ការប្រារព្ធពិធីបុណ្យណូអែល

មិនថាគ្រីស្ទបរិស័ទសម្រេចចិត្តបែបណាក៏ដោយ ទាក់ទងនឹងពិធីបុណ្យណូអែល ក៏ពួកគាត់មិនគួរប្រើប្រាស់ទស្សនៈផ្ទាល់ខ្លួនទុកជាការវ៉ៃផ្ដួលនរណាម្នាក់ចុះ ឬក៏រិះគន់នរណាម្នាក់បែបមិនត្រឹមត្រូវដែលជំទាស់នឹងទស្សនៈគាត់នោះឡើយ ហើយភាគីទាំងពីរនៃទស្សនៈនីមួយៗក៏មិនគួរប្រើប្រាស់ការសម្រេចចិត្តរបស់ខ្លួនទុកជាគ្រឿងបំពាក់ដែលជាសញ្ញានៃការផ្ដល់កិត្តិយសដែលតម្កើងអំនួតអួតអាង ដើម្បីប្រារព្ធ ឬក៏មិនប្រារព្ធផងដែរ។

៩ ធ្នូ ២០១៩អានរយៈពេល ៨ នាទី

មើល៩១៨ដង១មតិ

ការ

ជជែកវែកញែកគ្នាដេញដោលអំពីសំណួរដែលលើកឡើងថា តើគ្រីស្ទបរិស័ទគួរ ឬក៏មិនគួរប្រារព្ធពិធីបុណ្យណូអែល គឺជាព្រឹត្តិការណ៍មួយដែលបាន ហើយនឹងកំពុងនៅតែបន្តកើតឡើងអស់ជាច្រើនសតវត្សរ៍មកហើយ។ មានភាគីគ្រីស្ទបរិស័ទដែលប្ដូរផ្ដាច់ជំនឿយ៉ាងស្មោះត្រង់ចំនួនស្មើគ្នារវាងក្រុមទាំងពីរដែលនិយាយទាក់ទងទៅនឹងការជជែកគ្នាមួយនេះ ហើយភាគីទាំងពីរមានមូលហេតុជាច្រើនថាគ្រីស្ទបរិស័ទគួរ ឬក៏មិនគួរប្រារព្ធពិធីបុណ្យណូអែលក្នុងផ្ទះរបស់ខ្លួន។ ប៉ុន្តែ តើព្រះគម្ពីរមានចែងយ៉ាងដូចម្ដេចខ្លះ? តើព្រះគម្ពីរបានលើកឡើង ព្រមទាំងផ្ដល់ជូនការណែនាំយ៉ាងច្បាស់ថា តើគ្រីស្ទបរិស័ទគួរ ឬក៏មិនគួរប្រារព្ធពិធីបុណ្យណូអែលដែរឬអត់?

តោះ! ជាដំបូង ចូរយើងនាំគ្នាមើលអំពីមូលហេតុដែលគ្រីស្ទបរិស័ទមួយចំនួនមិនប្រារព្ធពិធីបុណ្យណូអែលជាមុនសិន។ ការជជែកគ្នាមួយទាស់នឹងពិធីបុណ្យណូអែលគឺថា ទំនៀមទម្លាប់នៅជុំវិញពិធីបុណ្យមួយនេះមានដើមកំណើតចេញពីប្រភពដែលមិនមែនជាគ្រីស្ទសាសនា។ ការស្វែងរកព័ត៌មានដែលអាចទុកចិត្តបានលើប្រធានបទមួយនេះគឺពិតជាពិបាកណាស់ ពីព្រោះដើមកំណើតជាច្រើននៃទំនៀមទម្លាប់របស់យើងសុទ្ធតែមានប្រភពដែលយើងមិនសូវដឹងយ៉ាងច្បាស់ ដែលជារឿយៗក៏ជាប្រភពទាស់ប្រឆាំងនឹងគ្នាទៀតផង។ កណ្ដឹង ទៀន របស់របរតាំងលម្អនានា និងពេលវេលានៃរដូវកាលគឺសុទ្ធតែមានការរៀបរាប់ក្នុងប្រវត្តិសាស្ត្រនៃការថ្វាយបង្គំរបស់ពហុទេពសាសនា ប៉ុន្តែការដែលបុគ្គលណាម្នាក់បានប្រើប្រាស់វត្ថុទាំងនោះនៅក្នុងផ្ទះរបស់គាត់គឺមិនមែនមានន័យថា បុគ្គលនោះបានវិលត្រឡប់ទៅរកពហុទេពសាសនាវិញនោះទេ។ ខណៈពេលដែលពិតជាមានទំនៀមទម្លាប់មួយចំនួនដែលមានឫសគល់ទៅនឹងពហុទេពសាសនា ក៏ស្របពេលនឹងគ្នានោះដែរក៏នៅមានទំនៀមទម្លាប់ជាច្រើនផ្សេងទៀតដែលមានឫសគល់ដ៏ពិតទាក់ទង និងអត្ថន័យនៃពិធីបុណ្យណូអែល—ការប្រសូតនៃព្រះសង្គ្រោះសម្រាប់លោកីយ៍ទាំងមូលនៅភូមិបេថ្លេហិម។ គេប្រើប្រាស់កណ្ដឹងក្នុងការគោះ ដើម្បីប្រកាសអំពីដំណឹងដ៏មានអំណរណាមួយ។ ការដុតទៀនគឺជាការរម្លឹកយើងថា ព្រះគ្រីស្ទគឺជាពន្លឺនៃលោកា (យ៉ូហាន ១:៤-៩)។ ផ្កាយដែលគេដាក់លើចុងដើមណូអែលគឺជាការរម្លឹកអំពីផ្កាយនៃភូមិបេថ្លេហិម ហើយការប្ដូរកាដូគ្នាទៅវិញទៅមក គឺជាការរម្លឹកយើងអំពីការដែលពួកហោរាពីទិសខាងកើតបានប្រទានអំណោយទៅកាន់ព្រះយេស៊ូវ ដែលជាអំណោយទានដ៏អស្ចារ្យបំផុតពីព្រះជាម្ចាស់ទៅកាន់មនុស្សលោក។

មានការជជែកវែកញែកគ្នាមួយទៀតដែលទាស់ទៅនឹងការប្រារព្ធពិធីបុណ្យណូអែល ជាពិសេសការមានដើមណូអែល គឺថាព្រះគម្ពីរហាមមិនឲ្យយកដើមឈើចូលមកក្នុងផ្ទះ ហើយតុបតែងវាទេ។ កណ្ឌគម្ពីរ យេរេមា ១០:១-១៦ គឺជាខគម្ពីរដែលគេតែងតែលើកយកមកប្រើប្រាស់ ដើម្បីប្រឆាំង ប៉ុន្តែខគម្ពីរមួយនេះកំពុងនិយាយសំដៅទៅលើការកាប់ដើមឈើ យកវាឆ្លាក់ទៅធ្វើជារូបព្រះទេតើ ហើយបន្ទាប់មកតុបតែងរូបព្រះនោះដោយប្រើប្រាស់មាសប្រាក់សម្រាប់ទុកជាគោលបំណងនៃការក្រាបចុះថ្វាយបង្គំពីមុខវា (អេសាយ ៤៤:៩-១៨)។ ដាច់ខាត! យើងមិនត្រូវដកខគម្ពីរនៅក្នុងកណ្ឌគម្ពីរយេរេមាយកមកប្រើប្រាស់ខុសបរិបទជាការជជែកវែកញែកគ្នាដ៏ត្រឹមត្រូវទាស់នឹងការមានដើមណូអែលនោះឡើយ។

គ្រីស្ទបរិស័ទ ដែលបានជ្រើសរើសមើលរំលងការប្រារព្ធពិធីបុណ្យណូអែល ចង្អុលបង្ហាញទៅលើចំណុចពិតដែលថា ព្រះគម្ពីរមិនបានផ្ដល់នូវថ្ងៃខែកំណើតរបស់ព្រះគ្រីស្ទទេ ដែលតាមពិតទៅនោះគឺជាចំណុចដ៏ពិតមែន។ ទំនងថ្ងៃទី២៥ ខែធ្នូ គឺមិនមែនជាពេលវេលានៅជិតពេលវេលាដែលព្រះយេស៊ូវបានប្រសូតផង ហើយភាគីទាំងពីរបានធ្វើការជជែកវែកញែកមួយនេះគឺត្រឹមត្រូវ មានចំណុចខ្លះស៊ីគ្នាទៅនឹងរដូវកាលនៅប្រទេសអ៊‌ីស្រាអែល ទំនៀមទម្លាប់មួយចំនួននៃការឃ្វាលសត្វចៀមនៅរដូវត្រជាក់ នឹងកាលបរិច្ឆេទនៃការដែលសាសន៍រ៉ូមធ្វើការជំរឿនប្រជាជន។ គ្មានចំណុចណាមួយក្នុងចំណោមចំណុចទាំងអស់នោះដែលមិនមានបរិមាណនៃការប៉ាន់ស្មានខ្លះៗនោះទេ ដែលចំណុចនេះនាំយើងឲ្យវិលត្រឡប់ទៅរកចំណុចពិតវិញដែលថា ព្រះគម្ពីរមិនបានប្រាប់យើងអំពីពេលវេលានៃពេលដែលព្រះយេស៊ូវប្រសូតនោះឡើយ។ មនុស្សមួយចំនួនយកចំណុចនេះមកធ្វើជាភស្តុតាងវិជ្ជមានដែលថា ព្រះជាម្ចាស់មិនសព្វព្រះហឫទ័យឲ្យយើងប្រារព្ធការប្រសូតរបស់ទ្រង់ទេ ស្របពេលនោះដែរ ក៏នៅមានមនុស្សមួយចំនួនកាត់យល់ចំណុចដែលថា ព្រះគម្ពីរមិនបានលើកឡើងគឺជាការគាំទ្រ។

គ្រីស្ទបរិស័ទមួយចំនួនបានអះអាងថា ដោយសារលោកីយ៍បានប្រារព្ធពិធីបុណ្យណូអែល—ទោះបើថា ឥឡូវនេះខាងនយោបាយលើកឡើងថាប្រសិនបើចង់និយាយឲ្យត្រូវ នោះគួរហៅពិធីបុណ្យនេះថា «ថ្ងៃសម្រាក»—ដូច្នេះហើយគ្រីស្ទបរិស័ទគួរតែគេចចេញពីវាទៅ។ ប៉ុន្តែ ចំណុចជជែកវែកញែកមួយនេះគឺដូចគ្នា និងចំណុចជជែកវែកញែកដែលសាសនាខុសឆ្គងយកមកប្រើប្រាស់ ដើម្បីបដិសេធព្រះគ្រីស្ទទាំងមូល ក៏ដូចជាក្រុមខុសឆ្គងជាច្រើនទៀតដែរ ឧទាហរណ៍ពួកសាក្សីយេហូវ៉ាដែលបដិសេធភាពជាព្រះរបស់ព្រះគ្រីស្ទ។ គ្រីស្ទបរិស័ទ ដែលប្រារព្ធពិធីបុណ្យណូអែលជាទូទៅចាត់ទុកឱកាសនោះជាពេល ដើម្បីប្រកាសអំពីព្រះគ្រីស្ទថា «ព្រះអង្គគឺជាមូលហេតុនៃការប្រារព្ធពិធីបុណ្យនេះ» ទៅកាន់ពិភពលោកទាំងមូល និងទៅកាន់អស់អ្នកដែលជាប់ក្នុងអន្ទាក់នៃសាសនាខុសឆ្គង។

ដូចដែលយើងបានឃើញរួចហើយ មិនមានហេតុផលសមរម្យណាមួយចេញពីព្រះគម្ពីរក្នុងការហាមប្រាមមិនឲ្យប្រារព្ធពិធីបុណ្យណូអែលនោះទេ។ ហើយស្របគ្នានោះដែរ ក៏មិនមានការបញ្ជាចេញពីព្រះគម្ពីរដែលតម្រូវឲ្យយើងប្រារព្ធពិធីបុណ្យនៅឯណាដែរ។ តាមពិតទៅ ជាចុងបញ្ចប់ ការប្រារព្ធ ឬក៏មិនប្រារព្ធពិធីបុណ្យណូអែលគឺជាការសម្រេចចិត្តផ្ទាល់ៗខ្លួនទេតើ។ មិនថាគ្រីស្ទបរិស័ទសម្រេចចិត្តបែបណាក៏ដោយ ទាក់ទងនឹងពិធីបុណ្យណូអែល ក៏ពួកគាត់មិនគួរប្រើប្រាស់ទស្សនៈផ្ទាល់ខ្លួនទុកជាការវ៉ៃផ្ដួលនរណាម្នាក់ចុះ ឬក៏រិះគន់នរណាម្នាក់បែបមិនត្រឹមត្រូវដែលជំទាស់នឹងទស្សនៈគាត់នោះឡើយ ហើយភាគីទាំងពីរនៃទស្សនៈនីមួយៗក៏មិនគួរប្រើប្រាស់ការសម្រេចចិត្តរបស់ខ្លួនទុកជាគ្រឿងបំពាក់ដែលជាសញ្ញានៃការផ្ដល់កិត្តិយសដែលតម្កើងអំនួតអួតអាង ដើម្បីប្រារព្ធ ឬក៏មិនប្រារព្ធផងដែរ។ ដូចនៅក្នុងរាល់គ្រប់ចំណុចទាំងអស់ យើងអាចស្វែងរកប្រាជ្ញាពីព្រះអង្គដែលប្រទានឲ្យដ៏ទូលំទូលាយទៅកាន់អស់អ្នកដែលទូលសូមពីទ្រង់ (យ៉ាកុប ១:៥) ហើយទទួលយកគ្នាទៅវិញទៅមកក្នុងក្ដីស្រឡាញ់ និងព្រះគុណបែបជាគ្រីស្ទបរិស័ទ មិនថាយើងកាន់ទស្សនៈមួយណាក៏ដោយដែលទាក់ទងនឹងបុណ្យណូអែល។

និពន្ធដោយ៖ ក្រុម Got Questions
បកប្រែដោយ៖ លោក ឈាង បូរ៉ា
កែសម្រួលដោយ៖ លោក ទេព រ៉ូ, លោក ខែម បូឡុង និងលោកស្រី ឡូញ ស្រីរដ្ឋ
ដកស្រង់ខ្លះៗចេញពី www.gotquestions.org ដោយមានការអនុញ្ញាត។

តើអ្នកគិតយ៉ាងណា?

៣ពិន្ទុ

តើលោកអ្នកយល់យ៉ាងណាដែរ?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥៣២៣

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

៤១០៩

កំណត់ហេតុបណ្ដាញ២៥ វិច្ឆិកា ២០២៥

តើ៧០អាទិត្យ ក្នុងកណ្ឌគម្ពីរដានីយ៉ែលជាអ្វី? (ដានីយ៉ែល ៩)

អត្ថន័យសំខាន់នៃការកាត់ស្រាយកណ្ឌគម្ពីរ ដានីយ៉ែល ៩:២៦-២៧ គឺជាការសង្កេតរបស់សាវ័កម៉ាថាយ ត្រង់ដែលព្រះយេស៊ូវកំពុងមានបន្ទូលអំពីការបំផ្លិចបំផ្លាញដែលត្រូវនឹងមកក្រុងយេរូសាឡឹម និងព្រះវិហារបរិសុទ្ធ (ម៉ាថាយ ២៤:១៥)។

អានបន្ថែម

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

១១២៨

កំណត់ហេតុបណ្ដាញ១៨ វិច្ឆិកា ២០២៥

សំណួរដែលបណ្តាលចិត្ត៖ វិធីសាស្ត្រថ្មី ក្នុងការពិភាក្សានៅក្នុងក្រុមតូច

ព្រះយេស៊ូវ ពួកសាវ័ក និងពួកសិស្សរបស់ទ្រង់ ពួកគេទាំងអស់បានសួរបណ្តាជននូវសំណួរជាក់លាក់។ ឥឡូវនេះ ប្រហែលជាពួកយើងគួរពិចារណាប្រើសំណួរដូចគ្នាទាំងនេះ សម្រាប់ក្រុមតូចរបស់យើងទាំងអស់។

អានបន្ថែម

អត្ថបទបន្ថែមពី កំណត់ហេតុបណ្ដាញ

១១១

កំណត់ហេតុបណ្ដាញ៦ កក្កដា ២០២៦

តើខ្ញុំអាចនៅតែមានសេចក្ដីអំណរក្នុងគ្រាដែលមានពេញដោយសេចក្ដីសង្ស័យបានដែរឬទេ?

សូមស្វាគមន៍មកកាន់ថ្ងៃច័ន្ទនេះ ជាថ្ងៃចុងក្រោយនៃខែកក្កដា។ កាលពីថ្ងៃព្រហស្បតិ៍មុន យើងបានរៀនអំពីសេចក្ដីអំណររបស់ព្រះជាម្ចាស់…

អានបន្ថែម

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១៨២៧០

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

១០២៦៣

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម