ចូរប្រុងប្រយ័ត្នព្រះគ្រីស្ទក្លែងក្លាយ

ខ្ញុំនឹងចែករំលែកអំពី ៣ចំណុចសំខាន់ៗ គឺ៖ គ្រូក្លែងក្លាយ ហោរាក្លែងក្លាយ និងព្រះគ្រីស្ទក្លែងក្លាយ(សាវ័កក្លែងក្លាយ)! ប៉ុន្តែក្នុងមេរៀននេះគឺផ្ដោតទៅលើ តែព្រះគ្រីស្ទក្លែងក្លាយសិនប៉ុណ្ណោះ ខ្ញុំនឹងចែករំលែក ២ចំណុចទៀតនៅពេលក្រោយ។

៧ កញ្ញា ២០២៣អានរយៈពេល ១៦ នាទី

មើល៤០៤ដង

នៅពេលដែលមានវត្តមានវត្ថុដែលមានតម្លៃមហិមាកើតមានឡើងនៅក្នុងសង្គមជាតិ យើងសង្កេតឃើញថាក៏ មានវត្តមាន ពីរបស់ក្លែងក្លាយនោះកើតឡើងផងដែរ ដែលគេព្យាយាមបង្កើតឡើងឲ្យដូចហ្នឹងរបស់ដើមសឹងតែទាំងស្រុងតែម្ដង។ ខាងក្រោមនេះគឺជាឧទាហរណ៍ខ្លះៗពីវត្ថុដែលមានតម្លៃ ហើយក៏មានការបន្លំផ្សេងទៀតដែលយើងឃើញ៖

១. លុយដុល្លាក្លែងក្លាយ
២. គ្រឿងអលង្ការក្លែងក្លាយ (ចិញ្ចៀន ខ្សែក ក្រវិល... )
៣. ផលិតផលក្លែងក្លាយ កាបូប នាឡិកា...។ល។

សំណួរជាច្រើនបានសួរថា ហេតុអ្វីបានជាមានផលិតផលរបស់របរ ឬវត្ថុក្លែងក្លាយជាច្រើនកើតឡើង?
ហើយហេតុអ្វីកើតឡើងចំពោះតែផលិតដែលមានតម្លៃយ៉ាងដូច្នេះ? ពីព្រោះ ជនខិលខូចដែលបង្កើតរបស់ដែលក្លែងក្លាយនោះដឹងច្បាស់ថារបស់ដែលពិតប្រាកដគឺមានតម្លៃថ្លៃណាស់ ដូច្នេះជនខិលខូចព្យាយាមផលិតរបស់ក្លែងក្លាយដើម្បីក្លែងបន្លំមហាជនដើម្បីឲ្យមហាជនយល់ច្រឡំ ហើយទទួលបានកម្រៃជាច្រើនពីផលិតផលដែលពួកគេបានលក់។

ហើយបញ្ហាផលិតផលក្លែងក្លាយជាច្រើន បានកើតឡើងជាច្រើនមែន ទោះបីជាមានការទប់ស្កាត់ និងអន្តរាគមន៍យ៉ាងណាក៏ដោយ។ ក្រុមហ៊ុនដែលជាម្ចាស់ផលិតផលរបស់ពិតក៏ចេញសេចក្ដីថ្លែងការដល់មហាជនដោយបដិសេធនូវផលិតផលក្លែងក្លាយទាំងនោះដែរ (ព្រោះឃើញថា មានបុគ្គលខ្លះបានចាញ់បោកជនខិលខូចតាមរបៀបនោះជាញឹកញាប់) ហើយក៏បានចេញព័ត៌មានដល់មហាជន ឲ្យមានការប្រុងប្រយ័ត្នចំពោះជនខិលខូចដែលបានក្លែងបន្លំរបស់ពិត។ ហើយក្រុមហ៊ុនក៏បញ្ជាក់យ៉ាងច្បាស់ៗអំពីស្លាកសញ្ញា ដើម្បីសម្គាល់អំពីរបស់ពិត និងរបស់ក្លែងក្លាយនៅរាល់ផលិតផលរបស់ពួកគេនីមួយៗផងដែរ។ ការចេញសេចក្ដីថ្លែងការណ៍នេះគឺដើម្បីការពារដល់មហាជន និងព្រមាន ដោយប្រាប់ជាមុនគឺដើម្បី ឲ្យជៀសចេញពីកលល្បិច និងការបន្លំរបស់ជនខិលខូចនោះ ហើយក៏ដើម្បីការពារផលិតផលដ៏ពិតរបស់ក្រុមហ៊ុនពួកគេផងដែរ។

ត្រឡប់មកវិញដូចគ្នានឹងព្រះយេស៊ូវដ៏ពិត ដែលមានចែងក្នុងព្រះគម្ពីរដែរ។ ព្រះយេស៊ូវដ៏ពិតដែលមានចែងក្នុងព្រះគម្ពីរគឺមានតម្លៃណាស់។ ព្រោះព្រះយេស៊ូវដ៏ពិតទ្រង់ជាផ្លូវតែមួយប៉ុណ្ណោះដែលនាំសេចក្ដីសង្គ្រោះមនុស្សរួចពីអំពើបាប និងជាស្ពានទៅដល់ព្រះវរបិតាបាន។ (យ៉ូហាន ១៤:៦) ដូច្នេះបានជាមាន ខ្មាំងសត្រូវ
(អារក្សសាតាំង) បានធ្វើការជាច្រើន តាមរយៈរូបភាពផ្សេងៗ និងវិធីផ្សេងៗ ដើម្បីក្លែងបន្លំដល់អស់អ្នកដែលដើរតាមព្រះយេស៊ូវដ៏ពិត ដោយបង្ហាញឲ្យពួកគេឃើញដូចគ្នាហ្នឹងព្រះយេស៊ូវរបស់ពួកគេ ដើម្បីនាំគ្រីស្ទានជាច្រើន ឲ្យវង្វេងចេញពីព្រះយេស៊ូវដែលពិត។ ហេតុដូច្នេះទើបយើងឃើញថា មានព្រះយេស៊ូវក្លែងក្លាយកើតឡើងនៅលើផែនដីនេះហើយ។

ចូរចាំថា វិធីសាស្ត្ររបស់សាតាំងគឺការបន្លំ ការបញ្ឆោត ការកុហក និងការភូតភរ (២ថែស្សា‌ឡូ‌នីច ២:៩)។ សូម្បីតែពេលខ្លះក៏វាធ្វើការអស្ចារ្យដ៏កំភូត ហើយពេលខ្លះវាក្លែងខ្លួនធ្វើទេវតានៃពន្លឺដែរ (២កូរិនថូស ១១:១៤)។

សម្រង់សម្ដីលោកគ្រូ ចន កាល់វិន បាននិយាយថា «ដាច់ខាត! យើងត្រូវតែចងចាំថា សាតាំងក៏មានការអស្ចារ្យរបស់វាដែរ»។

អ្នកជឿព្រះយេស៊ូវថ្មីថ្មោង ប្រហែលមានការភ្ញាក់ផ្អើលខ្លាំង ចំពោះជំនឿលើព្រះយេស៊ូវដោយសារតែពួកគេឃើញមានការអះអាងរៀងៗខ្លួនពីបុគ្គលដែលជាមនុស្សនៅលើផែនដីនេះ ដោយសារពួកគេទាំងនោះបានអះអាងថា ពួកគេនោះផ្ទាល់ជាព្រះយេស៊ូវដែលយាងមក។ ហើយក៏មានគ្រីស្ទានមួយចំនួនធំ បានចាញ់បោកពួកគេផងដែរ។ ប៉ុន្តែប្រសិនបើយើងពិនិត្យមើលក្នុងព្រះគម្ពីរ គឺពួកគេដែលអះអាងនោះ ជាព្រះយេស៊ូវក្លែងក្លាយ។

សព្វថ្ងៃយើងឃើញមានព្រះយេស៊ូវក្លែងក្លាយកើតឡើង ហើយក៏កំពុងបន្តកើតមានឡើងផងដែរ។ តើលោកអ្នកមាន គណនេយ្យហ្វេសបុកទេ? ឬធ្លាប់មើលបណ្ដាញសង្គមទេ? តើលោកអ្នកបានជួបប្រទះអំពីព្រះយេស៊ូវទាំងនោះទេ? តើលោកអ្នកធ្លាប់ជួបផ្ទាល់ភ្នែកទេ? ធ្លាប់បានជជែកជាមួយក្រុមព្រះយេស៊ូវក្លែងក្លាយនោះដែរទេ?

បញ្ហាព្រះយេស៊ូវក្លែងក្លាយនេះ គឺបានកើតឡើងតាំងពីយូរណាស់មកហើយ!
ប្រសិនបើបងប្អូនមើលនៅក្នុងព្រះគម្ពីរសញ្ញាថ្មីទាំងមូល លោកអ្នកនឹងឃើញព្រះបន្ទូលរបស់ព្រះយេស៊ូវ និងពួកសាវ័ករបស់ទ្រង់ បានប្រាប់ជាមុន និងព្រមានជាមុនអំពីព្រះគ្រីស្ទក្លែងក្លាយដែលនឹងមកដល់ផងដែរ។

ព្រះយេស៊ូវដ៏ពិតប្រាប់ជាមុន អំពីព្រះយេស៊ូវក្លែងក្លាយដែលនឹងមកដល់

កណ្ឌគម្ពីរ (ម៉ាថាយ ២៤:២៤-២៦) «ដ្បិតនឹងមានព្រះគ្រីស្ទក្លែង ហើយហោរាក្លែងកើតឡើង គេនឹងធ្វើទីសំគាល់យ៉ាងធំ ហើយនិងការអស្ចារ្យ ដើម្បីនឹងនាំទាំងពួកអ្នករើសតាំងឲ្យវង្វេងផង បើសិនជាបាន មើល ខ្ញុំបានប្រាប់អ្នករាល់គ្នាជាមុន ដូច្នេះ បើគេប្រាប់អ្នករាល់គ្នាថា មើល ទ្រង់គង់នៅទីរហោស្ថាន នោះកុំឲ្យចេញទៅឡើយ ឬថា មើល ទ្រង់គង់នៅក្នុងបន្ទប់ នោះក៏កុំឲ្យជឿឲ្យសោះ»។

ព្រះយេស៊ូវទ្រង់មានព្រះបន្ទូលឆ្លើយថា ចូរប្រយ័ត្ន ក្រែងអ្នកណានាំអ្នករាល់គ្នាឲ្យវង្វេង ដ្បិតនឹងមានមនុស្សជាច្រើន យកឈ្មោះខ្ញុំមកនិយាយថា ខ្ញុំនេះជាព្រះគ្រីស្ទ ហើយអ្នកទាំងនោះនឹងនាំមនុស្សជាច្រើនឲ្យវង្វេងចេញផង (ម៉ាថាយ ២៤:៤-៥)។

នេះជាព្រះបន្ទូលដ៏ពិតរបស់ព្រះយេស៊ូវដ៏ពិត ដែលទ្រង់បានគង់នៅលើផែនដីយ៉ាងពិតប្រាកដមុនពេលដែលទ្រង់យាងទៅស្ថានសួគ៌វិញ គឺទ្រង់បានប្រាប់ដល់ពួកសិស្ស ក៏ដូចជាអស់អ្នកដែលជឿដល់ទ្រង់អំពីព្រះគ្រីស្ទក្លែងក្លាយដែលនឹងមកដល់។

សូមលោកអ្នកកត់សម្គាល់ត្រង់នេះ ពាក្យកណ្ដាលខគម្ពីរក្នុងព្រះបន្ទូលរបស់ព្រះយេស៊ូវដែលទ្រង់មានបន្ទូលថា «...ដ្បិតនឹងមានមនុស្សជាច្រើន យកឈ្មោះខ្ញុំមកនិយាយថា ខ្ញុំនេះជាព្រះគ្រីស្ទ...» (ម៉ាថាយ ២៤:៤-៥)។
វាជាការភ្ញាក់ផ្អើលណាស់ ត្រង់ថា «មានមនុស្សជាច្រើន យកឈ្មោះខ្ញុំមកនិយាយហើយថា គេជាព្រះគ្រីស្ទ» ។ ត្រង់នេះគឺបញ្ជាក់ថា ព្រះយេស៊ូវទ្រង់ជ្រាបច្បាស់ពីពេលវេលាខាងមុខថា នឹងមានការបន្លំកើតមានឡើង គឺថានឹងមានមនុស្សជាច្រើនដែលនឹងយកព្រះនាមរបស់ទ្រង់មកក្លែងបន្លំ និងអះអាងថាខ្លួនពួកគេផ្ទាល់ជាព្រះយេស៊ូវ អ្វីដែលគួរឲ្យកត់សម្គាល់គឺថា មិនមែនតែមនុស្សពីរឬបីនាក់នៃតួលេខជាក់លាក់នោះទេ គឺមានមនុស្សជាច្រើននាក់ផងដែរ។ ដូចនេះ យើងឃើញថាការនេះគឺបានកើតឡើងយ៉ាងពិតប្រាកដមែន ដូច្នេះព្រះយេស៊ូវបានព្រមាន និងបានបង្រៀនទុកជាមុន!

ខាងក្រោមនេះគឺជាបុគ្គលមួយចំនួនដែលបានអះអាងថាខ្លួនពួកគេផ្ទាល់ ជាព្រះយេស៊ូវ៖

១. លោកអាំង សាំង ហុង ដែលជាជនជាតិកូរ៉េម្នាក់ដែលបានស្លាប់ដោយសារដាច់សរសៃឈាមខួរក្បាល និងគាំងបេះដូង នៅឆ្នាំ១៩៨៥ ។

២. អាប៉ូឡូ គឺបូឡុយ ដែលជាជនជាតិហ្វីលីពីន លោកអះអាងថា លោកជាព្រះរាជបុត្រា (ព្រះយេស៊ូវ)

៣. លី ម៉ាន់ហ៊ី និងព្រះវិហារស៊ីនឆន់ជី ប្រទេសកូរ៉េ (ក្រុមនេះបានអះអាងថា ផ្លូវទៅសេចក្ដីសង្គ្រោះមានតែមួយទេ គឺតាមរយៈរូបលោក)។

៤. សាន់ ម៉្ញុង មូន នៅក្នុងប្រទេសកូរ៉េ (ក្រុមនេះថា ព្រះយេស៊ូវមិនបានរៀបការ អញ្ចឹងគាត់ជា ព្រះមេស៊ីថ្មី ដើម្បីធ្វើនៅអ្វីដែលព្រះយេស៊ូវមិនបានធ្វើគឺយកប្រពន្ធ)។

៥. ក្រុមខុសឆ្គងចិន យ៉ាង ស៊ីងប៊ីន ដែលមានហ្វេសបុកផេក ក្រុមជំនុំដែលមានព្រះចេស្ដា។ ក្រុមនេះបង្រៀនថា ព្រះយេស៊ូវបានយាងមកវិញជាជនជាតិចិន ជាភេទស្រី ក្រុមនេះគឺមានសកម្មភាពខ្លាំងមែនទែនក្នុងបណ្ដាញសង្គមគ្រីស្ទាន។ និងមានក្រុមច្រើនទៀត។ល។

សូមបងប្អូនកត់សម្គាល់ថា ក្រុមព្រះយេស៊ូវក្លែងក្លាយទាំងនោះ គឺមករកតែអស់អ្នកដែលជឿលើព្រះយេស៊ូវហើយប៉ុណ្ណោះ!

ព្រះយេស៊ូវមួយផ្សេងទៀត?

នៅក្នុងសំបុត្ររបស់សាវ័ក ប៉ុល បានប្រាប់យើងអំពី «ព្រះយេស៊ូវមួយផ្សេងទៀត» ដែលយើងត្រូវប្រុងប្រយ័ត្ន!

«ពីព្រោះខ្ញុំប្រចណ្ឌ ចំពោះអ្នករាល់គ្នា ដោយសេចក្តីប្រចណ្ឌនៃព្រះ ដ្បិតខ្ញុំបានបម្រុងអ្នករាល់គ្នាទុក ឲ្យមានប្តីតែមួយ ទុកដូចជាក្រមុំបរិសុទ្ធ គឺដើម្បីនឹងថ្វាយទៅព្រះគ្រីស្ទតែមួយប៉ុណ្ណោះ តែខ្ញុំខ្លាចក្រែងគំនិតអ្នករាល់គ្នា ត្រូវបង្ខូចចេញពីសេចក្តីទៀងត្រង់ខាងឯព្រះគ្រីស្ទ ដូចជាសត្វពស់បានបញ្ឆោតនាងអេវ៉ា ដោយឧបាយកលយ៉ាងនោះដែរ ពីព្រោះបើសិនជាមានអ្នកណាមក ប្រកាសប្រាប់ពីព្រះយេស៊ូវមួយទៀត ដែលយើងខ្ញុំមិនបានប្រកាសប្រាប់ ឬបើអ្នករាល់គ្នាទទួលវិញ្ញាណណាផ្សេងទៀត ដែលមិនបានទទួលពីដើម ឬដំណឹងណាផ្សេងទៀត ដែលមិនទទួលកាលពីមុន នោះអ្នករាល់គ្នានឹងទ្រាំទ្រវិញជាមិនខាន» (២កូរិនថូស ១១:២-៤)។

មានសេចក្ដីបង្រៀនមួយទៀតដែលខុសអំពីព្រះយេស៊ូវខាងលើដែលយើងបានរៀបរាប់ ហើយជាក្រុមមួយផ្សេងទៀតដែលអះអាងថា ព្រះយេស៊ូវដែលពួកគេមានជំនឿ ជាប្រភេទព្រះយេស៊ូវដែលខុសអំពីព្រះយេស៊ូវដែលចែងក្នុងព្រះគម្ពីរដែលយើងបានជឿ៖ គឺសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធចុងក្រោយ។
គ្រីស្ទបរិស័ទខ្លះហៅក្រុមនេះថា ក្រុមពួកមរមន។ ទោះបីជាក្រុមនេះ មេដឹកនាំរបស់សាសនារបស់ពួកគេមិនបានអះអាងខ្លួនផ្ទាល់ថា ជាព្រះយេស៊ូវ ដូចក្រុមផ្សេងក៏ដោយ ប៉ុន្តែព្រះយេស៊ូវដែលគេជឿនោះគឺខុសអំពីព្រះយេស៊ូវដែលយើងជឿនៅក្នុងព្រះគម្ពីរ។ ជំនឿរបស់ពួកគេហាក់ដូចប្លែកពីក្រុមខាងលើដោយបង្រៀនថា មានព្រះរាប់ពាន់អង្គនៅភពផែនដីផ្ទាល់របស់ពួកគេ។ នេះគឺប្រភេទនៃព្រះយេស៊ូវដែលគេជឿថា៖
-ព្រះយេស៊ូវគឺជាមនុស្សធម្មតាដែលបានក្លាយជាព្រះ។
-ហើយព្រះយេស៊ូវ និងសាតាំងជាបងប្អូនបង្កើត។
-គេបង្រៀនថា ព្រះវរបិតាបានរួមភេទជាមួយនាងម៉ារ៉ា បង្កើតបានរូបកាយរបស់ព្រះយេស៊ូវ។
និងមានគោលលទ្ធិខុសឆ្គងជាច្រើនទៀត។ល។

មេដឹកនាំសាសនាចក្រនៃពួកបរិសុទ្ធថ្ងៃចុងក្រោយគឺលោក យ៉ូសែប ស្មីតបានបង្កើតសាសនាថ្មីនេះឡើង។ លោកថា ទេវតាមកពីព្រះ មកប្រាប់គាត់ពីទីកន្លែងនៃសៀវភៅមាសនោះ។ គឺគម្ពីរថ្មី!

ដូច្នេះ យើងឃើញថា ក្រុមនេះគឺប្រើប្រាស់ឈ្មោះព្រះវិហាររបស់ពួកគេ ដូចគ្នាជាមួយឈ្មោះព្រះវិហាររបស់គ្រីស្ទបរិស័ទដែរ ប៉ុន្តែយើងឃើញថា ព្រះយេស៊ូវដែលគេកំពុងតែដើរតាម មានជំនឿនោះគឺជាព្រះយេស៊ូវក្លែងបន្លំ និងខុសឆ្គង។
ដូច្នេះនេះគឺជាអ្វីដែលសាវ័កប្រាប់យើងថា «ព្រះយេស៊ូវមួយផ្សេងទៀត» ដែលត្រូវយើងប្រុងប្រយ័ត្ន
(២កូរិនថូស ១១:២-៤)

យើងឃើញថា សូម្បីតែសាវ័ក ប៉ុលដែលជាសាវ័កចុងក្រោយគេ (តូចជាងគេ) ក៏លោកបានទទួលការបើកសម្ដែងពីព្រះអម្ចាស់យេស៊ូវយ៉ាងអស្ចារ្យក្នុងខណៈពេលដែលលោកធ្វើដំណើរទៅទីក្រុងដាម៉ាសដើម្បីទៅចាប់អ្នកជឿព្រះយេស៊ូវនៅទីនោះ ប៉ុន្តែសង្ខេបយ៉ាងខ្លីទៅ លោកបានផ្លាស់ប្រែជាថ្មី បន្ទាប់ពីការបើកសម្ដែងរបស់ព្រះអម្ចាស់។ បន្ទាប់មក លោកចាប់ផ្ដើមធ្វើបន្ទាល់អំពីព្រះយេស៊ូវ! យើងឃើញថា អ្វីដែលសាវ័ក ប៉ុល ទទួលបានការបើកសម្ដែងនោះគឺ ដូចគ្នាទាំងស្រុង អំពីព្រះយេស៊ូវដែលមានចែងក្នុងគម្ពីរដំណឹងល្អទាំងបួន (ម៉ាថាយ ម៉ាកុស លូកា យ៉ូហាន) និងពួកសាវ័កផ្សេងៗកំពុងបម្រើដែរ។ សាវ័ក ប៉ុល មិនបានប្រកាសប្រាប់ដំណឹងល្អអំពីព្រះយេស៊ូវណា ខុសគ្នាអំពីព្រះយេស៊ូវដ៏ពិត នៅក្នុងកណ្ឌគម្ពីរដំណឹងល្អទាំងបួន រួមទាំងគម្ពីរដែលពួកសាវ័ក បានប្រកាសនោះទេ។ យើងឃើញថា ការនេះគឺខុសគ្នាពីការបើកសម្ដែងរបស់លោក យ៉ូសែបស្មីត និងសាវ័ក ប៉ុល ផ្ទាល់។យើងខ្ញុំមិនប្រកាសប្រាប់ពីខ្លួនយើងខ្ញុំទេ គឺពីព្រះគ្រីស្ទយេស៊ូវ ជាព្រះអម្ចាស់វិញ ហើយក៏រាប់ខ្លួនយើងខ្ញុំ ថាជាបាវបំរើរបស់អ្នករាល់គ្នា ដោយព្រោះព្រះយេស៊ូវដែរ។ (២កូរិនថូស ៤:៥)

ប្រហែលខាងមុខនឹងមានព្រះយេស៊ូវក្លែងក្លាយថ្មីៗទៀត តែប្រហែលមិនទាន់ឮដល់ពួកយើងនៅឡើយ។ ខ្ញុំមិនដឹងថា នៅប្រទេសកម្ពុជាយើង តើមានព្រះយេស៊ូវក្លែងក្លាយកើតឡើងដូចនៅប្រទេសផ្សេងដែរឬទេ?
ប៉ុន្តែអ្វីដែលលោកអ្នកត្រូវប្រុងប្រយ័ត្ន ដូចដែលព្រះយេស៊ូវទ្រង់ផ្ទាល់មានព្រះបន្ទូលថា «មានមនុស្សជាច្រើន យកឈ្មោះខ្ញុំមកនិយាយថា ខ្ញុំនេះជាព្រះគ្រីស្ទ» ។ ទំនងនឹងមានច្រើនទៀត! ដូច្នេះយើងត្រូវតែមានការប្រុងប្រៀបឈរអោយមាំក្នុងព្រះបន្ទូលរបស់ព្រះជានិច្ច ដោយនឹកចាំពីការនេះ!

ការអនុវត្តន៍ និងសំណួរ

តើយើងត្រូវយកឈ្នះលើសេចក្ដីកុហករបស់ក្រុមព្រះយេស៊ូវក្លែងក្លាយដោយរបៀបណា? ចម្លើយ៖ គឺការសិក្សាព្រះបន្ទូលព្រះ និងការអានព្រះគម្ពីរជារៀងរាល់ថ្ងៃផ្ទាល់ខ្លួនយើងម្នាក់ៗ! (ជាប់លាប់ជាមួយពួកជំនុំ និងការប្រកបគ្នាជាមួយគ្រីស្ទបរិស័ទផ្សេងទៀត)

ចូរបដិសេធក្រុមព្រះយេស៊ូវក្លែងក្លាយ
នៅពេលដែលពួកគេមករកលោកអ្នក មិនថា នៅផ្ទះក្ដី តាមផ្លូវក្ដី សូមកុំស្វាគមន៍ពួកគេឲ្យសោះ!
ហេតុអ្វី?

ព្រោះនៅក្នុងព្រះគម្ពីរ (២យ៉ូហាន ១:១០-១១) «បើអ្នកណាមកឯអ្នករាល់គ្នា តែមិនបង្រៀនចំពោះសេចក្តីនេះ នោះកុំឲ្យទទួលអ្នកនោះ នៅក្នុងផ្ទះឡើយ កុំឲ្យទាំងជំរាបសួរដល់អ្នកនោះផង ដ្បិតបើអ្នកណាជំរាបសួរ នោះក៏តែងមានសេចក្តីប្រកបគ្នា ក្នុងការអាក្រក់របស់អ្នកនោះដែរ។»

ជាចុងក្រោយ ប្រសិនបើបងប្អូនមានបញ្ហាចម្ងល់អំពីអ្វីមួយ សូមកុំទុក! សូមសួរនាំមកកាន់ពួកយើងបាន!
សូមលើកទឹកចិត្តដល់លោកអ្នក សូមអានព្រះគម្ពីរជាប្រចាំថ្ងៃផងដែរ។

បើព្រះអង្គសព្វព្រះហឫទ័យ បើមានឪកាសយើងនឹងរៀនជាមួយគ្នាអំពីគ្រូក្លែងក្លាយមានលក្ខណៈ
យ៉ាងដូចម្ដេច? សូមព្រះប្រទានពរ!
សូមអធិស្ឋាន!

និពន្ធដោយ៖ ធនធានគ្រីស្ទាន
កែសម្រួលដោយ៖ ក្រុមការងារ ផ្លូវពិត
ដោយមានការអនុញ្ញាត។ Plovpit.com

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

ចូរប្រុងប្រយ័ត្នព្រះគ្រីស្ទក្លែងក្លាយ

៧ កញ្ញា ២០២៣អានរយៈពេល ១៦ នាទី

មើល៤០៤ដង

និពន្ធដោយ៖ ធនធានគ្រីស្ទានកែសម្រួលដោយ៖ ក្រុមការងារ ផ្លូវពិតដោយមានការអនុញ្ញាត។ Plovpit.com

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​៧០​អាទិត្យ ​ក្នុង​កណ្ឌ​គម្ពីរ​ដានីយ៉ែល​ជា​អ្វី? (ដានីយ៉ែល ៩)

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

និពន្ធដោយ៖ ធនធានគ្រីស្ទានកែសម្រួលដោយ៖ ក្រុមការងារ ផ្លូវពិតដោយមានការអនុញ្ញាត។ Plovpit.com

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​៧០​អាទិត្យ ​ក្នុង​កណ្ឌ​គម្ពីរ​ដានីយ៉ែល​ជា​អ្វី? (ដានីយ៉ែល ៩)

សំ​ណួរ​ដែល​បណ្តាល​ចិត្ត​៖ វិ​ធី​សាស្ត្រ​ថ្មី ​ក្នុង​ការ​ពិភាក្សា​នៅ​ក្នុង​ក្រុម​តូច

អត្ថបទបន្ថែមពី កំណត់​ហេតុ​បណ្ដាញ

តើ​ខ្ញុំ​អាច​នៅ​តែ​មាន​សេចក្ដី​អំណរ​ក្នុង​គ្រា​ដែល​មាន​ពេញ​ដោយ​សេចក្ដី​សង្ស័យ​បាន​ដែរ​ឬ​ទេ?

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

និពន្ធដោយ៖ ធនធានគ្រីស្ទាន
កែសម្រួលដោយ៖ ក្រុមការងារ ផ្លូវពិត
ដោយមានការអនុញ្ញាត។ Plovpit.com

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

និពន្ធដោយ៖ ធនធានគ្រីស្ទាន
កែសម្រួលដោយ៖ ក្រុមការងារ ផ្លូវពិត
ដោយមានការអនុញ្ញាត។ Plovpit.com

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

អត្ថបទបន្ថែមពី កំណត់ហេតុបណ្ដាញ

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)