ទីលានចម្បាំង

តើអ្វីដែលជាបន្ទាយដ៏រឹងមាំរបស់អារក្សសាតាំងដែលឃុំឃាំងព្រលឹងវិញ្ញាណរបស់មនុស្ស—បន្ទាយដ៏រឹងមាំដែលយើងកំពុងស្វែងរក ដើម្បីបំផ្លាញចោល? ចម្លើយគឺ៖ គំនិតដែលគេរិះគិត និងគ្រប់ទាំងសេចក្តីយ៉ាងខ្ពង់ខ្ពស់។ តើសមរភូមិនេះកំពុងតែកើតឡើងនៅកន្លែងណា? គឺវាកំពុងតែកើតឡើងក្នុងគំនិតយើង។

២០ មករា ២០២០អានរយៈពេល ៧ នាទី

មើល៥៩៥ដង

តើ

លោកអ្នកធ្លាប់ងឿងឆ្ងល់ដែរឬទេថា ហេតុអ្វីវាពិបាកខ្លាំងម្ល៉េះក្នុងការស្វែងរកសន្តិភាពខ្លះៗនៅក្នុងចិត្តគំនិត? ពិតណាស់! ការមានសន្តិភាពគឺជាការពិបាកក្នុងការរកណាស់ នៅពេលដែលយើងកំពុងរស់នៅក្នុងទីលានចម្បាំង។ ហើយទោះបីជាចូលចិត្ត ឬក៏មិនចូលចិត្តក្ដី ក៏លោកអ្នកនៅតែជាប់ក្នុងសង្គ្រាមនេះដែរ។ វាគឺជាសង្គ្រាមដ៏ក្ដៅគគុកបំផុតមួយ។ ទំហំនៃសង្គ្រាមនេះទៀតសោតក៏មានពេញមួយចក្រវាលទាំងស្រុងតែម្ដង។ វាពាក់ព័ន្ធជាមួយព្រះជាម្ចាស់ មនុស្សជាតិ ទេវតា ពួកអារក្សសាតាំង ពួកគ្រប់គ្រង ពួកមានអំណាច ជាតិសាសន៍នានា និងពួកអាទទឹងព្រះគ្រីស្ទផងដែរ។

យើងបំផ្លាញគំនិតដែលគេរិះគិត

ខាងក្រោមនេះគឺជារបៀបដែលសាវ័ក ប៉ុល ពណ៌នាអំពីវានៅក្នុងកណ្ឌគម្ពីរ ២កូរិនថូស ១០:៣-៥៖

«ដ្បិតទោះបើយើងខ្ញុំដើរក្នុងសាច់ឈាមមែន គង់តែមិនតយុទ្ធតាមសាច់ឈាមទេ ព្រោះគ្រឿងសាស្ត្រាវុធពិជ័យសង្គ្រាមរបស់យើងខ្ញុំ មិនមែនជារបស់ខាងសាច់ឈាមទេ គឺជាឥទ្ធិឫទ្ធិដែលមកពីព្រះ សម្រាប់នឹងរម្លំទីមាំមួនវិញ ដែលអាចនឹងរម្លាយអស់ទាំងគំនិតដែលគេរិះគិត និងគ្រប់ទាំងសេចក្តីយ៉ាងខ្ពង់ខ្ពស់ ដែលលើកខ្លួនឡើងទាស់នឹងចំណេះនៃព្រះ ព្រមទាំងនាំអស់ទាំងគំនិត ឲ្យចុះចូលស្តាប់បង្គាប់ព្រះគ្រីស្ទវិញ»។

ហើយការរិះគិតមិនមែនគ្រាន់តែនៅទីមាំមួនប៉ុណ្ណោះទេ។ វាក៏ជាសាស្ត្រាវុធនៃការបំផ្លាញដ៏ធំមួយដែរ។ លោក អ័ដាម និងនាង អេវ៉ា (និងយើងទាំងអស់គ្នារួមជាមួយពួកគាត់ដែរ) បានធ្លាក់ទៅក្នុងអំពើបាបដោយសារតែការរិះគិត។ ពួកគេបានជឿលើការរិះគិតរបស់សត្វពស់ហើយក៏បានឈប់ជឿលើព្រះជាម្ចាស់។

នេះហើយគឺជាខ្លឹមសារដ៏សាហាវនៃអំពើបាប៖ មិនជឿលើព្រះជាម្ចាស់។ ការមិនជឿលើព្រះជាម្ចាស់គឺជាការដែលចងសម្ព័ន្ធភាពជាមួយអារក្សសាតាំង។ វាជាអ្នកដែលព្រះយេស៊ូវបានមានព្រះបន្ទូលថា «ជាអ្នកសម្លាប់គេតាំងពីដើមមក វាមិនបាននៅជាប់ក្នុងសេចក្តីពិត...ដ្បិតវាជាអ្នកកំភូត ហើយជាឪពុកនៃសេចក្តីនោះឯង»

លោកអ្នកប្រាកដជាមិនចង់បានសាតាំងធ្វើជាសម្ព័ន្ធមិត្តនោះទេ។ វាជាអាមេក្បត់។ វាក្រវែលរកធ្វើពិឃាតលោកអ្នកដោយសេចក្ដីភូតកុហករបស់វា។

