ហេតុអ្វីព្រះជាម្ចាស់បង្គាប់ឲ្យហោរា ហូសេ រៀបការជាមួយស្រីសំផឹង? (ហូសេ ១:៣)

ព្រះយេហូវ៉ាបានបង្គាប់ឲ្យហោរា ហូសេ រៀបការជាមួយ «ស្រីសំផឹង [zenunim]» (១:២)។ ពាក្យនេះនៅក្នុងភាសាហេព្រើរចង្អុលបង្ហាញពីអាកប្បកិរិយាផ្លូវភេទខុសច្បាប់។ លោក ម៉ូសេ បានប្រើពាក្យនេះនៅក្នុងកណ្ឌគម្ពីរ លោកុប្បត្ដិ ៣៨:២៤...

៥ មីនា ២០២៤អានរយៈពេល ៨ នាទី

មើល២៩២ដង

«រួចព្រះយេហូវ៉ា ទ្រង់មានបន្ទូលមកខ្ញុំថា ចូរឲ្យឯងទៅស្រឡាញ់ស្រីមួយទៀតចុះ គឺជាស្រីដែលមានអ្នកដទៃស្រឡាញ់ហើយ ក៏ជាស្រីសំផឹងផង ដូចជាព្រះយេហូវ៉ាទ្រង់ក៏ស្រឡាញ់ ដល់ពួកកូនចៅអ៊ីស្រាអែលដែរ ទោះបើគេបែរទៅប្រព្រឹត្តតាមព្រះដទៃ ហើយគេចូលចិត្តនឹងផែនទំពាំងបាយជូរក៏ដោយ។ ដូច្នេះ ខ្ញុំក៏ទិញនាងមកសម្រាប់ខ្លួន ដោយប្រាក់១៥ដួងនឹងស្រូវឱក១ថាំងកន្លះ។ រួចខ្ញុំនិយាយនឹងនាងថា ត្រូវឲ្យឯងនៅសម្រាប់អញ ជាយូរលង់មិនត្រូវឲ្យក្បត់អញ ឬទៅជាប្រពន្ធរបស់អ្នកដទៃណាឡើយ អញក៏នឹងប្រព្រឹត្តចំពោះឯងដូច្នោះដែរ។ នេះពីព្រោះពួកកូនចៅអ៊ីស្រាអែលនឹងនៅឥតមានស្ដេចឬចៅហ្វាយ ឥតការថ្វាយយញ្ញបូជា ឬបង្គោលគោរព ឥតអេផូឌ ឬរូបព្រះជាយូរអង្វែង។ ក្រោយនោះ ពួកកូនចៅអ៊ីស្រាអែលនឹងវិលមកវិញ ហើយនឹងស្វែងរកព្រះយេហូវ៉ាជាព្រះនៃគេ និងដាវីឌជាស្ដេចរបស់គេនៅជាន់ក្រោយបង្អស់ គេនឹងមកពឹងជ្រកនឹងព្រះយេហូវ៉ា ហើយនឹងសេចក្ដីសប្បុរសនៃទ្រង់ដោយញាប់ញ័រ» (ហូសេ ៣:១-៥)។

ប្រពន្ធមិនស្មោះត្រង់
ព្រះយេហូវ៉ាបានបង្គាប់ឲ្យហោរា ហូសេ រៀបការជាមួយ «ស្រីសំផឹង [zenunim]» (១:២)។ ពាក្យនេះនៅក្នុងភាសាហេព្រើរចង្អុលបង្ហាញពីអាកប្បកិរិយាផ្លូវភេទខុសច្បាប់។ លោក ម៉ូសេ បានប្រើពាក្យនេះនៅក្នុងកណ្ឌគម្ពីរ លោកុប្បត្ដិ ៣៨:២៤ សំដៅទៅលើកន្លែងដែលស្រីពេស្យាចារនាង តាម៉ារ បានធ្វើសំផឹង ដើម្បីល្បួងលោក យូដា។ នាង កូមើរ ដែលជាប្រពន្ធរបស់ហោរា ហូសេ ក៏បានជាប់ឈ្មោះបែបនោះ។ នេះមិនមែនមកពីនាងគឺជាស្រីសំផឹងនោះទេ តែនេះព្រោះនាងជា (ឬក៏នឹងក្លាយទៅជា) ស្ត្រីដែលគេស្គាល់ថាអ្នកផិតក្បត់ខាងផ្លូវភេទ។

ព្រះគម្ពីរកែសម្រួលបានបកប្រែឃ្លាចុងក្រោយនៃកណ្ឌគម្ពីរ ហូសេ ១:២ ថា «ដ្បិតស្រុកនេះចេះតែប្រព្រឹត្តអំពើពេស្យា‌ចារ ដោយបោះបង់ចោលព្រះយេហូវ៉ា»។ វចនានុក្រមភាសាហេព្រើរអានដោយឆ្គាំឆ្គងថា « ដ្បិតស្រុកនេះប្រព្រឹត្តិអំពើផិតក្បត់យ៉ាងធំសម្បើមពីមុខពីក្រោយព្រះអម្ចាស់»។ នេះគឺជាការលើកឡើងដំបូងនៅក្នុងកណ្ឌគម្ពីរហូសេ ដែលព្រះជាម្ចាស់បានដាក់អង្គទ្រង់ជំនួសអ្នកដែលស្រឡាញ់មនុស្សដែលគេបោះបង់ (សូមអានបន្ថែមនៅជំពូក ២:២-៥, ជាពិសេស ខ.៥) ហោរា ហូសេ ធ្វើតាមការបង្គាប់របស់ព្រះយេហូវ៉ា ដោយរៀបការជាមួយនាង កូមើរ ហើយនាងក៏បានបង្កើតកូនប្រុសម្នាក់ឲ្យគាត់ (១:៣)។

នៅក្នុងផ្នែកនៃការបរិយាយអំពីជីវប្រវត្តិរបស់អ្នកនិពន្ធនៅជំពូក ៣:១-៥ ហោរា ហូសេ បានប្រាប់យើងអំពីសាច់រឿងរបស់គាត់ ដូចជាការបញ្ជាក់ជាថ្មីម្ដងទៀតដោយប្រាប់យើងថា ព្រះជាម្ចាស់បានត្រាស់ហៅឲ្យគាត់ធ្វើជាតំណាងរបស់ទ្រង់។ ប៉ុន្តែ ចុះស្ត្រីដែលគាត់ត្រូវយកធ្វើជាប្រពន្ធវិញនោះ ជានាង កូមើរ មែនឬ? ខគម្ពីរមិនបានលើកឡើងអំពីនាងឲ្យបានច្បាស់លាស់ណាស់ណានោះទេ។ នាងគឺជាស្រីកំផិត ហើយ «ជាស្រីដែលមានអ្នកដទៃស្រឡាញ់» នាង (ខ.១) ។ ប៉ុន្តែ វាពិតជាពិបាកយល់ណាស់ ប្រសិនបើស្ត្រីម្នាក់នោះមិនមែនជានាង កូមើរ។ ចំណុចសំខាន់នោះគឺហាក់ចង់បង្ហាញអំពីការដែលស្វាមីដ៏ចម្លែករបស់នាងបានស្វែងរកនាង ធ្វើគ្រប់អ្វីៗដែលចាំបាច់ ដើម្បីរំដោះនាងពីបុរសផ្សេងទៀត ហើយនាំនាងត្រឡប់មកផ្ទះវិញ មិនថាគាត់ត្រូវបង់ថ្លៃអស់ប៉ុន្មានក្ដី (សាច់ប្រាក់ និងស្រូវឱក ខ.២)។ នេះជាការឆ្លុះបញ្ចាំងឲ្យឃើញនូវសេចក្ដីស្រឡាញ់ដ៏មហិមារបស់ព្រះជាម្ចាស់ចំពោះសាសន៍អ៊ីស្រាអែល។ នាងខ្វះជំនឿ ហើយក៏ក្បត់ស្វាមី (ព្រះជាម្ចាស់) តាមរយៈការថ្វាយបង្គំព្រះដទៃទៀត។ នំទំពាំងបាយជូរ (ខ.១)—ដែលបានលើកឡើងទន្ទឹមជាមួយនឹង «ព្រះដទៃ)—ជាក់ស្ដែង វាជារបស់មួយពីសាសនាក្លែងក្លាយ ហើយការលើកឡើងនៅត្រង់នេះក៏ភ្ជាប់មកជាមួយការបង្ហាញឲ្យឃើញពីភាពគ្មានសេចក្ដីស្មោះត្រង់របស់អ៊ីស្រាអែល។ នាងស្រឡាញ់ការកំផិតរបស់នាង។

ហោរា ហូសេ បានដាក់នូវច្បាប់សម្រាប់នាង កូមើរ៖ នាងត្រូវតែតមរួមមេត្រីឲ្យបានយូរ។ ភាពញៀននឹងចំណង់ផ្លូវភេទរបស់នាងត្រូវតែព្យាបាលតាមរយៈការតម «ជាយូរលង់» (ខ.៣) ។ ពិតណាស់ ហោរា ហូសេ ក៏សន្យាថានឹងតមដូចគ្នាដែរ («អញក៏នឹងប្រព្រឹត្តចំពោះឯងដូច្នោះដែរ»)។ នេះគឺជារូបភាពនៃប្រជាជាតិមួយដែលពួកគេនឹងចំណាយពេលជាយូរថ្ងៃ ដើម្បីបំបាត់ស្ដេចដែលថ្វាយបង្គំព្រះក្លែងក្លាយ (ខ.៤)។ យ៉ាងហោចណាស់ នោះមានន័យថា អ៊ីស្រាអែលនឹងលែងជាប្រជាជាតិដែលមានអធិបតេយ្យទៀត។ វាក៏អាចមានន័យផងដែរថា ការលើកឡើងដោយនៅស្ថានភាពជាក់លាក់មួយអំពីអ្នកដឹកនាំនយោបាយរបស់ពួកគេគឺ ដោយព្រោះពួកគេជាក្បាលម៉ាស៊ីននៃសាសនាក្លែងក្លាយ។ ហេតុដូច្នេះហើយបានជាមានការលើកឡើង ដើម្បីនឹងបញ្ឈប់សាសនាក្លែងក្លាយនានាផងដែរ។ មិនថាក្នុងករណីណាក៏ដោយ ក្ដីអន្តរាយដែលពួកគេនឹងជួបនឹងមានប្រសិទ្ធិភាពក្នុងការបំផ្លាញដល់រចនាសម្ព័ន្ធនយោបាយ និងការអនុវត្តជំនឿរបស់ពួកគេ («គ្មានយញ្ញ‌បូជា ឬបង្គោលគោរព ក៏គ្មានអេផូឌ ឬថេរ៉ាភីមទេ» ខ.៤)។

សេចក្ដីសន្យានៃភាពស្មោះត្រង់
មិនយូរប៉ុន្មាន ក្រោយពីពេលដែលហោរា ហូសេ បានទាយ នោះសាសន៍អ៊ីស្រាអែលក៏ត្រូវបានបំផ្លិចបំផ្លាញយ៉ាងខ្ទេចខ្ទី និងត្រូវបានគេនាំយកទៅស្រុកអាសស៊ើរ (២ពង្សាវតារក្សត្រ ១៨:៩-១២)។ ប៉ុន្តែ នេះនៅមិនទាន់ចប់សម្រាប់ប្រជារាស្ត្ររបស់ព្រះជាម្ចាស់នៅលើទឹកដីរបស់ខ្លួននោះទេ ដោយសារពួកគេនឹងត្រឡប់មកវិញដូចព្រះបន្ទូលបានសន្យា (ហូសេ ៣:៥) ត្រូវបានបំពេញនៅពេលយូដាដែលជាជននិរទេសបានត្រឡប់មកពីភាពជាទាសករនៅទីក្រុងបាប៊ីឡូនវិញ «ហើយស្វែងរកព្រះយេហូវ៉ា ជាព្រះរបស់គេ ហើយដាវីឌ ជាស្ដេចរបស់គេ...ហើយនឹងចូលមករកព្រះយេហូវ៉ាទាំងញាប់ញ័រ»។ ពាក្យ «ញាប់ញ័រ» ជាធម្មតាសំដៅទៅលើភាពភ័យស្លន់ស្លោ ឬភាពភិតភ័យជាខ្លាំង៖ អ៊ីស្រាអែលអាចនឹងរៀនបានថា ការដោះស្រាយរបស់ព្រះអម្ចាស់ជាមួយនឹងអំពើបាបពិតជាតឹងរឹងណាស់។ ពិតណាស់ ព្រះបន្ទូលទំនាយនេះមិនមែនសំដៅចំពោះស្ដេច ដាវីឌ ផ្ទាល់នោះទេ។ ជំនួសនោះវិញ ទំនាយនេះសម្លឹងទៅកាន់សេចក្ដីសង្ឃឹមសម្រាប់មហាក្សត្រដ៏សុចរិតដែលនឹងគ្រងលើបល្ល័ង្កនៅក្រុងយេរូសាឡឹម គឺនៅលើបល្ល័ង្ករបស់ស្ដេច ដាវីឌ ។ អស់អ្នកដែលនៅឆ្ងាយពីព្រះយេហូវ៉ា និងពីស្ដេចរបស់ទ្រង់នឹងស្វែងរកពួកគេ ហើយពួកគេនឹងរកបានសេចក្ដីសុខសាន្ត និងស្តាទំនាក់ទំនងឡើងវិញជាមួយព្រះជាមិនខាន។

ព្រះយេហូវ៉ាបានបង្គាប់ឲ្យហោរា ហូសេ រៀបការជាមួយ «ស្រីសំផឹង » (១:២)។ ពាក្យនេះនៅក្នុងភាសាហេព្រើរចង្អុលបង្ហាញពីអាកប្បកិរិយាផ្លូវភេទខុសច្បាប់។ លោក ម៉ូសេ បានប្រើពាក្យនេះនៅក្នុងកណ្ឌគម្ពីរ លោកុប្បត្ដិ ៣៨:២៤...

និពន្ធដោយ៖ George M. Schwab Sr.
បកប្រែដោយ៖ លោក ស៊ូ ទិត្យ
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា និងលោក ង៉ែត វិទូ
ដកស្រង់ខ្លះៗ និងកែសម្រួលចេញពី www.crossway.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៦៥

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

១២២.៧K

ល្បីៗ

កំណត់ហេតុបណ្ដាញ១៣ ធ្នូ ២០២៤

តើអ្វីទៅជាអត្ថន័យបុណ្យណូអែល?

ព្រះឱរសអង្គមួយនោះ គឺជាភស្តុតាងដែលបង្ហាញថា ព្រះជាម្ចាស់ពិតជាបានស្រឡាញ់មនុស្សលោកខ្លាំងដល់ម្ល៉េះ «បានជាទ្រង់ប្រទានព្រះរាជបុត្រាទ្រង់តែ១ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ» (យ៉ូហាន ៣:១៦)។

អានបន្ថែម

តើមានន័យដូចម្តេចដែល ហោរា សាំយូអែល ត្រូវបានខាបព្រលឹងយកមកពីស្ថានឃុំព្រលឹងមនុស្សស្លាប់? (១សាំយូអែល ២៨)

៧២៤៥

កំណត់ហេតុបណ្ដាញ២១ ឧសភា ២០២៤

តើមានន័យដូចម្តេចដែល ហោរា សាំយូអែល ត្រូវបានខាបព្រលឹងយកមកពីស្ថានឃុំព្រលឹងមនុស្សស្លាប់? (១សាំយូអែល ២៨)

ស្ដេច សូល បានប្រព្រឹត្តស្របតាមច្បាប់របស់លោក ម៉ូសេ (លេវីវិន័យ ១៩:៣១; ២០:២៧; ចោទិយកថា ១៨:៩-១៤) ហើយបានសម្អាតស្រុកដោយសម្លាប់អ្នកដែលប្រព្រឹត្តមន្តអាគម និងអាបធ្មប់...

អានបន្ថែម

អត្ថបទបន្ថែមពី កំណត់ហេតុបណ្ដាញ

១១២

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧២

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម