លោកអ្នកចាំបាច់ត្រូវស្គាល់ព្រះយេស៊ូវ ដើម្បីយល់ព្រះគម្ពីរ៖ ភាពច្បាស់លាស់នៃព្រះបន្ទូល ផ្នែកទី៥

១៣ សីហា ២០២៤អានរយៈពេល ១៨ នាទី

មើល១០៨ដង

លោកអ្នកចាំបាច់ត្រូវស្គាល់ព្រះយេស៊ូវ ដើម្បីយល់ព្រះគម្ពីរ៖ ភាពច្បាស់លាស់នៃព្រះបន្ទូល ផ្នែកទី៥

សេចក្ដីពិតនៃព្រះគម្ពីរ គឺប្រៀបដូចជាព្រះអាទិត្យអញ្ចឹង។ ពេលថ្ងៃ ពន្លឺពីព្រះអាទិត្យច្បាស់ណាស់ ចំពោះអ្នកដែលអាចមើលបាន។ មិនមែនគ្រប់គ្នាសុទ្ធតែអាចមើលឃើញទេ ប៉ុន្តែភ្នែកខ្វាក់មិនអាចធ្វើឲ្យព្រះអាទិត្យស្រអាប់ពន្លឺបាននោះទេ។ ដើម្បីឲ្យមនុស្សខ្វាក់អាចមើលឃើញ ព្រះអាទិត្យមិនចាំបាច់បញ្ចេញពន្លឺភ្លឺជាង ឬច្បាស់ជាងនោះទេ ប៉ុន្តែពួកគេត្រូវការឲ្យភ្នែកភ្លឺ ដើម្បីមើលឃើញនូវអ្វីៗដែលមាននៅទីនោះតាំងពីយូរមកហើយ។

ដូចគ្នានឹងព្រះអាទិត្យ ព្រះគម្ពីរក៏ដូច្នោះដែរ។ ព្រះជាម្ចាស់បានមានបន្ទូលយ៉ាងច្បាស់នៅក្នុងព្រះគម្ពីរសម្រាប់អ្នកណាដែលមានត្រចៀកស្តាប់ឮ ពីព្រោះព្រះជាម្ចាស់ទ្រង់ល្អ។ ការដែលអ្នកខ្លះអះអាងថា ព្រះបន្ទូលរបស់ព្រះជាម្ចាស់គឺជាភាពច្របូកច្របល់នៃអាថ៌កំបាំងដែលមិនអាចយល់បាន គឺគ្រាន់តែបង្ហាញអំពីភាពរឹងចចេសនៃចិត្តរបស់ពួកគេប៉ុណ្ណោះ មិនមែនបង្ហាញអំពីភាពមិនច្បាស់លាស់នៃអត្ថបទព្រះគម្ពីរនោះទេ។ ហើយប្រសិនបើចិត្តរឹងចចេសនោះនឹងទទួលយកសេចក្ដីពិតនៃព្រះបន្ទូលរបស់ព្រះជាម្ចាស់ដោយអំណរ នោះគ្មានអ្វីត្រូវផ្លាស់ប្ដូរអំពីព្រះបន្ទូលនោះទេ។ ពួកគេចាំបាច់ទទួលបានភ្នែកដែលមើលឃើញនូវអ្វីដែលមាននៅទីនោះតាំងពីយូរមកហើយ។

ដូច្នេះ តើមនុស្សខ្វាក់អាចមើលឃើញពន្លឺដ៏ច្បាស់នៃសេចក្ដីពិតនៃព្រះគម្ពីរបានដោយរបៀបណា? «ជាពួកអ្នក ដែលព្រះរបស់លោកីយ៍នេះ បានបង្អាប់ដល់គំនិតពួកគេដែលមិនជឿ ក្រែងរស្មីពន្លឺនៃដំណឹងល្អ ដែលសម្តែងពីសិរីល្អនៃព្រះគ្រីស្ទដ៏ជារូបអង្គព្រះ បានភ្លឺមកដល់គេ» (២កូរិនថូស ៤:៤)។ តើមនុស្សខ្វាក់អាចមើលឃើញបានដោយរបៀបណា? តើនរណាអាចឲ្យពួកគេមើលឃើញបាន?

សូមអនុញ្ញាតឲ្យខ្ញុំលើកឡើងឲ្យកាន់តែមានលក្ខណៈផ្ទាល់ខ្លួនជាងនេះ។ តើអ្នកមានសង្ឃឹមក្នុងការយល់ព្រះគម្ពីរដោយរបៀបណា? ដោយការប្រឈមមុខនឹងភាពអនាធិបតេយ្យនៃការកាត់ស្រាយ ការជជែកដេញដោលខាងវេទសាស្ត្រ និងការចំអកឥតឈប់ឈររបស់ពិភពលោកចំពោះព្រះគម្ពីរ តើនរណាហ៊ានអូតថា ខ្លួនបានយល់អត្ថន័យពិតនៃព្រះបន្ទូលដ៏អស់កល្បរបស់ព្រះជាម្ចាស់នោះបាន? នៅក្រោមស្បៃងងឹតរបស់អារក្ស តើលោកអ្នកអាចមើលឃើញពន្លឺដ៏ច្បាស់នៃដំណឹងល្អដោយរបៀបណា?

ព្រះគ្រីស្ទគឺជាភាពច្បាស់លាស់របស់យើង។ ព្រះរាជបុត្រានៃព្រះបានបំភ្លឺព្រះបន្ទូលរបស់ព្រះជាម្ចាស់។ បើនិយាយម្យ៉ាងវិញទៀត លោកអ្នកចាំបាច់ត្រូវស្គាល់ព្រះយេស៊ូវ ដើម្បីឲ្យយល់ព្រះគម្ពីរបាន។

ព្រះយេស៊ូវជាពន្លឺ
ពាក្យវេទសាស្ត្រដែលគេប្រើ ដើម្បីពណ៌នាអំពីការដែលធ្វើឲ្យភ្នែកងងឹតបានភ្លឺ ដែលជាការធ្វើឲ្យភ្នែកខ្វាក់ខាងឯវិញ្ញាណបានភ្លឺឡើង គឺការបំភ្លឺ (illumination)។ ហើយជាធម្មតា យើងគិតពីការបំភ្លឺជាកិច្ចការនៃព្រះវិញ្ញាណបរិសុទ្ធ ហើយវាពិតជាកិច្ចការនៃព្រះវិញ្ញាណបរិសុទ្ធមែន។ សាវ័ក ប៉ុល បានអធិស្ឋានសម្រាប់ក្រុមជំនុំអេភេសូរថា «សូមឲ្យព្រះនៃព្រះយេស៊ូវគ្រីស្ទ ជាព្រះអម្ចាស់នៃយើង គឺជាព្រះវរបិតាដ៏មានសិរីល្អ បានប្រទានឲ្យអ្នករាល់គ្នាបានព្រះវិញ្ញាណ ដែលប្រោសឲ្យមានប្រាជ្ញា ហើយក៏បើកសម្តែង ឲ្យដឹងពីដំណើរស្គាល់ទ្រង់ ដើម្បីឲ្យភ្នែកចិត្តរបស់អ្នករាល់គ្នា បានភ្លឺឡើង» ( អេភេសូរ ១: ១៧-១៨)។ ចំពោះក្រុមជំនុំកូរិនថូស សាវ័ក ប៉ុល ពន្យល់ពីព័ន្ធកិច្ចរបស់គាត់ដោយលើកឡើងថា «ហើយយើងក៏និយាយពីសេចក្ដីទាំងនោះឯង មិនមែនដោយពាក្យសម្ដី ដែលប្រាជ្ញាមនុស្សបានបង្រៀនទេ គឺដោយពាក្យសម្ដី ដែលព្រះវិញ្ញាណបង្រៀនវិញ ព្រមទាំងផ្ទឹមពន្យល់សេចក្ដីខាងឯវិញ្ញាណ ដោយសារសេចក្ដីខាងឯវិញ្ញាណផង» (១កូរិនថូស ២:១៣)។ ព្រះវិញ្ញាណបំភ្លឺភ្នែកងងឹត ដើម្បីឲ្យមើលឃើញសេចក្ដីខាងឯវិញ្ញាណបាន។

ប៉ុន្តែ ខណៈពេលដែលព្រះវិញ្ញាណនៃព្រះជាភ្នាក់ងារនៃការផ្លាស់ប្ដូររបស់មនុស្សក្នុងដំណើរការនៃការបំភ្លឺនោះ ព្រះយេស៊ូវគ្រីស្ទគឺជាកម្មបទនៃដំណើរការនៃការបំភ្លឺនោះ។ ព្រះអង្គជា «ពន្លឺលោកីយ៍» (យ៉ូហាន ៨:១២)។ គឺនៅក្នុងព្រះភ័ក្ត្ររបស់ព្រះយេស៊ូវ ដែលយើងមើលឃើញ «រស្មីពន្លឺនៃដំណើរស្គាល់សិរីល្អរបស់ព្រះ» (២កូរិនថូស ៤:៦)។ ព្រះទ្រង់ជាពន្លឺ (១យ៉ូហាន ១:៥) ជាអង្គបើកសម្ដែងឲ្យឃើញសេចក្ដីពិត ហើយព្រះគ្រីស្ទជាអង្គដែលធ្វើឲ្យយើងស្គាល់ទ្រង់បាន (យ៉ូហាន ១:១៨)។

កាលព្រះអង្គគង់នៅលើផែនដី ព្រះយេស៊ូវមិនគ្រាន់តែបានប្រោសមនុស្សខ្វាក់ខាងរូបកាយប៉ុណ្ណោះទេ តែព្រះអង្គថែមទាំងប្រោសមនុស្សខ្វាក់ខាងឯវិញ្ញាណផងដែរ។ នៅក្នុងកណ្ឌគម្ពីរលូកាជំពូក២៤ នៅពេលដែលព្រះយេស៊ូវបានលេចមកឲ្យពួកសិស្សរបស់ទ្រង់ឃើញ បន្ទាប់ពីការរស់ពីសុគតឡើងវិញរបស់ទ្រង់ ព្រះអង្គបានបំភ្លឺពួកគេឲ្យអានគម្ពីរសញ្ញាចាស់បានយ៉ាងត្រឹមត្រូវ។

«ក៏មានបន្ទូលថា នេះហើយជាសេចក្ដីដែលខ្ញុំបានប្រាប់អ្នករាល់គ្នា កាលនៅជាមួយគ្នានៅឡើយ គឺថា ត្រូវតែសំរេចគ្រប់ទាំងសេចក្ដីដែលបានចែងទុកពីខ្ញុំ ទោះក្នុងក្រឹត្យវិន័យលោកម៉ូសេ ក្នុងទំនាយពួកហោរា ឬក្នុងបទទំនុកដំកើងផង នោះទ្រង់ក៏បើកបំភ្លឺសតិស្មារតីគេ ឲ្យបានយល់ក្នុងគម្ពីរ ទ្រង់មានបន្ទូលទៅគេថា គឺសេចក្ដីនេះហើយ ដែលបានចែងទុកមក គឺថា ព្រះគ្រីស្ទត្រូវរងទុក្ខលំបាក ហើយនៅថ្ងៃទី៣ទ្រង់នឹងរស់ពីស្លាប់ឡើងវិញ ហើយត្រូវឲ្យការប្រែចិត្ត នឹងសេចក្ដីប្រោសឲ្យរួច បានប្រកាសប្រាប់ដល់អស់ទាំងសាសន៍ ដោយនូវព្រះនាមទ្រង់ ចាប់តាំងពីក្រុងយេរូសាឡឹមទៅ»
(លូកា ២៤:៤៤-៤៧)

បន្ទាប់ពីការយាងឡើងវិញរបស់ទ្រង់ និងក្នុងកំឡុងពេលចាក់គ្រឹះនៃក្រុមជំនុំ ព្រះយេស៊ូវគ្រីស្ទជាព្រះអម្ចាស់បានបន្តបំភ្លឺភ្នែកដែលងងឹត។ ដោយនិយាយអំពីនាង លីឌា ដែលជាអ្នកកោតខ្លាចព្រះនៅក្រុងភីលីព លោក លូកា បានសរសេរថា «ព្រះអម្ចាស់ទ្រង់បើកចិត្តនាង ឲ្យយកចិត្តទុកដាក់តាមសេចក្ដី ដែលប៉ុលអធិប្បាយ» (កិច្ចការ ១៦:១៤)។ គឺជាព្រះគ្រីស្ទដែលពន្លឺរបស់ទ្រង់បើកដួងចិត្ត ដើម្បីបណ្ដាលឲ្យមនុស្សមានបាបយកចិត្តទុកដាក់ចំពោះព្រះបន្ទូលរបស់ទ្រង់ ហើយទទួលជឿ។

