ការបង្កើតសិស្ស ពាក់ព័ន្ធយ៉ាងខ្លាំងជាមួយនឹង ការបង្រៀន និងការត្រាប់តាម។ ការបង្កើតសិស្សផ្សារភ្ជាប់ជាមួយនឹងសេចក្ដីស្រឡាញ់។
ការបង្កើតសិស្ស ពាក់ព័ន្ធយ៉ាងខ្លាំងជាមួយនឹង ការបង្រៀន និងការត្រាប់តាម។ ការបង្កើតសិស្សផ្សារភ្ជាប់ជាមួយនឹងសេចក្ដីស្រឡាញ់។ នៅពេលដែលយើងបង្រៀនដោយសេចក្ដីស្រឡាញ់ដល់អ្នកជឿក្មេងជាងក្នុងការគោរពកោតខ្លាចព្រះ និងរស់នៅក្នុងជីវិតដែលគួរឲ្យកោតសរសើរ នោះពួកគេនឹងរីកចម្រើនក្នុងភាពដូចជាព្រះគ្រីស្ទដោយការត្រាប់តាមគោលលទ្ធិ និងជីវិតរបស់យើងដែរ (សូមមើលនៅក្នុង ១ធីម៉ូថេ ៤:១៦)។
ការបង្រៀន៖ ព្រះគម្ពីរបានត្រាស់ហៅគ្រូគង្វាល និងឪពុកម្ដាយឲ្យទូន្មានដល់អស់អ្នកដែលទ្រង់បានប្រទានឲ្យពួកគាត់គ្រប់គ្រងមើលថែរក្សា (សុភាសិត, កាឡាទី ៦:៦, អេភេសូរ ៦:៤, ១ថែស្សាឡូនិច ៤:៨, ១ធីម៉ូថេ ១:១៨, ៦:៣, ២ធីម៉ូថេ ២:២៥, ៤:២)។ ហើយព្រះគម្ពីរក៏បានត្រាស់បង្គាប់ឲ្យអ្នកជឿទាំងអស់គ្នាទូន្មានគ្នាទៅវិញទៅមកផងដែរ (រ៉ូម ១៥:១៤)។
ការត្រាប់តាម៖ គ្រីស្ទបរិស័ទគឺជាអស់អ្នកដែលយកតម្រាប់តាមគ្នា ទី១ គឺយកតម្រាប់តាមព្រះ ហើយបន្ទាប់មក គឺយកតម្រាប់តាមគ្នាទៅវិញទៅមក។ យើងរីកចម្រើននៅក្នុងព្រះគុណរបស់ព្រះដោយការស្ដាប់ និងការយកតម្រាប់តាម។ សូមពិចារណាអំពីបទគម្ពីរខាងក្រោមនេះ៖
សេចក្ដីស្រឡាញ់៖ មនុស្សនឹងយកតម្រាប់តាមលោកអ្នក ទោះបីជានៅពេលដែលលោកអ្នកមិនបានស្រឡាញ់ពួកគេក៏ដោយ។ ប៉ុន្តែ អ្នកដឹកនាំដែលដឹកនាំដោយសេចក្ដីស្រឡាញ់ គឺតំណាងឲ្យរូបភាពដ៏ល្អបំផុតរបស់ព្រះគ្រីស្ទ ហើយអ្នកដទៃនឹងដើរតាមលោកអ្នកនៅពេលដែលលោកអ្នកស្រឡាញ់ពួកគេ។
មិត្តភាព៖ ក្នុងអត្ថន័យមួយ ការបង្កើតសិស្ស គឺមានន័យយ៉ាងសាមញ្ញថា មិត្តភាព ប៉ុន្តែជាមិត្តភាពមួយដែលដឹកនាំទៅរកព្រះគ្រីស្ទ។ តើមិត្តភាពមានលក្ខណៈយ៉ាងដូចម្ដេច? ពួកគេយកតម្រាប់តាមគ្នាទៅវិញទៅមក។ ក្នុងការបង្កើតសិស្ស យើងរាប់អានអ្នកដទៃ ដើម្បីរីកចម្រើនក្នុងភាពដូចជាព្រះគ្រីស្ទ និងការជួយពួកគេឲ្យរីកចម្រើនក្នុងភាពដូចជាព្រះគ្រីស្ទផងដែរ។
តើយើងធ្វើដូចម្ដេច ដើម្បីធ្វើជាសិស្ស? (១) ចូរស្ដាប់ និងមើលពីរបៀបដែលគ្រីស្ទបរិស័ទធ្វើការ សម្រាក ចិញ្ចឹមបីបាច់កូន ដោះស្រាយបញ្ហា ផ្សាយដំណឹងល្អជាមួយអ្នកជិតខាង តស៊ូឆ្លងកាត់ការល្បងល បម្រើនៅក្នុងក្រុមជំនុំ ឬតយុទ្ធជាមួយអំពើបាបជាដើម។ (២) ចូរយកតម្រាប់តាមពួកគាត់។
ការនិយាយអំពីដំណឹងល្អជាមួយអ្នកដែលមិនមែនជាគ្រីស្ទបរិស័ទបានបង្ខំឲ្យយើងយល់កាន់តែច្បាស់អំពីចំណុចស្នូលនៃដំណឹងល្អ ដែលគាំទ្រសេចក្តីពិតនៃព្រះបន្ទូលរបស់ព្រះ។ បញ្ហាដូចជា លក្ខណសម្បត្តិរបស់ព្រះ ភាពបរិសុទ្ធ សេចក្តីក្រោធ ការបង្កើតមនុស្សនៅក្នុងរូបអង្គទ្រង់ អំពើបាប ព្រះគុណ ឈើឆ្កាងនៃព្រះគ្រីស្ទ និងការជំនុំជម្រះដែលទាំងអស់នេះហើយ សុទ្ធតែត្រូវមានការផ្ដោតអារម្មណ៍យ៉ាងមុតមាំ។ យើងត្រូវតែមានការគិតតាមរយៈការពន្យល់ពីគោលគំនិតទាំងនេះ ទៅកាន់មនុស្សផ្សេងៗគ្នា និងក្នុងកាលៈទេសៈផ្សេងៗគ្នា។ ហើយយើងរៀនបានកាន់តែច្បាស់ពី សេចក្តីពិតទាំងនេះបានភ្ជាប់ជាមួយគ្នានូវបទគម្ពីរទាំងអស់ គឺចាប់ពីកណ្ឌគម្ពីរ លោកុប្បត្ដិ ដល់កណ្ឌគម្ពីរ វិវរណៈ។
បងប្អូនប្រុសស្រីខ្ញុំអើយ ក្នុងការលត់ដំអ្នកផ្សេងៗទៀត មិនថាចេញពីអាសនា ឬតាមរយៈការសន្ទនាប្រចាំថ្ងៃជាមួយគ្នាក្ដី—តើយើងកំពុងតែកេងចំណេញពីដំណឹងល្អ? តើយើងនិយាយអំពីដំណឹងល្អដោយមិនបានពន្យល់ថាជាអ្វីឬទេ?
ប៉ុន្តែ គុណវិបត្តិរបស់វាវិញ កម្មវិធីនាំយើងឲ្យកាន់តែពឹងផ្អែកលើកម្មវិធីកាន់តែខ្លាំងឡើងៗ។
Why was Jesus baptized?
វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…
សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន
មានមតិយោបល់ដែលបានអនុម័ត 0
មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។
មតិយោបល់នឹងត្រូវបានពិនិត្យមុនពេលបង្ហាញ។