ចំណុចអនុវត្ត! តើការបង្កើតសិស្សមានដំណើរការយ៉ាងដូចម្ដេច?

ការបង្កើតសិស្ស ពាក់ព័ន្ធយ៉ាងខ្លាំងជាមួយនឹង ការបង្រៀន និងការត្រាប់តាម។ ការបង្កើតសិស្សផ្សារភ្ជាប់ជាមួយនឹងសេចក្ដីស្រឡាញ់។

១១ មេសា ២០២៤អានរយៈពេល ៥ នាទី

មើល២២៥ដង

ចំណុចអនុវត្ត! តើការបង្កើតសិស្សមានដំណើរការយ៉ាងដូចម្ដេច?

ការបង្កើតសិស្ស ពាក់ព័ន្ធយ៉ាងខ្លាំងជាមួយនឹង ការបង្រៀន និងការត្រាប់តាម។ ការបង្កើតសិស្សផ្សារភ្ជាប់ជាមួយនឹងសេចក្ដីស្រឡាញ់។ នៅពេលដែលយើងបង្រៀនដោយសេចក្ដីស្រឡាញ់ដល់អ្នកជឿក្មេងជាងក្នុងការគោរពកោតខ្លាចព្រះ និងរស់នៅក្នុងជីវិតដែលគួរឲ្យកោតសរសើរ នោះពួកគេនឹងរីកចម្រើនក្នុងភាពដូចជាព្រះគ្រីស្ទដោយការត្រាប់តាមគោលលទ្ធិ និងជីវិតរបស់យើងដែរ (សូមមើលនៅក្នុង ១ធីម៉ូថេ ៤:១៦)។

ការបង្រៀន៖ ព្រះគម្ពីរបានត្រាស់ហៅគ្រូគង្វាល និងឪពុកម្ដាយឲ្យទូន្មានដល់អស់អ្នកដែលទ្រង់បានប្រទានឲ្យពួកគាត់គ្រប់គ្រងមើលថែរក្សា (សុភាសិត, កាឡាទី ៦:៦, អេភេសូរ ៦:៤, ១ថែស្សាឡូនិច ៤:៨, ១ធីម៉ូថេ ១:១៨, ៦:៣, ២ធីម៉ូថេ ២:២៥, ៤:២)។ ហើយព្រះគម្ពីរក៏បានត្រាស់បង្គាប់ឲ្យអ្នកជឿទាំងអស់គ្នាទូន្មានគ្នាទៅវិញទៅមកផងដែរ (រ៉ូម ១៥:១៤)។

ការត្រាប់តាម៖ គ្រីស្ទបរិស័ទគឺជាអស់អ្នកដែលយកតម្រាប់តាមគ្នា ទី១ គឺយកតម្រាប់តាមព្រះ ហើយបន្ទាប់មក គឺយកតម្រាប់តាមគ្នាទៅវិញទៅមក។ យើងរីកចម្រើននៅក្នុងព្រះគុណរបស់ព្រះដោយការស្ដាប់ និងការយកតម្រាប់តាម។ សូមពិចារណាអំពីបទគម្ពីរខាងក្រោមនេះ៖

«ចូរត្រាប់តាមខ្ញុំ ដូចជាខ្ញុំបានត្រាប់តាមព្រះគ្រីស្ទដែរ» (១កូរិនថូស ១១:១)។
«ចូរនឹកចាំពីពួកអ្នកនាំមុខ ដែលបានផ្សាយព្រះបន្ទូលមកអ្នករាល់គ្នា ត្រូវតែត្រាប់តាមសេចក្ដីជំនឿរបស់អ្នកទាំងនោះ ទាំងពិចារណាមើលចុងបំផុតនៃកិរិយាគេផង» (ហេព្រើរ ១៣:៧)។
«ហើយសេចក្ដីអ្វីដែលអ្នករាល់គ្នាបានរៀន បានទទួល បានឮ ហើយឃើញក្នុងខ្ញុំ នោះចូរឲ្យប្រព្រឹត្តតាមសេចក្ដីទាំងនោះចុះ ដូច្នេះ ព្រះនៃសេចក្ដីសុខសាន្ត ទ្រង់នឹងគង់នៅជាមួយនឹងអ្នករាល់គ្នា» (ភីលីព ៤:៩)។
«តែចំណែកអ្នក អ្នកបានស្គាល់គ្រប់សេចក្ដីដែលខ្ញុំបង្រៀន កិរិយាដែលប្រព្រឹត្ត និងបំណងចិត្ត សេចក្ដីជំនឿ សេចក្ដីអត់ធ្មត់ សេចក្ដីស្រឡាញ់ សេចក្ដីខ្ជាប់ខ្ជួនរបស់ខ្ញុំហើយ» (២ធីម៉ូថេ ៣:១០)។
«អ្នកស្ងួនភ្ងាអើយ ចូរត្រាប់តាមសេចក្ដីល្អ កុំឲ្យតាមសេចក្ដីអាក្រក់ឲ្យសោះ...» (៣យ៉ូហាន ១:១១)។

សេចក្ដីស្រឡាញ់៖ មនុស្សនឹងយកតម្រាប់តាមលោកអ្នក ទោះបីជានៅពេលដែលលោកអ្នកមិនបានស្រឡាញ់ពួកគេក៏ដោយ។ ប៉ុន្តែ អ្នកដឹកនាំដែលដឹកនាំដោយសេចក្ដីស្រឡាញ់ គឺតំណាងឲ្យរូបភាពដ៏ល្អបំផុតរបស់ព្រះគ្រីស្ទ ហើយអ្នកដទៃនឹងដើរតាមលោកអ្នកនៅពេលដែលលោកអ្នកស្រឡាញ់ពួកគេ។

មិត្តភាព៖ ក្នុងអត្ថន័យមួយ ការបង្កើតសិស្ស គឺមានន័យយ៉ាងសាមញ្ញថា មិត្តភាព ប៉ុន្តែជាមិត្តភាពមួយដែលដឹកនាំទៅរកព្រះគ្រីស្ទ។ តើមិត្តភាពមានលក្ខណៈយ៉ាងដូចម្ដេច? ពួកគេយកតម្រាប់តាមគ្នាទៅវិញទៅមក។ ក្នុងការបង្កើតសិស្ស យើងរាប់អានអ្នកដទៃ ដើម្បីរីកចម្រើនក្នុងភាពដូចជាព្រះគ្រីស្ទ និងការជួយពួកគេឲ្យរីកចម្រើនក្នុងភាពដូចជាព្រះគ្រីស្ទផងដែរ។

តើយើងធ្វើដូចម្ដេច ដើម្បីធ្វើជាសិស្ស? (១) ចូរស្ដាប់ និងមើលពីរបៀបដែលគ្រីស្ទបរិស័ទធ្វើការ សម្រាក ចិញ្ចឹមបីបាច់កូន ដោះស្រាយបញ្ហា ផ្សាយដំណឹងល្អជាមួយអ្នកជិតខាង តស៊ូឆ្លងកាត់ការល្បងល បម្រើនៅក្នុងក្រុមជំនុំ ឬតយុទ្ធជាមួយអំពើបាបជាដើម។ (២) ចូរយកតម្រាប់តាមពួកគាត់។

និពន្ធដោយ៖ 9Marks
បកប្រែដោយ៖ លោក ខែម បូឡុង
កែសម្រួលដោយ៖ លោក ស៊ូ ទិត្យ, លោក ទេព រ៉ូ, លោក ឯក សត្យា, លោក ហុង សម្ភស, លោកស្រី ឡូញ ស្រីរដ្ឋ និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី 9marks.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

១៨៣

កំណត់ហេតុបណ្ដាញ២៩ សីហា ២០២៤

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

ការនិយាយអំពីដំណឹងល្អជាមួយអ្នកដែលមិនមែនជាគ្រីស្ទបរិស័ទបានបង្ខំឲ្យយើងយល់កាន់តែច្បាស់អំពីចំណុចស្នូលនៃដំណឹងល្អ ដែលគាំទ្រសេចក្តីពិតនៃព្រះបន្ទូលរបស់ព្រះ។ បញ្ហាដូចជា លក្ខណសម្បត្តិរបស់ព្រះ ភាពបរិសុទ្ធ សេចក្តីក្រោធ ការបង្កើតមនុស្សនៅក្នុងរូបអង្គទ្រង់ អំពើបាប ព្រះគុណ ឈើឆ្កាងនៃព្រះគ្រីស្ទ និងការជំនុំជម្រះដែលទាំងអស់នេះហើយ សុទ្ធតែត្រូវមានការផ្ដោតអារម្មណ៍យ៉ាងមុតមាំ។ យើងត្រូវតែមានការគិតតាមរយៈការពន្យល់ពីគោលគំនិតទាំងនេះ ទៅកាន់មនុស្សផ្សេងៗគ្នា និងក្នុងកាលៈទេសៈផ្សេងៗគ្នា។ ហើយយើងរៀនបានកាន់តែច្បាស់ពី សេចក្តីពិតទាំងនេះបានភ្ជាប់ជាមួយគ្នានូវបទគម្ពីរទាំងអស់ គឺចាប់ពីកណ្ឌគម្ពីរ លោកុប្បត្ដិ ដល់កណ្ឌគម្ពីរ វិវរណៈ។

អានបន្ថែម

មូលហេតុប្រាំយ៉ាង យើងមិនបង្កើតសិស្ស (ភាគ៤)

១១៤៩

កំណត់ហេតុបណ្ដាញ២២ សីហា ២០២៤

មូលហេតុប្រាំយ៉ាង យើងមិនបង្កើតសិស្ស (ភាគ៤)

បងប្អូនប្រុសស្រីខ្ញុំអើយ ក្នុងការលត់ដំអ្នកផ្សេងៗទៀត មិនថាចេញពីអាសនា ឬតាមរយៈការសន្ទនាប្រចាំថ្ងៃជាមួយគ្នាក្ដី—តើយើងកំពុងតែកេងចំណេញពីដំណឹងល្អ? តើយើងនិយាយអំពីដំណឹងល្អដោយមិនបានពន្យល់ថាជាអ្វីឬទេ?

អានបន្ថែម

១៨៤

កំណត់ហេតុបណ្ដាញ១៥ សីហា ២០២៤

ហេតុផល៥យ៉ាងយើងមិនបង្កើតសិស្ស (ភាគ៣)

ប៉ុន្តែ គុណវិបត្តិរបស់វាវិញ កម្មវិធីនាំយើងឲ្យកាន់តែពឹងផ្អែកលើកម្មវិធីកាន់តែខ្លាំងឡើងៗ។

អានបន្ថែម

អត្ថបទបន្ថែមពី កំណត់ហេតុបណ្ដាញ

៩

កំណត់ហេតុបណ្ដាញ២ តុលា ២០២៦

ថ្ងៃទី៣៖ អ្នកត្រួសត្រាយផ្លូវនៃទីក្រុងផ្លរិន

កាលពីប្រាំរយឆ្នាំមុន សកម្មភាពដ៏ក្លាហានរបស់លោក ម៉ធិន លូសើរ បានបង្កើតឲ្យមានចលនាកំណែទម្រង់ខាងឯជំនឿ…

អានបន្ថែម

១៧

កំណត់ហេតុបណ្ដាញ៣០ កញ្ញា ២០២៦

ថ្ងៃទី១៖ អ្នករំញ័រដំបូងបង្អស់

អានបន្ថែម

២៦

កំណត់ហេតុបណ្ដាញ២៩ កញ្ញា ២០២៦

ផ្កាយព្រឹកនៃចលនាកែទម្រង់

អានបន្ថែម

៣០

កំណត់ហេតុបណ្ដាញ២៨ កញ្ញា ២០២៦

យើងឈរលើគ្រឹះមាំនេះ៖ ដំណើររយៈពេល៣១ថ្ងៃជាមួយអ្នកកំណែទម្រង់

កាលពីប្រាំរយឆ្នាំមុន លោកសង្ឃជនជាតិអាល្លឺម៉ង់ដ៏តូចទាបម្នាក់បានដើរទៅកាន់ទ្វារក្រុមជំនុំក្នុងក្រុង…

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។ សូមធ្វើជាមនុស្សដំបូងដែលឆ្លើយតប។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

កំណត់ហេតុបណ្ដាញ

ចំណុចអនុវត្ត! តើការបង្កើតសិស្សមានដំណើរការយ៉ាងដូចម្ដេច?

១១ មេសា ២០២៤អានរយៈពេល ៥ នាទី

មើល២២៥ដង

«ចូរត្រាប់តាមខ្ញុំ ដូចជាខ្ញុំបានត្រាប់តាមព្រះគ្រីស្ទដែរ» (១កូរិនថូស ១១:១)។
«ចូរនឹកចាំពីពួកអ្នកនាំមុខ ដែលបានផ្សាយព្រះបន្ទូលមកអ្នករាល់គ្នា ត្រូវតែត្រាប់តាមសេចក្ដីជំនឿរបស់អ្នកទាំងនោះ ទាំងពិចារណាមើលចុងបំផុតនៃកិរិយាគេផង» (ហេព្រើរ ១៣:៧)។
«ហើយសេចក្ដីអ្វីដែលអ្នករាល់គ្នាបានរៀន បានទទួល បានឮ ហើយឃើញក្នុងខ្ញុំ នោះចូរឲ្យប្រព្រឹត្តតាមសេចក្ដីទាំងនោះចុះ ដូច្នេះ ព្រះនៃសេចក្ដីសុខសាន្ត ទ្រង់នឹងគង់នៅជាមួយនឹងអ្នករាល់គ្នា» (ភីលីព ៤:៩)។
«តែចំណែកអ្នក អ្នកបានស្គាល់គ្រប់សេចក្ដីដែលខ្ញុំបង្រៀន កិរិយាដែលប្រព្រឹត្ត និងបំណងចិត្ត សេចក្ដីជំនឿ សេចក្ដីអត់ធ្មត់ សេចក្ដីស្រឡាញ់ សេចក្ដីខ្ជាប់ខ្ជួនរបស់ខ្ញុំហើយ» (២ធីម៉ូថេ ៣:១០)។
«អ្នកស្ងួនភ្ងាអើយ ចូរត្រាប់តាមសេចក្ដីល្អ កុំឲ្យតាមសេចក្ដីអាក្រក់ឲ្យសោះ...» (៣យ៉ូហាន ១:១១)។