ការរាប់ជាសុចរិត

នេះមានន័យថា យើងមិនទុកចិត្តទៅលើការប្រព្រឹត្តរបស់យើងទេ ប៉ុន្តែទុកចិត្តទៅលើការប្រព្រឹត្តរបស់ព្រះគ្រីស្ទវិញ ដែលទ្រង់បានសុគតជំនួសយើង។

២ មីនា ២០២០អានរយៈពេល ៥ នាទី

មើល៩៩០ដង

សេ

ចក្ដីពិតដ៏សំខាន់មួយនៃដំណឹងល្អគឺថា ព្រះជាម្ចាស់បានរាប់មនុស្សមានបាបជាសុចរិត។ នេះជាសេចក្ដីសន្យាមួយ ដែលព្រះអង្គប្រកាសនៅក្នុងដំណឹងល្អ ហើយជាដំណោះស្រាយសម្រាប់បញ្ហាធំបំផុតរបស់មនុស្សលោក។ បញ្ហាដ៏ធំបំផុតរបស់មនុស្សទាំងអស់មិនមែនជាកង្វះខាតកម្មសិទ្ធិ ឬប្រាក់កាក់ ឬសុខភាពនោះទេ ប៉ុន្តែគឺដោយព្រះជាម្ចាស់គឺជាព្រះដ៏បរិសុទ្ធ ហើយយើងទាំងអស់គ្នាបានបះបោរប្រឆាំងនឹងព្រះអង្គ។ ទ្រង់មានសេចក្ដីក្រោធចំពោះយើង ដោយព្រោះយើងបានបះបោរជាមួយទ្រង់ ហើយយើងត្រូវមានទោស ពីព្រោះព្រះអង្គនឹងវិនិច្ឆ័យទោសយើង។

ប៉ុន្តែ តាមរយៈព័ន្ធកិច្ចរបស់ព្រះគ្រីស្ទ ជាពិសេសការសុគត និងការមានព្រះជន្មរស់ឡើងវិញរបស់ទ្រង់ យើងត្រឡប់ជាគ្មានទោសនៅចំពោះព្រះអង្គទេ ប៉ុន្តែផ្ទុយទៅវិញ ទ្រង់រាប់យើងជាសុចរិត។ ការដែលព្រះអង្គរាប់យើងជាសុចរិតមិនពណ៌នាអំពីចរិតលក្ខណៈរបស់យើងទេ ប៉ុន្តែពណ៌នាអំពីតុលាការវិញ។ ការរាប់ជាសុចរិតគឺផ្ទុយគ្នានឹងការកាត់ទោស។ នៅក្នុងតុលាការ បើចៅក្រមសម្រេចចិត្តថា អ្នកចុងចោទមានទោស ចៅក្រមនោះនឹងកាត់ទោសហើយដាក់ទណ្ឌកម្ម ប៉ុន្តែបើចៅក្រមសម្រេចចិត្តថា អ្នកចុងចោទគ្មានទោសទេ ចៅក្រមនោះនឹងប្រកាសថា គាត់រាប់អ្នកចុងចោទជាសុចរិត។ នេះគឺជាសេចក្ដីមេត្តាករុណារបស់ព្រះជាម្ចាស់នៅក្នុងដំណឹងល្អរបស់ព្រះគ្រីស្ទ ដែលព្រះអង្គរាប់មនុស្សដែលទុច្ចរិតថាជាសុចរិតវិញ។ ម្ដងទៀត ការរាប់ជាសុចរិតមិនពណ៌នាអំពីការដែលព្រះអង្គកែប្រែចរិតលក្ខណៈរបស់យើង ដើម្បីឲ្យយើងបានជាមនុស្សសុចរិតទេ ប៉ុន្តែព្រះអង្គជាចៅក្រមដែលបានរាប់យើង ដែលជាមនុស្សអាក្រក់ថាជាសុចរិតវិញ (រ៉ូម ៣:២៤-២៨; ៤:១-៥)។

ព្រះជាម្ចាស់មិនរាប់យើងថាជាសុចរិតតាមរយៈអំពើល្អរបស់យើងនោះទេ គឺមិនមែនដោយព្រោះយើងបានស្ដាប់បង្គាប់ទ្រង់ឡើយ ប៉ុន្តែព្រះអង្គបានរាប់យើងជាសុចរិត ពីព្រោះព្រះយេស៊ូវបានទទួលទណ្ឌកម្មរបស់យើងនៅលើឈើឆ្កាង។ បើព្រះអង្គរាប់យើងជាសុចរិតតាមរយៈការប្រព្រឹត្តរបស់យើង នោះព្រះគ្រីស្ទមិនចាំបាច់ត្រូវសុគតជំនួសយើងនៅលើឈើឆ្កាងឡើយ។ ដូច្នេះ របៀបដែលយើងទទួលព្រះពរនេះពីព្រះអង្គគឺ យើងត្រូវជឿលើព្រះយេស៊ូវ មិនមែនដោយការស្ដាប់បង្គាប់របស់យើងឡើយ (រ៉ូម ៣:២៨-៣០; ៥:១; កាឡាទី ២:១៦ និង ៣:១១)។ នេះមានន័យថា យើងមិនទុកចិត្តទៅលើការប្រព្រឹត្តរបស់យើងទេ ប៉ុន្តែទុកចិត្តទៅលើការប្រព្រឹត្តរបស់ព្រះគ្រីស្ទវិញ ដែលទ្រង់បានសុគតជំនួសយើង។ បើយើងពឹងផ្អែកលើការប្រព្រឹត្តរបស់យើង នោះមានន័យថាយើងមិនពឹងផ្អែកលើព្រះគុណរបស់ព្រះអង្គ ដែលយើងទទួលតាមរយៈព្រះគ្រីស្ទឡើយ (រ៉ូម ៣:២៤; ៤:៥ និងកាឡាទី ៥:៤)។

នៅក្នុងព្រះគម្ពីរភាសាខ្មែរ ការបកប្រែចាស់បានបកប្រែភាសាក្រិកដោយប្រើពាក្យ «រាប់ជាសុចរិត»។ នេះជាការបកប្រែត្រឹមត្រូវតាមអត្ថន័យនៃភាសាក្រិក។ ប៉ុន្តែ ការបកប្រែថ្មីបានបកប្រែភាសាក្រិកដោយពាក្យ «ប្រោសយើងឲ្យបានសុចរិត»។ បើជនជាតិខ្មែរអានពាក្យទាំងនេះហើយគិតថា នេះពណ៌នាអំពីអ្វីដែលព្រះអង្គធ្វើនៅក្នុងយើង គឺព្រះអង្គកែប្រែចរិតលក្ខណៈរបស់យើង ដើម្បីឲ្យយើងបានជាមនុស្សមានចរិតលក្ខណៈសុចរិត នោះការបកប្រែនេះមិនត្រឹមត្រូវទេ។ តាមពិតទៅ ក្នុងព្រះគ្រីស្ទ ព្រះជាម្ចាស់បានកែប្រែចរិតលក្ខណៈរបស់យើងមែន ប៉ុន្តែពាក្យភាសាក្រិកនេះមិនពណ៌នាអំពីសកម្មភាពនេះទេ ប៉ុន្តែពិពណ៌នាអំពីតុលាការវិញ ពោលគឺព្រះជាម្ចាស់ដែលជាចៅក្រមនឹងវិនិច្ឆ័យទោសប្រជាជនទាំងឡាយ ហើយមនុស្សទាំងអស់មានទោសនៅចំពោះព្រះអង្គ។ ប៉ុន្តែ ដោយសារសេចក្ដីមេត្តាករុណារបស់ទ្រង់ ព្រះអង្គបានប្រទានព្រះយេស៊ូវមក ដើម្បីសុគតជំនួសយើង គឺទ្រង់បានទទួលទណ្ឌកម្មរបស់យើងនៅលើឈើឆ្កាងហើយ ប្រយោជន៍ឲ្យព្រះអង្គនឹងអាចរាប់អស់អ្នកដែលជឿលើព្រះគ្រីស្ទថាជាសុចរិតវិញបាន។

និពន្ធដោយ៖ ក្រុមដៃគូដំណឹងល្អ
កែសម្រួលដោយ៖ លោក ទេព រ៉ូ, លោក ខែម បូឡុង និងលោក ឈាង បូរ៉ា
ដកស្រង់ខ្លះៗចេញពី dkdl.org ដោយមានការអនុញ្ញាត។

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

១៤៦

កំណត់ហេតុបណ្ដាញ៧ តុលា ២០២៥

សារៈសំខាន់នៃការអធិប្បាយតាមសេចក្តីបង្រៀនត្រឹមត្រូវ

នៅទីបំផុត ដោយសារកណ្ឌនៃព្រះគម្ពីរត្រូវបានកាត់ស្រាយ ហើយគោលលទ្ធិដ៏មានសិរីល្អដែលមាននៅក្នុងបទគម្ពីរត្រូវបានបង្ហាញឲ្យឃើញជាសាធារណៈ នោះការសម្រេចចិត្តមួយនឹងកើតឡើងដោយជៀសមិនរួច

អានបន្ថែម

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

២១៦២

កំណត់ហេតុបណ្ដាញ២ កញ្ញា ២០២៥

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

គណនេយ្យករសាជីវកម្ម អ្នកគ្រប់គ្រងសិទ្ធផ្តាច់មុខ ឬនាយកប្រតិបត្តិទីផ្សារប្រហែលជាត្រូវធ្វើការយ៉ាងម៉ត់ចត់ជាមួយម៉ោងការងារដោយសារមានមនុស្សជាច្រើនកំពុងមើលខុសត្រូវលើគាត់...ក្នុងនាមជាគ្រីស្ទបរិស័ទ នៅពេលដែលនិយាយអំពីការយល់ខុសត្រូវ វាមិនមែនជាសំណួរអំពីអ្វីដែលត្រូវបានអនុញ្ញាតឬក៏អត់នោះទេ ប៉ុន្តែគឺអំពីអ្វីតាមព្រះគម្ពីរវិញ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣០០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម