“កុំធ្វើវាអី!!” ហេតុអ្វីបានជាអ្នកមិនគួរអនុវត្តការដាក់វិន័យក្រុមជំនុំ

«កុំធ្វើវាអី» នោះជារឿងដំបូងដែលខ្ញុំប្រាប់គ្រូគង្វាល នៅពេលពួកគាត់ឃើញថាការដាក់វិន័យក្នុងក្រុមជំនុំដែលមាននៅក្នុងព្រះគម្ពីរ។ ខ្ញុំបានប្រាប់គាត់ថា «កុំធ្វើវាអី យ៉ាងហោចណាស់កុំទាន់ធ្វើវាអី»។ ហេតុអ្វីបានជាខ្ញុំផ្តល់ដំបូន្មានបែបនេះ?

២៨ មីនា ២០២៤អានរយៈពេល ១៨ នាទី

មើល១៧៣ដង

“កុំធ្វើវាអី!!” ហេតុអ្វីបានជាអ្នកមិនគួរអនុវត្តការដាក់វិន័យក្រុមជំនុំ

សូមឲ្យយើងបានគិតអំពីអ្វីដែលកើតឡើងនៅក្នុងដំណើរការនៃការឃើញនោះ។ នៅពេលដែលគ្រូ គង្វាល បានឮអំពីការដាក់វិន័យក្រុមជំនុំជាលើកដំបូង ពួកគាត់តែងតែគិតថាគំនិតនេះ គឺគួរឲ្យអស់សំណើចណាស់។ ការដាក់វិន័យស្តាប់ទៅដូចជាកិច្ចការដែលមិនមានសេចក្តីស្រឡាញ់ ប្រឆាំងនឹងការផ្សាយដំណឹងល្អ ចម្លែក ត្រូវគ្រប់គ្រង ត្រូវប្រកាន់ច្បាប់ និងត្រូវមានការវិនិច្ឆ័យទោសទៀតផង។ វាមើលទៅហាក់បីដូចជាកិច្ចការមួយដែលមិនអាចធ្វើទៅបាន។ ពួកគាត់ថែមទាំងឆ្ងល់ថា តើវាខុសច្បាប់ដែរ ឬទេ។

ពួកគាត់បានបើកព្រះគម្ពីររបស់ខ្លួន

បន្ទាប់មកពួកគាត់បែរមកមើលព្រះគម្ពីរផ្ទាល់ខ្លួនរបស់ពួកគាត់វិញ នៅពេលដែលគ្មានអ្នកណាសម្លឹងទៅកាន់ពួកគាត់។ ពួកគាត់បានអាននូវខគម្ពីរមួយចំនួនដូចជា ២ថែស្សាឡូនីច ៣:៦ ឬ កាឡាទី ៦:១ ឬក៏អត្ថបទស្តីពីការដាក់វិន័យ—១កូរិនថូស៥។ ពួកគាត់បានពិចារណាអំពីប្រវត្តិនៃការដកសមាជិកភាពក្នុងព្រះគម្ពីរសញ្ញាចាស់ ហើយពួកគាត់ចាំថា ព្រះតែងតែមានគោលបំណងសម្រាប់រាស្ដ្ររបស់ទ្រង់ ដើម្បីរស់នៅបង្ហាញពីរូបភាពនៃភាពបរិសុទ្ធរបស់អង្គទ្រង់ផ្ទាល់ (ចោទិយកថា ១៧:៧; លេវីវិន័យ ១៩:២; អេសាយ ៥២:១១; ១ពេត្រុស ១:១៦)។

បន្ទាប់មក ពួកគាត់បានបែរទៅរកសេចក្ដីបង្រៀនរបស់ព្រះយេស៊ូវផ្ទាល់ ហើយពួកគាត់បានរកឃើញថា នៅក្នុងជំពូកដូចគ្នានៅក្នុងកណ្ឌគម្ពីរម៉ាថាយដែលព្រះយេស៊ូវ បានបង្រៀនថា កុំឲ្យថ្កោលទោសគេឡើយ (សូមមើល ម៉ាថាយ ៧:១) ទ្រង់ក៏មានបន្ទូលព្រមានដល់ពួកសិស្សឲ្យប្រុងប្រយ័ត្ននឹងគ្រូក្លែងក្លាយ និងប្រឆាំងទាស់នឹងពួកអ្នកដែលអះអាងថា នឹងធ្វើតាមទ្រង់ តែមិនស្តាប់តាមព្រះបន្ទូលទ្រង់ផងដែរ (ម៉ាថាយ ៧:១៥-២០; ២១-២៣)។ នៅចុងបញ្ចប់ កណ្ឌគម្ពីរម៉ាថាយ១៨គឺជាកន្លែងដែលព្រះយេស៊ូវ បានមានបន្ទូលណែនាំអ្នកដើរតាមទ្រង់ថា ចំពោះមនុស្សមានបាបដែលមិនប្រែចិត្តនៅក្នុងស្ថានភាពជាក់លាក់ណាមួយ នោះទ្រង់ឲ្យរាប់អ្នកនោះជាអ្នកក្រៅសាសន៍វិញ (ម៉ាថាយ ១៨:១៧) ។ ប្រហែលជាក្រុមជំនុំគួរតែអនុវត្តការដាក់វិន័យ?

អ្វីដែលរុញទម្លាក់គ្រូគង្វាលមួយចំនួនដែលល្អៗ សាមញ្ញ បានសម្របសម្រួលយ៉ាងល្អ ហើយក៏ជាគ្រូគង្វាលដែលធ្លាប់មានប្រជាប្រិយភាពពីមុនមកគឺ ការឃើញថាមានក្រុមជំនុំខ្លះពិតជាបានអនុវត្តការដាក់វិន័យទាំងនេះក្នុងក្រុមជំនុំរបស់ខ្លួនមែន។ វាមិនមែនជាការចម្លែកនោះទេ ប៉ុន្តែក្រុមជំនុំដែលមានភាពរីករាយ ភាពរីកចម្រើន ក្រុមជំនុំមានទំហំធំ និងក្រុមជំនុំដែលតម្រង់ទិសដោយព្រះគុណរបស់ព្រះធ្វើការអនុវត្តបែបនេះ។

ឥឡូវនេះ គ្រូគង្វាលទាំងនេះកំពុងតែមានបញ្ហា។ ពួកគាត់ដឹងថា ពួកគាត់ត្រូវតែស្តាប់បង្គាប់ព្រះឲ្យបានច្រើន។ ពួកគាត់មានអារម្មណ៍ថា ពួកគាត់ត្រូវបានបង្ខំដោយរូបភាពនៃភាពបរិសុទ្ធក្នុងព្រះគម្ពីរ សេចក្តីស្រឡាញ់ ការរួបរួមរបស់ក្រុមជំនុំ និងពីក្រុមជំនុំមួយដែលឆ្លុះបញ្ចាំងពីព្រះតែមួយដែលទ្រង់បរិសុទ្ធ និងពេញដោយសេចក្តីស្រឡាញ់។ ពួកគាត់យល់ថា ការបរាជ័យក្នុងការអនុវត្តការដាក់វិន័យក្នុងក្រុមជំនុំបានធ្វើឲ្យក្រុមជំនុំរបស់ពួកគាត់ឈឺចាប់ និងបង្ហាញទីបន្ទាល់មិនល្អទៅកាន់លោកីយ៍។

ជាញឹកញាប់ វាគឺនៅត្រង់ចំណុចមួយដែលថា ដំណោះស្រាយដែលស្រពិចស្រពិលវាហាក់ដូចជាត្រូវបានកំណត់រួចហើយអញ្ចឹងដែរ។ «នៅចំណុចនេះ ខ្ញុំនឹងដឹកនាំក្រុមជំនុំនេះឲ្យស្របតាមព្រះគម្ពីរ ប្រសិនបើ វាជារឿងចុងក្រោយដែលខ្ញុំធ្វើ!» ហើយវាជារឿងពិត ដែលកើតឡើងញឹកញាប់ណាស់ក្នុងជីវិតរបស់យើង។

ដូចជាដុំពពកមួយផុសចេញពីផ្ទៃមេឃពណ៌ខៀវស្រឡះល្អ

ប្រហែលជានៅក្នុងការអធិប្បាយព្រះបន្ទូល គឺវាជាភាពសុខសាន្តមួយចូលទៅក្នុងជីវិត ដែលមានអត្ថន័យល្អសម្រាប់ក្រុមជំនុំដែលគ្មានកំហុស និងជឿលើព្រះគម្ពីរ ហើយផ្លេកបន្ទោរនៃការដាក់វិន័យក្នុងក្រុមជំនុំត្រូវបានប៉ះទង្គិច។ វាប្រហែលជាការប៉ះទង្គិចនៅក្នុងការសន្ទនារវាងគ្រូគង្វាល និងគ្រូជំនួយ។ វាអាចស្ថិតក្នុងការចាត់ចែងយ៉ាងប្រញាប់ប្រញាល់នៅក្នុងការប្រជុំជាមួយសមាជិកក្រុមជំនុំ។ ប៉ុន្តែ នៅកន្លែងណាមួយដែលមានការប៉ះទង្គិច ជាធម្មតាតែងតែនាំមកជាមួយនូវភាពស្មោះត្រង់ដ៏អស្ចារ្យ និងការដកស្រង់បទគម្ពីរជាច្រើននៅក្នុងក្រុមជំនុំ។

ក្រោយមក សកម្មភាពដ៏ស្មោះត្រង់ត្រូវបានធ្វើឡើង។

បន្ទាប់មក ការឆ្លើយតបត្រូវបានចូលមកដល់៖ នោះហើយគឺជា ការយល់ខុស និងអារម្មណ៍ឈឺចាប់។ ការចោទប្រកាន់ប្រឆាំងត្រូវបានធ្វើឡើង។ អំពើបាបត្រូវបានវាយប្រហារ និងត្រូវបានការពារ។ ឈ្មោះអ្នកប្រព្រឹត្តអំពីបាប ត្រូវបានហៅ។ ការជូរចត់ ត្រូវកើតមានឡើង! បទចម្រៀងនៃក្រុមជំនុំក្នុងតំបន់ បានប្រែក្លាយទៅជាបទចម្រៀងចម្រូងចម្រាសនៃការជជែកដេញដោល និងការចោទប្រកាន់គ្នាក្នុងក្រុមជំនុំ។ សមាជិកក្រុមជំនុំស្រែកឡើងថា «តើវាត្រូវបញ្ឈប់នៅត្រង់កន្លែងឯណា?» ហើយ «តើអ្នកគិតថា អ្នកល្អឥតខ្ចោះមែនដែរឬទេ?»។

ការដាក់វិន័យក្នុងក្រុមជំនុំ៖ កុំធ្វើវាអី យ៉ាងហោចណាស់កុំទាន់ធ្វើវាអី

តើគ្រូគង្វាលត្រូវធ្វើអ្វី? ដំបូន្មានរបស់ខ្ញុំគឺ «សូមកុំយកខ្លួនឯងចូលទៅក្នុងស្ថានភាពនេះជាមុន។ សូមឈប់អនុវត្តវាមួយរយៈ នៅពេលដែលអ្នកបានឃើញថា ការដាក់វិន័យក្នុងក្រុមជំនុំ ដែលត្រូវបានធ្វើឡើងដើម្បីកែតម្រូវ គឺជាអ្វីដែលមានការគាំទ្រចេញពីព្រះគម្ពីរ»។ (ការដាក់វិន័យក្នុងក្រុមជំនុំគឺត្រូវមានទាំងការកែតម្រូវ និងការអប់រំ ហើយបន្ទាប់ពីនោះមក គឺសំដៅទៅលើកិច្ចការនៃការបង្រៀន ឬការបង្កើតគ្រីស្ទបរិស័ទនៅក្នុងក្រុមជំនុំ)។

ឥឡូវ មកដល់ត្រង់ចំណុចនេះ លោកអ្នកប្រហែលជាកំពុងគិតថា “លោក ម៉ាកុស តើលោកកំពុងប្រាប់យើងមិនឲ្យស្តាប់តាមព្រះគម្ពីរមែនឬ?!»។

តាមពិតទៅ ខ្ញុំមិនមែនមានន័យបែបនោះទេ។ ខ្ញុំកំពុងព្យាយាមជួយលោកអ្នកឲ្យធ្វើអ្វីដែលព្រះយេស៊ូវ បានមានបន្ទូលណែនាំដល់ពួកសិស្សរបស់ទ្រង់ឲ្យធ្វើ (សូមមើល លូកា ១៤:២៥-៣៣) ៖ សូមគិតគូរពីតម្លៃ មុននឹងចាប់ផ្ដើមធ្វើវា។ សូមប្រាកដថា ក្រុមជំនុំរបស់លោកអ្នកយល់បានល្អ និងទទួលយកការបង្រៀនតាមព្រះគម្ពីរនេះ។ គោលដៅរបស់លោកអ្នក មិនមែនជាការប្រព្រឹត្តតាមភ្លាមៗដោយការបណ្ដេញចេញនោះទេ ប៉ុន្តែជាក្រុមជំនុំដែលត្រូវបានកែទម្រង់ដោយព្រះបន្ទូលរបស់ព្រះ។ លោកអ្នកចង់ឲ្យពួកគេ ដើរក្នុងផ្លូវមួយដែលត្រឹមត្រូវ។ ហើយការនោះទាមទារឲ្យលោកអ្នក ឃ្វាលពួកគាត់ដោយមានភាពអត់ធ្មត់។

តើលោកអ្នកគួរឃ្វាលក្រុមជំនុំរបស់ខ្លួនយ៉ាងដូចម្ដេច ដើម្បីឆ្ពោះទៅរកការដាក់វិន័យបាន?

ចំណុចទីមួយ សូមលើកទឹកចិត្តឲ្យមានការបន្ទាបខ្លួន។ សូមជួយក្រុមជំនុំរបស់យើងឲ្យមើលឃើញថា ពួកគាត់ប្រហែលជាបានយល់ខុសអំពីស្ថានភាពជីវិតខាងឯវិញ្ញាណរបស់ពួកគាត់ផ្ទាល់។ សូមពិចារណាអំពី ឧទាហរណ៍របស់មនុស្សម្នាក់នៅក្នុងកណ្ឌគម្ពីរ ១កូរិនថូស ៥ ព្រមទាំងការដាស់តឿនរបស់ សាវ័ក ប៉ុល ដល់គ្រីស្ទបរិស័ទនៅក្រុងកូរិនថូសនៅក្នុងកណ្ឌគម្ពីរ ២កូនរិនថូស ១៣:៥។ សាវ័ក ប៉ុល បានបង្គាប់ឲ្យយើងពិចារណាមើលខ្លួនយើងផ្ទាល់ ដើម្បីឲ្យដឹងថា តើយើងស្ថិតក្នុងសេចក្តីជំនឿឬទេ។ តើសមាជិកក្រុមជំនុំរបស់លោកអ្នកទទួលស្គាល់ថា ពួកគេត្រូវជួយគ្នាទៅវិញទៅមក ដើម្បីពិចារណាមើលពីសេចក្តីជំនឿផ្ទាល់ខ្លួនរបស់ពួកគេដែរឬទេ?

ចំណុចទីពីរ ត្រូវប្រាកដថា ក្រុមជំនុំរបស់លោកអ្នកមានការយល់ដឹងពីព្រះគម្ពីរ អំពីសមាជិកភាពក្នុងក្រុមជំនុំ។ សមាជិកក្រុមជំនុំមិនយល់ពីការដាក់វិន័យក្នុងក្រុមជំនុំទេ ដោយព្រោះពួកគាត់មិនយល់ពីភាពជាសមាជិកនៅក្នុងក្រុមជំនុំ។ សមាជិកភាព គឺជាទំនាក់ទំនងក្នុងក្រុមជំនុំ។ ទំនាក់ទំនងនេះមិនត្រូវបានបង្កើត ជួយគាំទ្រ ឬត្រូវបញ្ចប់ទៅវិញដោយសកម្មភាពរបស់ក្រុមជំនុំណាម្នាក់នោះទេ។ សមាជិកម្នាក់ មិនអាចចូលរួមក្នុងក្រុមជំនុំដោយខ្លួនឯង ដោយគ្មានការយល់ព្រមពីក្រុមជំនុំបានទេ។ ដូចគ្នាផងដែរ សមាជិកក្រុមជំនុំម្នាក់ មិនអាចបន្តសមាជិកភាព ឬចាកចេញពីភាពជាសមាជិកនៃក្រុមជំនុំណាមួយ ដោយមិនមានការយល់ព្រមច្បាស់លាស់ ឬជាក់លាក់ពីក្រុមជំនុំនោះបានទេ (លើកលែងតែដោយសារមូលហេតុនៃការស្លាប់)។ នោះគឺជាការដែលនិយាយត្រង់ចំៗ ប៉ុន្តែអ្វីដែលខ្ញុំចង់និយាយជាគោលគឺថា វាជាកិច្ចការរបស់ក្រុមជំនុំក្នុងការសម្រេចចិត្តថា តើសមាជិករបស់ខ្លួនជានរណា។ ហើយសមាជិកក្រុមជំនុំ មិនអាចចាកចេញពីក្រុមជំនុំ ដោយស្រួលៗឡើយ នៅពេលពួកគេស្ថិតក្នុងអំពើបាបដែលមិនទាន់ប្រែចិត្ត។

ទោះជាយ៉ាងណាក៏ដោយ និមិត្តនៃការក្លាយជាសមាជិកបែបនេះត្រូវតែបង្ហាញភាពវិជ្ជមានជាមុនសិន។ យើងត្រូវយល់ពីអ្វីដែលព្រះគម្ពីរបង្រៀនអំពីសមាជិកភាពនៃក្រុមជំនុំ។ សូមប្រាកដថា លោកអ្នកបានស្គាល់ខ្លួនឯងជាមួយនឹងចំណុចសំខាន់ៗ និងបទគម្ពីរសំខាន់ៗជាច្រើន ដែលលោកអ្នកអាចរំលឹកដល់សមាជិកក្រុមជំនុំ នៅពេលពួកគេមានសំណួរនោះ។ សូមស្វែងរកមើលឱកាសនៅក្នុងសេចក្ដីអធិប្បាយរបស់លោកអ្នក ដើម្បីបង្រៀនអំពីភាពខុសគ្នារវាងក្រុមជំនុំ និងលោកីយ៍ ហើយអំពីរបៀបនៃការបង្រៀនអំពីភាពខុសគ្នានោះថា តើវាមានសារៈសំខាន់យ៉ាងណាសម្រាប់លក្ខណៈ និងបេសកកម្មរបស់ក្រុមជំនុំ។ ជួយក្រុមជំនុំរបស់លោកអ្នកឲ្យបានប្រមូលផ្តុំរូបភាពនៃផែនការរបស់ព្រះបែបនេះ សម្រាប់ក្រុមជំនុំរបស់គាត់ ដែលជាចំណុចគ្រោងសំខាន់ៗនៃការដាក់វិន័យ ប៉ុន្តែវាត្រូវបានចាប់ផ្ដើមឲ្យមើលឃើញច្បាស់លាស់ ដោយការអវត្តមានរបស់ពួកគាត់ពីការអនុវត្តចំណុចគ្រោងសំខាន់ៗទាំងនោះក្នុងក្រុមជំនុំរបស់លោកអ្នក។ លោកអ្នកត្រូវចាំថា សមាជិកក្រុមជំនុំត្រូវតែយល់ច្បាស់អំពីសមាជិកភាព និងការដាក់វិន័យ ពីព្រោះពួកគាត់ជាអ្នកដែលត្រូវអនុវត្តវានៅក្នុងក្រុមជំនុំ។

ចំណុចទីបី សូមអធិស្ឋានសុំឲ្យព្រះជួយលោកអ្នកធ្វើជាគំរូក្នុងព័ន្ធកិច្ចបម្រើដល់គ្រីស្ទបរិស័ទផ្សេងទៀតក្នុងក្រុមជំនុំរបស់លោកអ្នក ដោយការបង្រៀនជាសាធារណៈរបស់លោកអ្នកនៅក្នុងក្រុមជំនុំ និងការបង្រៀនដល់សមាជិកម្នាក់ៗជាលក្ខណៈឯកជន និងកិច្ចការផ្ទាល់ខ្លួនរបស់លោកអ្នកជាមួយក្រុមគ្រួសារ។ លោកអ្នក ធ្វើការបម្រើ ដើម្បីឆ្ពោះទៅរកការបង្កើត «វប្បធម៌នៃភាពជាសិស្ស» និងទំនួលខុសត្រូវក្នុងក្រុមជំនុំរបស់លោកអ្នកដែលគ្រីស្ទបរិស័ទយល់ថា មូលដ្ឋានគ្រឹះនៃការដើរតាមព្រះយេស៊ូវ គឺជួយអ្នកដទៃឲ្យបានដើរតាមព្រះយេស៊ូវដែរ (ទាំងតាមរយៈការផ្សាយដំណឹងល្អ និងការបង្រៀនគ្រីស្ទបរិស័ទផ្សេងទៀត)។ សូមជួយគ្រីស្ទបរិស័ទផ្សេងទៀតឲ្យយល់អំពីទំនួលខុសត្រូវពិសេសដែលពួកគាត់មានចំពោះសមាជិកផ្សេងទៀតនៅក្នុងក្រុមជំនុំរបស់ពួកគាត់ចុះ។ ចូរបង្រៀនពួកគាត់ថា ជីវិតជាគ្រីស្ទបរិស័ទ គឺជាជីវិតផ្ទាល់ខ្លួន ប៉ុន្តែមិនមែនជា ជីវិតឯកជននោះទេ។

ចំណុចទីបួន រៀបចំច្បាប់ និងសេចក្តីសញ្ញាជាលាយលក្ខណ៍អក្សរនៃក្រុមជំនុំរបស់លោកអ្នក។ វាជារឿងដែលល្អក្នុងការស្វែងរកដំបូន្មានមួយចំនួនខាងឯផ្នែកច្បាប់ទូទៅ។ លោកអ្នក ត្រូវចាប់ផ្តើមបង្រៀនថ្នាក់មុនពេលក្លាយជាសមាជិកភាព ដែលទាក់ទងនឹងបញ្ហារបស់សមាជិកភាព និងការដាក់វិន័យ ដែលត្រូវតែធ្វើការបង្រៀនឲ្យបានច្បាស់លាស់។

ចំណុចទីប្រាំ និងជាចំណុចចុងក្រោយ នៅក្នុងកិច្ចបម្រើផ្សាយរបស់លោកអ្នក មិនត្រូវនឿយហត់នឹងការបង្រៀនអំពីអ្វីដែលជាអត្ថន័យនៃភាពជាគ្រីស្ទបរិស័ទនោះទេ។ លោកអ្នកត្រូវធ្វើការកំណត់ដំណឹងល្អ និងការប្រែចិត្តឲ្យបានទៀងទាត់។ ត្រូវបង្រៀនយ៉ាងច្បាស់ថា ក្រុមជំនុំមួយមានគោលបំណងបង្កើតឡើង ដើម្បីឲ្យមនុស្សមានបាបមានការប្រែចិត្ត ហើយពួកគេទុកចិត្តលើព្រះគ្រីស្ទតែមួយអង្គប៉ុណ្ណោះ ហើយទ្រង់ បានធ្វើការធានាអះអាងអំពីការទុកចិត្តនោះ។ អធិស្ឋានសូមឲ្យលោកអ្នកនឹងផ្ដោតលើដំណឹងល្អ។ សូមដោះស្រាយបញ្ហាទាំងនេះ ដោយជំនួយដែលមកពីព្រះ នោះលោកអ្នកនឹងដឹកនាំក្រុមជំនុំរបស់លោកអ្នក ឲ្យផ្លាស់ប្តូរបន្តិចម្តងៗ ប៉ុន្តែលោកអ្នកត្រូវធ្វើបែបនេះឲ្យបានជាប់លាប់។ ជាជាងការទុកឲ្យក្រុមជំនុំរបស់លោកអ្នកក្លាយទៅជាក្រុមជំនុំមួយដែលជាទីកន្លែងចម្លែកក្នុងការសួរសមាជិកក្រុមជំនុំអំពីសុខភាពក្នុងជីវិតខាងឯវិញ្ញាណរបស់ពួកគេ លោកអ្នកគួរអធិស្ឋានឲ្យក្រុមជំនុំលោកអ្នកចាប់ផ្ដើមក្លាយជាក្រុមជំនុំមួយដែលចម្លែក ប្រសិនបើគ្មានសមាជិកណាម្នាក់បានសួរនាំអំពីជីវិតផ្ទាល់របស់លោកអ្នក។

លោកអ្នកនឹងដឹងថា លោកអ្នកបានត្រៀមខ្លួនរួចរាល់នៅពេលដែល…

លោកអ្នកអាចដឹងបានថា ក្រុមជំនុំរបស់លោកអ្នកត្រៀមខ្លួនរួចរាល់ ដើម្បីអនុវត្តការដាក់វិន័យក្នុងក្រុមជំនុំនៅពេលដែល៖

អ្នកដឹកនាំក្រុមជំនុំរបស់លោកអ្នកបានយល់ បានយល់ស្របជាមួយ ហើយបានយល់ឃើញពីសារៈសំខាន់របស់ការដាក់វិន័យ (ភាពជាអ្នកដឹកនាំដែលមានភាពចាស់ទុំ ដែលបានចែករំលែកក្នុងចំណោមពួកចាស់ទុំមួយចំនួន គឺពួកគាត់មានយល់ស្របជាមួយនឹងបទគម្ពីរ ហើយការយល់ស្របបែបនេះ គឺវាមានប្រយោជន៍យ៉ាងច្រើនសម្រាប់ការដឹកនាំក្រុមជំនុំតាមរយៈការពិភាក្សាដែលអាចប្រែប្រួលបាន)។
ក្រុមជំនុំរបស់លោកអ្នកត្រូវបានរួបរួមក្នុងការយល់ដឹងថា ការដាក់វិន័យបែបនេះគឺធ្វើតាមព្រះគម្ពីរ។
ភាគច្រើន សមាជិកភាពរបស់លោកអ្នកគឺជាអ្នកដែលបានស្តាប់ការអធិប្បាយព្រះបន្ទូលរបស់លោកអ្នកយ៉ាងទៀងទាត់។
រឿងដ៏ច្បាស់លាស់មួយនឹងកើតឡើង គឺសមាជិកក្រុមជំនុំរបស់លោកអ្នកនឹងយល់ឃើញរួមគ្នាថា ការដកសមាជិកភាពគឺជាសកម្មភាពមួយដ៏ត្រឹមត្រូវ (ឧទាហរណ៍៖ ការដកសមាជិកភាពចេញពីក្រុមជំនុំដោយសារអំពើផិតក្បត់ គឺជាអ្វីមួយដែលពួកគាត់ងាយនឹងព្រមព្រៀងគ្នាក្នុងចំណោមសមាជិករបស់លោកអ្នក ជាជាងការដកសមាជិកភាពដោយសារការមិនចូលរួមក្រុមជំនុំ)។

ដូច្នេះ បងប្អូនមិត្តសម្លាញ់របស់ខ្ញុំដែលជាគ្រូគង្វាលទាំងអស់គ្នាអើយ! ទោះបីជាលោកអ្នកធ្លាប់គិតថា គំនិតនៃការដាក់វិន័យក្នុងក្រុមជំនុំគឺគួរឲ្យអស់សំណើចក៏ដោយ ក៏ខ្ញុំសូមអធិស្ឋានឲ្យអ្នករាល់គ្នាសូមព្រះជួយលោកអ្នក ដើម្បីដឹកនាំក្រុមជំនុំរបស់លោកអ្នកឲ្យឃើញថា វាគឺជាកិច្ចការដ៏គួរឲ្យស្រឡាញ់ គួរឲ្យរំភើប គួរឲ្យទាក់ទាញ ខុសប្លែកពីគេ គួរឲ្យគោរព និងជាកិច្ចការដែលសប្បុរសដោយការស្តាប់បង្គាប់ និងមានសេចក្ដីមេត្តាករុណា ហើយកិច្ចការនេះ ជួយកសាងក្រុមជំនុំមួយដែលនាំមកនូវសិរីល្អដល់ព្រះអម្ចាស់។

ប៉ុន្តែ សូមចាំថា នៅពេលដែលលោកអ្នក បានជឿជាក់ជាលើកដំបូងនៃរឿងរ៉ាវសម្រាប់ការដាក់វិន័យក្នុងក្រុមជំនុំនៅក្នុងព្រះគម្ពីរ ជំហានដំបូងរបស់លោកអ្នកនៅក្នុងក្រុមជំនុំដែលបានធ្វើឡើង គឺប្រហែលជាលោកអ្នក ត្រូវចាប់ផ្ដើមដោយមិនមានការអនុវត្តការដាក់វិន័យ ដូច្នេះនៅថ្ងៃណាមួយ លោកអ្នកអាចអនុវត្តវាបាននៅក្នុងក្រុមជំនុំរបស់លោកអ្នក។

និពន្ធដោយ៖ Mark Dever
បកប្រែដោយ៖ លោក ង៉ែត វិទូ
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក ស៊ូ ទិត្យ, លោកស្រី ឡូញ ស្រីរដ្ឋ និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី 9marks.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

១៨០

កំណត់ហេតុបណ្ដាញ២៩ សីហា ២០២៤

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

ការនិយាយអំពីដំណឹងល្អជាមួយអ្នកដែលមិនមែនជាគ្រីស្ទបរិស័ទបានបង្ខំឲ្យយើងយល់កាន់តែច្បាស់អំពីចំណុចស្នូលនៃដំណឹងល្អ ដែលគាំទ្រសេចក្តីពិតនៃព្រះបន្ទូលរបស់ព្រះ។ បញ្ហាដូចជា លក្ខណសម្បត្តិរបស់ព្រះ ភាពបរិសុទ្ធ សេចក្តីក្រោធ ការបង្កើតមនុស្សនៅក្នុងរូបអង្គទ្រង់ អំពើបាប ព្រះគុណ ឈើឆ្កាងនៃព្រះគ្រីស្ទ និងការជំនុំជម្រះដែលទាំងអស់នេះហើយ សុទ្ធតែត្រូវមានការផ្ដោតអារម្មណ៍យ៉ាងមុតមាំ។ យើងត្រូវតែមានការគិតតាមរយៈការពន្យល់ពីគោលគំនិតទាំងនេះ ទៅកាន់មនុស្សផ្សេងៗគ្នា និងក្នុងកាលៈទេសៈផ្សេងៗគ្នា។ ហើយយើងរៀនបានកាន់តែច្បាស់ពី សេចក្តីពិតទាំងនេះបានភ្ជាប់ជាមួយគ្នានូវបទគម្ពីរទាំងអស់ គឺចាប់ពីកណ្ឌគម្ពីរ លោកុប្បត្ដិ ដល់កណ្ឌគម្ពីរ វិវរណៈ។

អានបន្ថែម

មូលហេតុប្រាំយ៉ាង យើងមិនបង្កើតសិស្ស (ភាគ៤)

១១៤៦

កំណត់ហេតុបណ្ដាញ២២ សីហា ២០២៤

មូលហេតុប្រាំយ៉ាង យើងមិនបង្កើតសិស្ស (ភាគ៤)

បងប្អូនប្រុសស្រីខ្ញុំអើយ ក្នុងការលត់ដំអ្នកផ្សេងៗទៀត មិនថាចេញពីអាសនា ឬតាមរយៈការសន្ទនាប្រចាំថ្ងៃជាមួយគ្នាក្ដី—តើយើងកំពុងតែកេងចំណេញពីដំណឹងល្អ? តើយើងនិយាយអំពីដំណឹងល្អដោយមិនបានពន្យល់ថាជាអ្វីឬទេ?

អានបន្ថែម

ហេតុអ្វីបានជាការបំពេញបន្ថែមគ្នាទៅវិញទៅមក មានសារៈសំខាន់ខ្លាំងចំពោះភាពជាសិស្ស?

៧០

កំណត់ហេតុបណ្ដាញ២៥ កក្កដា ២០២៤

ហេតុអ្វីបានជាការបំពេញបន្ថែមគ្នាទៅវិញទៅមក មានសារៈសំខាន់ខ្លាំងចំពោះភាពជាសិស្ស?

បើគ្មានគំរូបែបដូច្នេះទេ ដំណឹងល្អ គឺពិតជាពិបាកក្នុងការពន្យល់ ហើយវាស្ទើរតែដូចជាអ្នកបកប្រែព្រះគម្ពីរម្នាក់ ដែលគាត់ចង់ធ្វើការពណ៌នាពន្យល់អំពី ព្រះយេស៊ូវថាជា «កូនចៀម» នៃព្រះ ទៅក្នុងវប្បធម៌នៃមនុស្សព្រៃម្នាក់ ដែលគាត់មិនធ្លាប់ឮអំពីកូនចៀម ឬយញ្ញបូជាអញ្ចឹងដែរ។ កំណត់ចំណាំពីអ្នកកែសម្រួល៖ កំណែនៃអត្ថបទនេះត្រូវបានចេញផ្សាយជាលើកដំបូងនៅក្នុងទស្សនាវដ្ដី នៅខែកក្កដា-សីហា ឆ្នាំ២០១០៖ ការគង្វាលស្ត្រី។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២២០

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

“កុំធ្វើវាអី!!” ហេតុអ្វីបានជាអ្នកមិនគួរអនុវត្តការដាក់វិន័យក្រុមជំនុំ

២៨ មីនា ២០២៤អានរយៈពេល ១៨ នាទី

មើល១៧៣ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

អត្ថ​ប្រយោជន៍​ប្រាំ​មួយ​យ៉ាង​នៃ​ការ​ផ្សាយ​ដំណឹង​ល្អ​ សម្រាប់​ការ​បង្កើត​សិស្ស

មូលហេតុ​​ប្រាំ​យ៉ាង ​យើង​មិន​បង្កើត​សិស្ស (ភាគ៤)

ហេតុ​អ្វី​បានជា​ការ​បំពេញ​បន្ថែម​គ្នា​ទៅ​វិញ​ទៅ​មក​ មាន​សារៈសំខាន់​ខ្លាំង​ចំពោះ​ភាព​ជា​សិស្ស?

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

អត្ថ​ប្រយោជន៍​ប្រាំ​មួយ​យ៉ាង​នៃ​ការ​ផ្សាយ​ដំណឹង​ល្អ​ សម្រាប់​ការ​បង្កើត​សិស្ស

មូលហេតុ​​ប្រាំ​យ៉ាង ​យើង​មិន​បង្កើត​សិស្ស (ភាគ៤)

ហេតុ​អ្វី​បានជា​ការ​បំពេញ​បន្ថែម​គ្នា​ទៅ​វិញ​ទៅ​មក​ មាន​សារៈសំខាន់​ខ្លាំង​ចំពោះ​ភាព​ជា​សិស្ស?

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

មូលហេតុប្រាំយ៉ាង យើងមិនបង្កើតសិស្ស (ភាគ៤)

ហេតុអ្វីបានជាការបំពេញបន្ថែមគ្នាទៅវិញទៅមក មានសារៈសំខាន់ខ្លាំងចំពោះភាពជាសិស្ស?

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

មូលហេតុប្រាំយ៉ាង យើងមិនបង្កើតសិស្ស (ភាគ៤)

ហេតុអ្វីបានជាការបំពេញបន្ថែមគ្នាទៅវិញទៅមក មានសារៈសំខាន់ខ្លាំងចំពោះភាពជាសិស្ស?

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)