តើខ្ញុំគួរអានការបកប្រែព្រះគម្ពីរមួយណា?

សូមជ្រើសរើសប្រើប្រាស់ការបកប្រែណាមួយដែលលោកអ្នកគិតថា ព្រះជាម្ចាស់បានប្រើប្រាស់ក្នុងការនាំឲ្យលោកម្នាក់ឮព្រះសូរសៀងរបស់ទ្រង់ ដោយមានពេញទៅដោយអំណាចព្រះចេស្ដា និងងាយយល់ចុះ។ ហើយសូមកុំព្យាយាមបន្ទាបបន្ថោកការបកប្រែមួយទៀត ដែលលោកអ្នកមិនប្រើប្រាស់។ សូមកុំចំណាយពេលក្នុងការបង្កឲ្យមានជម្លោះ ប៉ុន្តែផ្ទុយទៅវិញ សូមចំណាយពេលអានព្រះគម្ពីរ ទន្ទេញព្រះគម្ពីរឲ្យចាំមាត់ និងសិក្សាព្រះគម្ពីរពីមួយថ្ងៃទៅមួយថ្ងៃដោយខ្លួនឯងផ្ទាល់វិញ។ ហើយសូមប្រើប្រាស់ការបកប្រែនានាបែបជាសេចក្ដីអត្ថាធិប្បាយ ដើម្បីចម្រើនការយល់ដឹងរបស់លោកអ្នកវិញ តាមរយៈការផ្ទៀងផ្ទាត់ខគម្ពីរដែលលោកអ្នកកំពុងតែអាន ក្នុងការបកប្រែដែលលោកអ្នកបានជ្រើសរើសប្រើប្រាស់ជាគោល។

២៥ កុម្ភៈ ២០២៤អានរយៈពេល ១១ នាទី

មើល២០៧ដង

«ជម្រាបសួរលោកគ្រូ! ខ្ញុំដឹងហើយថា លោកគ្រូចូលចិត្តអានព្រះគម្ពីរបរិសុទ្ធបកប្រែឆ្នាំ១៩៥៤ (ឬក៏ឈ្មោះមួយទៀតព្រះគម្ពីរប៊ីប) ប៉ុន្តែពេលខ្លះខ្ញុំឃើញថា ខ្ញុំមានការពិបាកក្នុងការយល់ការបកប្រែព្រះគម្ពីរបរិសុទ្ធ (ពគប) ដូច្នេះពេលខ្លះខ្ញុំក៏អានការបកប្រែព្រះគម្ពីរខ្មែរបច្ចុប្បន្ន (គខប) ការបកប្រែព្រះគម្ពីរកែសម្រួលឆ្នាំ២០១៦ (គកស) ព្រះគម្ពីរគ្រីស្ទបរិស័ទខ្មែរ (គបខ) (មានតែសញ្ញាថ្មី) ឬក៏ព្រះគម្ពីរខ្មែរសាកល (គខស) ដើម្បីឲ្យកាន់តែយល់លើខគម្ពីរណាមួយ។ តើលោកគ្រូគិតថា វាសំខាន់ទេដែលយើងត្រូវតែជ្រើសរើសអាន និងសញ្ជឹងគិតលើការបកប្រែតែមួយ? ក្នុងនាមជាអ្នកជឿ ខ្ញុំចង់រស់នៅដោយពឹងលើព្រះបន្ទូល ពីព្រោះខ្ញុំដឹងថា ព្រះគម្ពីរគឺជាព្រះបន្ទូលរបស់ព្រះជាម្ចាស់។ សូមលោកគ្រូជួយផ្ដល់យោបល់លើការជ្រើសរើសយកការបកប្រែណាមួយជាគោល។ ខ្ញុំក៏ដឹងផងដែរថា គ្រូៗមួយចំនួនក៏បានជ្រើសរើសប្រើប្រាស់តែការបកប្រែមួយ ហើយអាន និងទន្ទេញឲ្យចាំមាត់ពេញមួយជីវិត ដល់ថ្នាក់ថាពួកគាត់ចាំថា ខគម្ពីរណាមួយស្ថិតនៅក្នុងទំព័រណាទៀតផង។ ឧទាហរណ៍៖ ប្រសិនបើខ្ញុំជ្រើសរើសប្រើប្រាស់តែការបកប្រែព្រះគម្ពីរបរិសុទ្ធ តើខ្ញុំនឹងបាត់បង់ការយល់ដឹងមួយចំនួនមែនឬ ជាពិសេសនៅពេលដែលខ្ញុំមិនយល់ពាក្យណាមួយ? ខ្ញុំសូមអរគុណលោកគ្រូទុកជាមុន សម្រាប់យោបល់ដែលលោកគ្រូនឹងចែកចាយ»។

ខ្ញុំស្រឡាញ់របៀបដែលគាត់សួរ ជាពិសេសទាក់ទងនឹងការចង់រស់នៅដោយពឹងលើព្រះបន្ទូល។ ការចង់ធ្វើបែបនេះគឺជាការល្អណាស់។ ហើយគាត់ក៏បានលើកឡើងយ៉ាងត្រូវផងដែរថា ខ្ញុំចូលចិត្តព្រះគម្ពីរបរិសុទ្ធ ឬក៏ព្រះគម្ពីរប៊ីប ក្នុងការអាន និងសញ្ជឹងគិត។ ខ្ញុំចង់បញ្ជាក់ថា គ្មានការបកប្រែណាល្អឲ្យឥតខ្ចោះនោះទេ គ្មានការបកប្រែណាដែលមានភាពស៊ីគ្នាទាំងស្រុងរវាងទម្រង់នៃភាពស្មើគ្នាទៅនឹងភាសាដើម តាមកម្រិតដែលអ្នកបកប្រែអាចធ្វើបាន ដើម្បីឲ្យមានការងាយស្រួលក្នុងការអាន និងរក្សាភាពថ្លៃថ្នូរឲ្យបានត្រឹមត្រូវ១០០% ហើយស្របពេលនោះអាចឲ្យមនុស្សសាមញ្ញៗទាំងអស់គ្នាអាចប្រើប្រាស់បានដែរ។ ការបកប្រែទាំងអស់សុទ្ធតែមានប្រយោជន៍។ ប៉ុន្តែ សម្រាប់ខ្ញុំ និងក្រុមជំនុំខ្ញុំ យើងបានជ្រើសរើសការបកប្រែតែមួយ (គឺព្រះគម្ពីរបរិសុទ្ធ) ដើម្បីប្រើប្រាស់ក្នុងការអាន និងសិក្សាព្រះបន្ទូលសម្រាប់ផ្ទាល់ខ្លួន និងសម្រាប់ក្រុមជំនុំរបស់ខ្ញុំ ព្រមទាំងសម្រាប់ក្មេងជំទង់ផងដែរ។ ប្រសិនបើក្រុមជំនុំខ្ញុំមានការប្រើប្រាស់ការបកប្រែព្រះគម្ពីរច្រើនពេក នោះអាចនាំឲ្យមានការពិបាកសម្រាប់យើងក្នុងការគ្រប់គ្រង ក៏ដូចជាមានភាពស៊ីគ្នាជាក្រុមជំនុំ។ ប៉ុន្តែ ការមិនមានការបកប្រែណាមួយល្អខ្លាំងជាងការបកប្រែណាមួយនោះទេ។ ការជ្រើសរើសប្រើប្រាស់ការបកប្រែណាមួយគឺជាការជ្រើសរើសរបស់យើងផ្ទាល់ ហើយយើងក៏មិនគួរបង្ខំឲ្យអ្នកដទៃប្រើប្រាស់ការជ្រើសរើសផ្ទាល់ខ្លួនរបស់យើងដែរ។ ឬក៏បន្ទាបបន្ថោកលើការបកប្រែណាមួយថា អាក្រក់ជាងការបកប្រែណាមួយផ្សេងទៀតនោះទេ។

នេះជាមូលហេតុដែលខ្ញុំគិតថា យើងត្រូវតែជ្រើសរើសប្រើប្រាស់ការបកប្រែតែមួយ ប្រសិនបើយើងជាអ្នកដឹកនាំនៅក្នុងក្រុមជំនុំ ជាពិសេសក្រុមជំនុំដែលព្យាយាមមានព័ន្ធកិច្ចនៅក្នុងគ្រប់ចំណុចនៃជីវិត។ ចំណុចមួយដែលខ្ញុំចូលចិត្តអំពីការបកប្រែព្រះគម្ពីរបរិសុទ្ធឆ្នាំ១៩៥៤ គឺថាអ្នកបកប្រែបានព្យាយាមបកប្រែឲ្យបានត្រឹមត្រូវ ហើយងាយយល់នៅពេលដែលពួកគាត់បានបកប្រែនៅពេលនោះ។ ខ្ញុំពិតជាស្រឡាញ់ការបកប្រែមួយនេះណាស់។

ការបកប្រែបច្ចុប្បន្ន ឬក៏ការបកប្រែថ្មីៗនេះបានដាក់ខ្លួនធ្វើជាអ្នកកាត់ស្រាយ ឬក៏សម្រួលលើឃ្លាណាមួយ ដើម្បីឲ្យមានភាពងាយស្រួលក្នុងការយល់។ ហើយខ្ញុំគិតថា អ្នកអានជាច្រើនដែលអានព្រះគម្ពីរដែលអ្នកបកប្រែបានកាត់ស្រាយឲ្យមានការងាយស្រួលយល់។ ឧទាហរណ៍៖ ប្រសិនបើមានការបកប្រែមួយបានបកប្រែកណ្ឌគម្ពីរ រ៉ូម ១:៥ ថា «សម្រាប់ឲ្យមានមនុស្សចុះចូល តាមសេចក្ដីជំនឿ» (ពគប) ហើយមានការបកប្រែមួយទៀតថា «ដើម្បីនាំឲ្យមានការស្ដាប់បង្គាប់តាមជំនឿ» (គកស) អ្វីដែលយើងឃើញនោះគឺថាការបកប្រែរបស់ គកស គឺជាការបកប្រែបែបកាត់ស្រាយ ខណៈពេលដែលការបកប្រែរបស់ ពគប បានព្យាយាមរក្សាទម្រង់ភាសាដើម។ ត្រង់នេះ ការបកប្រែរបស់ ពគប មិនសូវមានភាពច្បាស់លាស់ ប៉ុន្តែនោះជាលំនាំដែលភាសាដើមមាន។

ប៉ុន្តែ ការបកប្រែរបស់ គកស មានភាពច្បាស់លាស់ជាង។ ឃ្លា «ចុះចូល តាមសេចក្ដីជំនឿ» មិនសូវមានភាពច្បាស់លាស់ទេ។ យើងមិនដឹងថា ការចុះចូល និងជំនឿមានភាពស៊ីគ្នាយ៉ាងដូចម្ដេចទេ លុះត្រាតែយើងគិតអំពីចំណុចទាំងពីរនេះនៅក្នុងបរិបទរបស់វាផ្ទាល់។ ប៉ុន្តែការបកប្រែ «នាំឲ្យមានការស្ដាប់បង្គាប់តាមជំនឿ» គឺជាការបកប្រែបែបកាត់ស្រាយ ដោយមានអត្ថន័យថា ជំនឿបង្កើតឲ្យមានការស្ដាប់បង្គាប់។ បញ្ជាក់៖ នេះទំនងជាត្រូវ ហើយក៏មិនត្រឹមត្រូវដែរ ប៉ុន្តែពិតណាស់ ការបកប្រែនេះមានការងាយស្រួលយល់ជាង។ នេះទំនងជាមូលហេតុដែលមនុស្សមួយចំនួនចូលចិត្តការបកប្រែនេះ ប៉ុន្តែសូមយល់ថានេះគ្រាន់តែជាគំនិតរបស់ខ្ញុំទេ។ សម្រាប់ខ្ញុំ ខ្ញុំមិនចង់ឲ្យអ្នកបកប្រែបកប្រែក្នុងលក្ខណៈកាត់ស្រាយសម្រាប់អ្នកអានទេ។ ខ្ញុំគិតថា អ្នកកាត់ស្រាយគួរតែជាអ្នកកាត់ស្រាយផ្ទាល់ ហើយអ្នកបកប្រែមិនគួរកាត់ស្រាយឲ្យអ្នកអាន ដូចជាក្នុងករណីនេះឡើយ។

ខ្ញុំគិតថា ការលើកឡើងបែបនេះទំនងជាអាចធ្វើឲ្យអ្នកអាន ឬក៏ស្ដាប់ឯកសារនេះខកចិត្តបន្តិច ប៉ុន្តែអ្វីដែលខ្ញុំចង់បាននោះគឺថា ខ្ញុំចង់ឲ្យអ្នកអានផ្ទាល់ជាអ្នកសម្រេចចិត្តយល់អំពីឃ្លា «ចុះចូល តាមសេចក្ដីជំនឿ» ជាជាងឲ្យអ្នកបកប្រែកាត់ស្រាយសម្រាប់អ្នកអាន។ នេះជាមូលហេតុដែលខ្ញុំគិតថា ការបកប្រែដែលមិនសូវមានភាពងាយស្រួលយល់ ដូចជានៅក្នុងករណីនេះ គឺជាការបកប្រែដែលល្អជាង។ ខ្ញុំយល់ថា នៅក្នុងខគម្ពីរមួយចំនួន មានការបកប្រែដែលមានភាពស៊ីគ្នាជាមួយនឹងភាសាដើមខ្លាំងពេក ដល់ថ្នាក់ថាពិបាកយល់យ៉ាងខ្លាំងមែនទែន។ ដោយសារពេលខ្លះ វេយ្យាករណ៍នៃភាសាក្រិកមិនដំណើរការដូចជាភាសាខ្មែរទេ។ ហេតុដូច្នេះហើយ បានជាការបកប្រែនីមួយៗមានកម្រិត កំណត់ ឬក៏ព្រំដែនរបស់វា។

ដោយបានលើកឡើងដូចខាងលើ តាមដែលខ្ញុំដឹង ខ្ញុំគិតថាទាក់ទងទៅនឹងការបកប្រែនៅក្នុងភាសាយើង មិនមានការបកប្រែណាដែលនឹងនាំឲ្យយើងធ្លាក់ក្នុងសេចក្ដីបង្រៀនខុសឆ្គង ឬក៏ចាប់ផ្ដើមមានគោលជំនឿខុសឆ្គងនោះទេ។ ដូច្នេះ សំណួរដែលថា តើយើងគួរជ្រើសរើសប្រើប្រាស់បកប្រែតែមួយ ឬក៏ការបកប្រែទាំងអស់ដែលយើងមានក្នុងភាសាយើងនៅបច្ចុប្បន្ននេះ គឺជាសំណួរដ៏ល្អណាស់។ ច្បាប់នៃគោលការណ៍មួយដែលខ្ញុំមានគឺដូចនេះ៖ ចូរប្រើប្រាស់ការបកប្រែជាច្រើន ដើម្បីឲ្យកាន់តែយល់ព្រះគម្ពីរ ឬក៏ដើម្បីបង្កើនការយល់លើព្រះគម្ពីរ—ឧទាហរណ៍ ប្រើប្រាស់ការបកប្រែនានាបែបជាសេចក្ដីអត្ថាធិប្បាយ—ហើយជ្រើសរើសប្រើប្រាស់ការបកប្រែណាមួយជាគោល សម្រាប់ទន្ទេញព្រះគម្ពីរឲ្យចាំមាត់ និងសម្រាប់ចម្អែតចិត្តគំនិតរបស់លោកអ្នក។

ខ្ញុំសង្កេតឃើញថា ពីមួយឆ្នាំទៅមួយឆ្នាំ មានការពិបាកយ៉ាងខ្លាំងណាស់ក្នុងការទន្ទេញព្រះគម្ពីរឲ្យចាំមាត់—ដូចជាការទន្ទេញព្រះគម្ពីរមួយកណ្ឌទាំងមូលឲ្យចាំដូចដែលខ្ញុំធ្វើ—ប្រសិនបើខ្ញុំប្ដូរការបកប្រែពីមួយទៅការបកប្រែមួយទៀត ខ្ញុំឃើញថា ការប្ដូរការបកប្រែបានធ្វើឲ្យខ្ញុំមានការភាន់ច្រឡំ។ ខ្ញុំមិនធ្លាប់ស្គាល់បុគ្គលណា—ទោះបីខ្ញុំគិតថា បុគ្គលបែបនេះទំនងជាមាន—បានទន្ទេញព្រះគម្ពីរឲ្យចាំមាត់ អស់ជាច្រើនឆ្នាំ និងជាច្រើនកណ្ឌ បានព្យាយាមទន្ទេញមួយកណ្ឌទាំងមូល ដោយបានប្ដូរការបកប្រែមួយទៅការបកប្រែមួយទៀតនោះទេ។

ចម្លើយទូទៅរបស់ខ្ញុំគឺថា៖ ទាក់ទងទៅនឹងការបកប្រែមួយចំនួនដែលយើងមាននៅក្នុងភាសាយើង សូមជ្រើសរើសប្រើប្រាស់ការបកប្រែណាមួយដែលលោកអ្នកគិតថា ព្រះជាម្ចាស់បានប្រើប្រាស់ក្នុងការនាំឲ្យលោកម្នាក់ឮព្រះសូរសៀងរបស់ទ្រង់ ដោយមានពេញទៅដោយអំណាចព្រះចេស្ដា និងងាយយល់ចុះ។ ហើយសូមកុំព្យាយាមបន្ទាបបន្ថោកការបកប្រែមួយទៀត ដែលលោកអ្នកមិនប្រើប្រាស់។ សូមកុំចំណាយពេលក្នុងការបង្កឲ្យមានជម្លោះ ប៉ុន្តែផ្ទុយទៅវិញ សូមចំណាយពេលអានព្រះគម្ពីរ ទន្ទេញព្រះគម្ពីរឲ្យចាំមាត់ និងសិក្សាព្រះគម្ពីរពីមួយថ្ងៃទៅមួយថ្ងៃដោយខ្លួនឯងផ្ទាល់វិញ។ ហើយសូមប្រើប្រាស់ការបកប្រែនានាបែបជាសេចក្ដីអត្ថាធិប្បាយ ដើម្បីចម្រើនការយល់ដឹងរបស់លោកអ្នកវិញ តាមរយៈការផ្ទៀងផ្ទាត់ខគម្ពីរដែលលោកអ្នកកំពុងតែអាន ក្នុងការបកប្រែដែលលោកអ្នកបានជ្រើសរើសប្រើប្រាស់ជាគោល។

ទាក់ទងនឹងជម្រើសនៃការជ្រើសរើសថា យើងនឹងប្រើប្រាស់ការបកប្រែព្រះគម្ពីរមួយណា អ្វីដែលសំខាន់បំផុតនោះគឺថា យើងត្រូវតែត្រាំខួរក្បាលរបស់យើងនៅក្នុងព្រះបន្ទូលជារៀងរាល់ថ្ងៃ រហូតទាល់តែយើងបានផ្លាស់ប្រែនៅក្នុងការគិតរបស់យើង និងនៅក្នុងអារម្មណ៍របស់យើងទាំងក្នុងចិត្ត និងគំនិតដែលបានត្រាប់តាមព្រះគ្រីស្ទ។

និពន្ធដោយ៖ លោកគ្រូ John Piper
បកប្រែដោយ៖ លោកគ្រូ ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង, លោក ឯក សត្យា, លោក សឹម រក្សា និងលោក ឯក ធីម៉ូថេ
ដកស្រង់ខ្លះៗ និងកែសម្រួលចេញពី www.desiringgod.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

៣២៥

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៦៣៣៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១១១

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៨៦

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៧៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២៣៥

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៦៧

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។