អត្ថបទលេខ៤–តើការទទួលស្គាល់តែបុរសជាគ្រូអធិប្បាយរបស់ព្រះគម្ពីរសញ្ញាថ្មី ដូចគ្នានឹងការទទួលស្គាល់ភាពជាបាវបម្រើដែរឬទេ?

១២ វិច្ឆិកា ២០២៤អានរយៈពេល ៧ នាទី

មើល៧៥ដង

អត្ថបទលេខ៤–តើការទទួលស្គាល់តែបុរសជាគ្រូអធិប្បាយរបស់ព្រះគម្ពីរសញ្ញាថ្មី ដូចគ្នានឹងការទទួលស្គាល់ភាពជាបាវបម្រើដែរឬទេ?

ការកើតមានឡើងនៃភាពជាបាវបម្រើ គឺមិនស្ថិតនៅក្នុងការបង្កើតក្រឹត្យវិន័យណាមួយនោះទេ ប៉ុន្តែគឺជាការកើតមានឡើងនៃចំណងអាពាហ៍ពិពាហ៍វិញ។ ពាក្យទូន្មានរបស់សាវ័ក ប៉ុល អំពីលក្ខណៈដែលពួកបាវបម្រើ និងពួកចៅហ្វាយគួរតែមានទំនាក់ទំនងរវាងគ្នានឹងគ្នាមិនបានសន្មតថា ជាការល្អចំពោះការតាំងឡើងនៃទាសភាពនោះទេ។ ផ្ទុយទៅវិញ គ្រាប់ពូជសម្រាប់ការរំលាយទាសភាពត្រូវបានសាបព្រោះនៅក្នុងកណ្ឌគម្ពីរ ភីលេម៉ូន ខ១៦ («តែមិនមែនដូចជាបាវបម្រើទៀតឡើយ គឺលើសជាងបាវបម្រើទៅទៀតទុកដូចជាប្អូនស្ងួនភ្ងាវិញ») កណ្ឌគម្ពីរ អេភេសូរ ៦:៩ [«ចៅហ្វាយរាល់គ្នាអើយ... ទាំងលែងគំហកកំហែង (ចំពោះបាវបម្រើរបស់អ្នក)»] កណ្ឌគម្ពីរ កូឡូស ៤:១ («ពួកចៅហ្វាយរាល់គ្នាអើយ ចូរបើកឲ្យដល់អ្នកបម្រើរបស់អ្នកតាមត្រឹមត្រូវ ហើយទៀងត្រង់ចុះ») និងកណ្ឌគម្ពីរ ១ធីម៉ូថេ ៦:១-២ (ចៅហ្វាយ និងបាវបម្រើគឺជា «បងប្អូន»)។ នៅពេលដែលគ្រាប់ពូជនៃសមភាពទាំងនេះត្រូវបានចេញផ្កាពេញលេញ ការតាំងឡើងនៃទាសភាពនឹងត្រូវបានបញ្ឈប់។ តាមពិតទៅ នៅពេលដែលយើងបានយល់បានត្រឹមត្រូវអំពីកណ្ឌគម្ពីរ ១ធីម៉ូថេ ១:១០ នៅក្នុងការរាយនាម «អ្នកត្រូវបានគេយកធ្វើជាបាវបម្រើ» ក្នុងចំណោមបញ្ជីមនុស្សដែល «មនុស្សទមិឡល្មើស និងមនុស្សដែលមានបាប» (ខ៩)។

ប៉ុន្តែ សេចក្ដីទូន្មានរបស់សាវ័ក ប៉ុល អំពីលក្ខណៈដែលស្វាមីភរិយាគួរតែមានទំនាក់ទំនងចំពោះគ្នាទៅវិញទៅមកក្នុងអាពាហ៍ពិពាហ៍សន្មតបានថា ជាការល្អចំពោះការតាំងឡើងនៃចំណងអាពាហ៍ពិពាហ៍—ហើយមិនត្រឹមតែជាការល្អប៉ុណ្ណោះទេ ប៉ុន្តែវាក៏ជាមូលដ្ឋានគ្រឹះស្របតាមបំណងព្រះហឫទ័យរបស់ព្រះអាទិករតាំងពីដើមដំបូងមកផងដែរ (អេភេសូរ ៥:៣១-៣២)។ លើសពីនេះទៅទៀត សាវ័ក ប៉ុល បានកំណត់មូលដ្ឋានគ្រឹះនៃអាពាហ៍ពិពាហ៍ស្របតាមព្រះហឫទ័យរបស់ព្រះជាម្ចាស់នៅក្នុងការបង្កើតតាមលក្ខណៈដែលបង្ហាញថា ក្រឹត្យវិន័យរបស់ទ្រង់សម្រាប់អាពាហ៍ពិពាហ៍ក៏ស្របទៅតាមលំដាប់លំដោយនៃការបង្កើតផងដែរ។ សាវ័ក ប៉ុល បានដកស្រង់ព្រះបន្ទូលពីកណ្ឌគម្ពីរ លោកុប្បត្ដិ ២:២៤ «ហើយអ្នកទាំង២នោះនឹងត្រឡប់ជាសាច់តែ១សុទ្ធ» ហើយគាត់ពន្យល់ថា៖ «តែខ្ញុំនិយាយខាងឯព្រះគ្រីស្ទ និងពួកជំនុំវិញ» ។ តាមរយៈ «អាថ៌កំបាំង» នេះ គាត់បានគូសវាសគំរូនៃទំនាក់ទំនងរវាងប្ដីជាក្បាល (ជារូបតំណាងនៃព្រះគ្រីស្ទ) និងថាប្រពន្ធជារូបកាយ ឬសាច់ឈាមរបស់គាត់ (ជារូបភាពនៃក្រុមជំនុំ) និងទទួលបានភាពសមស្របនៃការដឹកនាំរបស់ប្ដី និងការចុះចូលរបស់ប្រពន្ធ។ ដូច្នេះក្រឹត្យវិន័យរបស់សាវ័ក ប៉ុល ទាក់ទងនឹងអាពាហ៍ពិពាហ៍ គឺដូចជាមានឫសគល់នៅក្នុងសេចក្ដីបង្គាប់ដែលបានបង្កើតដូចជាការតាំងឡើងផ្ទាល់ដែរ។ នេះមិនមែនជាសេចក្ដីពិតនៃភាពជាបាវបម្រើនោះទេ។ ហេតុដូច្នេះហើយ ខណៈពេលដែលម្ចាស់បាវបម្រើមួយចំនួននៅសតវត្សទីដប់ប្រាំបួនបានទទួលស្គាល់ថា ពីការជជែកអះអាងតាមរបៀបដែលស្របនឹងការការពាររបស់យើងអំពីតួនាទីផ្សេងគ្នានៅក្នុងអាពាហ៍ពិពាហ៍ គឺមានលក្ខណៈមិនស៊ីជម្រៅ និងមានលក្ខណៈនាំឲ្យមានការយល់ខុស។ ពួកអ្នកដែលព្យាយាមការពារភាពជាបាវបម្រើពីព្រះគម្ពីរច្បាស់ជាខុសក្នុងការកាត់ស្រាយរបស់ពួកគេ ហើយបានវង្វេងជាមួយនឹងការវែកញែកទាំងនោះ។

លោកស្រី ម៉ារី ស្តីវ័ត វ៉ាន់ លីវិន (Mary Stewart Van Leeuwen) បានចង្អុលបង្ហាញអំពីកណ្ឌគម្ពីរ ១ធីម៉ូថេ ៦:១-៦ យោងទៅតាមអ្នកគាំទ្រឲ្យមានទាសភាពនៅសតវត្សទី១៩ ដែលជាគ្រីស្ទបរិស័ទ «ទោះបីជាការតាំងឡើងនៃទាសភាពមិនបានឆ្លុះបញ្ចាំងពីការបង្កបង្កើតដំបូងក្ដី...លក្ខណៈដែលសាវ័ក ប៉ុល បានពឹងផ្អែកលើការបើកសម្ដែងពីព្រះយេស៊ូវផ្ទាល់មានន័យថា នរណាម្នាក់ដែលមានបំណងចង់លុបបំបាត់ភាពជាបាវបម្រើ (ឬសូម្បីតែការធ្វើឲ្យប្រសើរឡើងនូវលក្ខខណ្ឌការងាររបស់បាវបម្រើ) កំពុងប្រឆាំងនឹងបញ្ញត្តិព្រះគម្ពីរសម្រាប់សង្គម ដែលមិនចេះចប់»។ ឆ្លើយតបចំពោះការអះអាងនេះសាវ័ក ប៉ុល បានប្រើការបង្រៀនរបស់ព្រះយេស៊ូវដែលមិនឲ្យ «រក្សា» ការតាំងឡើងនៃភាពជាបាវបម្រើនោះទេ ប៉ុន្តែដើម្បីគ្រប់គ្រងអាកប្បកិរិយារបស់បាវបម្រើ និងចៅហ្វាយនាយដែលជាគ្រីស្ទបរិស័ទនៅក្នុងស្ថាប័នមួយដែលមានរួចមកហើយនៅក្នុងផ្នែកមួយដោយសារអំពើបាប។ អ្វីដែលព្រះយេស៊ូវគាំទ្រ គឺសេរីភាពនៅខាងក្នុង និងសេចក្ដីស្រឡាញ់ដែលមានឆន្ទៈក្នុងការបម្រើបន្ថែមទៀត ទោះជាការទាមទារមិនយុត្តិធម៌ក្ដី (ម៉ាថាយ ៥:៤១)។ ហេតុនេះ ជារឿងខុសឆ្គងដែលនិយាយថា ព្រះបន្ទូលរបស់ព្រះយេស៊ូវផ្ដល់មូលដ្ឋានគ្រឹះមួយសម្រាប់ទាសភាពតាមរបៀបដែលការបង្កើតផ្ដល់មូលដ្ឋានគ្រឹះសម្រាប់អាពាហ៍ពិពាហ៍។ ព្រះយេស៊ូវមិនបានផ្ដល់មូលដ្ឋានគ្រឹះណាមួយសម្រាប់ទាសភាពនោះទេ ប៉ុន្តែការបង្កើតផ្ដល់នូវមូលគ្រឹះដ៏រឹងមាំសម្រាប់អាពាហ៍ពិពាហ៍ និងសម្រាប់តួនាទីដែលជួយបំពេញដល់គ្នាទៅវិញទៅមករបស់ប្ដីប្រពន្ធ។

ចុងក្រោយ ប្រសិនបើអស់អ្នកដែលសួរសំណួរនេះមានការព្រួយបារម្ភ ដើម្បីនឹងជៀសវាងការធ្វើខុសរបស់ពួកគ្រីស្ទបរិស័ទដែលមានទំនោរការពារទាសភាពនិយម យើងត្រូវចងចាំពីលទ្ធភាពពិតប្រាកដដែលថា វាមិនមែនជាក្រុមដែលគាំទ្រថាបុរស និងស្ត្រីបំពេញបន្ថែមឲ្យគ្នាទៅវិញទៅមកទេ ប៉ុន្តែជាក្រុមដែលគាំទ្របុរស និងស្ត្រីមានភាពស្មើគ្នាវិញទេតើ។ សព្វថ្ងៃនេះ ចំណុចនេះស្រដៀងនឹងអ្នកការពារទាសភាពនៅសតវត្សទី១៩ នៅក្នុងលក្ខណៈដ៏សំខាន់បំផុត៖ ការប្រើអំណះអំណាងចេញពីព្រះគម្ពីរ ដើម្បីបង្ហាញអំពីភាពត្រឹមត្រូវនៃការអនុលោមជាបណ្ដោះអាសន្នទៅនឹងសម្ពាធដ៏ខ្លាំងមួយចំនួននៅក្នុងសង្គមនេះ (សម្រាប់ជាប្រយោជន៍ភាពជាបាវបម្រើនៅក្នុងពេលនោះ និងស្ត្រីនិយមបច្ចុប្បន្ននេះ)។

និពន្ធដោយ៖John Piperបកប្រែដោយ៖ កញ្ញា គឹម បូព្រឹក
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា, លោកស្រី ឡូញ ស្រីរដ្ឋ, លោក ង៉ែត វិទូ, លោក ឡង់ គីមឡុង និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពីសៀវភៅ «៥០សំណួរដ៏សំខាន់ៗ» ស្ដីអំពីភាពជាបុរស និងភាពជាស្ត្រីយោងតាមព្រះគម្ពីរ desiringgod.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

១១៧

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

២៩៧

កំណត់ហេតុបណ្ដាញ២៧ មេសា ២០២៥

តើខ្ញុំអាចជឿលើព្រះគម្ពីរទាំងមូល ហើយព្រះអង្គនៅមិនបានជ្រើសរើសខ្ញុំដែរឬទេ?

«ជម្រាបសួរលោកគ្រូ តើអាចទេដែលយើងជឿលើព្រះគម្ពីរទាំងមូលនៅក្នុងខួរក្បាលរបស់យើង និងជឿលើគ្រប់ចំណុចនៃសេចក្ដីពិតខាងឯជំនឿគ្រីស្ទបរិស័…

អានបន្ថែម

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

៤១៩០

កំណត់ហេតុបណ្ដាញ១៩ មេសា ២០២៥

តើអ្វីទៅធ្វើឲ្យថ្ងៃដែលព្រះអង្គមានព្រះជន្មរស់ឡើងវិញពិសេសម៉្លេះ?

ប្រសិនបើព្រះជាម្ចាស់មិនបានប្រោសព្រះគ្រីស្ទឲ្យបានមានព្រះជន្មរស់ឡើងវិញ នោះដំណឹងល្អរបស់យើងគឺជាការឥតអំពើ ជំនឿរបស់យើងគឺជាការឥតអំពើ ដែលនេះមានន័យថា យើងកំពុងតែប្រកាសដំណឹងក្លែងក្លាយ។ បើដូច្នោះមែន នោះយើងគួរតែស៊ីផឹក ហើយអរសប្បាយចុះ ដ្បិតថ្ងៃស្អែកយើងនឹងស្លាប់។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣៣០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៨

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម