តើយើងត្រូវថ្វាយប្រាក់តង្វាយប៉ុន្មាន?

២០ តុលា ២០១៧អានរយៈពេល ៨ នាទី

មើល១៤៨៨ដង

គ្រូ

គង្វាលគ្រប់រូបសុទ្ធតែធ្លាប់ត្រូវបានចោទសួរនូវសំណួរនេះ។ នេះក៏ជាសំណួរដែលអ្នកអធិប្បាយនៅសិក្ខាសាលាបានជួបផងដែរ គឺនៅក្នុងវគ្គសំណួរ-ចម្លើយ៖ តើខ្ញុំត្រូវដាក់ប្រាក់តង្វាយប៉ុន្មានទៅព្រះវិហារ? តើខ្ញុំគួរដាក់ប្រាក់តង្វាយប៉ុន្មាន?

រីឯចម្លើយរបស់ខ្ញុំគឺ៖ ថ្វាយតង្វាយរហូតដល់វាអាចជះឥទ្ធិពល ហើយសូមអនុញ្ញាតឲ្យខ្ញុំ បានពន្យល់នូវអត្ថន័យដែលខ្ញុំមានទាក់ទងនឹងចម្លើយរបស់ខ្ញុំផងដែរ។

នៅក្នុងកណ្ឌគម្ពីរ ១កូរិនថូស ១៦:២ សាវ័ក ប៉ុល បានធ្វើការណែនាំក្រុមជំនុំឲ្យប្រមូលតង្វាយទុកដោយឡែកនៅថ្ងៃអាទិត្យ «តាមតែព្រះជាម្ចាស់ទ្រង់បានចម្រើនឲ្យ»។ ទាំងនេះសបញ្ជាក់ឲ្យយើងបានឃើញថា ឋានៈនៅក្នុងការថ្វាយតង្វាយមានភាពខុសៗគ្នា ដែលអ្នកខ្លះថ្វាយច្រើន និងអ្នកខ្លះទៀតថ្វាយតិច។ ព្រះជាម្ចាស់ទ្រង់បានប្រទានព្រះពរដល់យើងខុសៗគ្នា ដែលព្រះអង្គបានប្រទានប្រាក់ខែ និងទ្រព្យសម្បត្តិដល់យើងខុសៗគ្នា។ ដូចនេះហើយបានជាយើងនឹងធ្វើការថ្វាយទៅទ្រង់វិញខុសៗគ្នា។

ចំណុចក្រៅប្រធានបទ៖ ខ្ញុំមានហេតុផលជាច្រើននៅក្នុងការដែលខ្ញុំមិនជឿថា យើងត្រូវថ្វាយប្រាក់តង្វាយតែ១០% ដែលនោះជាសេចក្តីរំពឹងដ៏ទាបបំផុតដែលមានចែងនៅក្នុងព្រះគម្ពីរសញ្ញាចាស់។ សព្វថ្ងៃនេះ ចំពោះអ្នកដែលទាមទារឲ្យក្រុមជំនុំថ្វាយដង្វាយដូចនៅជំនាន់សញ្ញាចាស់ គឺពុំបានយល់អំពីបរិបទនៃសញ្ញាចាស់ទេថា តង្វាយនៅជំនាន់នោះគឺជាពន្ធ និងជាការបរិច្ចាគ។ តង្វាយនៅពេលនោះគឺជាការផ្គត់ផ្គង់សង្គម ព្រមទាំងសាសនា។ ដោយបច្ចុប្បន្ននេះ យើងពុំរស់នៅក្នុងការគ្រប់គ្រងផ្ទាល់របស់ព្រះជាម្ចាស់ដូចពួកគាត់នោះមានន័យថា យើងពុំចាំបាច់ថ្វាយនូវតង្វាយ ១០% ទៀតឡើយ។ នេះក៏ប្រហែលជាព័ត៌មានដែលជាជំនួយទាក់ទងនឹងប្រធានបទនេះ ក៏ប៉ុន្តែសម្រាប់ឯកសារនេះគឺពុំសូវមានភាពស៊ីគ្នាប៉ុន្មាននោះទេ។

