ការងាររបស់ខ្ញុំពេលខ្លះត្រូវស៊ីផឹកកំដរភ្ញៀវ តើខ្ញុំអាចបាត់បង់សេចក្តីសង្គ្រោះដែរឬទេ?

ខ្ញុំសូមឆ្លើយសំណួរនេះ ក្នុងករណីប្អូនជាអ្នកជឿលើព្រះយេស៊ូវគ្រីស្ទដ៏ពិតប្រាកដ។ ដោយសារព្រះគុណ តាមរយៈជំនឿ ប្អូនបានកើតជាថ្មីរួចហើយ។ ឥឡូវប្អូនកំពុងតែព្រួយបារម្ភខ្លាចក្រែងបាត់បង់សេចក្តីសង្គ្រោះ ដោយព្រោះនៅកន្លែងធ្វើការ ពេលខ្លះប្អូនផឹកស៊ីកំដរភ្ញៀវ។

២ វិច្ឆិកា ២០២៣អានរយៈពេល ៨ នាទី

មើល២៤៤ដង

ចម្លើយ៖ ខ្ញុំសូមឆ្លើយសំណួរនេះ ក្នុងករណីប្អូនជាអ្នកជឿលើព្រះយេស៊ូវគ្រីស្ទដ៏ពិតប្រាកដ។ ដោយសារព្រះគុណ តាមរយៈជំនឿ ប្អូនបានកើតជាថ្មីរួចហើយ។ ឥឡូវប្អូនកំពុងតែព្រួយបារម្ភខ្លាចក្រែងបាត់បង់សេចក្តីសង្គ្រោះ ដោយព្រោះនៅកន្លែងធ្វើការ ពេលខ្លះប្អូនផឹកស៊ីកំដរភ្ញៀវ។

ព្រះបន្ទូលរបស់ព្រះជាម្ចាស់បានសម្តែងមកថា “ដ្បិតព្រះទ្រង់ស្រឡាញ់មនុស្សលោកដល់ម្ល៉េះ បានជាទ្រង់ប្រទានព្រះរាជបុត្រាទ្រង់តែមួយ ដើម្បីអោយអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺអោយមានជីវិតអស់កល្បជានិច្ចវិញ” (យ៉ូហាន ៣:១៦)។ នៅថ្ងៃដែលយើងទទួលជឿលើព្រះយេស៊ូវគ្រីស្ទ យើងមិនមែនទទួលបានជីវិតបណ្តោះអាសន្ន ហើយចាំមើលប្រសិនបើយើងអាចដើរតាមព្រះអង្គបានត្រឹមត្រូវឥតខ្ចោះ ទើបទ្រង់ប្រោសប្រទានជីវិតអស់កល្បដល់យើងនោះទេ។ ផ្ទុយទៅវិញ នៅថ្ងៃដែលយើងទទួលជឿលើព្រះយេស៊ូវគ្រីស្ទ យើងទទួលបានជីវិតអស់កល្បជានិច្ច។ ក្នុងន័យដូចគ្នានេះដែរ លោកសាវ័កប៉ុលបានបញ្ជាក់អោយដឹងថា “ឯពួកអ្នកដែលទ្រង់បានតម្រូវទុកជាមុន នោះទ្រង់ក៏ហៅ ហើយពួកអ្នកដែលទ្រង់បានហៅ នោះទ្រង់ក៏រាប់ទុកជាសុចរិត ហើយពួកអ្នកដែលទ្រង់បានរាប់ទុកជាសុចរិត នោះទ្រង់ក៏បានតម្កើងឡើងដែរ” (រ៉ូម ៨:៣០)។ នេះមានន័យថា ពេលដែលយើងឆ្លើយតបទៅនឹងការត្រាស់ហៅរបស់ព្រះដោយជំនឿ នោះយើងដឹងច្បាស់ប្រាកដថានៅថ្ងៃចុងក្រោយ យើងនឹងបានតម្កើងឡើងជាមួយនឹងទ្រង់ដែរ។ បងប្អូនអើយ យើងអាចទុកចិត្តព្រះបាន ព្រោះព្រះអង្គស្មោះត្រង់ ទ្រង់មិនប្រែក្រឡាស់ដូចជាមនុស្សទេ (ហេព្រើរ ១៣:៨, ២ធីម៉ូថេ ២:១១-១៣, យ៉ូហានទី១ ១:៩ )។

ដូច្នេះ គ្រីស្ទបរិស័ទដែលបានកើតជាថ្មីហើយ គេនឹងបានរស់នៅអស់កល្បជានិច្ច។ ក្នុងករណីនេះ ប្អូននឹងមិនបាត់បង់សេចក្តីសង្គ្រោះទេ។

បើទោះបីជាយ៉ាងណាក៏ដោយ ខ្ញុំសូមលើកទឹកចិត្តប្អូនអោយគិតបន្តទៀតថា តើការនេះគាប់ព្រះហឫទ័យព្រះជាម្ចាស់ដែរឬទេ? អ្នកនិពន្ធកណ្ឌគម្ពីរហេព្រើរបានលើកឡើងថា “ទ្រង់ប្រោសអោយអ្នករាល់គ្នាបានគ្រប់លក្ខណ៍ក្នុងការល្អគ្រប់ជំពូកដោយសារព្រះលោហិតនៃសញ្ញាដ៏នៅអស់កល្បជានិច្ច ប្រយោជន៍អោយអ្នករាល់គ្នាបានធ្វើតាមបំណងព្រះហឫទ័យរបស់ទ្រង់ ដោយទ្រង់ធ្វើការក្នុងអ្នករាល់គ្នាដែលគាប់ដល់ព្រះហឫទ័យនៃទ្រង់ដោយសារព្រះគ្រីស្ទយេស៊ូវ …” (ហេព្រើរ ១៣:២១)។ នៅក្នុងជីវិតថ្មី គ្រីស្ទបរិស័ទសង្វាតរស់នៅដើម្បីជាទីគាប់ព្រះហឫទ័យដល់ព្រះជាម្ចាស់ (កូរិនថូសទី២ ៥:៩)។ ហេតុដូច្នោះហើយ លោកសាវ័កប៉ុលបានក្រើនរំលឹកពួកអ្នកជឿនៅទីក្រុងអេភេសូរថា “ដ្បិតកាលពីដើម អ្នករាល់គ្នាក៏ងងឹតដែរ តែឥឡូវនេះវិញបានភ្លឺក្នុងព្រះអម្ចាស់ ដូច្នោះចូរដើរដូចជាមនុស្សភ្លឺចុះ ដ្បិតផលផ្លែនៃពន្លឺ នោះមាននៅក្នុងគ្រប់ទាំងកិរិយាល្អ សេចក្តីសុចរិត និងសេចក្តីពិត ចូរលមើលអោយដឹងសេចក្តីអ្វីដែលព្រះអម្ចាស់ទ្រង់សព្វព្រះហឫទ័យចុះ កុំអោយប្រកបក្នុងការឥតផលប្រយោជន៍របស់សេចក្តីងងឹតឡើយ…” (អេភេសូរ ៥:៨-១០)។ រាល់ថ្ងៃ យើងត្រូវសិក្សាស្វែងយល់ពីអ្វីដែលគាប់ព្រះហឫទ័យព្រះជាម្ចាស់ ហើយប្រព្រឹត្តិតាម (ភីលីព ៤:៨-៩)។ ទន្ទឹមនឹងនេះដែរ ទាក់ទងទៅនឹងការស៊ីផឹក លោកសាវ័កប៉ុលបានលើកចំៗថា “ត្រូវអោយយើងដើរតាមតែគួរគប្បី ដូចជាដើរនៅពេលថ្ងៃ មិនមែនដោយស៊ីផឹក លេងល្បែង ឬមានស្រីញី ឬដោយឈ្លោះប្រកែក និងឈ្នានីសនោះឡើយ” (រ៉ូម ១៣:១៣)។ នៅក្នុងបរិបទស្រុកខ្មែរ យើងឃើញថា ស្រាគឺជាបញ្ហាដ៏ធ្ងន់ធ្ងរបំផុតមួយ។ នៅក្រោមក្រសែភ្នែកបណ្តាជន ការផឹកស៊ីផ្តល់ជាភាពអវិជ្ជមានដ៏ច្រើនលើសលប់។ ដូច្នេះ បើតាមគំនិតខ្ញុំ ការផឹកស៊ីមិនត្រឹមតែមិនបានលើកតម្កើងសិរីល្អរបស់ព្រះជាម្ចាស់ប៉ុណ្ណោះទេ ផ្ទុយទៅវិញ វាប៉ះពាល់ដល់សិរីល្អរបស់ទ្រង់។ ក្នុងន័យនេះ វាមិនមែនជាទីគាប់ព្រះហឫទ័យដល់ព្រះជាម្ចាស់ទេ។

ចំណុចចុងក្រោយ ទាក់ទងទៅនឹងទីបន្ទាល់របស់ប្អូន។ ប្អូនគឺជាទូតដំណាងព្រះគ្រីស្ទ (កូរិនថូសទី២ ៥:២០)។ ប្អូនគឺជាអំបិល និងពន្លឺលោកិយ (ម៉ាថាយ ៥:១៣-១៦)។ ព្រះយេស៊ូវគ្រីស្ទបានមានព្រះបន្ទូលដោយផ្ទាល់ព្រះអង្គថា “ដូច្នោះ ចូរអោយពន្លឺរបស់អ្នករាល់គ្នា បានភ្លឺនៅមុខមនុស្សលោកដូច្នោះដែរ ដើម្បីអោយគេឃើញការល្អដែលអ្នករាល់គ្នាប្រព្រឹត្តិ រួចសរសើរតម្កើងដល់ព្រះវរបិតានៃអ្នករាល់គ្នា ដែលគង់នៅស្ថានសួគ៌” (ម៉ាថាយ ៥:១៦)។ ថ្វីដ្បិតបើការផឹកស៊ីមិនប៉ះពាល់ដល់សេចក្តីសង្គ្រោះរបស់ប្អូន ប៉ុន្តែវាប៉ះពាល់យ៉ាងខ្លាំងដល់ទីបន្ទាល់របស់ប្អូន។ តើមនុស្សនៅជុំវិញនឹងគិតយ៉ាងណាអំពីប្អូន អំពីសេចក្តីជំនឿរបស់ប្អូន និងអំពីព្រះដែលប្អូនថ្វាយបង្គំ នៅពេលដែលគេឃើញប្អូនផឹកស៊ីកំដរភ្ញៀវ? មួយវិញទៀត នៅក្នុងសំបុត្រផ្ញើទៅកាន់បងប្អូនរួមជំនឿនៅឯទីក្រុងរ៉ូម លោកសាវ័កប៉ុលបានរំលេចឡើងថា “គួរតែកុំអោយបរិភោគសាច់ ឬស្រាទំពាំងបាយជូរ ឬអ្វីដែលនាំអោយបងប្អូនអ្នកជំពប់ ឬរវាតចិត្ត ឬធ្វើអោយខ្សោយនោះឡើយ” (រ៉ូម ១៤:២១)។ ទីបន្ទាល់របស់គ្រីស្ទបរិស័ទមិនត្រឹមតែចំពោះអ្នកមិនជឿប៉ុណ្ណោះទេ។ ទន្ទឹមនឹងនេះដែរ យើងត្រូវរស់នៅជាទីបន្ទាល់ដល់បងប្អូនរួមជំនឿដ៏ទៃទៀត។ ឆ្លើយតបទៅនឹងព្រះគម្ពីរ រ៉ូម ១៤:២១ ខាងលើ បើការនោះបណ្តាលអោយបងប្អូនរួមជំនឿដ៏ទៃទៀតជំពប់ ឬរវាតចិត្ត ឬធ្វើអោយគេខ្សោយនោះ លោកសាវ័ក ប៉ុល ហាមមិនអោយយើងប្រព្រឹត្តិទេ។

ដូច្នោះ បើប្អូនសម្លឹងមើលបរិបទស្រុកខ្មែរ ទាក់ទងទៅនឹងបញ្ហាផឹកស៊ី សូមប្អូនគិតពិចារណាថា តើវានឹងប៉ះពាល់យ៉ាងណាខ្លះដល់ទីបន្ទាល់របស់ប្អូនចំពោះក្រុមគ្រួសារ ចំពោះឪពុកម្តាយ ចំពោះបងប្អូន ចំពោះប្រពន្ធកូន ចំពោះសាច់ញាតិ ចំពោះមិត្តភក្តិ ព្រមទាំងចំពោះអ្នកជឿដ៏ទៃផ្សេងៗទៀត។ល។

សរុបមកវិញ ថ្វីត្បិតតែការផឹកស៊ីកំដរភ្ញៀវមិនប៉ះពាល់ដល់សេចក្តីសង្គ្រោះរបស់ប្អូន ប៉ុន្តែក្នុងបរិបទស្រុកខ្មែរ យើងឃើញថា វាប៉ះពាល់យ៉ាងធ្ងន់ធ្ងរដល់ទីបន្ទាល់របស់ប្អូន និងសិរីល្អរបស់ព្រះជាម្ចាស់។ ក្នុងន័យនេះ ខ្ញុំយល់ថា វាមិនមែនជាទីសព្វព្រះហឫទ័យដល់ព្រះជាម្ចាស់ទេ។ ក្នុងនាមជាបងប្អូនរួមជំនឿ ខ្ញុំសូមលើកទឹកចិត្តប្អូនអោយទូលសូមជំនួយ និងប្រាជ្ញាពីព្រះជាម្ចាស់ ដើម្បីអោយប្អូនបានធ្វើជាពន្លឺរបស់ទ្រង់នៅកន្លែងធ្វើការរបស់ប្អូន។ វាគឺជាទីបន្ទាល់ដ៏ល្អបំផុតមួយ ប្រសិនបើអ្នកនៅជុំវិញមើលឃើញប្អូនត្រឹមត្រូវ ដោយប្អូនមិនប្រព្រឹត្តិដូចជាអ្នកដ៏ទៃ។ ស្របពេលជាមួយគ្នានេះផងដែរ បើបញ្ញាចិត្តរបស់ប្អូនប្រាប់ថា ការដែលប្អូនកំពុងតែប្រព្រឹត្តិ វាមិនត្រឹមត្រូវចំពោះព្រះជាម្ចាស់ វាកំពុងតែបន្ទាបបន្ថោកសិរីល្អរបស់ព្រះជាម្ចាស់ វាកំពុងតែប៉ះពាល់ដល់ទីបន្ទាល់របស់ប្អូន វាគឺជាការដាស់តឿនមកពីព្រះវិញ្ញាណបរិសុទ្ធ ដែលប្អូនត្រូវតែស្តាប់តាម។ ជាជម្រើសចុងក្រោយ យ៉ាងណាក៏ដោយ បើការងារនេះប៉ះពាល់ដល់សិរីល្អរបស់ព្រះជាម្ចាស់ និងទីបន្ទាល់របស់ប្អូន ខ្ញុំសូមលើកទឹកចិត្តប្អូនអោយរកការងារថ្មី ដែលអនុញ្ញាតអោយប្អូនបានធ្វើជាពន្លឺសម្រាប់មនុស្សនៅជុំវិញ និងសម្រាប់ជាសិរីល្អដល់ព្រះជាម្ចាស់៕

និពន្ធដោយ៖ លោក ញឹមវ៉ាន់ សុខណាល់
កែសម្រួលដោយ៖ ក្រុមការងារ ផ្លូវពិត
ដោយមានការអនុញ្ញាត។ Plovpit.com

តើអ្នកគិតយ៉ាងណា?

២ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៦

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៥

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២២០៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៥០

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២៥

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

២៥៦

ក្តៅៗ

កំណត់ហេតុបណ្ដាញ១៦ ធ្នូ ២០២៥

តើអ្នកដែលមិនបានសង្គ្រោះ នឹងទទួលរងទុក្ខពីការជំនុំជម្រះដ៏អស់កល្បជានិច្ចឬទេ? (២ថែស្សាឡូនីច ១)

កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។

អានបន្ថែម