សាសនាណាក៏ដូចគ្នា?

យើងធ្លាប់លឺគេនិយាយថា សាសនាទាំងអស់សុទ្ធតែមានគោលបំណងដូចៗគ្នា ពោលគឺដើម្បីអប់រំ ទូន្មាន ប្រៀនប្រដៅមនុស្សអោយខិតខំប្រព្រឹត្តិអំពើល្អ។ ក្នុងន័យនេះគេគិតថា គ្រីស្ទសាសនាក៏មិនខុសអីពីសាសនាទាំងអស់លើពិភពលោកផងដែរ។ តើគ្រីស្ទបរិស័ទគួរឆ្លើយតបយ៉ាងណាចំពោះទស្សនៈមួយនេះ?

១៦ វិច្ឆិកា ២០២៣អានរយៈពេល ៦ នាទី

មើល២៨៧ដង

ប្រាកដណាស់ បើយើងក្រឡេកមើលព្រះគម្ពីរបរិសុទ្ធ នោះយើងនឹងឃើញថាព្រះបន្ទូលរបស់ព្រះជាម្ចាស់បង្គាប់អោយគ្រីស្ទបរិស័ទប្រព្រឹត្តិល្អ។ តួយ៉ាង “ក្មេងរាល់គ្នាអើយ ចូរស្តាប់បង្គាប់មាតាបិតាខ្លួនក្នុងព្រះអម្ចាស់ ដ្បិតធ្វើដូច្នោះទើបត្រូវ ចូរគោរពប្រតិបត្តិដល់មាតាបិតាខ្លួន នោះជាបញ្ញត្តិមុនដំបូង” (អេភេសូរ ៦:១-២)។ “ត្រូវអោយស្រឡាញ់អ្នកជិតខាងដូចខ្លួនឯង” (ម៉ាថាយ ២២:៣៩)។ “កុំភ្លេចធ្វើទាន និងជួយគ្នាទៅវិញទៅមក ដ្បិតព្រះទ្រង់សព្វព្រះហឫទ័យនឹងគ្រឿងបូជាយ៉ាងនោះ” (ហេព្រើរ ១៣:១៦)។ល។

បើទោះបីជាយ៉ាងណាក៏ដោយ ព្រះគម្ពីរបរិសុទ្ធបានចង្អុលបង្ហាញយ៉ាងច្បាស់ថា “គ្រប់គ្នាបានធ្វើបាប ហើយខ្វះមិនដល់សិរីល្អនៃព្រះ” (រ៉ូម ៣:២៣)។ មនុស្សទាំងអស់មានបាប។ មនុស្សមិនអាចប្រព្រឹត្តិល្អឥតខ្ចោះទាំងកាយ វាចា ចិត្តឡើយ។ ឧទាហរណ៍ លោកប៉ុលបាននិយាយអំពីខ្លួនគាត់ថា “ខ្ញុំមានចិត្តចង់ធ្វើល្អជានិច្ច ប៉ុន្តែរកធ្វើមិនកើតសោះ ខ្ញុំមិនប្រព្រឹត្តិការល្អដែលខ្ញុំចង់ធ្វើនោះទេ តែការអាក្រក់ដែលខ្ញុំមិនចង់ធ្វើ នោះបែរជាខ្ញុំធ្វើវិញ” (រ៉ូម ៧:១៨-១៩)។ យើងទាំងអស់គ្នាមានបទពិសោធន៍ជាមួយនឹងការនេះ ដូចជាលោកប៉ុលផងដែរ។ ពេលខ្លះ យើងដឹងពីអ្វីដែលល្អនិងត្រឹមត្រូវ ប៉ុន្តែយើងមិនអាចធ្វើតាម ឬយើងមិនព្រមធ្វើតាមតែម្តង។ ជាក់ស្តែង យើងដឹងថាការលួចមិនល្អ វាជាអំពើបាប។ ប៉ុន្តែ តើមានប៉ុន្មាននាក់ដែលមិនធ្លាប់លួចសោះ? ដូចគ្នានេះដែរ ចំពោះការស្អប់ ការគុំគួន កំហឹង ការជេរប្រទេច ការប្រើពាក្យអសុរោះ ការប្រមាថមើលងាយ ការចង់បានទ្រព្យសម្បត្តិអ្នកដ៏ទៃ និងភាពអាត្មានិយម ។ល។ យើងទាំងអស់គ្នាសុទ្ធតែធ្លាប់បានប្រព្រឹត្តិការអាក្រក់ដោយផ្ទាល់ ឬដោយប្រយោល ដោយបើកចំហ ឬដោយលាក់កំបាំង។

ក្នុងន័យនេះផងដែរ គ្រីស្ទបរិស័ទមិនមែនប្រព្រឹត្តិល្អដើម្បីទទួលបានសេចក្តីសង្គ្រោះឡើយ។ ការនេះខុសពីសេចក្តីបង្រៀនរបស់សាសនាដ៏ទៃផ្សេងទៀត។ សេចក្តីសង្គ្រោះមិនមែនអាស្រ័យលើការប្រព្រឹត្តិល្អទេ ប៉ុន្តែ វាមកពីព្រះជាម្ចាស់។ ព្រះគម្ពីរបរិសុទ្ធបានអះអាងថា “ដ្បិតព្រះទ្រង់ស្រឡាញ់មនុស្សលោកដល់ម្ល៉េះ បានជាទ្រង់ប្រទានព្រះរាជបុត្រាទ្រង់តែមួយ ដើម្បីអោយអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺអោយមានជីវិតអស់កល្បជានិច្ចវិញ” (យ៉ូហាន ៣:១៦)។ “ដ្បិតគឺដោយព្រះគុណ ដែលអ្នករាល់គ្នាបានសង្គ្រោះ ដោយសារសេចក្តីជំនឿ ហើយសេចក្តីនោះក៏មិនមែនកើតពីអ្នករាល់គ្នាដែរ គឺជាអំណោយទានរបស់ព្រះវិញ ក៏មិនមែនដោយការប្រព្រឹត្តដែរ ក្រែងអ្នកណាអួតខ្លួន” (អេភេសូរ ២:៨-៩)។ ព្រះយេស៊ូវគ្រីស្ទ គឺជាព្រះរាជបុត្រាតែមួយអង្គគត់របស់ព្រះជាម្ចាស់ (លូកា ១:៣៥; ម៉ាកុស ៣:១១; ម៉ាថាយ ១៤:៣៣)។ ព្រះយេស៊ូវគ្រីស្ទ គឺជាផ្លូវតែមួយគត់សម្រាប់សេចក្តីសង្គ្រោះ (យ៉ូហាន ១៤:៦; កិច្ចការ ៤:១២)។ នេះគឺជាដំណឹងល្អ ព្រោះបើផ្អែកលើសេចក្តីខាងលើ មនុស្សមិនអាចប្រព្រឹត្តិល្អឥតខ្ចោះសមនឹងទទួលបានសេចក្តីសង្គ្រោះឡើយ។

បើដូច្នោះ តើគ្រីស្ទបរិស័ទចាំបាច់ត្រូវប្រព្រឹត្តិល្អដើម្បីអ្វី? សេចក្តីមួយនៅក្នុងសំបុត្ររបស់សាវ័កប៉ុល បានលើកឡើងចំពោះគ្រីស្ទបរិស័ទថា “យើងរាល់គ្នាជាស្នាដៃដែលទ្រង់បង្កើតក្នុងព្រះគ្រីស្ទយេស៊ូវសម្រាប់ការល្អ ដែលព្រះបានរៀបចំជាមុនអោយយើងរាល់គ្នាប្រព្រឹត្តិតាម” (អេភេសូរ ២:១០)។ គ្រីស្ទបរិស័ទប្រព្រឹត្តិល្អ ព្រោះវាគឺជាបំណងព្រះហឫទ័យរបស់ព្រះដែលពួកគេកំពុងតែថ្វាយបង្គំ។ ព្រះជាម្ចាស់ គឺជាព្រះដ៏ល្អ។ ព្រះអង្គគឺជាគំរូនៃសេចក្តីល្អ។ ទន្ទឹមនឹងនេះដែរ ព្រះអង្គបណ្តាលចិត្តអោយគ្រីស្ទបរិស័ទចង់ធ្វើល្អ ព្រមទាំងជួយគេអោយអាចប្រព្រឹត្តិល្អបានជាទីគាប់ព្រះហឫទ័យដល់ទ្រង់ផងដែរ (ភីលីព ២:១២-១៣)។

ជាចុងក្រោយ គ្រីស្ទបរិស័ទមិនមែនប្រព្រឹត្តិល្អដើម្បីខ្លួនឯងនោះទេ ប៉ុន្តែដើម្បីជាពន្លឺលោកិយ និងសិរីល្អរបស់ព្រះជាម្ចាស់។ ព្រះយេស៊ូវគ្រីស្ទមានព្រះបន្ទូលដោយផ្ទាល់ថា “ចូរអោយពន្លឺរបស់អ្នករាល់គ្នាបានភ្លឺនៅមុខមនុស្សលោកយ៉ាងនោះដែរ ដើម្បីអោយគេឃើញការល្អដែលអ្នករាល់គ្នាប្រព្រឹត្តិ រួចសរសើរតម្កើងដល់ព្រះវរបិតានៃអ្នករាល់គ្នា ដែលគង់នៅស្ថានសួគ៌” (ម៉ាថាយ ៥:១៦)។

សរុបសេចក្តីមក ព្រះជាម្ចាស់សព្វព្រះហឫទ័យអោយមនុស្សប្រព្រឹត្តិល្អ ក៏ប៉ុន្តែក្នុងនាមជាមនុស្សបាប យើងមិនអាចប្រព្រឹត្តិល្អគ្រប់គ្រាន់ដោយពឹងផ្អែកលើខ្លួនឯងឡើយ។ យើងត្រូវការព្រះយេស៊ូវគ្រីស្ទ ដើម្បីសម្រេចការនេះ។ មួយទៀត គ្រីស្ទបរិស័ទមិនមែនប្រព្រឹត្តិល្អក្នុងគោលបំណងរំដោះខ្លួនរួចផុតពីអំពើបាប និងដើម្បីទទួលបានសេចក្តីសង្គ្រោះឡើយ។ ផ្ទុយទៅវិញ បន្ទាប់ពីទទួលបានសេចក្តីសង្គ្រោះតាមរយៈព្រះយេស៊ូវគ្រីស្ទ នោះគ្រីស្ទបរិស័ទប្រព្រឹត្តិល្អដើម្បីជាពន្លឺលោកិយ សម្រាប់សិរីល្អរបស់ព្រះជាម្ចាស់ស្របតាមបំណងព្រះហឫទ័យរបស់ទ្រង់។

និពន្ធដោយ៖ លោក ញឹមវ៉ាន់ សុខណាល់
កែសម្រួលដោយ៖ ក្រុមការងារ ផ្លូវពិត
ដោយមានការអនុញ្ញាត។ Plovpit.com

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

អត្ថបទបន្ថែមពី កំណត់ហេតុបណ្ដាញ

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៨

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

តើមានន័យដូចម្តេចដែលស្ត្រីត្រូវចុះចូលចំពោះប្តីរបស់ខ្លួន? (អេភេសូរ ៥)

១២៩៤

ក្តៅៗ

កំណត់ហេតុបណ្ដាញ៩ ធ្នូ ២០២៥

តើមានន័យដូចម្តេចដែលស្ត្រីត្រូវចុះចូលចំពោះប្តីរបស់ខ្លួន? (អេភេសូរ ៥)

បទគម្ពីរទាំងបីនេះបញ្ជាក់ថា ប្រពន្ធមិនមែនត្រូវបានរំពឹងថាឲ្យចុះចូលចំពោះប្ដីនៃស្ត្រីគ្រប់ៗគ្នានោះឡើយ ប៉ុន្តែត្រូវចុះចូលដោយជាក់លាក់ចំពោះប្ដីរបស់នាងផ្ទាល់។

អានបន្ថែម

តើលោកអ្នកត្រូវ «ទទួលថ្លែងប្រាប់» ដើម្បីបានសង្គ្រោះ?

៦១៦២

ក្តៅៗ

កំណត់ហេតុបណ្ដាញ២ ធ្នូ ២០២៥

តើលោកអ្នកត្រូវ «ទទួលថ្លែងប្រាប់» ដើម្បីបានសង្គ្រោះ?

គ្រូក្លែងក្លាយនោះថា «ឃើញទេ! សេចក្ដីសង្គ្រោះមិនគ្រាន់តែអាស្រ័យទៅលើសេចក្ដីជំនឿប៉ុណ្ណោះទេ ប៉ុន្តែថែមទាំងលើការប្រព្រឹត្តយ៉ាងត្រឹមត្រូវនៃសេចក្ដីជំនឿនោះ នៅក្នុងការប្រកាសជាសាធារណៈ តាមរយៈទឹកនៃពិធីបុណ្យជ្រមុជទឹកនោះផងដែរ»។ អ្វីដែលមើលទៅហាក់ដូចជាធម្មតា និងច្បាស់លាស់សម្រាប់មនុស្សមួយចំនួនបានបែរក្លាយទៅជាឧបសគ្គសម្រាប់អ្នកដទៃវិញ។

អានបន្ថែម