ភាពជាស្ត្រីស្របតាមព្រះគម្ពីរនៅក្នុងពេលប្រាំនាទី

ភាពជាស្ត្រីស្របតាមព្រះគម្ពីរនៅក្នុងពេលប្រាំនាទី Biblical Womanhood in Five Minutes1 លោកគ្រូ…

៨ វិច្ឆិកា ២០២៦អានរយៈពេល ៨ នាទី

មើល១៤ដង

លោកគ្រូ សូមផ្ដល់ឲ្យយើងនូវទេវវិទ្យានៃភាពជាស្ត្រីស្របតាមព្រះគម្ពីរនៅក្នុងរយៈពេលប្រាំនាទី។

ទេវសាស្ត្រសង្ខេបរបស់ខ្ញុំចំពោះភាពជាស្ត្រីចាប់ផ្ដើមពីកន្លែងដែលព្រះជាម្ចាស់បានបង្កើតនៅក្នុងកណ្ឌគម្ពីរលោកុប្បត្ដិជំពូកទី១ នៅត្រង់កន្លែងដែលទ្រង់មានបន្ទូលថា ព្រះជាម្ចាស់បានបង្កើតមនុស្សបុរស និងមនុស្សស្ត្រីនៅក្នុងរូបអង្គព្រះជាម្ចាស់—មិនមែនគ្រាន់តែជាបុរស ប៉ុន្តែជាស្ត្រីផងដែរ។ ដូច្នេះ ខ្ញុំនឹងចាប់ផ្ដើមពីភាពធំមហិមា—ហើយខ្ញុំចង់មានន័យពីភាពធំមហិមាដែលមិនអាចវាស់បាន—សេចក្ដីពិតដែលស្ត្រីត្រូវបានបង្កើតនៅក្នុងរូបអង្គនៃអ្នកបង្កើតចក្រវាឡនេះ។ នេះគឺជារឿងដែលគួរឲ្យភ្ញាក់ផ្អើលណាស់។

វាមានន័យថា ស្ត្រីគ្រប់រូបដែលលោកអ្នកបានជួបពេលឆ្លងផ្លូវ ឬស្ត្រីគ្រប់រូបដែលលោកអ្នកមានការជាប់ទាក់ទងនៅក្នុងរបៀបណាមួយគឺទំនងជាម្ចាស់ក្សត្រីយ៍នៃស្ថានសួគ៌ ដោយសារនាងត្រូវបានបង្កើតនៅក្នុងរូបអង្គព្រះជាម្ចាស់។ នាងគឺនៅក្នុងរូបអង្គព្រះជាម្ចាស់នៅក្នុងរបៀបដូចគ្នាដែលបុរសគឺដូចនឹងរូបអង្គព្រះជាម្ចាស់ មានលក្ខណៈជាមនុស្សដែលធ្វើដែលឆ្លុះបញ្ចាំងតាមគ្រប់ទាំងលក្ខណៈនៃព្រះជាម្ចាស់។ នោះហើយគឺជាកន្លែងដែលខ្ញុំនឹងចាប់ផ្ដើម។

ចំណុចទីពីរ ខ្ញុំនឹងទាញចំណាប់អារម្មណ៍ទៅកាន់ការពិតអំពីតម្លៃដែលនាងមាន ដូច្នេះ នៅពេលលោកអ្នកនិយាយអំពីពាក្យសេចក្ដីថ្លៃថ្នូរ ឬតម្លៃ គឺដូចគ្នាទៅនឹងតម្លៃ និងសេចក្ដីថ្លៃថ្នូររបស់បុរសដែរ។ តាមពិតទៅ ខ្ញុំចង់និយាយថាទាំងបុរស និងស្ត្រី គឺមានសារៈសំខាន់ចំពោះការបើកសម្ដែងទាំងស្រុងរបស់សិរីល្អរបស់ព្រះជាម្ចាស់។ ទ្រង់មិនគ្រាន់តែបានបង្កើតបុរសតែប៉ុណ្ណោះទេ តែទ្រង់ក៏បានបង្កើតស្ត្រីផងដែរ។

កាលណាលោកអ្នកទទួលផ្នែកទីពីរនៃសាច់រឿង នៅត្រង់កន្លែងដែលបុរសត្រូវបានបង្កើតមកមុន—ដែលខ្ញុំគិតថាគឺសំខាន់—ហើយបន្ទាប់មកស្ត្រីត្រូវបានបង្កើតមក ដែលការនោះបានប្រាប់ថាមិនល្អទេ។ វាគ្រាន់តែមិនទាន់បានបញ្ចប់។ វាមិនល្អនោះឡើយទាល់តែស្ត្រីនេះត្រូវបានបង្កើតមកពីចំហៀងរបស់គាត់។ គ្មានសត្វណាមួយអាចនឹងធ្វើដើម្បីបំពេញបុរសបានទេ ពីព្រោះគ្មានសត្វណាត្រូវបានបង្កើតមកនៅក្នុងរូបអង្គរបស់ព្រះសោះ។នាងត្រូវតែមានលក្ខណៈដូចជាបុរស ហើយដូច្នេះលក្ខណៈនោះក៏ដូចជាលក្ខណៈរបស់ព្រះជាម្ចាស់ដែរ។ ដូច្នេះ នាងមានតម្លៃស្មើគ្នា ហើយទាំងពីរនាក់នៅជាមួយគ្នា បន្ទាប់មកការបើកសម្ដែងសិរីល្អរបស់ព្រះជាម្ចាស់ក៏កាន់តែពេញលេញឡើង។

នោះខ្ញុំនឹងនិយាយថា នាងមានលក្ខណៈពិសេស ជាពិសេសទាំងផ្លូវកាយ ផ្លូវចិត្ត និងផ្លូវអារម្មណ៍ ដែលខុសពីបុរសៗ។ យើងគួរតែអបអរចំពោះភាពខុសគ្នារវាងភាពជាបុរស និងស្ត្រី ហើយសង្កត់ធ្ងន់លើភាពខុសគ្នាទាំងនេះមានន័យថានៅពេលដែលយើងនៅជាមួយគ្នា—ខ្ញុំនឹងរាប់បញ្ចូលអ្នកនៅលីវនៅត្រង់នេះដែរ ពីព្រោះមានកម្លាំងបង្ខំខាងវប្បធម៌សម្រាប់អ្នកដែលមិនទាន់រៀបការរួច ហើយមានកម្លាំងបង្ខំសម្រាប់អ្នកដែលរៀបការរួច—នៅពេលយើងនៅជាមួយគ្នា សិរីល្អរបស់ព្រះជាម្ចាស់កាន់តែច្រើននឹងបង្ហាញជាងការដែលយើងរស់នៅក្នុងដុំថ្មតូចតែឯងដាច់ដោយឡែក។

រឿងចុងក្រោយដែលខ្ញុំនឹងធ្វើគឺទាក់ទាញចំណាប់អារម្មណ៍ទៅកាន់អ្វីដែលយើងមានន័យចំពោះ «ការបំពេញគ្នាទៅវិញទៅមក»។ ចំណុចពិសេសមួយនៅក្នុងចំណោមលក្ខណៈពិសេសរបស់ស្ត្រីគឺ ពួកគេបានត្រាស់ហៅពីព្រះជាម្ចាស់ដើម្បីទទួលពីបុរស និងផ្ដល់កិត្តិយសដល់បុរស ព្រមទាំងគាំទ្រភាពជាអ្នកដឹកនាំ ហើយការពារ និងផ្គត់ផ្គង់ អ្នកដែលគោរពតាមព្រះដោយសមរម្យទៅតាមភាពខុសគ្នានៃតួនាទីរបស់ពួកគេ។

ហេតុផលដែលខ្ញុំនិយាយថាប្រយោគខ្លីចុងក្រោយគឺថា នៅពេលដែលស្ត្រីស្វែងរកជីវិតរបស់នាង ប្រសិនបើនាងរៀបការ នាងនឹងមានស្វាមីម្នាក់។ នាងមានគ្រូគង្វាលម្នាក់។ នាងមានមិត្តភក្ដិជាមនុស្សប្រុសៗ ដែលជាស្វាមីរបស់មិត្តភក្ដិស្រីៗរបស់នាង។ នាងប្រហែលជាមានមិត្តរួមការងារនៅកន្លែងធ្វើការរបស់នាង។ នាងមានអ្នករត់សំបុត្រ ដែលមកខាងមុខទ្វារក៏មិនដឹង។ នាងជាជាងធ្វើឡាននៅហាងជួសជុលរថយន្តជាដើម។ល។

បុរសទាំងអស់នេះបំពេញតួនាទីខុសៗគ្នានៅក្នុងជីវិតរបស់នាង ហើយខ្ញុំមិនមានន័យថា នាងទទួល និងលើកតម្កើង ព្រមទាំងគាំទ្រភាពជាអ្នកដឹកនាំ ហើយការពារ និងផ្គត់ផ្គង់ពីពួកគេទាំងអស់នៅក្នុងរបៀបដូចគ្នានោះទេ។ ក្លៀវក្លា និងចង្វាក់នៃទំនាក់ទំនងខាងភេទ គឺខុសគ្នាចំពោះគ្រប់ទំនាក់ទំនងទាំងអស់ ប៉ុន្តែមានអ្វីដែលព្រះជាម្ចាស់ដាក់នៅក្នុងបុរស ដើម្បីធ្វើជាអ្នកដឹកនាំ និងអ្នកការពារ ព្រមទាំងជាអ្នកផ្គត់ផ្គង់ ហើយអ្វីដែលព្រះជាម្ចាស់បានដាក់នៅស្ត្រី ដើម្បីស្រឡាញ់សេចក្ដីទាំងនោះ មានសេចក្ដីអំណរនៅក្នុងសេចក្ដីទាំងនោះចូលមកជាមួយគ្នានឹងសេចក្ដីនោះ ប្រើគ្រប់ទាំងអំណោយទានដ៏ច្រើនសន្ធឹករបស់ពួកគេ ដើម្បីធ្វើឲ្យចម្រើនឡើងនូវបុព្វហេតុរបស់ព្រះគ្រីស្ទតាមរយៈសេចក្ដីនោះ ហេតុដូច្នេះហើយ នៅពេលពួកគេនៅជាមួយគ្នាពួកគេបំពេញគ្នាទៅវិញទៅមក ហើយភាពស្រស់ស្អាតនៃព្រះត្រូវបានកាន់តែបង្ហាញយ៉ាងពេញលេញឡើង។

ការបំពេញគ្នាទៅវិញទៅមកខាងភេទនៅស្ថានសួគ៌

តើលោកអ្នកសង្ស័យថា ភាពខុសគ្នារបស់តួនាទីខាងភេទនឹងនៅទៅដល់ភាពអស់កល្បជានិច្ចដែរឬទេ?

បាទ! បាទ! នឹងទៅដល់ ពីព្រោះ ខ្ញុំគិតថា សូម្បីតែតាមរយៈព្រះគម្ពីរបានចែងថា នឹងគ្មានការរៀបការ ឬការអនុញ្ញាតឲ្យការរៀបការនៅស្ថានសួគ៌ ខ្ញុំគិតថា ភាពជាមនុស្សរបស់យើងគឺត្រូវវេចខ្ចប់នៅក្នុងភេទរបស់យើងហើយ ឬលោកអ្នកអាចនិយាយថាភេទរបស់យើងគឺត្រូវបានខ្ចប់នៅជុំវិញភាពជាមនុស្សរបស់យើង ដែលប្រសិនបើយើងបានដោះភាពជាមនុស្សប្រុស ឬភាពជាមនុស្សស្រីរបស់យើងចេញនឹងមើលមិនស្គាល់ទៀតឡើយ។

ខ្ញុំគិតថា ព្រះយេស៊ូវគឺជាមនុស្សបុរសម្នាក់នៅស្ថានសួគ៌សព្វថ្ងៃនេះ។ ទ្រង់គឺជាព្រះយេស៊ូវគ្រីស្ទ ដូចគ្នានៅពេលដែលទ្រង់គង់នៅផែនដីនេះនៅឡើយ ប៉ុន្តែឥឡូវនេះត្រូវបានថ្វាយសិរីល្អ។ ខ្ញុំមិនគិតថា យើងគួរតែគិតដល់ទ្រង់ក្នុងរបៀបដែលថាទ្រង់មានផ្នែកខ្លះជាបុរស និងមួយផ្នែកជាស្ត្រីនៅទីនោះ ឬខ្លួនយើងចូលទៅក្នុងប្រភេទនៃជីវិត ដែលគ្មានការជាប់ទំនាក់ទំនងគ្នាទៅវិញទៅមកចំពោះភាពជាការមានជីវិតរបស់មនុស្សបុរស និងមនុស្សស្ត្រី ដែលយើងមាននៅទីនេះ។ វានឹងមានភាពស្រស់ស្អាតបំផុតនៅទីនោះ។ ព្រះអង្គនឹងដកចេញគ្រប់ទំហំនៃអំពើបាបទាំងអស់របស់មនុស្សបុរស និងមនុស្សស្ត្រី។