សាវ័ក ប៉ុល បានបន្តសរសេរថា «ជំនឿកើតឡើងដោយសេចក្ដីដែលបានឮ ហើយសេចក្ដីដែលបានឮនោះ គឺដោយសារព្រះបន្ទូលរបស់ព្រះគ្រីស្ទ» (រ៉ូម ១០:១៧ គកស១៦) ។ «ព្រះបន្ទូលរបស់ព្រះគ្រីស្ទ» គឺជាព្រះបន្ទូលដែលព្រះគ្រីស្ទបានមានបន្ទូល ជាសារដំណឹងល្អដែលអ្នកនាំសារដ៏ស្មោះត្រង់បាននិយាយឲ្យឮដល់ត្រចៀក ហើយព្រះវិញ្ញាណនៃព្រះគ្រីស្ទមានបន្ទូលទៅកាន់ដួងចិត្ត។ បើគ្មានព្រះបន្ទូលដែលព្រះគ្រីស្ទមានព្រះបន្ទូលទេ នោះក៏គ្មានជំនឿដែរ។ ជំនឿដែលអាន ហើយជឿព្រះបន្ទូលដ៏ច្បាស់លាស់របស់ព្រះជាម្ចាស់ ត្រូវមានតាមរយៈព្រះបន្ទូលនៃព្រះ ដែលជាសំឡេងរបស់ព្រះគ្រីស្ទ។

ដូច្នេះ ដើម្បីអាចអានព្រះគម្ពីរឲ្យបានត្រឹមត្រូវ លោកអ្នកត្រូវស្គាល់ព្រះគ្រីស្ទ។ គឺមានតែព្រះគ្រីស្ទមួយអង្គគត់ ដែលប្រទានភ្នែកខាងឯវិញ្ញាណដល់មនុស្សខ្វាក់ខាងឯវិញ្ញាណបាន។ ដោយនិយាយអំពីជនជាតិយូដាដែលខ្វាក់ខាងឯវិញ្ញាណសាវ័ក ប៉ុល បានបញ្ជាក់យ៉ាងច្បាស់ថា បើគ្មានព្រះគ្រីស្ទ «ចិត្តគេបានរឹងទទឹងវិញ ដ្បិតដរាបដល់ឥឡូវនេះ កាលបើគេមើលក្នុងសញ្ញាចាស់ នោះនៅតែមានស្បៃដដែល ឥតបកចេញឡើយ ដែលស្បៃនោះត្រូវតែសូន្យបាត់ទៅ ក្នុងព្រះគ្រីស្ទ» (២កូរិនថូស ៣:១៤)។ ប្រសិនបើលោកអ្នកអានគម្ពីរសញ្ញាចាស់ ឬគម្ពីរសញ្ញាថ្មីដោយគ្មានព្រះគ្រីស្ទ នោះមានន័យថាលោកអ្នកមានស្បៃមួយបាំងមុខហើយ។ មានតែព្រះយេស៊ូវទេដែលអាចដកវាចេញបាន ហើយប្រទានឲ្យលោកអ្នកនូវការយល់ដឹងអំពីព្រះបន្ទូលរបស់ទ្រង់។

ព្រះគ្រីស្ទធ្វើឲ្យកាន់តែច្បាស់

តើពន្លឺនៃការបំភ្លឺរបស់ព្រះយេស៊ូវ ដែលប៉ះពាល់ដោយព្រះវិញ្ញាណបរិសុទ្ធនៅក្នុងចិត្តមនុស្ស បង្ហាញអ្វីដល់យើងឲ្យពិតប្រាកដ? តើមនុស្សខ្វាក់មើលឃើញអ្វី ពេលដែលព្រះយេស៊ូវប្រោសពួកគេឲ្យជា? តើមនុស្សដែលមានភ្នែកភ្លឺមើលឃើញអ្វីរាល់ថ្ងៃ? ភ្នែកដែលដំណើរការល្អមើលឃើញពិភពលោកដែលពិតជានៅទីនោះជុំវិញពួកគេ។ ពួកគេមើលឃើញអ្វីដែលពិត។

ម្យ៉ាងវិញទៀត កិច្ចការនៃការបំភ្លឺរបស់ព្រះគ្រីស្ទមិនបានផ្តល់ឲ្យយើងនូវព័ត៌មានថ្មីៗក្រៅពីអ្វីដែលព្រះគម្ពីរបានបើកបង្ហាញនោះទេ ប៉ុន្តែបង្ហាញយើងនូវអ្វីដែលពិតជានៅទីនោះ ហើយតែងតែមានយ៉ាងច្បាស់នៅក្នុងអត្ថបទនៃព្រះគម្ពីរ។ ដូចដែលលោក ជេ.អាយ. ផាឃើរ (J. I. Packer) បានលើកឡើងថា «កិច្ចការនៃព្រះវិញ្ញាណក្នុងការផ្ដល់នូវចំណេះដឹងនេះត្រូវបានគេហៅថា «ការបំភ្លឺ» ឬការធ្វើឲ្យភ្លឺ។ វាមិនមែនជាការផ្តល់នូវការបើកសម្ដែងថ្មីៗនោះទេ ប៉ុន្តែជាកិច្ចការនៅខាងក្នុងខ្លួនយើងដែលអាចឲ្យយើងយល់ និងស្រឡាញ់ការបើកសម្ដែងដែលមាននៅចំពោះមុខយើងនៅក្នុងអត្ថបទព្រះគម្ពីរ ដូចដែលបានស្ដាប់ឮ និងអាន ហើយដូចដែលបានពន្យល់ដោយគ្រូៗ និងអ្នកនិពន្ធជាច្រើន។

សូមពិចារណាអំពីការអធិស្ឋានដែលបានលើកឡើងជាញឹកញាប់អំពីការបំភ្លឺនៅកណ្ឌគម្ពីរ ទំនុកដំកើង ១១៩:១៨ ដែលបានចែងថា៖ «សូមបំភ្លឺភ្នែកទូលបង្គំ ឲ្យបានឃើញសេចក្ដីអស្ចារ្យនៅក្នុងក្រឹត្យវិន័យរបស់ទ្រង់»។ អ្នកនិពន្ធទំនុកតម្កើងនេះមិនអធិស្ឋានសុំ «សំឡេងតូចៗមួយ» សុបិនតាមទំនាយមួយ ឬនិមិត្តមួយមកពីស្ថានសួគ៌នោះទេ។ គាត់អធិស្ឋានសូមឲ្យយល់ពីសេចក្ដីពិតដែលមាននៅក្នុងគម្ពីរ ដើម្បីមើលឃើញនូវអ្វីដែលព្រះជាម្ចាស់បានមានបន្ទូលរួចហើយ ចេញពីក្រឹត្យវិន័យរបស់ទ្រង់។

ឬសូមគិតអំពីរបៀបដែលសាវ័ក ប៉ុល បានសរសេរនៅក្នុងកណ្ឌគម្ពីរ ១កូរិនថូស ២:១២ យ៉ាងដូច្នេះថា៖ «ឯយើងរាល់គ្នា យើងមិនបានទទួលវិញ្ញាណរបស់លោកីយ៍ទេ គឺទទួលព្រះវិញ្ញាណដែលមកពីព្រះវិញ ដើម្បីឲ្យបានស្គាល់អស់ទាំងព្រះគុណ ដែលព្រះបានផ្តល់មកយើង»។ ហេតុអ្វីបានជាព្រះជាម្ចាស់បំភ្លឺតាមរយៈព្រះវិញ្ញាណរបស់ទ្រង់? ព្រះវិញ្ញាណបំភ្លឺភ្នែកងងឹតឲ្យយល់ពីអ្វីដែលព្រះអង្គបានប្រទានមកយើង ដោយសេរីនូវអ្វីដែល «ព្រះទ្រង់បានសម្ដែងឲ្យយើងរាល់គ្នាឃើញសេចក្ដីទាំងនោះ ដោយសារព្រះវិញ្ញាណទ្រង់» (១កូរិនថូស ២:១០)។ បើនិយាយម្យ៉ាងវិញទៀត ព្រះអង្គបង្ហាញឲ្យយើងឃើញនូវអ្វីដែលមាននៅទីនោះរួចហើយ យ៉ាងពិតប្រាកដ ជាក់ស្ដែង យ៉ាងច្បាស់ និងយ៉ាងប្រចក្ស តាមរយៈការបើកសម្ដែងរបស់ព្រះជាម្ចាស់នៅក្នុងព្រះគម្ពីរ។ មូលហេតុដែលយើងមិនយល់សេចក្ដីពិតពីមុនមក មិនមែនជាការបរាជ័យរបស់ព្រះជាម្ចាស់ក្នុងការមានបន្ទូលមិនច្បាស់ ឬមានបន្ទូលមិនគ្រប់គ្រាន់នោះទេ ប៉ុន្តែជាភាពបរាជ័យរបស់យើងក្នុងការមិនមើលឃើញនូវអ្វីដែលច្បាស់លាស់នៅទីនោះទៅវិញទេ។

ដូច្នេះ ការបំភ្លឺមិនមែនជាការបើកសម្ដែងនោះទេ។ ពេលដែលព្រះយេស៊ូវបំភ្លឺភ្នែកចិត្តរបស់យើង ទ្រង់ធ្វើឲ្យឃើញប្រចក្ស។ ការបំភ្លឺធ្វើឲ្យយើងមើលឃើញកាន់តែច្បាស់។ ព្រះគ្រីស្ទបើកពន្លឺ ដើម្បីឲ្យយើងអាចមើលឃើញសេចក្ដីពិតនៃអ្វីដែលព្រះអង្គបាន និងកំពុងមានបន្ទូលកន្លងមកជាបន្តបន្ទាប់។ នេះជារបៀបដែលលោក ខាល អេហ្វ. អេច. ហិនរី (Carl F. H. Henry) បានលើកឡើង៖

«ការដែលព្រះវិញ្ញាណបំភ្លឺសេចក្តីពិត គឺមិនមែនដោយការលាតត្រដាងខ្លឹមសារដ៏អាថ៌កំបាំងនៅខាងក្នុង ដែលបានលាក់ទុកនៅពីក្រោយការបើកសម្ដែងនោះទេ...ប៉ុន្តែដោយផ្ដោតលើសេចក្ដីពិតនៃការបើកសម្ដែងដូចដែលបានបើកសម្ដែងកន្លងមក។ ព្រះវិញ្ញាណបំភ្លឺ និងកាត់ស្រាយដោយការនិយាយឡើងវិញនូវអត្ថន័យតាមវេយ្យាករណ៍នៃព្រះគម្ពីរ។ ក្នុងការធ្វើដូច្នេះ ព្រះអង្គមិនអាចកែប្រែ ឬពង្រីកសេចក្តីពិតនៃការបើកសម្ដែងឡើយ»។

ទាំងអស់នេះគឺមានន័យថា គោលលទ្ធិនៃការបំភ្លឺមិនទាស់ប្រឆាំងនឹងគោលលទ្ធិនៃភាពច្បាស់លាស់នៃព្រះគម្ពីរនោះទេ ប៉ុន្តែគាំទ្រគោលលទ្ធិនេះទៅវិញទេ។ ព្រះយេស៊ូវបំភ្លឺភ្នែកយើង ដើម្បីឲ្យយើងអាចឈប់នាំសេចក្ដីងងឹតរបស់យើងមកកាន់អត្ថបទព្រះគម្ពីរតទៅទៀត ប៉ុន្តែឲ្យមើលឃើញពន្លឺនៃសេចក្ដីពិតចែងចាំងពាសពេញអត្ថបទព្រះគម្ពីរនោះវិញ។ នេះហើយជាមូលហេតុដែលលោកអ្នកចាំបាច់ត្រូវស្គាល់ព្រះយេស៊ូវ ដើម្បីយល់ព្រះគម្ពីរ។

ជាធម្មតា ភាពចាំបាច់នៃការបំភ្លឺបង្កឲ្យមានសំណួរមួយលើកឡើងថា៖ «តើអ្នកមិនជឿអាចយល់ព្រះគម្ពីរបានឬទេ?» ចម្លើយគឺ «បាន! ប៉ុន្តែក្នុងកម្រិតមួយរហូតទាល់តែព្រះគ្រីស្ទបានប្រទានពន្លឺដែលមកពីព្រះរបស់ទ្រង់»។ ភាសាគឺជាព្រះគុណទូទៅ ដូច្នេះតាមរយៈវេយ្យាករណ៍ និងការប្រើប្រាស់ពាក្យក្នុងព្រះគម្ពីរ នោះអ្នកមិនជឿនឹងអាចមានសេចក្តីពិតនៃព្រះបន្ទូលរបស់ព្រះជាម្ចាស់បាន។ ប៉ុន្តែ ដូចដែលសាវ័ក ប៉ុល បានលើកឡើង មនុស្សខាងសាច់ឈាមនឹងមិន «ទទួល» សេចក្ដីខាងឯព្រះនោះទេ (១កូរិនថូស ២:១៤)។ គេបដិសេធការសន្និដ្ឋាន ដូច្នេះតាមមធ្យោបាយណាមួយ គេក៏ត្រូវតែបដិសេធសេចក្ដីថ្លែងរួមដែរ។

ប្រសិនបើលោកអ្នកមិនអានព្រះគម្ពីរដោយមានគោលដៅចុងក្រោយនៃការមើលឃើញសិរីល្អនៃព្រះជាម្ចាស់នៅក្នុងព្រះភ័ក្ត្ររបស់ព្រះយេស៊ូវគ្រីស្ទទេ នោះលោកអ្នកនឹងមិនយល់ព្រះគម្ពីរបានឡើយ។ យើងត្រូវមើលសិរីល្អរបស់ព្រះគ្រីស្ទ តាមរយៈអំណាចបំភ្លឺរបស់ទ្រង់ ដើម្បីកោតសរសើរយ៉ាងពិតប្រាកដថា ហេតុអ្វីបានជាព្រះបន្ទូលទ្រង់មានលក្ខណៈយ៉ាងដូច្នេះ ហើយកោតសរសើរអំពីអ្វីដែលព្រះបន្ទូលទ្រង់ធ្វើ។ បើគ្មានការបំភ្លឺទេ នោះព្រះគម្ពីរគឺគ្រាន់តែជាសៀវភៅសិក្សាមួយក្បាលដ៏ល្អបំផុតប៉ុណ្ណោះ។ ជាមួយនឹងពន្លឺនៃព្រះគ្រីស្ទ នោះព្រះគម្ពីរគឺជាទ្វាររបស់យើងទៅកាន់ស្ថានសួគ៌។

យើងត្រូវការព្រះគ្រីស្ទបើកភ្លើង ដើម្បីកុំឲ្យយើងអានក្នុងទីងងឹត។ ដូច្នេះ សូមឲ្យការអធិស្ឋានរបស់លោកស្ពើចិន (Spurgeon) ជាការអធិស្ឋានរបស់យើងផ្ទាល់ដែរ៖ «ឱព្រះអម្ចាស់អើយ សូមតម្កល់ព្រះគម្ពីរសម្រាប់កូន។ កូនចង់បានគម្ពីរដែលមានការពន្យល់។ សូមបំភ្លឺព្រះគម្ពីរ បញ្ចេញពន្លឺលើព្រះគម្ពីរ ដ្បិតកូនមិនអាចអានព្រះគម្ពីរឲ្យមានប្រយោជន៍បានទេ លុះត្រាតែទ្រង់បំភ្លឺមកកាន់កូន»។

អានបន្ថែម ផ្នែកទី១, ផ្នែកទី២, ផ្នែកទី៣, ផ្នែកទី៤, ផ្នែកទី៦។

និពន្ធដោយ៖ Dan Crabtree
បកប្រែដោយ៖ ជឿន ជីវិចន្ធា
កែសម្រួលដោយ៖ លោក ខែម បូឡុង, លោក ទេព រ៉ូ, លោក ឯក សត្យា,
លោក ហុង សម្ភស, លោក សឹម រក្សា, លោកស្រី ពុន ចន្ថា និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី thecripplegate.com ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

តើលោកអ្នកត្រូវ «ទទួលថ្លែងប្រាប់» ដើម្បីបានសង្គ្រោះ?

៦១៦០

ក្តៅៗ

កំណត់ហេតុបណ្ដាញ២ ធ្នូ ២០២៥

តើលោកអ្នកត្រូវ «ទទួលថ្លែងប្រាប់» ដើម្បីបានសង្គ្រោះ?

គ្រូក្លែងក្លាយនោះថា «ឃើញទេ! សេចក្ដីសង្គ្រោះមិនគ្រាន់តែអាស្រ័យទៅលើសេចក្ដីជំនឿប៉ុណ្ណោះទេ ប៉ុន្តែថែមទាំងលើការប្រព្រឹត្តយ៉ាងត្រឹមត្រូវនៃសេចក្ដីជំនឿនោះ នៅក្នុងការប្រកាសជាសាធារណៈ តាមរយៈទឹកនៃពិធីបុណ្យជ្រមុជទឹកនោះផងដែរ»។ អ្វីដែលមើលទៅហាក់ដូចជាធម្មតា និងច្បាស់លាស់សម្រាប់មនុស្សមួយចំនួនបានបែរក្លាយទៅជាឧបសគ្គសម្រាប់អ្នកដទៃវិញ។

អានបន្ថែម

១២៩១

កំណត់ហេតុបណ្ដាញ១០ ធ្នូ ២០២៤

ព្រះជាពន្លឺ

គំនិតដ៏ពេញនិយមនាពេលបច្ចុប្បន្ននេះបានលើកឡើងថា អ្វីដែលកំណត់ឲ្យអ្វីមួយទៀតថាខុស ឬត្រូវគឺជាឥទ្ធិពលដែលអាច ឬក៏ប្រហែលជានឹងមិនអាចមានលើអ្នកដទៃវិញ។ ផ្ទុយទៅវិញ អ្វីដែលធ្វើឲ្យអ្វីមួយត្រូវ ឬខុសបានគឺថា តើវាស្របតាមលក្ខណសម្បត្តិដ៏បរិសុទ្ធរបស់ព្រះជាម្ចាស់ដែរឬទេ។

អានបន្ថែម

តើគ្រីស្ទបរិស័ទគួរមិនឯកភាពគ្នាដោយរបៀបណា? ភាពច្បាស់លាស់នៃព្រះបន្ទូល ផ្នែកទី៦

១១៤២

កំណត់ហេតុបណ្ដាញ២០ សីហា ២០២៤

តើគ្រីស្ទបរិស័ទគួរមិនឯកភាពគ្នាដោយរបៀបណា? ភាពច្បាស់លាស់នៃព្រះបន្ទូល ផ្នែកទី៦

ម្យ៉ាងទៀត យើងមិនឯកភាពគ្នាបែបជាគ្រីស្ទបរិស័ទ ដូចជាអ្នកដែលទទួលស្វាគមន៍ដោយព្រះនៃសេចក្ដីល្អ និងសេចក្ដីពិត។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៣

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៦

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤២

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

៨២១៨

ក្តៅៗពេញនិយម

កំណត់ហេតុបណ្ដាញ២៣ ធ្នូ ២០២៥

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន

អានបន្ថែម

មតិយោបល់

មានមតិយោបល់ដែលបានអនុម័ត 0

មិនទាន់មានមតិយោបល់ដែលបានអនុម័តទេ។

សរសេរមតិយោបល់

មតិយោបល់នឹងត្រូវបានពិនិត្យមុនពេលបង្ហាញ។

លោកអ្នកចាំបាច់ត្រូវស្គាល់ព្រះយេស៊ូវ ដើម្បីយល់ព្រះគម្ពីរ៖ ភាពច្បាស់លាស់នៃព្រះបន្ទូល ផ្នែកទី៥

១៣ សីហា ២០២៤អានរយៈពេល ១៨ នាទី

មើល១០៨ដង

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

តើ​លោក​អ្នក​ត្រូវ​ «​ទទួល​ថ្លែង​ប្រាប់» ដើម្បី​បាន​​សង្គ្រោះ​?

ព្រះ​ជា​ពន្លឺ

តើ​គ្រីស្ទ​បរិស័ទ​គួរ​មិន​ឯកភាព​គ្នា​ដោយ​របៀប​ណា? ភាព​ច្បាស់​លាស់​នៃ​ព្រះ​បន្ទូល ផ្នែក​ទី៦

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

តើអ្នកគិតយ៉ាងណា?

តើលោកអ្នកយល់យ៉ាងណាដែរ?

អត្ថបទពាក់ព័ន្ធ

តើ​លោក​អ្នក​ត្រូវ​ «​ទទួល​ថ្លែង​ប្រាប់» ដើម្បី​បាន​​សង្គ្រោះ​?

ព្រះ​ជា​ពន្លឺ

តើ​គ្រីស្ទ​បរិស័ទ​គួរ​មិន​ឯកភាព​គ្នា​ដោយ​របៀប​ណា? ភាព​ច្បាស់​លាស់​នៃ​ព្រះ​បន្ទូល ផ្នែក​ទី៦

អត្ថបទបន្ថែមពី កំណត់​ហេតុ​បណ្ដាញ

ហេតុអ្វី​បាន​ជា​ព្រះ​យេស៊ូវ​ទទួល​បុណ្យ​ជ្រមុជ​ទឹក?

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

តើ​គ្រូគង្វាល​ និង​ពួក​ចាស់ទុំមាន​ភាព​ខុសគ្នា​​​ឬ​?(១ធីម៉ូថេ ៣)

តើ​ការ​ជំនុំ​ជម្រះ​ដោយ​ផ្អែកលើ​ការ​ប្រព្រឹត្តិ​មានន័យយ៉ាងដូចម្ដេច? (វិវរណៈ ២០ និង ២១)

មតិយោបល់

សរសេរមតិយោបល់

តើលោកអ្នកត្រូវ «ទទួលថ្លែងប្រាប់» ដើម្បីបានសង្គ្រោះ?

ព្រះជាពន្លឺ

តើគ្រីស្ទបរិស័ទគួរមិនឯកភាពគ្នាដោយរបៀបណា? ភាពច្បាស់លាស់នៃព្រះបន្ទូល ផ្នែកទី៦

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)

តើលោកអ្នកត្រូវ «ទទួលថ្លែងប្រាប់» ដើម្បីបានសង្គ្រោះ?

ព្រះជាពន្លឺ

តើគ្រីស្ទបរិស័ទគួរមិនឯកភាពគ្នាដោយរបៀបណា? ភាពច្បាស់លាស់នៃព្រះបន្ទូល ផ្នែកទី៦

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

តើការជំនុំជម្រះដោយផ្អែកលើការប្រព្រឹត្តិមានន័យយ៉ាងដូចម្ដេច? (វិវរណៈ ២០ និង ២១)