តើអារក្សសាតាំងមកពីណា?

សរុបសេចក្ដីមក អារក្សសាតាំងគឺជាមេដឹកនាំនៃពួកទេវតាដែលបានបះបោរទាស់នឹងព្រះជាម្ចាស់។ ហេតុដូច្នេះហើយបានជាទ្រង់បណ្ដេញវាចេញពីព្រះវត្តមានរបស់ទ្រង់ (វិវរណៈ ១២:៧-១២)។

៣ វិច្ឆិកា ២០១៦អានរយៈពេល ១០ នាទី

មើល៦៤៨៦ដង១មតិ

ប្រ

សិនបើលោកអ្នកអានព្រះគម្ពីរ ដោយចាប់ផ្ដើមពីលោកុប្បត្តិជំពូក១ នោះលោកអ្នកនឹងឃើញអ្វីៗគ្រប់យ៉ាងដូចដែលលោកអ្នកបានរំពឹងទុក ពោលគឺលោកអ្នកនឹងឃើញព្រះដ៏ជាព្រះអាទិករ និងជាអ្នកប្រតិស្ឋានពិភពលោកដ៏អស្ចារ្យនេះ។ លោកអ្នកនឹងឃើញពីស្នាព្រះហស្ដដ៏អស្ចារ្យរបស់ព្រះជាម្ចាស់ តាមរយៈភាពស្រស់ស្អាត និងភាពវិសេសវិសាលនៃរបស់សព្វសារពើទាំងអស់ដែលទ្រង់បានបង្កើតមក។ មនុស្សគឺជាចំណុចសំខាន់នៅក្នុងការបង្កើតរបស់ព្រះជាម្ចាស់ ប៉ុន្តែ នៅពេលដែលលោកអ្នកអានដល់ទំព័រទីបី ឬទីបួន (អាស្រ័យលើទំហំព្រះគម្ពីររបស់លោកអ្នក) នោះលោកអ្នកនឹងឃើញរឿងមួយ ដែលមើលទៅហាក់ដូចជាមិនស៊ីគ្នាសោះ៖

ឯពស់ជាសត្វចេះឧបាយកលលើសជាងអស់ទាំងសត្វព្រៃ ដែលព្រះយេហូវ៉ាដ៏ជាព្រះទ្រង់បានបង្កើត វានិយាយទៅកាន់ស្ត្រីថា តើព្រះមានបន្ទូលហាមមិនឲ្យអ្នកបរិភោគផ្លែឈើណានៅក្នុងសួនច្បារមែនឬ។ (លោកុប្បត្តិ ៣:១)

ហេតុអ្វីដូច្នេះ?

គឺមានអំពើទុច្ចរិតមួយបានកើតឡើងនៅក្នុងស្នាព្រះហស្ដដ៏គ្រប់លក្ខណ៍របស់ព្រះជាម្ចាស់ ពោលគឺនៅក្នុងពិភពលោកដែលទ្រង់បានបង្កើត និងគ្រប់គ្រង។ មានអ្វីមួយក្នុងចំណោមស្នាព្រះហស្ដរបស់ព្រះជាម្ចាស់ បានព្យាយាមបំផ្លាញសិទ្ធិអំណាចរបស់ទ្រង់ និងទាញមនុស្សជាតិឲ្យធ្លាក់ចុះតាមវា។

រឿងនេះធ្វើឲ្យមានសំណួរជាច្រើនចោទឡើង! តោះសូមមើលសំណួរខាងក្រោមនេះ៖

តើសត្វពស់នៅក្នុងលោកុប្បត្តិជំពូក៣ជានរណា?

លោកុប្បត្តិមិនបានពន្យល់ប្រាប់យើងថាអារក្សសាតាំងមកពីណាទេ ក៏មិនប្រាប់មូលហេតុដែលវាទៅល្បួងនាង អេវ៉ា ដែរ។ លោកុប្បត្តិគ្រាន់តែប្រាប់យើងថា សត្វពស់ក៏ជាស្នាព្រះហស្ដរបស់ព្រះជាម្ចាស់ដែរ ប៉ុន្តែវា «ចេះឧបាយកលលើសជាងអស់ទាំងសត្វព្រៃ»។ ប៉ុន្តែ យើងដឹងច្បាស់ពីដំបូងមកហើយថា នេះមិនមែនជាពស់ធម្មតាដូចពស់ផ្សេងៗទៀតក្នុងសួនច្បារទេ។

ទីមួយ៖ ពស់នេះចេះនិយាយ! ខ្ញុំមិនដឹងថាលោកអ្នករស់នៅទីណាទេ ប៉ុន្តែនៅកន្លែងដែលខ្ញុំរស់នៅ គឺមិនសូវមានសត្វដែលចេះនិយាយទេ។ ចំណុចដែលសត្វពស់នៅក្នុងលោកុប្បត្តិជំពូក៣ចេះនិយាយ ហាក់ដូចជាបញ្ជាក់ឲ្យយើងឃើញថា មានបុគ្គលណាម្នាក់កំពុងគ្រប់គ្រងលើវា។

ទៅមុខទៀត យើងនឹងឃើញយ៉ាងច្បាស់ថា ការលេចឡើងរបស់សត្វពស់គឺជាការបង្ហាញខ្លួនរបស់អារក្សសាតាំង។ អ្វីៗដែលសត្វពស់នោះបានធ្វើនៅក្នុងសួនច្បារអេដែនបង្ហាញពីសកម្មភាពរបស់អារក្សសាតាំង ហើយវាបានល្បួងនាង អេវ៉ា ឲ្យឈប់ស្ដាប់បង្គាប់ព្រះជាម្ចាស់។ ព្រះគម្ពីរសញ្ញាថ្មីបានហៅអារក្សសាតាំងថា «មេល្បួង» (ម៉ាថាយ ៤:៣; ១ថែស្សាឡូនីច ៣:៥) ហើយដោយសត្វពស់បានទទួលជ័យជម្នះក្នុងការបោកបញ្ឆោតមនុស្សលោក ព្រះអម្ចាស់យេស៊ូវបានហៅអារក្សសាតាំងថា បិតានៃមេកុហក (យ៉ូហាន ៨:៤៤)។ សត្វពស់ក៏ប្រឆាំងនឹងការល្អរបស់ព្រះជាម្ចាស់ដែរ ដូច្នេះហើយទើបសាវ័ក យ៉ូហាន បានសរសេរថា អារក្សសាតាំង «បានធ្វើបាប ចាប់តាំងពីដើមរៀងមក» (១យ៉ូហាន ៣:៨)។

ដូច្នេះ យើងមិនគួរភ្ញាក់ផ្អើលទេ ដែលសាវ័ក យ៉ូហាន ពន្យល់អំពីការដែលព្រះជាម្ចាស់បានយកជ័យជម្នះលើអារក្សសាតាំងនៅក្នុងកណ្ឌគម្ពីរ វិវរណៈ ១២:៩ ដោយហៅវាថា៖

នោះនាគធំត្រូវបោះទំលាក់ទៅ គឺជាពស់ពីបុរាណ ដែលឈ្មោះហៅថា អារក្ស ហើយសាតាំងផង ដែលបាននាំលោកីយ៍ទាំងមូលឲ្យវង្វេងចេញ វាត្រូវបោះទំលាក់ទៅផែនដីវិញ ព្រមទាំងពួកទេវតារបស់វាផង។

បើទោះជាកណ្ឌគម្ពីរលោកុប្បត្តិមិនបានប្រើឈ្មោះ «អារក្សសាតាំង» ថាជាសត្វពស់នៅក្នុងសួនច្បារអេដែនក៏ដោយ ក៏យើងនៅតែអាចសន្និដ្ឋានបានថា អារក្សសាតាំងបានបង្ហាញខ្លួនតាមរយៈសត្វពស់ដែរ។

ដូច្នេះ តើអារក្សសាតាំងមកពីណា?

បទគម្ពីរមិនបានប្រាប់យើងច្រើនអំពីដើមកំណើតរបស់អារក្សសាតាំងទេ។ វាបង្ហាញខ្លួនភ្លាមៗនៅក្នុងលោកុប្បត្តិជំពូក៣ ហើយចាប់ពីពេលនោះមក ព្រះគម្ពីរក៏បន្តរៀបរាប់អំពីវត្តមានរបស់វា។

តាមរយៈការយកភស្ដុតាងទាំងអស់មកបូកផ្សំគ្នា នោះយើងនឹងឃើញថាដើមកំណើតរបស់អារក្សសាតាំង គឺជាទេវតាមួយរូប។ សាវ័ក ប៉ុល បានថ្លែងថា អារក្សសាតាំងបាន «ក្លែងខ្លួនធ្វើជាទេវតានៃពន្លឺ» (២កូរិនថូស ១១:១៤)។ ការក្លែងខ្លួនរបស់វាគឺមិនមែនគ្រាន់តែក្លែងធ្វើជា «ទេវតា» ប៉ុណ្ណោះទេ តែគឺក្លែងធ្វើជាទេវតា «នៃពន្លឺ»។ ទោះបើព្រះគម្ពីរមិនបានផ្ដល់ចម្លើយសម្រាប់រាល់សំណួរដែលទាក់ទងនឹងដើមកំណើតរបស់អារក្សសាតាំងក៏ដោយ ក៏យើងនៅតែអាចដឹងយ៉ាងប្រាកដអំពីចំណុចមួយចំនួនដែរ៖

ព្រះជាម្ចាស់បានបង្កើតអារក្សសាតាំង! អ្វីៗទាំងអស់សុទ្ធតែកើតមកដោយសារទ្រង់។ ព្រះជាម្ចាស់បានបង្កើតពិភពលោកនេះមក ដូច្នេះគ្រប់អ្វីៗដែលមាននៅលើស្ថានសួគ៌ នៅលើផែនដី និងក្រោមដី គឺសុទ្ធតែជំពាក់ជីវិតទៅនឹងព្រះជាម្ចាស់ ព្រោះទ្រង់ជាអ្នកដែលបានបង្កើតពួកគេមក (កូឡុស ១:១៦)។ អារក្សសាតាំងក៏ជំពាក់ជីវិតព្រះជាម្ចាស់ដែរ។
ព្រះជាម្ចាស់បានបង្កើតអារក្សសាតាំងមកល្អប្រពៃ! លោកុប្បត្តិ ១:៣១ បានចែងថា អ្វីៗដែលព្រះជាម្ចាស់បានបង្កើតមក គឺសុទ្ធតែល្អប្រពៃ ហើយគ្មានអំពើបាប គ្មានការបោកបញ្ឆោត ឬការអាក្រក់ណាមួយក្នុងព្រះជាម្ចាស់ឡើយ (១យ៉ូហាន ១:៥; យ៉ាកុប ១:១៣)។ ដូច្នេះ យើងអាចសន្និដ្ឋានបានថា នៅពេលដែលព្រះជាម្ចាស់បានបង្កើតអារក្សសាតាំងមក គឺព្រះអង្គបានបង្កើតវាឲ្យមានសីលធម៌ល្អ។
ទេវតាមួយចំនួនដែលព្រះជាម្ចាស់បានបង្កើតមក ពួកគេបានបះបោរទាស់នឹងទ្រង់! នៅចន្លោះលោកុប្បត្តិ ១:៣១ (គ្រប់អ្វីៗទាំងអស់នៅល្អប្រពៃនៅឡើយ) និងលោកុប្បត្តិ ៣:១ (មានសត្វពស់ក្នុងសួនច្បារ) យើងឃើញថា មានទេវតាមួយចំនួនបានបះបោរទាស់នឹងព្រះជាម្ចាស់។ ២ពេត្រុស ២:៤ និងយូដាស ១:៦ បានរៀបរាប់អំពីការបះបោររបស់ពួកគេ។
អារក្សសាតាំងមានអំណាចក្នុងចំណោមអារក្សទាំងអស់! ព្រះគម្ពីរបានលើកឡើងពីរបីដងថា អារក្សសាតាំងជាមេគេក្នុងចំណោមអារក្សទាំងអស់ (យ៉ូហាន ១២:៣១ និងអេភេសូរ ២:២)។ យើងក៏បានឃើញដែរថា អារក្សសាតាំងជាមេផ្ដើមក្នុងការវាយប្រហារ និងការល្បួងរាស្ដ្ររបស់ព្រះជាម្ចាស់ (យ៉ូប ១:៦; ១ពង្សសវតាក្សត ២១:១; សាការី ៣:១)។
សេចក្ដីអាក្រក់កើតចេញពីអារក្សសាតាំងដោយខ្លួនវាផ្ទាល់! គ្មានអ្នកណាមកល្បួង ហើយនាំវាឲ្យទៅធ្វើបាបទេ ប៉ុន្តែវាជាម្ចាស់នៃអំពើបាប និងការបោកបញ្ឆោត (យ៉ូហាន ៨:៤៤)។

ពិតណាស់ថា ចំណុចទាំងនេះនៅមានរឿងអាថ៌កំបាំងខ្លះដែលយើងមិនអាចយល់ និងដឹងបាន ដូច្នេះយើងត្រូវតែមានការប្រុងប្រយ័ត្ន ពោលគឺមិនត្រូវសន្និដ្ឋានលើសពីអ្វីដែលព្រះគម្ពីរបានប្រាប់យើងឡើយ។ ព្រះជាម្ចាស់មិនបានប្រាប់យើងអំពីមូលហេតុដែលទ្រង់អនុញ្ញាតឲ្យអារក្សសាតាំងបះបោរទាស់នឹងទ្រង់ទេ។ ព្រះអង្គក៏មិនបានប្រាប់យើងអំពីមូលហេតុដែលទ្រង់មិនបំផ្លាញពួកវាតាំងពីយូរមកហើយដែរ។

ប៉ុន្តែ យើងត្រូវតែចងចាំថា ហេតុផលចម្បងដែលបណ្ដាលឲ្យអារក្សសាតាំងត្រឡប់ជាអាក្រក់ គឺដោយព្រោះតែវាជាបុគ្គលមិនស្មោះត្រង់នឹងព្រះជាម្ចាស់។ វាមិនមែនជាព្រះទេ ទោះបើវាខំប្រជែងទាស់នឹងព្រះជាម្ចាស់យ៉ាងណាក៏ដោយ។ ដូចដែលលោកគ្រូ ម៉ាធិន លូធ័រ (Martin Luther) បានលើកឡើងថា «អារក្សសាតាំងជាខ្មាំងសត្រូវរបស់យើងតាំងពីដើមរៀងមក» ប៉ុន្តែយើងមិនត្រូវខ្លាចវាឡើយ។ ព្រះយេស៊ូវ «បានបំផ្លាញ» អារក្សសាតាំងរួចហើយ។ ឥឡូវនេះ យើងគ្រាន់តែរង់ចាំឲ្យទ្រង់សម្រេចការនោះទាំងស្រុងប៉ុណ្ណោះ។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Mike McKinley

បកប្រែដោយ និងកែសម្រួលដោយ៖ លោក ឈាង បូរ៉ា លោកស្រី កែវ សិរីវុឌ្ឍី លោក ជួប ប៊ុនហាក់ និងលោក Cheyrith Un

ដកស្រង់ខ្លះៗចេញពី www.thegoodbook.com ដោយមានការអនុញ្ញាត។

តើអ្នកគិតយ៉ាងណា?

៦ពិន្ទុ

តើលោកអ្នកយល់យ៉ាងណាដែរ?

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

២១៦២

កំណត់ហេតុបណ្ដាញ២ កញ្ញា ២០២៥

ចុះប្រសិនបើខ្ញុំមិនបានធ្វើការឲ្យគ្រប់ម៉ោងតាមដែលខ្ញុំគួរធ្វើ?

គណនេយ្យករសាជីវកម្ម អ្នកគ្រប់គ្រងសិទ្ធផ្តាច់មុខ ឬនាយកប្រតិបត្តិទីផ្សារប្រហែលជាត្រូវធ្វើការយ៉ាងម៉ត់ចត់ជាមួយម៉ោងការងារដោយសារមានមនុស្សជាច្រើនកំពុងមើលខុសត្រូវលើគាត់...ក្នុងនាមជាគ្រីស្ទបរិស័ទ នៅពេលដែលនិយាយអំពីការយល់ខុសត្រូវ វាមិនមែនជាសំណួរអំពីអ្វីដែលត្រូវបានអនុញ្ញាតឬក៏អត់នោះទេ ប៉ុន្តែគឺអំពីអ្វីតាមព្រះគម្ពីរវិញ។

អានបន្ថែម

១៣៩

កំណត់ហេតុបណ្ដាញ២៧ សីហា ២០២៥

ប្រកាសអំពីព្រះយេស៊ូវនៅលើកាប៉ាល់ទីតានិច

បើសិនជាអ្នកកំពុងតែស្ថិតនៅក្នុងគ្រោះមហន្តរាយ តើអ្នកមានចិត្តចង់ផ្សាយដំណឹងល្អ ដល់មនុស្សនៅជុំវិញអ្នកទេ?

អានបន្ថែម

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

១១៣៧

កំណត់ហេតុបណ្ដាញ១២ ឧសភា ២០២៥

ហេតុផល៤យ៉ាង ដែលលោកអ្នកគួរអធិប្បាយតាមរយៈកណ្ឌគម្ពីរ អេសាយ

អធិប្បាយកណ្ឌគម្ពីរអេសាយ ដើម្បីឲ្យឃើញអំពីសិរីល្អនៃសេចក្តីសង្គ្រោះរបស់ព្រះជាម្ចាស់ដែលមានព្រះជន្មរស់ ដែលមានការឆ្លុះបញ្ចាំងលើព្រះភក្ត្ររបស់ព្រះយេស៊ូវគ្រីស្ទ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣០១

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 1

Sok Ramy១៦ កក្កដា ២០១៧
ចុះក្នុងបទគម្ពីរ បានសម្ដែងថា ព្រះបានបង្កើតមហាទេវតា៣ គឺ មីគែល កាព្រីយ៉ែល និងលូស៊ីហ្វ័រ តើនោះនៅត្រង់ណា?