ចូរមានការប្រុងប្រយ័ត្នលើអារម្មណ៍របស់លោកអ្នក

ចូរមានការប្រុងប្រយ័ត្នលើអារម្មណ៍របស់លោកអ្នក។ វាគឺជាសញ្ញាដែលនាំឲ្យលោកអ្នកមានការរិះគិត។ អារម្មណ៍ដែលលោកអ្នកអាចមានទំនងជាអាចនឹងកើតឡើងដោយមានគំនិតយោបល់ ឬអារម្មណ៍មិនច្បាស់លាស់ ដែលជាទូទៅគឺជាការឆ្លើយតបចំពោះការរិះគិត។ អារម្មណ៍មិនចេះតែកើតតែឯងៗនោះឡើយ។ នៅពេលដែលយើងខឹង បាក់ទឹកចិត្ត មានចិត្តសៅហ្មង ព្រួយបារម្ភ ការមានសេចក្ដីអាណិតអាសូរចំពោះខ្លួនឯង ភាពភ័យខ្លាច ឬក៏ឆាប់ខឹង វាទំនងមកពីយើងកំពុងតែជឿលើអ្វីមួយដ៏ជាក់លាក់ហើយ។

ការធ្វើសង្គ្រាមជាមួយនឹងអំពើបាបគឺការធ្វើសង្គ្រាមជាមួយនឹងភាពគ្មានជំនឿ ឬក៏ការបំផ្លាញការរិះគិតចោល។ ហើយដើម្បីឲ្យយើងប្រយុទ្ធជាមួយនឹងភាពគ្មានជំនឿដោយមានប្រសិទ្ធភាពបាន គឺយើងត្រូវតែដាក់មន្ទិលសង្ស័យ និងការល្បួងរបស់យើងទៅក្នុងការរិះគិតដ៏ជាក់លាក់សិន។ តើអ្វីទៅជាការដ៏ជាក់លាក់ដែលត្រូវបានអះអាងឡើង ឬក៏ត្រូវបានសន្យាឡើងមកកាន់យើង? មានតែពេលនោះទេទើបយើងអាចបំផ្លាញការរិះគិតមិនពិតរបស់ខ្មាំងសត្រូវយើងជាមួយនឹងសេចក្ដីពិត។

ជ័យជម្នះដែលអាចយកឈ្នះលើពិភពលោកទាំងមូល

សេចក្ដីជំនឿរបស់យើងគឺជាអ្វីដែលយកឈ្នះលើពិភពលោកទាំងមូល (១យ៉ូហាន ៥:៤)។ នេះគឺជាមូលហេតុយ៉ាងច្បាស់ណាស់ពីការដែលអារក្សសាតាំងមិនចង់ឲ្យយើងគិតយល់យ៉ាងច្បាស់លាស់អំពីអំពើបាបរបស់យើងឡើយ។ វាចង់រក្សាទុកអ្វីៗទាំងអស់ក្នុងភាពមិនច្បាស់លាស់ ដើម្បីឲ្យវាអាចឃុំឃាំងយើង ឬក៏ដកអាវុធរបស់យើងចេញ។ ប៉ុន្តែ ព្រះយេស៊ូវសព្វព្រះហឫទ័យឲ្យយើងគិតឲ្យបានច្បាស់លាស់។ ទ្រង់សព្វព្រះហឫទ័យឲ្យយើងរាល់គ្នាដឹងពីសេចក្ដីពិត ពីព្រោះសេចក្ដីពិតនាំឲ្យយើងមានសេរីភាព៖

«បើអ្នករាល់គ្នានៅជាប់ក្នុងពាក្យខ្ញុំ នោះអ្នករាល់គ្នាជាសិស្សខ្ញុំមែន អ្នករាល់គ្នានឹងស្គាល់សេចក្តីពិត ហើយសេចក្តីពិតនោះនឹងប្រោសឲ្យអ្នករាល់គ្នាបានរួច» (យ៉ូហាន ៨:៣១-៣២)

ដូច្នេះ ក្នុងនាមយើងជាអ្នកប្រយុទ្ធ ដើម្បីឲ្យមានសេរីភាព ចូរឲ្យយើងប្រយុទ្ធជាមួយនឹង «ចិត្តរឹងរូស» ដោយកំឡាចិត្តគ្នាទៅវិញទៅមកជាប្រចាំថ្ងៃវិញ ដើម្បីឲ្យរស់នៅក្នុងសេរីភាពបាន និងសន្តិភាពព្រមទាំងសេចក្ដីពិត (ហេព្រើរ ៣:១២-១៣; យ៉ូហាន ១៦:៣៣)។

មូលហេតុគឺដោយសារសមរភូមិដ៏សំខាន់ៗបំផុតក្នុងជីវិតរបស់យើងឈ្នះ ឬចាញ់គឺអាស្រ័យលើការរិះគិតនេះឯង។

និពន្ធដោយ៖ លោកគ្រូ Jon Bloom
បកប្រែដោយ៖ លោក ខែម បូឡុង
កែសម្រួលដោយ៖ លោក ទេព រ៉ូ, លោក ឈាង បូរ៉ា, និងកញ្ញា លី វួចឡេង
ដកស្រង់ខ្លះៗចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៦

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១០៧

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២២១

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៩

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៩

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម