ជំហានបីយ៉ាងក្នុងការឈប់ចំណាយជីវិតដោយឥតប្រយោជន៍

លោកគ្រូ ចន បានលើកឡើងអំពី «ជំហានបីយ៉ាងក្នុងការឈប់ចំណាយជីវិតដោយឥតប្រយោជន៍»។ នេះជាអ្វីដែលគាត់បានលើកឡើង។ ចូរពឹងផ្អែកលើព្រះអម្ចាស់…

១៤ សីហា ២០២២អានរយៈពេល ៦ នាទី

មើល៣១៥ដង

លោកគ្រូ ចន បានលើកឡើងអំពី «ជំហានបីយ៉ាងក្នុងការឈប់ចំណាយជីវិតដោយឥតប្រយោជន៍»។ នេះជាអ្វីដែលគាត់បានលើកឡើង។

ចូរពឹងផ្អែកលើព្រះអម្ចាស់

កណ្ឌគម្ពីរ សុភាសិត ៣:៥-៦ បានលើកឡើងថា «ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងតម្រង់អស់ទាំងផ្លូវច្រករបស់ឯង»។

នៅពេលអ្នកម្ដាយរបស់ខ្ញុំបានសរសេរសំបុត្រមកកាន់ខ្ញុំ ខណៈពេលខ្ញុំរៀននៅសាកលវិទ្យាល័យ និងនៅរៀនអនុបណ្ឌិត នេះប្រហែលជាខគម្ពីរមួយដែលគាត់ចែកចាយច្រើនបំផុត។ គោលបំណងចម្បងនៃខគម្ពីរនេះគឺថា ឲ្យដើរក្នុងផ្លូវត្រង់។ នេះគឺជាមូលហេតុដែលគាត់បានលើកវាឡើងយ៉ាងញឹកញាប់។

គាត់មិនចង់ឲ្យខ្ញុំវង្វេងចេញពីផ្លូវ ហើយមិនស្ដាប់បង្គាប់ព្រះជាម្ចាស់នោះទេ។ គាត់មិនចង់ឲ្យខ្ញុំចំណាយជីវិតរបស់ខ្ញុំដោយឥតប្រយោជន៍ ឬក៏ធ្វើអ្វីមួយដែលមិនផ្ដល់កិត្តិយសដល់ព្រះជាម្ចាស់ឡើយ។ ខ្ញុំមិនចង់ឲ្យលោកអ្នកវង្វេងចេញទេ។ ហើយព្រះជាម្ចាស់ក៏មិនសព្វព្រះទ័យឲ្យយើងវង្វេងចេញដែរ។ នេះគឺជាគោលបំណងព្រះជាម្ចាស់នឹងតម្រង់អស់ទាំងផ្លូវរបស់យើង ឲ្យត្រង់ឆ្ពោះទៅកាន់ការស្ដាប់បង្គាប់ ត្រង់ឆ្ពោះទៅកាន់អំណរដ៏នៅអស់កល្បជានិច្ច ហើយត្រង់ឆ្ពោះទៅកាន់ជីវិតដែលថ្វាយព្រះកិត្តិយសដល់ព្រះជាម្ចាស់។ ហើយលោកគ្រូមានប្រសាសន៍ថា មានបីជំហាន ដើម្បីទៅដល់ចំណុចនោះ។

១. ទុកចិត្តព្រះជាម្ចាស់

ជំហានដំបូង ព្រះជាម្ចាស់មានបន្ទូលប្រាប់យើង ឲ្យទុកចិត្តព្រះអម្ចាស់ដោយអស់អំពីចិត្ត។
ចូរទុកចិត្តសេចក្ដីសន្យានានារបស់ព្រះជាម្ចាស់សម្រាប់គ្រប់ជំហាននៅក្នុងជីវិតរបស់លោកអ្នក។ ចូរទុកចិត្តនៅលើសេចក្ដីសប្បុរស ភាពបរិសុទ្ធ សេចក្ដីមេត្តា សេចក្ដីស្រឡាញ់ ការផ្គត់ផ្គង ការស្កប់ចិត្តជាមួយព្រះជាម្ចាស់យ៉ាងពេញទី សម្រាប់គ្រប់ពេលវេលាទាំងអស់នៅក្នុងជីវិតរបស់លោកអ្នក។

២. ចូរបដិសេធលើការមានភាពឯករាជលើខ្លួនឯង

ជំហានទី២ ព្រះជាម្ចាស់មានបន្ទូលថា «កុំឲ្យពឹងផ្អែកលើការយល់ដឹងរបស់ខ្លួនឯងឡើយ» ដែលនេះមានន័យថា លោកអ្នកត្រូវតែជ្រើសរើសមិនពឹងផ្អែកលើខ្លួនឯង។
សូមនិយាយមកកាន់ខ្លួនឯងថា «ខ្ញុំសូមសារភាពថា ខ្ញុំខ្លួនឯងទេដែលមិនគ្រប់គ្រាន់នោះ។ ខួរក្បាលរបស់ទូលបង្គំតែឯងមិនមានប្រាជ្ញាគ្រប់គ្រាន់ឡើយ»។ សូមបែរចេញពីការពឹងផ្អែកលើខ្លួនឯង។ ទោះជាយ៉ាងណាក៏ដោយ ក៏នេះមិនមែនមានន័យថា លោកអ្នកមិនគួរគិត ឬរៀបចំផែនការនោះទេ។ វាគ្រាន់តែមានន័យថា លោកអ្នកមិនចាំបាច់ត្រូវពឹងផ្អែកលើខ្លួនឯងទាំងស្រុងនោះទេ។

គេត្រៀមសេះទុកសម្រាប់ថ្ងៃសឹកសង្គ្រាម តែការដែលមានជ័យជំនះ នោះស្រេចនៅព្រះយេហូវ៉ាទេ។ (សុភាសិត ២១:៣១)។

ដូច្នេះ សូម្បីតែនៅចំណុចកណ្ដាលនៃការមានគម្រោងការ និងការគិតជាមួយនឹងគំនិតរបស់យើង នោះយើងក៏កំពុងពឹងផ្អែកលើព្រះអម្ចាស់ដែរ។ យើងមិនត្រូវពឹងផ្អែកលើធនធានរបស់យើងនោះទេ។

៣. ចូរទទួលស្គាល់ព្រះជាម្ចាស់

ជំហានទី៣គឺថា «នៅក្នុងគ្រប់ទាំងផ្លូវរបស់ឯង ចូរទទួលស្គាល់ទ្រង់»។ នៅក្នុងភាសាហេប្រឺ យើងអាចបកប្រែថា «ចូរស្គាល់ព្រះជាម្ចាស់នៅក្នុងគ្រប់ទាំងផ្លូវរបស់ឯង»។

ដូច្នេះ នៅក្នុងគ្រប់ពេលណាក៏ដោយ នៅគ្រប់ជម្រើសថ្មីៗ និងគ្រប់ការសន្ទនាថ្មីៗ នោះលោកអ្នកកំពុងផ្ញើរសារទៅកាន់ព្រះជាម្ចាស់ ដោយទូលថា «ឱព្រះជាម្ចាស់អើយ! នៅក្នុងកាលៈទេសៈនេះ ទូលបង្គំទទួលស្គាល់ព្រះអង្គ។ នៅក្នុងកាលៈទេសៈនេះ ទូលបង្គំស្គាល់ទ្រង់។ នៅក្នុងកាលៈទេសៈនេះ ទូលបង្គំត្រូវការព្រះអង្គក្នុងការចូលរួមជាមួយយើងខ្ញុំ។ នៅក្នុងកាលៈទេសៈនេះ ព្រះអង្គជាអង្គដែលសម្រេចនូវអ្វីៗទាំងអស់។ នៅក្នុងកាលៈទេសៈនេះ ទូលបង្គំពឹងផ្អែកលើព្រះអង្គ។

ប្រសិនបើយើងធ្វើតាមជំហានទាំងបីនេះ នោះព្រះជាម្ចាស់នឹងតម្រង់គ្រប់ទាំងផ្លូវរបស់យើងជាមិនខាន។ ចូរទុកចិត្តលើព្រះជាម្ចាស់។ ចូរបដិសេធលើការមានភាពឯករាជលើខ្លួនឯង។ ចូរយកព្រះជាម្ចាស់ដាក់ក្នុងគ្រប់ទាំងចំណុចទាំងអស់នៅក្នុងជីវិតរបស់លោកអ្នក។ ព្រះជាម្ចាស់នឹងរក្សាយើងចេញពីការចំណាយពេលដោយឥតប្រយោជន៍នៅក្នុងជីវិតរបស់យើង ឬការបំផ្លាញខ្លួនឯង និងអ្នកដទៃដោយសារអំពើបាបដែរ។ ព្រះជាម្ចាស់នឹងនាំយើងទៅកាន់អំណរដែលនៅអស់កល្បជានិច្ច។

ប្រសិនបើលោកអ្នកទុកចិត្តលើព្រះជាម្ចាស់ សូមបោះបង់ការទុកចិត្តលើខ្លួនឯងចោលចុះ ហើយយកព្រះអង្គជាចំណុចគោលនៅក្នុងគ្រប់កាលៈទេសៈនៃជីវិត នោះទ្រង់នឹងធ្វើឲ្យកន្លងផ្លូវរបស់លោកអ្នកត្រង់។

និពន្ធដោយ៖ John Piper
បកប្រែដោយ៖ លោក ខែម បូឡុង
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា, លោក សឹម រក្សា, លោក Jeff Lai និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៥

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២២០៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥០

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៥

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៦

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម