ហេតុផល៥យ៉ាងយើងមិនបង្កើតសិស្ស (ភាគ៣)

ប៉ុន្តែ គុណវិបត្តិរបស់វាវិញ កម្មវិធីនាំយើងឲ្យកាន់តែពឹងផ្អែកលើកម្មវិធីកាន់តែខ្លាំងឡើងៗ។

១៥ សីហា ២០២៤អានរយៈពេល ៩ នាទី

មើល១៧២ដង

នៅក្នុងការបង្ហោះពីរចុងក្រោយ ខ្ញុំបានឲ្យមូលហេតុចំនួនបីដែលគ្រីស្ទបរិស័ទ និងក្រុមជំនុំមិនបង្កើតសិស្ស។ សូមចាំថា ខ្ញុំកំពុងតែផលិតកម្មវិធីនេះសម្រាប់ការងារ ហើយនេះជាចំណុចដែលពិបាកនឹងនិយាយគឺ៖ ក្រុមជំនុំរបស់យើងពឹងផ្អែកលើកម្មវិធីខ្លាំងណាស់។

មិត្តសម្លាញ់របស់ខ្ញុំម្នាក់នៅសាលាទេវសាស្ត្របានប្រាប់ខ្ញុំថា សម័យនេះគឺជាប្រស្នាប្រៀបធៀបនាសម័យទំនើបនេះ។ មានបុរសម្នាក់ដែលឃើញពីវា បានប្រាប់ពីទីបន្ទាល់នោះ ហើយទីបន្ទាល់របស់គាត់ (វាអាចនឹង) ពិត។

មានបុរសវ័យក្មេងម្នាក់បានដើរចូលទៅក្នុងបណ្ណាគារគ្រីស្ទបរិស័ទមួយ ហើយសួរថា «មានស្ទីគ័របិតកាងឡាននៅឯណា?»។ អ្នកជំនួយការក៏សួរទៅគាត់ថា «តើលោកត្រូវការប្រភេទមួយណា?» បុរសនោះនិយាយថា «ខ្ញុំត្រូវការស្ទីគ័ររូបត្រី»។ ជំនួយការក៏តបថា «អូហ៍» ខ្ញុំសង្ស័យថា «យើងបានលក់អស់ហើយ»។ បុរសនោះក៏ឆ្លើយថា «អញ្ចឹង តើឲ្យខ្ញុំត្រូវផ្សាយដំណឹងល្អ ដោយគ្មានស្ទីគ័ររូបត្រីយ៉ាងដូចម្ដេចទៅ?»។

ក្នុងនាមជាអ្នកផ្សាយដំណឹងល្អនៅលោកខាងលិច អ្នកខ្លះបានពឹងផ្អែកទៅលើវគ្គបណ្ដុះបណ្ដាល កម្មវិធី បច្ចេកទេស និងវិធីសាស្ត្រផ្សេងៗកាន់តែខ្លាំងឡើងៗ ដើម្បីផ្សាយដំណឹងល្អ និងការបង្កើតសិស្ស។

ឥឡូវនេះ ដូចដែលខ្ញុំបាននិយាយអញ្ចឹង ខ្ញុំសរសេរការបង្ហោះនេះហាក់ដូចជាការងាររបស់អ្នកសរសេរកម្មវិធីមួយរូបរួចស្រេចទៅហើយ។ ខ្ញុំបានធ្វើការនៅក្នុងស្ថាប័នគ្រីស្ទបរិស័ទ «ព័ន្ធកិច្ចរុករកគ្រីស្ទសាសនា» (Christianity Explored Ministries) អស់រយៈពេលដប់បីឆ្នាំបានយ៉ាងល្អប្រសើរ ហើយពួកយើងខិតខំធ្វើការបង្កើតកម្មវិធីដែលល្អ ស្មោះត្រង់ចំពោះព្រះបន្ទូល ព្រមទាំងឲ្យមានភាពងាយស្រួលប្រើតាមដែលអាចធ្វើទៅបាន។ ខ្ញុំជឿជាក់ទៅលើគុណតម្លៃនៃកម្មវិធីទាំងនោះ។ ខ្ញុំអរព្រះគុណដល់ព្រះជាម្ចាស់ ដែលកម្មវិធីទាំងនោះបានទៅដល់ដៃដែលត្រឹមត្រូវ។

ប៉ុន្តែ ចុះបើធ្លាក់ទៅក្នុងដៃមនុស្សមិនល្អវិញនោះ? កម្មវិធីនោះមិនមានគុណភាពល្អ មិនមានដូងចិត្តនៅខាងក្នុង ជាកម្មវិធីមួយដែលមិនត្រូវចិត្តអ្នកណាម្នាក់ក្នុងការបង្កើតសិស្សពិតប្រាកដឡើយ។ ហើយការធ្វើតាមកម្មវិធីអស់ទាំងនោះអាចនឹងធ្វើឲ្យយើងគិតថា យើងកំពុងតែធ្វើការផ្សាយដំណឹងល្អ បង្កើតសិស្ស ខណៈដែលតាមពិតទៅយើងកំពុងតែលេងសើច ហើយមិនមានការយកចិត្តទុកដាក់ គ្រាន់តែធ្វើហែហមតាមលំហូរប៉ុណ្ណោះ។ យើងបែរជាទទួលស្គាល់ថា វិធីសាស្ត្រគឺនៅក្នុងរបៀបធ្វើ។ យើងទិញនូវកញ្ចប់កម្មវិធីហើយរំពឹងថា វានឹងធ្វើការជំនួសយើង ដោយមិនមានការចូលរួមបណ្ដាក់ទុនខាងឯវិញ្ញាណចេញពីផ្នែករបស់យើង។

ប្រាំឆ្នាំកន្លងផុតទៅប្រៀបដូចជាមួយពព្រិចភ្នែកលេចឡើងនៅលើ អ៊ី-ដា (រ៉ាដាផ្សាយដំណឹងល្អ)។ យើងធ្វើការយ៉ាងខ្លាំងរយៈពេល១៨ខែ ដើម្បីផលិតកម្មវិធីថ្មីមួយ យើងបង្កើតកម្រងសំណួរមេរៀនសិក្សាព្រះគម្ពីរ តែងនិពន្ធ រួចហើយកែសម្រួលឡើងវិញទាំងសារជាសំឡេង និងជាអត្ថបទ សាកល្បងឧបករណ៍ដែលផលិតបាននៅតាមកន្លែងផ្សេងៗពីគ្នា កែសម្រួលបន្ថែមទៀត ថតរូបភាព និងកែសម្រួលសេរីឌីវីឌី រួចហើយបន្ទាប់មកទៀត សម្រាក ហើយរង់ចាំពេលមានកម្លាំង ឆែកមើលអ៊ីមែលនៅក្នុងប្រអប់សាររបស់ខ្ញុំ។ «អរគុណសម្រាប់កម្មវិធីថ្មី» ហើយនឹងបញ្ចប់ដោយរំភើបថា «តើកម្មវិធីថ្មីផ្សេងទៀតនឹងមកនៅពេលណា?»

សូមអនុញ្ញាតឲ្យខ្ញុំប្រាប់ពីអត្ថន័យនោះគឺថា៖ តើឲ្យខ្ញុំផ្សាយដំណឹងល្អដោយគ្មានកម្មវិធីថ្មីយ៉ាងដូចម្ដេចកើត?

ប៉ុន្តែ បងប្អូនប្រុសស្រីខ្ញុំអើយ ការបង្កើតសិស្សអាចធ្វើទៅបានដោយគ្មានកម្មវិធី។ ព្រះយេស៊ូវទ្រង់បានសរសេរសៀវភៅដ៏ល្អពីការបង្កើតសិស្ស។

យ៉ាងណាមិញ កម្មវិធីដែលស្មោះត្រង់នឹងព្រះបន្ទូល គឺមិនអាចជំនួសការបន្តបង្កើតសិស្សដោយផ្ទាល់ខ្លួនបានឡើយ។ យ៉ាងហោចណាស់ ជាការបង្កើតសិស្សដែលព្រះយេស៊ូវបានបង្ហាញនៅ ម៉ាថាយ ២៨៖ «ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍ ព្រមទាំងធ្វើបុណ្យជ្រមុជទឹកឲ្យ ដោយនូវព្រះនាមព្រះវរបិតា ព្រះរាជបុត្រា នឹងព្រះវិញ្ញាណបរិសុទ្ធចុះ ហើយបង្រៀន ឲ្យគេកាន់តាមគ្រប់ទាំងសេចក្ដី ដែលខ្ញុំបានបង្គាប់មកអ្នករាល់គ្នាផង..» (ម៉ាថាយ ២៨:១៩-២០)។

សម្រាប់ជាសេចក្ដីផ្ដើម កម្មវិធីត្រូវបានបង្កើតឡើងក្រោមសំណើឲ្យ «តម្រូវគ្រប់ផ្នែកទាំងអស់»។ យ៉ាងណាមិញ មិនថាពួកគាត់ព្យាយាមបង្កើតកម្មវិធី ដើម្បីតម្រូវក្រុមមនុស្សណាក៏ដោយ (ឧ. សម្រាប់អ្នកចេះអានចេះសរសេរស្ទាត់/មិនសូវស្ទាត់ មនុស្សចាស់ យុវវ័យ កុមារ។ល។) លោកអ្នកមិនមែនជាអ្នកបង្កើតកម្មវិធីទាំងនោះឡើយ ហេតុដូច្នោះហើយ វាមិនអាចត្រូវនឹងស្ថានភាព ដែលព្រះជាម្ចាស់បានដាក់លោកអ្នកទាំងស្រុងនោះឡើយ។ បុគ្គលដែលតែងតែប្រើសំណួរដដែលៗរាល់ពេលសិក្សាព្រះបន្ទូល ដើម្បីសួរមនុស្សដែលគាត់បង្កើតសិស្សជាមួយ ប្រហែលជាមិនមែនកំពុងតែធ្វើបានល្អណាស់ណានោះទេ។ ស្រដៀងគ្នានេះដែរ អ្នកដែលកំពង់ចាក់វីឌីអូឲ្យគេមើល ក៏មិនអាចមានការផ្សារភ្ជាប់ជាមួយនឹងអ្នកទស្សនាបានដោយផ្ទាល់ដូចដែលលោកអ្នកអាចធ្វើនោះដែរ។ គាត់មិនអាចដឹងពីសម្រែកជាក់លាក់នៃដួងចិត្តរបស់ពួកគេ រួចមកនិយាយដោយផ្ទាល់ និងដោយចំៗស្របតាមបទគម្ពីរទៅកាន់ពួកគេបានឡើយ។

ទី២ កម្មវិធីចង្អុលបង្ហាញឲ្យឃើញថា បញ្ហានៅក្នុងការបង្កើតសិស្សនោះគឺជា «ដំណើរការ» ជាជាងការធ្វើតាមលក្ខណៈនៃតួអង្គណាម្នាក់។

វាគួរតែដំណើរការដោយគ្មានការនិយាយថា ក្មេងម្នាក់នោះមានចរិតលក្ខណៈបែបនេះដោយសារឪពុកម្ដាយរបស់ពួកគេ។ ជាជាងធ្វើតាមអ្វីដែលពួកយើងនិយាយ ជាធម្មតាក្មេងៗមានទំនោរធ្វើតាមអ្វីៗដែលយើងធ្វើ។ ដោយផ្ទុយពីនោះវិញ បច្ចេកទេស និងកម្មវិធីអាចនឹងបង្ហាញដោយប្រយោលថា ពាក្យសម្ដីរបស់យើងសំខាន់ខ្លាំងជាងអ្វីដែលយើងធ្វើទៅទៀត។ យើងអាចនឹងចាប់ផ្ដើមជឿថា កម្មវិធីដែលយើងប្រើនៅក្នុងក្រុមជំនុំរបស់យើង គឺសំខាន់ជាងចរិតលក្ខណៈរបស់បុគ្គលដែលធ្វើការបង្រៀននោះទៅទៀត។

ទី៣ ពេលខ្លះយើងប្រើប្រាស់កម្មវិធីដូចជាយូធូប៖ ហាក់ជំនួសឪពុកម្តាយ។ មែនហើយ វាជាវិធីធ្វើឲ្យកូននៅស្ងៀមល្អបាន។ មែនហើយ មានន័យថា យើងមិនចាំបាច់កម្សាន្តអារម្មណ៍ពួកគេនៅពេលធ្វើដំណើរច្រើនពេកនោះទេ។ ប៉ុន្តែ វាអាចបំផ្លាញគុណភាពនៃមុខងារជាឪពុកម្ដាយរបស់យើងបាន។ វាអាចជាការបរាជ័យមួយរបស់យើងក្នុងការបំពេញទំនួលខុសត្រូវផ្ទាល់ខ្លួនរបស់យើង ចំពោះអស់អ្នកដែលស្ថិតនៅក្រោមការមើលថែរបស់យើង។

ដូច្នេះសំណួររបស់ខ្ញុំនោះគឺ តើយើងត្រៀមលក្ខណៈរួចជាស្រេចជ្រុលពេកហើយមែនទេ ក្នុងការដាក់ឲ្យមានមេដោះ? តើយើងបានត្រៀមលក្ខណៈរួចរាល់ខ្លាំងជ្រុលពេក ក្នុងការកុងត្រាការបង្កើតសិស្សរបស់យើង ដោយការដូច្នោះ ហើយយើងបានភ្លេចរបៀបធ្វើដោយខ្លួនឯងផ្ទាល់ហើយមែនទេ? គុណសម្បត្តិរបស់កម្មវិធី គឺជួយយើងឲ្យកាន់តែពឹងផ្អែកលើព្រះជាម្ចាស់ និងព្រះបន្ទូលទ្រង់។ ប៉ុន្តែ គុណវិបត្តិរបស់វាវិញ កម្មវិធីនាំយើងឲ្យកាន់តែពឹងផ្អែកលើកម្មវិធីកាន់តែខ្លាំងឡើងៗ។ បើបណ្ដោយទុកឲ្យកម្មវិធីជាអ្នកធ្វើ ការបង្កើតសិស្សរបស់យើងនឹងវេទនាជាមិនខាន។

ត្រឡប់មកវិញនៅសប្ដាហ៍ក្រោយ ហើយប្រសិនបើខ្ញុំនៅតែមានឱកាស ខ្ញុំនឹងលើកឡើងពីហេតុផលចុងក្រោយយើងមិនបង្កើតសិស្ស។

និពន្ធដោយ៖ Barry Cooper
បកប្រែដោយ៖ លោក ស៊ូ ទិត្យ
ជំនួយការបកប្រែ៖ លោក ឈាង បូរ៉ា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា, លោក ហុង សម្ភស, លោក ឡង់ គីមឡុង
និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី 9marks.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

១៨០

កំណត់ហេតុបណ្ដាញ២៩ សីហា ២០២៤

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

ការនិយាយអំពីដំណឹងល្អជាមួយអ្នកដែលមិនមែនជាគ្រីស្ទបរិស័ទបានបង្ខំឲ្យយើងយល់កាន់តែច្បាស់អំពីចំណុចស្នូលនៃដំណឹងល្អ ដែលគាំទ្រសេចក្តីពិតនៃព្រះបន្ទូលរបស់ព្រះ។ បញ្ហាដូចជា លក្ខណសម្បត្តិរបស់ព្រះ ភាពបរិសុទ្ធ សេចក្តីក្រោធ ការបង្កើតមនុស្សនៅក្នុងរូបអង្គទ្រង់ អំពើបាប ព្រះគុណ ឈើឆ្កាងនៃព្រះគ្រីស្ទ និងការជំនុំជម្រះដែលទាំងអស់នេះហើយ សុទ្ធតែត្រូវមានការផ្ដោតអារម្មណ៍យ៉ាងមុតមាំ។ យើងត្រូវតែមានការគិតតាមរយៈការពន្យល់ពីគោលគំនិតទាំងនេះ ទៅកាន់មនុស្សផ្សេងៗគ្នា និងក្នុងកាលៈទេសៈផ្សេងៗគ្នា។ ហើយយើងរៀនបានកាន់តែច្បាស់ពី សេចក្តីពិតទាំងនេះបានភ្ជាប់ជាមួយគ្នានូវបទគម្ពីរទាំងអស់ គឺចាប់ពីកណ្ឌគម្ពីរ លោកុប្បត្ដិ ដល់កណ្ឌគម្ពីរ វិវរណៈ។

អានបន្ថែម

មូលហេតុប្រាំយ៉ាង យើងមិនបង្កើតសិស្ស (ភាគ៤)

១១៤៦

កំណត់ហេតុបណ្ដាញ២២ សីហា ២០២៤

មូលហេតុប្រាំយ៉ាង យើងមិនបង្កើតសិស្ស (ភាគ៤)

បងប្អូនប្រុសស្រីខ្ញុំអើយ ក្នុងការលត់ដំអ្នកផ្សេងៗទៀត មិនថាចេញពីអាសនា ឬតាមរយៈការសន្ទនាប្រចាំថ្ងៃជាមួយគ្នាក្ដី—តើយើងកំពុងតែកេងចំណេញពីដំណឹងល្អ? តើយើងនិយាយអំពីដំណឹងល្អដោយមិនបានពន្យល់ថាជាអ្វីឬទេ?

អានបន្ថែម

១៣៥

កំណត់ហេតុបណ្ដាញ៨ សីហា ២០២៤

ហេតុផល៥យ៉ាងយើងមិនបង្កើតសិស្ស (ភាគ២)

ហើយឥទ្ធិពលរបស់អស់សមាជិកក្រុមជំនុំដែលមិនមានការដាក់វិន័យលើអ្នកដើរតាមព្រះគ្រីស្ទដ៏ពិតប្រាកដនឹងមិនអាចកើតឡើងបានឡើយ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម