តើគ្រីស្ទបរិស័ទគួរតែឆ្លើយតបបែបណាចំពោះការនិយាយដើមគេ?

នៅក្នុងពិភពលោកសព្វថ្ងៃនេះ វាងាយស្រួលក្នុងការក្លាយជាមនុស្សដែលរំភើបចិត្តចំពោះអំពើបាបនៃការនិយាយដើមគេ។ ក្នុងអត្ថបទនេះ លោក Albert Kilgore បានរៀបរាប់អំពីការថ្កោលទោសយ៉ាងច្បាស់ពីក្នុងព្រះគម្ពីរអំពីការនិយាយដើមគេ ហើយបានចែកចាយការអនុវត្តន៍ជាក់ស្ដែងដែលគ្រីស្ទបរិស័ទអាចឆ្លើយតបទៅកាន់រឿងទាំងនោះ...

៩ មេសា ២០២៤អានរយៈពេល ៨ នាទី

មើល១៦១ដង

នេះជាសំណួរសំខាន់មួយសម្រាប់យើងក្នុងនាមជាគ្រីស្ទបរិស័ទ ដែលត្រូវតែពិចារណា។ នៅពេលដែលយើងនិយាយអំពីអំណាចបំផ្លិចបំផ្លាញនៃអំពើបាប ជាធម្មតាការនិយាយដើមមិនកើតឡើងក្នុងគំនិតទេ។ អ្វីដែលកើតឡើងក្នុងចិត្តមានដូចជា អំពើបាបខាងឯផ្លូវភេទ អំពើបាបនៅក្នុងពិភពនៃការញៀន ការថ្វាយបង្គំរូបព្រះ ការរំលូតកូន ការប្រកាសដំណឹងល្អក្លែងក្លាយ។ នោះហើយជាអ្វីដែលមាននៅក្នុងគំនិតយើង។ នៅពេលដែលយើងនិយាយអំពីការបំផ្លិចបំផ្លាញពីអំពើបាប អ្វីដែលយើងមិននឹកស្មានដល់គឺការនិយាយដើមគេ។

មានរបៀបជាច្រើន យើងបានក្លាយទៅជាមនុស្ស ដែលរំភើបចិត្តជាមួយនឹងអំពើបាបនៃការនិយាយដើមគេ។ នៅក្នុងប្រទេសមួយចំនួន គេមានទស្សនាវដ្ដីនិយាយដើមគេនៅជួរនៃច្រកចេញពីហាងទំនិញ។ គេមានកម្មវិធីទូរទស្សន៍ ដែលត្រូវបានបង្កើតឡើងជុំវិញរឿងរ៉ាវនៃការនិយាយដើម។ ថ្មីៗនេះ ខ្ញុំបានអានទស្សនាវដ្ដីសិក្សាមួយដែលព្យាយាមអះអាងថា ការនិយាយដើមគេ គឺតាមពិតជាទម្រង់មួយនៃការរៀនសូត្រ។ ការនិយាយដើមគេ គឺជាការរីករាលដាលនៅក្នុងវប្បធម៌របស់យើង ហើយជាអកុសលជាញឹកញាប់ វាក៏កើតមាននៅក្នុងក្រុមជំនុំដែរ។

ដូច្នេះ តើគ្រីស្ទបរិស័ទគួរតែឆ្លើយតបបែបណាចំពោះការនិយាយដើមគេ? មុនពេលយើងពិចារណាជំហានអនុវត្តខ្លះៗ វាជារឿងសំខាន់ណាស់សម្រាប់យើង ក្នុងការរម្លឹកអំពីអំពើបាបនៃការនិយាយដើមគេ។

អំពើបាបនៃការនិយាយដើមគេ

សូមពិចារណាអំពីប្រសាសន៍របស់សាវ័ក ប៉ុល នៅក្នុងកណ្ឌគម្ពីរ រ៉ូម ១:២៨-២៩។ គាត់បានសរសេរថា៖

«ហើយដោយព្រោះគេ (មនុស្សមិនសុចរិត) មិនចូលចិត្តនឹងស្គាល់ដល់ព្រះសោះ បានជាទ្រង់ប្រគល់គេទៅតាមគំនិតចោលម្សៀតវិញ ដើម្បីឲ្យបានសម្រេចការដែលមិនគួរគប្បីធ្វើជាមនុស្សមានពេញដោយសេចក្ដីទុច្ចរិតគ្រប់យ៉ាង គឺសេចក្ដីកំផិត សេចក្ដីកំណាច សេចក្ដីលោភ និងសេចក្ដីព្យាបាទ ក៏មានសេចក្ដីឈ្នានីស និងការកាប់សម្លាប់ ឈ្លោះប្រកែក កិច្ចកល គំនិតខិលខូចដ៏ពោរពេញផង» (រ៉ូម ១:២៨-២៩)។

សូមគិតថា ព្រះបន្ទូលរបស់ព្រះគឺច្បាស់ណាស់ទាក់ទងនឹងអំពើបាបនៃការនិយាយដើមគេ ការនេះមិនដូចការលើកឡើងរបស់ពិភពលោក និងការងប់ងុលជាមួយនឹងការនិយាយដើមឡើយ។ អំពើបាបនៃការដើរផ្សព្វផ្សាយពាក្យចចាមអារ៉ាម និងការលាតត្រដាងអ្វីមួយអំពីនរណាម្នាក់នៅពីក្រោយខ្នងរបស់ពួកគេ។

ដូច្នេះ ប្រសិនបើយើងមានការយល់ដឹងយ៉ាងច្បាស់លាស់នៅក្នុងគំនិតរបស់យើងអំពីអំពើបាបនៃការនិយាយដើម នោះយើងត្រូវត្រឡប់ទៅសំណួរ «តើគ្រីស្ទបរិស័ទគួរតែឆ្លើយតបដូចម្ដេចចំពោះការនិយាយដើមគេ នៅពេលវាមកគោះទ្វារយើង?» មានបីចំណុចបានមកចូលគំនិតរបស់ខ្ញុំ ទាក់ទងនឹងការអនុវត្ត៖

១. និយាយឲ្យចំៗ

ប្រសិនបើលោកអ្នកកំពុងសន្ទនាជាមួយនរណាម្នាក់ ហើយវាបានចាប់ផ្ដើមឆ្ពោះទៅរកការនិយាយដើមគេអំពីអ្នកដទៃ សូមសុខចិត្តបញ្ឈប់ការសន្ទនានោះ ហើយនិយាយប្រាប់ត្រង់ៗថាវាគឺជាអ្វី៖ «នេះគឺជាការនិយាយដើមគេ។ ព្រះជាម្ចាស់មិនទទួលបានសិរីល្អដោយការនិយាយដើមគេនោះឡើយ។ ការនិយាយដើមគេគឺជាអំពើបាប ហើយព្រះជាម្ចាស់ស្អប់ការធ្វើបែបនោះ។ ដូច្នេះ យើងត្រូវតែបញ្ឈប់ការសន្ទនាឥឡូវនេះ មុនមានការនិយាយដើមគេច្រើនជាងនេះកើតឡើង»។

សូមមើល ដោយមិនមានការសង្ស័យ ប្រសិនបើលោកអ្នកស្ថិតនៅក្នុងខណៈណាមួយនៃគ្រាដូចនេះ វានឹងកាន់តែពិបាក ប៉ុន្តែចំណុចសំខាន់មានការទាក់ទងគ្នា។

២. បង្វែរការសន្ទនាឡើងវិញ

វិធីមួយទៀតក្នុងការឆ្លើយតបនឹងការនិយាយដើមគេ គឺលោកអ្នកគ្រាន់តែបង្វែរការសន្ទនា។ នៅពេលដែលលោកអ្នកកំពុងធ្វើការសន្ទនា ហើយស្រាប់តែមាននរណាម្នាក់ចាប់ផ្ដើមនិយាយដើមគេ គឺនិយាយអំពីអ្នកផ្សេងដែលមិនមានវត្តមាន សូមមានទំនុកចិត្តគ្រប់គ្រាន់ក្នុងការផ្លាស់ប្ដូរប្រធានបទទាំងមូល។ ជាថ្មីម្ដងទៀត នេះប្រហែលជាពិបាក ប៉ុន្តែចំណុចសំខាន់ត្រូវបានប្រាប់យ៉ាងច្បាស់ថា លោកអ្នកនឹងមិនត្រូវចូលរួមជាមួយនឹងការនោះឡើយ។

៣. ផ្តល់ការមើលទទេ

មធ្យោបាយទីបី គឺប្រហែលជាអ្វីដែលខ្ញុំចូលចិត្តជាងគេ ពីព្រោះខ្ញុំធ្លាប់ជាជនរងគ្រោះនៃរឿងនេះម្នាក់។ សូមផ្តល់ការមើលទទេ។ ខ្ញុំផ្ទាល់ធ្លាប់ជាអ្នកទទួលបានការឆ្លើយតបបែបនេះចំពោះការនិយាយដើមគេ។ ខ្ញុំបានចូលទៅកាន់ការនិយាយដើមជាមួយគ្រូគង្វាល ដែលខ្ញុំគោរពយ៉ាងខ្លាំងម្នាក់ ខ្ញុំបានរំពឹងថា គាត់នឹងចូលរួមជាមួយខ្ញុំដែរ ហើយភ្លាមៗនោះគាត់គ្រាន់តែផ្តល់ការមើលទទេមកកាន់ខ្ញុំ។ ហើយខ្ញុំបានឆ្ងល់ថា «គាត់មិនឮខ្ញុំទេអី? តើមានរឿងអ្វីកើតឡើង?» ប៉ុន្តែ ភ្លាមៗនោះ ខ្ញុំក៏បានដឹងថា គាត់កំពុងតែបញ្ជាក់យ៉ាងច្បាស់ថា គាត់នឹងមិនឈានជើងចូលទៅក្នុងរឿងនេះ ហើយគាត់នឹងមិនចូលរួមទេ។ ពិតណាស់ អ្នកខ្លះអាចនឹងឆ្ងល់ថា «នេះវាស្ដាប់ទៅហាក់បីដូចជាជ្រុលបន្តិច ជាពិសេសចំណុចចុងក្រោយ»។

ប៉ុន្តែ សូមឲ្យខ្ញុំបានរម្លឹកលោកអ្នកថា កណ្ឌគម្ពីរ សុភាសិត ២០:១៩ បានប្រាប់យើងឲ្យចៀសចេញពីអ្នកនិយាយដើមគេ។

«អ្នកណាដែលដើរចុះឡើងនិយាយដើមគេ នោះជាអ្នកបើកបង្ហាញការលាក់កំបាំងហើយ ដូច្នេះ កុំឲ្យភប់ប្រសព្វនឹងអ្នកណា ដែលមានមាត់ប៉ាចរហាចឡើយ»។

ដូច្នេះ ប្រសិនបើដោយចៃដន្យលោកអ្នកឃើញថា ខ្លួនឯងកំពុងស្ថិតនៅក្នុងការសន្ទនា ដែលមានការនិយាយដើមគេកំពុងតែចាប់ផ្ដើមកើតឡើង វាមិនធ្ងន់ធ្ងរពេកក្នុងការប្រើការអនុវត្តន៍ចំណុចណាមួយ ដែលទើបតែបានលើកឡើង ដើម្បីសម្លាប់អំពើបាបនៃការនិយាយដើមគេចោលឲ្យស្លាប់នៅក្នុងគន្លងរបស់វា។ សូមឲ្យយើងប្រើប្រាស់ពាក្យសម្ដីរបស់យើង ដើម្បីនាំមកនូវសិរីល្អ និងការសរសើរដល់ព្រះជាម្ចាស់។ ហើយសូមឲ្យយើងសម្លាប់ការនិយាយដើមគេ គ្រប់ពេលដែលវាមកគោះទ្វារយើងដែរ។

និពន្ធដោយ៖ Albert Kilgore
បកប្រែដោយ៖ កញ្ញា គឹម បូព្រឹក
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា, លោកស្រី ឡូញ ស្រីរដ្ឋ និងលោកឈាង បូរ៉ា
ដកស្រង់ខ្លះៗ និងកែសម្រួលចេញពី www.forthegospel.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

១ពិន្ទុ

តើលោកអ្នកយល់យ៉ាងណាដែរ?

តើទំនាក់ទំនងរបស់ខ្ញុំជាមួយនឹងព្រះជាម្ចាស់ល្អដែរឬទេ?

១៨៨

កំណត់ហេតុបណ្ដាញ៣ មិថុនា ២០២៥

សញ្ញានៃភាពជាឪពុកស្របតាមព្រះគម្ពីរ

ភាពជាឪពុក គឺជាឯកសិទ្ធិដ៏អស្ចារ្យ។ ពិតណាស់ គ្រប់ទាំងរបស់ដ៏ល្អ… នោះសុទ្ធតែមកពីស្ថានលើ (យ៉ាកុប ១:១៧)។ ហើយឪពុកៗ ដែលបានទទួលការសង្គ្រោះ និងជាអ្នកដើរតាមព្រះយេស៊ូគាត់ដឹងថា អំណោយនៃភាពជាឪពុក ក៏ជាកិច្ចការបម្រើព្រះដែរ។ គាត់ទទួលស្គាល់ថា ព្រះបានប្រទានទំនួលខុសត្រូវដ៏អស្ចារ្យ ក្នុងការទូន្មាន និងដាស់តឿនកូនៗឲ្យស្គាល់ព្រះអម្ចាស់ (អេភេសូរ ៦:៤)។

អានបន្ថែម

៤៤១១

កំណត់ហេតុបណ្ដាញ១៣ មីនា ២០២២

ការធំជាងព្រះយេស៊ូវ

តើលោកអ្នកនឹង «ធ្វើការធំជាង» ព្រះយេស៊ូវមែនឬ? «ព្រះយេស៊ូវមានបន្ទូលថា “[អ្នក] នឹងធ្វើការដែលខ្ញុំធ្វើដែរ…

អានបន្ថែម

១៣៤០៣

កំណត់ហេតុបណ្ដាញ២០ កញ្ញា ២០២១

ជ្រមុជដោយព្រះវិញ្ញាណ

ប្រសិនបើវាមិនមានភាពស៊ីគ្នាជាមួយនឹងព្រះគម្ពីរ ហើយមិនមានចែងនៅក្នុងព្រះគម្ពីរ ឬក៏មិនមានការគាំទ្រដ៏ពិតតាមរយៈការកាត់ស្រាយព្រះគម្ពីរក្នុងលក្ខណៈដ៏ត្រឹមត្រូវ នោះលោកអ្នកមិនខកខានអ្វីឡើយ។ យើងអាចចូលទៅកាន់ព្រះវិញ្ញាណបរិសុទ្ធបានតាមរយៈអំណាចនៃដំណឹងល្អ ហើយព្រះអង្គគង់នៅ ដើម្បីថ្វាយសិរីល្អទៅកាន់ព្រះអម្ចាស់យេស៊ូវគ្រីស្ទ មិនមែនដើម្បីជាការសម្ដែងនោះទេ (យ៉ូហាន ១៦:១៤-១៥)។ ប្រសិនបើមនុស្សចុះចាញ់ចំពោះព្រះគ្រីស្ទ ឱបក្រសោបនូវព័ន្ធកិច្ចពិតរបស់ព្រះវិញ្ញាណក្នុងជីវិតរបស់ខ្លួន ហើយចុះចូលចំពោះព្រះគម្ពីរថាគ្រប់គ្រាន់ ហើយជាការបើកសម្ដែងចុងក្រោយ នោះការជ្រមុជក្នុងព្រះវិញ្ញាណនឹងហួសសម័យជាមិនខាន។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

១២១៨៨

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៩០

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៩២៤៨

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម