អត្ថន័យនៃការពេញដោយព្រះវិញ្ញាណ

ចូរនិយាយអំពីព្រះយេស៊ូវទៅកាន់អ្នកដទៃ។ ចូររំឭកគ្នាទៅវិញទៅមកពីដំណឹងល្អ ដោយច្រៀងទំនុកដែលនឹងធ្វើឲ្យក្ដីស្រឡាញ់របស់យើងកាន់តែមានភាពរស់រវើកជាងមុន។

៨ សីហា ២០១៧អានរយៈពេល ៥ នាទី

មើល៦៩៥ដង

សា

វ័ក ប៉ុល បានលើកឡើងនៅក្នុងកណ្ឌគម្ពីរ អេភេសូរ ៥:១៨ ថា «កុំឲ្យស្រវឹងស្រាដែលនាំឲ្យព្រើលចិត្តឡើយ តែចូរឲ្យបានពេញជាព្រះវិញ្ញាណវិញ» ។ តើការពេញជាព្រះវិញ្ញាណបរិសុទ្ធមានន័យយ៉ាងដូចម្ដេច? កិរិយាសព្ទ «ចូរឲ្យបានពេញ» មានន័យថា «ចូរនៅបន្តឲ្យបានពេញម្ដងហើយម្ដងទៀត»។ នេះមិនមែនមានន័យថា យើងបានពេញម្ដងជាសម្រេចនោះទេ ប៉ុន្តែត្រូវបន្តរស់នៅក្នុងបែបមានពេញដោយព្រះវិញ្ញាណ។ តើការនេះរួមមានអ្វីខ្លះ? ចំណុចគន្លឹះ៖ សាវ័ក ប៉ុល មិនមែនកំពុងតែនិយាយទៅកាន់បុគ្គលតែម្នាក់នោះទេ តែគាត់មានប្រសាសន៍ទៅកាន់ក្រុមជំនុំទាំងមូល។ គាត់មិនមែននិយាយមកកាន់តែខ្ញុំម្នាក់ឯងប៉ុណ្ណោះនោះទេ តែគាត់កំពុងប្រាប់ក្រុមជំនុំខ្ញុំទាំងមូលឲ្យបានពេញជាព្រះវិញ្ញាណ! តើយើងអាចមានលក្ខណៈបែបនោះបានដោយរបៀបណា? សាវ័ក ប៉ុល បានលើកឡើងពីព័ន្ធកិច្ចបួនយ៉ាង ជាការរៀបរាប់ពីអត្ថន័យនៃការពេញដោយព្រះវិញ្ញាណ។ កណ្ឌគម្ពីរ អេភេសូរ ៥:១៩-២១ មានរៀបរាប់ពីអត្ថន័យនេះយ៉ាងចំៗ៖

«ហើយនិយាយគ្នាទៅវិញទៅមក ដោយទំនុកតម្កើង ទំនុកបរិសុទ្ធ និងចម្រៀងខាងវិញ្ញាណ ទាំងច្រៀង ហើយបង្កើតជាទំនុកសរសើរថ្វាយព្រះអម្ចាស់ឲ្យអស់ពីចិត្ត ទាំងអរព្រះគុណដល់ព្រះ ជាព្រះវរបិតាជានិច្ច ក្នុងគ្រប់ការទាំងអស់ ក្នុងព្រះនាមព្រះយេស៊ូវគ្រីស្ទជាព្រះអម្ចាស់របស់យើង។ ត្រូវចុះចូលគ្នាទៅវិញទៅមក ដោយកោតខ្លាចដល់ព្រះគ្រីស្ទ។» (អេភេសូរ ៥:១៩-២១ គកស)។

តើនៅក្រុមជំនុំលោកអ្នកជាកន្លែងមួយដែលលើកទឹកចិត្តគ្នាទៅវិញទៅមកដោយប្រើសេចក្ដីពិតនៃដំណឹងល្អដែរឬទេ? តើសមាជិកច្រៀងសរសើរតម្កើងព្រះគ្រីស្ទដោយមានចិត្តឆេះឆួលដែរឬទេ? តើពួកគាត់នៅបន្តអរព្រះគុណព្រះជាម្ចាស់ ដោយសារព្រះអង្គបានប្រទានព្រះយេស៊ូវដល់ពួកគាត់ ទោះបើពួកគាត់កំពុងប្រឈមមុខនឹងកាលៈទេសៈលំបាកៗដែរឬទេ? តើពួកគាត់ចូលចិត្តបម្រើគ្នា ដោយសារពួកគាត់លង់ក្នុងសិរីល្អរបស់ព្រះគ្រីស្ទឬយ៉ាងណាដែរ? ប្រសិនបើចម្លើយចេញមកថា ពួកគាត់ទទួលបានការលើកទឹកចិត្ត ហើយនៅបន្តអរព្រះគុណព្រះ និងលង់ក្នុងសិរីល្អព្រះអង្គ នោះមានន័យថា ក្រុមជំនុំលោកអ្នកកំពុងបានពេញជាព្រះវិញ្ញាណហើយ។

ប៉ុន្តែ ចូរសម្គាល់ពីបង្គាប់របស់សាវ័ក ប៉ុល មកកាន់យើងទាំងអស់គ្នា ដែលឲ្យយើងពេញជាព្រះវិញ្ញាណវិញ។ តើយើងបានពេញដោយរបៀបណា? តើយើងអាចក្លាយជាក្រុមជំនុំដែលពេញជាព្រះវិញ្ញាណ ហើយបន្តនៅពេញបានដោយរបៀបណា? ចូរកុំចាំអ្នកដទៃ ឬក៏ត្អូញត្អែរពីក្រុមជំនុំរបស់លោកអ្នកឡើយ។ ចូរចាប់ផ្ដើមមានចំណែកក្នុងការពេញជាព្រះវិញ្ញាណចុះ ដែលនោះជាដំណោះស្រាយនៃការដែលក្រុមជំនុំបានពេញជាព្រះវិញ្ញាណ ។ ចូរនិយាយអំពីព្រះយេស៊ូវទៅកាន់អ្នកដទៃ។ ចូររំឭកគ្នាទៅវិញទៅមកពីដំណឹងល្អ ដោយច្រៀងទំនុកដែលនឹងធ្វើឲ្យក្ដីស្រឡាញ់របស់យើងកាន់តែមានភាពរស់រវើកជាងមុន។ ចូរច្រៀងសរសើរតម្កើងព្រះគ្រីស្ទ ពេញដោយកម្លាំង និងចិត្តឆេះឆួល។ ចូរឈប់រអ៊ូរទាំ ហើយត្អូញត្អែរចុះ តែចាប់ផ្ដើមអរព្រះគុណព្រះជាម្ចាស់ជាមួយគ្នាដោយយកចិត្តទុកដាក់វិញ។ ចូរគិតពីអ្នកដទៃមុននឹងគិតខ្លួនឯង។ នៅពេលដែលលោកអ្នកធ្វើបែបនេះ ចូរបន្តអធិស្ឋានសូមឲ្យព្រះវិញ្ញាណបញ្ឆេះចិត្តអ្នកដទៃឲ្យស្រឡាញ់ព្រះគ្រីស្ទផងដែរ។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Tim Chester និងលោកគ្រូ Christopher de la Hoyde

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់, និងលោក ទេព រ៉ូ

ដកស្រង់ខ្លះៗចេញពី Who on Earth is the Holy Spirit? ដោយមានការអនុញ្ញាត។

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

៤១១១

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

៥៨៣

កំណត់ហេតុបណ្ដាញ២០ មេសា ២០២៥

តើអ្វីទៅជាគោលដៅប្រចាំថ្ងៃនៃការចិញ្ចឹមកូន?

ក្នុងនាមជាឪពុកម្ដាយ យើងគិតអំពីការចិញ្ចឹមបីបាច់កូនៗហាក់បីដូចជាការគូរគំនូរ។ ពីមួយថ្ងៃទៅមួយថ្ងៃ យើងបន្តផាត់ពណ៌។ យើងសង្ឃឹមថា…

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៤១៩៧

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម

អត្ថបទបន្ថែមពី កំណត់ហេតុបណ្ដាញ

៥

កំណត់ហេតុបណ្ដាញ២៥ តុលា ២០២៦

ថ្ងៃទី២៦៖ មរណសាក្សីក្នុងវ័យជំទង់

កាលពីប្រាំរយឆ្នាំមុន សកម្មភាពដ៏ក្លាហានរបស់លោក ម៉ធិន លូសើរ បានបង្កើតឲ្យមានចលនាកំណែទម្រង់ខាងឯជំនឿ…

អានបន្ថែម

៣

កំណត់ហេតុបណ្ដាញ២៤ តុលា ២០២៦

ថ្ងៃទី២៥៖ រហស្សនាម «រុយនៃទីក្រុងហ្វ្រីដបឺក»

អានបន្ថែម

៥

កំណត់ហេតុបណ្ដាញ២៣ តុលា ២០២៦

ថ្ងៃទី២៤៖ ស្នាមទឹកខ្មៅ

អានបន្ថែម

៨

កំណត់ហេតុបណ្ដាញ២២ តុលា ២០២៦

ថ្ងៃទី២៣៖ បញ្ញវន្តនៃទីក្រុងហ្សឺណែវ

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ

អត្ថន័យនៃការពេញដោយព្រះវិញ្ញាណ

៨ សីហា ២០១៧អានរយៈពេល ៥ នាទី

មើល៦៩៥ដង

សា

«ហើយនិយាយគ្នាទៅវិញទៅមក ដោយទំនុកតម្កើង ទំនុកបរិសុទ្ធ និងចម្រៀងខាងវិញ្ញាណ ទាំងច្រៀង ហើយបង្កើតជាទំនុកសរសើរថ្វាយព្រះអម្ចាស់ឲ្យអស់ពីចិត្ត ទាំងអរព្រះគុណដល់ព្រះ ជាព្រះវរបិតាជានិច្ច ក្នុងគ្រប់ការទាំងអស់ ក្នុងព្រះនាមព្រះយេស៊ូវគ្រីស្ទជាព្រះអម្ចាស់របស់យើង។ ត្រូវចុះចូលគ្នាទៅវិញទៅមក ដោយកោតខ្លាចដល់ព្រះគ្រីស្ទ។» (អេភេសូរ ៥:១៩-២១ គកស)។