នៅពេលដែលខ្ញុំឆ្លើយថា យើងគួរឲ្យរហូតដល់វាអាចជះឥទ្ធិពលបាន គឺខ្ញុំចង់សំដៅទៅលើការដែលយើងគួរឲ្យរហូតដល់ការនោះនឹងប៉ះពាល់ដល់ជីវិតរស់នៅរបស់យើង។ លោកគ្រូ អើរវិន ឡូតស៊័រ (Erwin Lutzer) បានលើកឡើងយ៉ាងច្បាស់ថា «អស់អ្នកដែលថ្វាយដោយគ្មានការលះបង់ គឺប្រៀបដូចជាមិនបានឲ្យច្រើនសោះ»។ យើងត្រូវធ្វើការថ្វាយរហូតដល់ ការនោះនឹងប៉ះពាល់ដល់យើងរហូតដល់ នឹងមានអ្វីៗមួយចំនួនដែលយើងមិនអាចធ្វើ ឬមានសម្រាប់ខ្លួនឯង ព្រោះយើងមានការប្ដេជ្ញាចិត្តក្នុងការចូលរួមចំណែកព័ន្ធកិច្ចរបស់ព្រះជាម្ចាស់។ សូមកុំយល់ច្រឡំថា លោកអ្នកត្រូវដាច់ពោះខ្លួនឯង ឬឈប់ចំណាយលើអ្វីផ្សេង ព្រោះលោកអ្នកបានថ្វាយអស់ពីខ្លួននោះឡើយ។ ការថ្វាយនេះគួរប៉ះពាល់តែយើងប៉ុណ្ណោះ ពោលគឺមិនគួរប៉ះពាល់ដល់អ្នកដែលយើងត្រូវបង់ឲ្យនោះឡើយ។ នៅត្រង់ឃ្លាថា «តាមដែលព្រះទ្រង់បានចម្រើនឲ្យ» មិនមែនមានន័យថា យើងត្រូវធ្វើឲ្យលើសពីអ្វីដែលព្រះអង្គទ្រង់បានប្រទានដល់យើងនោះឡើយ។ មានទេវវិទូមួយរូបបានធ្វើការអះអាងថា យើងគួរតែជំពាក់គេ ដើម្បីឲ្យយើងអាចនឹង «សាបព្រោះ» ដែលនោះនឹងបណ្តាលឲ្យព្រះជាម្ចាស់ទ្រង់ផ្គត់ផ្គង់យើងវិញ។ ទោះបើព្រះជាម្ចាស់ទ្រង់នឹងធ្វើបែបនោះមែន ក៏ប្រាជ្ញារបស់យើងនៅតែនាំឲ្យយើងបានដឹងថា យើងត្រូវបង់នូវអ្វីដែលយើងត្រូវបង់ និងត្រូវប្រាកដថា គ្រួសាររបស់យើងមានម្ហូបញ៉ាំ។ ជាងនេះទៅទៀតយើងត្រូវតែមានចិត្តសប្បុរស ហើយក៏ត្រូវតែប្រើប្រាជ្ញាដែរ។

ចំពោះលោកអ្នកមួយចំនួនបានយល់ថា ការថ្វាយតង្វាយ ១០% (មួយភាគដប់) គឺគាត់បានឲ្យគ្រប់គ្រាន់ហើយ រហូតដល់គិតថាការនោះបានប៉ះពាល់ជីវិតគាត់។ នេះប្រហែលជាមានន័យថា ពួកគាត់ពុំអាចធ្វើដំណើរកំសាន្តដែលចិត្តរបស់គាត់ចង់ ឬគាត់នឹងត្រូវទិញយានជំនិះមួយទឹក ជាជាងយានជំនិះថ្មី ឬក៏គាត់ត្រូវតែសន្សំលុយពីរបីឆ្នាំសិន ដើម្បីជួសជុលផ្ទះ ឬទិញផ្ទះថ្មី។ ចំពោះអ្នកផ្សេងការនេះ ទំនងនឹងកើតឡើងសម្រាប់ពួកគាត់ បើទោះបីជាគាត់ថ្វាយតែ ២% នៃប្រាក់ខែរបស់គាត់។ ចំណែកឯអ្នកមួយចំនួន ប្រហែលនឹងគិតថាការនោះនឹងកើតឡើងចំពោះពួកគាត់ ប្រសិនបើគាត់ថ្វាយ ៧៥%។ យើងខ្ញុំចង់លើកទឹកចិត្តឲ្យលោកអ្នកបន្តបង្កើនការថ្វាយរបស់លោកអ្នករហូតដល់ពេលមួយដែលការនោះពិតជាបានប៉ះពាល់ដល់ការចំណាយផ្ទាល់ខ្លួនរបស់លោកអ្នកមែន។

ការថ្វាយក្នុងលក្ខណៈដែលពុំបានប៉ះពាល់ដល់ជីវិតផ្ទាល់ខ្លួនរបស់យើង ឬពុំមែនជាការលះបង់សោះ មានន័យថា យើងមិនទាន់ថ្វាយឲ្យបានគ្រប់គ្រាន់នៅឡើយទេ។ លោកគ្រូ ស៊ី. អេស. លូវ៉ីស (C.S. Lewis) បានលើកឡើងយ៉ាងច្បាស់ និងក៏ជាជំនួយថា៖ «ប្រសិនបើការចាយវាយរបស់យើងលើភាពស្រណុកសុខស្រួល ភាពសប្បាយ ការកំសាន្ត។ល។ មានភាពស្មើគ្នានឹងការចំណាយធម្មតាដូចនឹងអ្នកដែលមានប្រាក់ខែដូចយើង ហើយ បើការបរិច្ចាគរបស់យើងមិនបានធ្វើឲ្យយើងមានភាពខ្វះមុខខ្វះក្រោយ នោះមានន័យថា យើងកំពុងតែថ្វាយតិចពេកហើយ។ ការខ្វះមុខខ្វះក្រោយមានន័យថា យើងនឹងមិនអាចធ្វើនូវអ្វីដែលយើងចង់ធ្វើ ព្រោះយើងបានបរិច្ចាគគ្រប់គ្រាន់»។

តើខ្ញុំគួរត្រូវថ្វាយប៉ុណ្ណា? គឺថ្វាយរហូតដល់វាបានជះឥទ្ធិពលមកដល់ជីវិតរស់នៅរបស់លោកអ្នក។ គ្រប់គ្រាន់នៅត្រង់ថា យើងមិនអាចទទួលបានភាពស្រណុកសុខស្រួលម៉្យាង ឬអាចដកពិសោធន៍ទៅលើអ្វីមួយដែលអាចនាំឲ្យយើងមានភាពអរសប្បាយ។ ព្រះអម្ចាស់ទ្រង់បានបង្រៀនថា បើយើងថ្វាយបែបហ្នឹង នោះអំណរដែលយើងមានឥឡូវនេះ និងនៅអនាគត គឺធំជាងអំណរដែលយើងអាចមានឥឡូវនេះ។ ការដែលយើងថ្វាយមិនមែនដោយសារព្រះជាម្ចាស់ទ្រង់ត្រូវការលុយរបស់យើងនោះឡើយ ប៉ុន្តែគឺបង្ហាញពីភាពដឹងគុណរបស់យើង និងការដែលយើងត្រូវការទ្រង់ ជាពិសេសព្រះអង្គបានប្រទានអំណរដល់យើង។ មានគ្រីស្ទបរិស័ទជាច្រើនអាចធ្វើទីបន្ទាល់ថា វាពិតជាការអស្ចារ្យ និងជារឿងដ៏បន្ទាបខ្លួនដែលមានពេញដោយអំណរផងដែរ នៅពេលដែលពួកគាត់ធ្វើការបូកនូវប្រាក់តង្វាយដែលគាត់បានថ្វាយ ក៏ដូចជាអរព្រះគុណព្រះអង្គ ដែលបានបណ្តាលឲ្យពួកគាត់ធ្វើការថ្វាយច្រើន។ ការមានឡាន ឬផ្ទះថ្មីមិនអាចប្រៀបធៀបនឹងអំណរនៃការដែលបានលះបង់តិចតួច នឹងព្រះយេស៊ូវបានឡើយដ្បិតព្រះអង្គបានលះបង់អ្វីគ្រប់យ៉ាងសម្រាប់យើង។

ចំណាំ៖ យើងបានទទួលការអនុញ្ញាតឲ្យកែសម្រួលលើឯកសារដើមរបស់អ្នកនិពន្ធ។

និពន្ធដោយ៖ លោកគ្រូ Tim Challies

បកប្រែដោយ និងកែសម្រួលដោយ៖ លោក ឈាង បូរ៉ា, លោក ជួប ប៊ុនហាក់, លោក ទេព រ៉ូ និងកញ្ញា ថន ស្ថាពរ

ដកស្រង់ខ្លះៗចេញពី www.challies.com ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៥

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

១១០៥

កំណត់ហេតុបណ្ដាញ១១ វិច្ឆិកា ២០២៥

តើស្ត្រីនឹងបានសង្គ្រោះក្នុងកាលដែលបង្កើតកូន មានន័យយ៉ាងដូចម្ដេច? (១ធីម៉ូថេ ២)

ស្ត្រីណាដែលទទួលយកតួនាទីដែលព្រះជាម្ចាស់បានតែងតាំងក្នុងខណៈដែលពួកនាងកំពុងបន្ត «សេចក្ដីជំនឿ សេចក្ដីស្រឡាញ់ នឹងសេចក្ដីបរិសុទ្ធ ទាំងមានគំនិតមារយាទ» ក្នុងគុណធម៌គ្រីស្ទបរិស័ទ នោះនាងនឹងរកឃើញថា ខ្លួននឹងបានសង្គ្រោះនៅថ្ងៃចុងក្រោយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២១៨៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៤៨

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២១

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៤

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម