំវិញជាម្តាយដែលស្នាក់នៅផ្ទះ ហើយគ្រប់ម៉ោងទាំងអស់គឺមើលកូនៗ ដែលមានពេញដោយតម្រូវការចាំបាច់ជាច្រើន។ ខ្ញុំមិនមានពេលវេលាទំនេរឡើយ—គ្មានពេលវេលាសម្រាប់ «ខ្លួនឯង» សោះ។

ឥឡូវនេះ ខ្ញុំជាម្តាយដែលបង្រៀនកូននៅផ្ទះ និងជាភរិយារបស់គ្រូគង្វាល ហើយខ្ញុំក៏ធ្វើការក្រៅម៉ោងនៅផ្ទះទៀត។ កាលវិភាគរាល់ថ្ងៃរបស់ខ្ញុំមានភាពខុសគ្នាពីមុន ប៉ុន្តែខ្ញុំនៅតែបញ្ចប់វាភាគច្រើនដោយមានអារម្មណ៍ថា ខ្ញុំមិនមានពេលវេលាសម្រាប់ខ្លួនឯងទាល់តែសោះ។ ប្រហែលជាអ្នកម្តាយខ្លះអាចយល់អំពីអារម្មណ៍នេះ។ មិនថាយើងធ្វើការនៅផ្ទះ ឬនៅក្រៅផ្ទះ ក៏យើងនៅតែមានទំនួលខុសត្រូវដែលត្រូវបំពេញ ការងារដែលត្រូវធ្វើ និងទំនាក់ទំនងដែលត្រូវបង្កើត។ ដូច្នេះ ជាញឹកញយ យើងមិនសូវមានពេលវេលាទំនេរឡើយ។

ប៉ុន្តែ អ្វីដែលយើងមាន—ទោះបីជាដំបូងវាពិបាកក្នុងការមើលឃើញ—នោះគឺការប្រើប្រាស់ឱកាសក្នុងពេលវេលាទាំងស្រុងរបស់យើងឲ្យមានប្រយោជន៍។ ពេលវេលាដ៏ខ្លីៗទាំងនេះនឹងប្រហែលជាមិនផ្តល់ឲ្យយើងអាចបំពេញកិច្ចការធំៗ ឬធ្វើដំណើរផ្សងព្រេងដ៏គួរឲ្យរំភើបនោះទេ ប៉ុន្តែវានៅតែអាចក្លាយជាប្រភពនៃភាពស្រស់ស្រាយ និងការលើកទឹកចិត្តបានដែរ។

គ្រប់នាទីតិចតួចនឹងក្លាយជាពេលវេលាច្រើន

ទោះបីជាយើងមិនមានពេលវេលាទំនេរច្រើនម៉ោងនៅក្នុងអំឡុងសប្ដាហ៍ក៏ដោយ ក៏យើងប្រហែលជានៅមានពេលច្រើននាទីដែលយើងអាចប្រើប្រាស់បាន—៥នាទីនៅទីនេះ ឬក៏១០នាទីនៅទីនោះ។ មិនថាយើងកំពុងរង់ចាំនៅការិយាល័យរបស់វេជ្ជបណ្ឌិត ឬជួយកូនងូតទឹក ក៏យើងនៅអាចប្រើប្រាស់ពេលវេលារបស់យើងនៅក្នុងរបៀបដ៏ល្អបាន។

ពួកយើងជាច្រើនមានទំនោរចង់ចាប់យកទូរស័ព្ទ ហើយអូសមើលនៅក្នុងបណ្ដាញសង្គម ខណៈពេលដែលយើងឈរក្នុងជួររង់ចាំនៅក្នុងហាងទំនិញ ឬអង្គុយរង់ចាំនៅចំណត។ ប៉ុន្តែ តើយើងនឹងពិតជាមានភាពស្រស់ស្រាយមែនឬអត់? ឬមួយក៏ថា យើងប្រហែលនឹងមានអារម្មណ៍ខ្សោះ បន្ទាប់ពីបានសម្លឹងមើលជីវិតរបស់អ្នកដទៃ? ខាងក្រោមនេះជាវិធីជំនួសប្រាំរបៀប ដើម្បីប្រើប្រាស់ពេលវេលាបន្តិចបន្តួចទាំងនោះ។

១. សម្រាប់ការអានព្រះគម្ពីរ

មានពេលវេលតែបីនាទីមែនឬ? សូមបើកព្រះគម្ពីររបស់អ្នកចោល ហើយរក្សាវានៅក្នុងផ្ទះបាយ ហើយអានកណ្ឌគម្ពីរទំនុកតម្កើងមួយជំពូក ឬក៏កណ្ឌគម្ពីរណាផ្សេងទៀតមួយជំពូកចុះ។ បើកបរទៅប្រជុំ? សូមស្តាប់ការអានព្រះគម្ពីរនៅពេលដែលអ្នកកំពុងធ្វើដំណើរទៅ។ គ្មានពេលវេលាណាដែលអាក្រក់ឡើយសម្រាប់ជាពេលអានព្រះគម្ពីរ (២ធីម៉ូថេ ៣:១៦)។

២. សម្រាប់ការអធិស្ឋាន

សូមប្រើប្រាស់ពេលវេលាដែលអ្នកកំពុងតែងូតទឹក ឬមើលថែសត្វរបស់អ្នក ដើម្បីអធិស្ឋានសម្រាប់គ្រួសារអ្នក សម្រាប់មិត្តភក្ដិ ឬសម្រាប់ក្រុមជំនុំ។ នៅពេលដែលអ្នកទទួលសារពីមិត្តរបស់អ្នកដែលមានបញ្ហា សូមឈប់ ហើយអធិស្ឋានមួយនាទីសម្រាប់បុគ្គលម្នាក់នោះ។ ខ្ញុំមានសាស្ត្រាចារ្យនៅមហាវិទ្យាល័យម្នាក់ដែលគាត់តែងតែអធិស្ឋានសម្រាប់មនុស្សជាក់លាក់ណាម្នាក់គ្រប់ពេលដែលគាត់ចុចកុងតាក់បើកភ្លើង—គាត់បានប្រើប្រាស់ពេលវេលាតិចតួចនេះសម្រាប់គោលបំណងល្អ ( អេភេសូរ ៦:១៨)។

៣. សម្រាប់ការរៀនសូត្រ

សូមគិតពិចារណាក្នុងការដាក់សៀវភៅដែលល្អមួយក្បាលនៅក្នុងកាបូប ឬកាតាបរបស់អ្នក ដើម្បីត្រៀមក្នុងការដកយកមកអាន នៅពេលដែលអ្នកមានពេលវេលាទំនេរ។ អ្នកក៏អាចស្តាប់ការអានសៀវភៅ ឬអត្ថបទជាសំឡេង ដែលនឹងជួយអ្នកឲ្យរីកចម្រើនក្នុងចំណេះដឹង ហើយតម្រង់អ្នកទៅកាន់សេចក្តីពិតបានដែរ។

៤. សម្រាប់ការភ្ជាប់ទំនាក់ទំនង

បើអ្នកមានពេលវេលាបន្ថែមបន្តិចបន្តួច ខណៈពេលដែលរង់ចាំការអាប់ឡោតឯកសារ (upload file) ឬរង់ចាំម៉ាស៊ីនចម្អិនម្ហូប? សូមយកពេលវេលានោះ ដើម្បីផ្ញើសារលើកទឹកចិត្តដល់មិត្តភក្ដិ—ដោយស្វែងរកការ «បណ្ដាលឲ្យមានសេចក្ដីស្រឡាញ់ ហើយឲ្យប្រព្រឹត្តការល្អផង» (ហេព្រើរ ១០:២៤)។

៥. សម្រាប់ការសម្រាក

ប្រសិនបើអ្នកនៅក្នុងកន្លែងដែលស្ងប់ស្ងាត់ សូមបិទភ្នែករបស់អ្នក ហើយដកដង្ហើមឲ្យវែងៗ ដោយផ្ដោតលើសេចក្តីពិតដែលថា ព្រះជាម្ចាស់បានបង្កើតអ្នកមកយ៉ាងគួរកោត គួរអស្ចារ្យ (ទំនុកតម្កើង ១៣៩:១៤) ហើយថា ព្រះជាម្ចាស់តែងតែគង់នៅជាមួយអ្នកជានិច្ច ( ទំនុកតម្កើង ១៦:៨)។

ការប្រើប្រាស់ពេលវេលាបន្តិចបន្តួចដោយមានគោលបំណងល្អអាចនឹងជួយយើងឲ្យមានកម្លាំង ហើយមានភាពស្រស់ស្រាយខាងឯព្រលឹងវិញ្ញាណបាន។

ស្រទាប់ដែលចង់បានការមានទំនួលខុសត្រូវ

ប៉ុន្តែ ចុះយ៉ាងណាវិញ នៅពេលដែលនាទីបន្តិចបន្តួចនោះមិនគ្រប់គ្រាន់ក្នុងការសម្រេចកិច្ចការណាមួយបាន? ឧបសគ្គមួយនៃការដែលខ្ញុំមិនមានពេលវេលាទំនេរគ្រប់គ្រាន់ គឺជាញឹកញយដោយសារខ្ញុំមានអ្វីដែលខ្ញុំប្រាថ្នាចង់ធ្វើខ្លាំង—ចំណាយពេលយ៉ាងស៊ីជម្រៅជាមួយនឹងព្រះអម្ចាស់ ឬការអភិវឌ្ឍទំនាក់ទំនងជិតស្និទ្ធជាមួយនឹងមិត្តភក្ដិណាម្នាក់ ដែលវាស៊ីពេលវេលាយ៉ាងច្រើន។ ប្រសិនបើខ្ញុំផ្ដោតលើអ្វីដែលខ្ញុំមិនអាចធ្វើបាន ដោយព្រោះទំនួលខុសត្រូវដែលនៅពីមុខខ្ញុំ នោះខ្ញុំកាន់តែឆាប់ខឹង ហើយងាយក្នុងការស្រមៃថា គេបានបោកប្រាស់ខ្ញុំនៅក្នុងជីវិតនេះហើយ។

ជំនួសឲ្យការនេះ ខ្ញុំបានរៀនក្នុងការដាក់ស្រទាប់នៃការចង់បានរបស់ខ្ញុំទៅក្នុងទំនួលខុសត្រូវរបស់ខ្ញុំ។ មុនពេលមានកូន ខ្ញុំមានភាពរីករាយក្នុងការចំណាយពេលវេលាយ៉ាងច្រើនជាមួយព្រះជាម្ចាស់ ជារៀងរាល់ព្រឹកសម្រាប់សិក្សាព្រះបន្ទូល និងការអានសៀវភៅអំពីការលត់ដំខាងឯវិញ្ញាណ ឬអំពីវិរៈបុរស និងវិរៈនារីនៃជំនឿ។ ខណៈពេលដែលខ្ញុំនៅតែបន្តមានពេលវេលាផ្ទាល់ខ្លួនជាមួយព្រះជាម្ចាស់ ខ្ញុំមិនមានពេលវេលាច្រើនម៉ោងដូចមុនទៀតទេ។ ដូច្នេះ ខ្ញុំក៏បានធ្វើឲ្យបំណងប្រាថ្នាសម្រាប់ការចង់បានព្រះគ្រីស្ទថែមទៀតទៅក្នុងកាលវិភាគនៃគ្រួសាររបស់ខ្ញុំវិញ។

យើងមាន «ពេលវេលាពេលព្រឹក» អំឡុងពេលអាហារពេលព្រឹក ជាពេលដែលយើងច្រៀងចម្រៀងថ្វាយបង្គំជាមួយគ្នា ទន្ទេញសៀវភៅសំណួរ-ចម្លើយគ្រីស្ទបរិស័ទ អានព្រះគម្ពីរ និងអធិស្ឋាន។ ពេលអាហារថ្ងៃត្រង់ យើងតែងតែអានឲ្យឮៗអំពីជីវប្រវត្តិរបស់បេសកជនណាម្នាក់។ នៅពេលនោះ ខ្ញុំព្យាយាមទាំងបណ្តុះបណ្តាលកូនៗរបស់ខ្ញុំនៅក្នុងជំនឿ (សុភាសិត ២២:៦) និងព្យាយាមមានពេលវេលាជាមួយព្រះជាម្ចាស់បន្ថែមទៀតជាមួយនឹងពួកគេដែរ។ វាគឺជាយុទ្ធសាស្ត្រឈ្នះៗ។

ដូចគ្នាដែរ ខ្ញុំក៏បានខ្នះខ្នែងក្នុងការអភិវឌ្ឍទំនាក់ទំនងមិត្តភាពជាស្ត្រីផ្សេងទៀត នៅពេលកាលវិភាគនៃរដូវកាលជីវិតខ្ញុំពេញដែរ។ ការចំណាយពេលជាមួយនឹងមិត្តស្រីៗខ្ញុំកើតឡើងយូរៗម្តង ប៉ុន្តែវាមិនកើតឡើងញឹកញាប់គ្រប់គ្រាន់ ដើម្បីឲ្យអាចអភិវឌ្ឍមិត្តភាពឲ្យបានកាន់តែស៊ីជម្រៅឡើយ។ ការជួបញ៉ាំកាហ្វេមួយទល់មួយក៏មិនអាចកើតឡើងឡើយជាញឹកញាប់ដែរ ពីព្រោះកូនៗខ្ញុំនៅជាមួយខ្ញុំរាល់ថ្ងៃ។ ផ្ទុយទៅវិញ ខ្ញុំបានឱបក្រសោបសេចក្តីអំណរ (និងភាពរញ៉េរញ៉ៃ) នៃការជួបជុំនៅកន្លែងក្មេងលេងជាមួយមិត្តភក្ដិស្រីៗ និងកូនៗរបស់យើង។ មិត្តខ្ញុំ និងខ្ញុំអាចបន្តការរីកចម្រើនទៅមុខជាមួយគ្នាបាន ខណៈពេលដែលកូនៗយើងក៏បានរៀនជំនាញសំខាន់ៗក្នុងការចែករំលែក និងចូលរួមលេងជាមួយក្មេងៗដែលមានវ័យខុសៗគ្នា។

សូមទុកចិត្តព្រះជាម្ចាស់ជាមួយពេលវេលា

ការខកចិត្តរបស់ខ្ញុំជាមួយស្វាមីរបស់ខ្ញុំ—និងការដែលមានអារម្មណ៍ថាជាប់គាំងដោយការគ្មានពេលវេលាសម្រាប់ខ្លួនឯង—នៅទីបំផុតបានចាប់ផ្ដើមដោយកើតចេញពីទស្សនៈខុសលើពេលវេលា និងពីការគិតថាថ្ងៃនេះជា «របស់» ខ្ញុំ។ ទោះបីជាយើងរស់នៅក្នុងវប្បធម៌ដែលលើកទឹកចិត្តយើងឲ្យមើលឃើញពេលវេលារបស់យើងថាជាអ្វីមួយដែលជារបស់យើងក៏ដោយ ក៏តាមពិតទៅក្នុងនាមជាអ្នកដើរតាមព្រះគ្រីស្ទ ពេលវេលារបស់យើងគឺមិនមែនជារបស់យើងទេ។

ព្រះជាម្ចាស់បានរាប់គ្រប់ទាំងថ្ងៃនៃអាយុជីវិតរបស់យើង (យ៉ូប ១៤:៥, ទំនុកដំកើង ៣១:១៥) ហើយមានតែទ្រង់មួយអង្គគត់ដែលគ្រប់គ្រងពេលវេលានៅក្នុងព្រះហស្តទ្រង់។ មានសេចក្តីអំណរ និងសន្តិភាពនៅក្នុងសេចក្តីពិតនេះ ដ្បិតយើងអាចជឿជាក់បានថា ថ្ងៃរបស់យើងមានពេញទៅដោយគោលបំណងល្អៗ ទោះបីជាយើងមិនមានអារម្មណ៍បែបនោះក៏ដោយ។ ប្រសិនបើអ្នកកំពុងស្ថិតនៅក្នុងរដូវកាលដែលអ្នកមិនមានពេលវេលាទំនេរ (សូម្បីតែបន្តិចក៏គ្មានផង) សូមទុកចិត្តព្រះជាម្ចាស់ដោយដឹងថា ទ្រង់មានកិច្ចការល្អៗដែលមានប្រយោជន៍សម្រាប់អ្នក ក្នុងការធ្វើជាមួយនឹងពេលវេលាតិចតួចដែលអ្នកមាននោះ (អេភេសូរ ២:១០)។ ទោះបីជាវាតម្រូវឲ្យមានចេតនាក្នុងការរៀបចំផែនការខ្លះៗក៏ដោយក៏ការប្រើប្រាស់ពេលវេលាបន្តិចបន្តួចបានល្អអាចបន្ថែម និងពង្រីក ក៏ដូចជាបង្កើតផលល្អនៅក្នុងជីវិតប្រចាំថ្ងៃរបស់យើងបានដែរ។

និពន្ធដោយ៖ Ann Swindell
បកប្រែដោយ៖ លោក វេន ប៉ុក
ជំនួយការបកប្រែ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក ស៊ូ ទិត្យ, និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី thegospelcoalition.org ដោយមានការអនុញ្ញាត!

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១១១

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម