ការបង្រៀនកូននៅពេលមានវិបត្តិក្នុងគ្រួសារ

តើយើងអាចចិញ្ចឹមបីបាច់ថែរក្សាកូនៗយើងបានដោយរបៀបណាដោយមានសេចក្ដីសង្ឃឹម ខណៈពេលដែលយើងកំពុងតែប្រឈមមុខនឹងពេលវេលាដ៏លំបាកៗ។…

៨ តុលា ២០២៣អានរយៈពេល ៥ នាទី

មើល២៦០ដង

តើយើងអាចចិញ្ចឹមបីបាច់ថែរក្សាកូនៗយើងបានដោយរបៀបណាដោយមានសេចក្ដីសង្ឃឹម ខណៈពេលដែលយើងកំពុងតែប្រឈមមុខនឹងពេលវេលាដ៏លំបាកៗ។ តើយើងអាចចិញ្ចឹមបីបាច់ថែរក្សាកូនៗយើងបានដោយរបៀបណា ខណៈពេលដែលគ្រួសារយើងមានការបាក់បែក?

យើងអាចធ្វើការនោះបានដោយសម្លឹងមើលទៅកាន់ព្រះអម្ចាស់ ស្រែកយំទៅកាន់ព្រះអម្ចាស់ (មីកា ៧:៧) គឺយើងស្រែយំទៅកាន់ព្រះអង្គដោយមានពីរចំណុច៖ ពឹងលើព្រះវិញ្ញាណ និងមានជំនឿដែលពឹងលើព្រះបន្ទូល។ តើលោកអ្នកកំពុងតែឈានដល់ចំណុចនោះហើយឬនៅ? មានតែព្រះជាម្ចាស់ទេដែលអាចនាំយើងទៅដល់ទីនោះបាន។ ការប្រកាសអំពីចំណុចនោះមកកាន់ខ្លួនឯងអាចជាជំនួយខ្លះដែរ ប៉ុន្តែមានតែព្រះជាម្ចាស់ផ្ទាល់ទេដែលអាចនាំលោកអ្នកទៅដល់ទីនោះបាន។

ខ្ញុំកំពុងតែព្យាយាមឲ្យលោកអ្នកទទួលយកចំណុចនេះដាក់ចូលក្នុងជីវិត ក្នុងនាមជាឪពុកម្ដាយ ឬក៏អ្នកហៀបនឹងធ្វើជាឪពុកម្ដាយ ព្រមទាំងអ្នកនៅលីវផងដែរ ជំនឿស៊ុបពីរយ៉ាង ជំនឿដែលគ្រប់គ្រងលើ ជំនឿដែលជះឥទ្ធិពលលើអារម្មណ៍—មានពីរ៖ ភាពក្លាហាននៃការខូចចិត្ត។

ជំនឿស៊ុបទី១៖ អំពើបាបរបស់ខ្ញុំគឺជាបញ្ហាដ៏ធំបំផុតរបស់ខ្ញុំ។ អំពើបាបរបស់ខ្ញុំគឺជាបញ្ហានៅក្នុងជីវិតអាពាហ៍ពិពាហ៍របស់យើង។ អំពើបាបរបស់ខ្ញុំគឺជាបញ្ហានៃការដែលខ្ញុំចិញ្ចឹមបីបាច់ថែរក្សាកូនៗ។ អំពើបាបរបស់ខ្ញុំគឺជាបញ្ហានៃការងាររបស់ខ្ញុំ។ អំពើបាបរបស់ខ្ញុំគឺជាបញ្ហានៃក្រុមជំនុំរបស់ខ្ញុំ។ ហើយខ្ញុំមិនស័ក្តិសមនឹងទទួលអ្វីពីព្រះជាម្ចាស់ឡើយ។ យើងមិនមែន ហើយក៏នឹងមិនអាចក្លាយជាឪពុកម្ដាយដែលល្អដោយឥតខ្ចោះបានឡើយ។ យើងទាំងអស់គ្នាសុទ្ធតែបានប្រព្រឹត្តអំពើបាប មិនថាយើងចង់ហៅថាវាជាអ្វីផ្សេងទៀតក៏ដោយក៏វានៅតែជាអំពើបាបដែរ។

យើងមិនមែនជាមនុស្សល្ងីល្ងើទេ។ យើងមិនមែនជាមនុស្សដែលងាយជឿគេនោះទេ។ យើងដឹងនៅពេលដែលមានគេធ្វើបាបទាស់ប្រឆាំងនឹងយើង។ ប្រពន្ធយើងធ្លាប់បានប្រព្រឹត្តអំពើបាបទាស់នឹងយើង។ កូនៗយើងក៏ធ្លាប់បានប្រព្រឹត្តអំពើបាបទាស់នឹងយើងដែរ។ គ្រូគង្វាលក៏បានធ្លាប់ប្រព្រឹត្តអំពើបាបទាស់នឹងយើងដែរ។ យើងទាំងអស់គ្នាសុទ្ធតែដឹងហើយអំពីការនេះ។ ប៉ុន្តែ នោះមិនមែនជាចំណុចស្នូលនៃបញ្ហារបស់យើងនោះទេ។ ព្រះជាម្ចាស់នឹងមិនឲ្យខ្ញុំរៀបរាប់អំពីអំពើបាបរបស់អ្នកដទៃ ដែលបានប្រព្រឹត្តទាស់ប្រឆាំងនឹងខ្ញុំទេ។ ព្រះអង្គនឹងឲ្យខ្ញុំរៀបរាប់តែមួយចំណុច៖ តើខ្ញុំបានឆ្លើយតបដោយរបៀបណា? តើខ្ញុំធ្លាប់ជាអ្នកប្រព្រឹត្តអំពើបាបដែរឬទេ? ចម្លើយ៖ ខ្ញុំធ្លាប់។ មានតែព្រះវិញ្ញាណបរិសុទ្ធទេ ដែលអាចធ្វើឲ្យយើងយល់អំពីពិរុទ្ធភាពនេះបានយ៉ាងច្បាស់លាស់។ ដូច្នេះ នេះគឺជាជំនឿស៊ុបទី១ ដែលខ្ញុំកំពុងតែអធិស្ឋានឲ្យព្រះអង្គធ្វើការនៅក្នុងដួងចិត្តរបស់យើង។

ជំនឿស៊ុបទី២៖ មិនមានព្រះឯណាដូចព្រះយើងនោះទេ។ ខ្ញុំចង់ឲ្យលោកអ្នកយល់ឲ្យបានច្បាស់ថា ព្រះអង្គអត់ទោសបាប។ ព្រះអង្គអត់ទោសអំពើល្មើស។ ព្រះអង្គបន្ទន់ព្រះចិន្តារបស់ទ្រង់ពីសេចក្ដីក្រោធ។ ព្រះអង្គសព្វព្រះហឫទ័យជាមួយនឹងសេចក្ដីស្រឡាញ់ដែលនៅជាដរាប។ ខ្ញុំចង់ឲ្យលោកអ្នកយល់អំពីចំណុចនេះឲ្យបានច្បាស់ ដូចដែលលោកអ្នកយល់ថាខ្លួនជាមនុស្សមានបាបយ៉ាងច្បាស់ដែរ។

ប្រសិនបើយើងចង់ធ្វើជាឪពុកម្ដាយល្អ ពេលដែលគ្រួសារមានបញ្ហា ជាដំបូងយើងត្រូវតែទទួលស្គាល់ថា អំពើបាបរបស់យើងគឺជាបញ្ហាដ៏អាក្រក់បំផុត។ ហើយជាបន្ទាប់យើងត្រូវតែទទួលស្គាល់ថា ព្រះលោហិតរបស់ព្រះយេស៊ូវគ្របបាំងលើវាទាំងអស់។

និពន្ធដោយ៖ លោកគ្រូ John Piper
បកប្រែដោយលោកគ្រូ៖ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

៤៤០

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៨៣៦៥

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១៧

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១

កំណត់ហេតុបណ្ដាញ៨ កញ្ញា ២០២៦

ការតយុទ្ធនឹងសេចក្តីច្រណែនឈ្នានីស

ប្អូនស្រី ដាលីស បានសរសេរមកយើង ដើម្បីសួរថា«លោកគ្រូ តើនាង ខ្ញុំត្រូវដោះស្រាយយ៉ាងណាចំពោះការច្រណែនឈ្នានីស និងការប្រច័ណ្ឌ ដែលកំពុងលេបត្របាក់នាងខ្ញុំទៅហើយនោះ…

អានបន្ថែម