តើអ្នកដឹកនាំក្រុមជំនុំ អាចជួយបណ្ដុះវប្បធម៌នៃការបង្កើតសិស្ស ដោយរបៀបណាខ្លះ?

ប្រសិនបើលោកអ្នកដឹកនាំក្រុមជំនុំដែលចេះអក្សរ ចូរស្នើសុំក្រុមជំនុំសម្រាប់ថវិកាគ្រូគង្វាលសម្រាប់ជាអំណោយសៀវភៅ។

២ ឧសភា ២០២៤អានរយៈពេល ៧ នាទី

មើល២០៨ដង

១. រៀបចំកាលវិភាគប្រចាំសប្ដាហ៍ផ្ទាល់ខ្លួនរបស់លោកអ្នក ដើម្បីរួមបញ្ចូលពេលវេលាជាមួយគ្រីស្ទបរិស័ទវ័យក្មេងជាង (អាហារពេលព្រឹក និងអាហារថ្ងៃត្រង់ ការទិញសម្ភារៈ ការរម្លឹកមើលសេចក្ដីអធិប្បាយជាប្រចាំ។ល។)។

២. ប្រសិនបើលោកអ្នកដឹកនាំក្រុមជំនុំដែលចេះអក្សរ ចូរស្នើសុំក្រុមជំនុំសម្រាប់ថវិកាគ្រូគង្វាលសម្រាប់ជាអំណោយសៀវភៅ។ សូមមានបណ្ដុំសៀវភៅនៅក្នុងការិយាល័យរបស់លោកអ្នករួចរាល់សម្រាប់ការផ្តល់រង្វាន់ដោយឯកឯង។ លើកទឹកចិត្តសមាជិកឲ្យអានវា រួចហៅលោកអ្នកដើម្បីកំណត់ពេលពិភាក្សាអំពីសៀវភៅនោះ។

៣. ស្វែងរករបៀប ដើម្បីលើកទឹកចិត្តគ្រីស្ទបរិស័ទដែលមានភាពចាស់ទុំក្នុងក្រុមជំនុំរបស់លោកអ្នកឲ្យជួបជាមួយអ្នកដទៃទៀតបាន («សួស្ដី សុភ័ក្រ ថ្ងៃនេះ តើប្អូនកំពុងញ៉ាំអាហារថ្ងៃត្រង់ជាមួយអ្នកណា?»)។ ហើយស្វែងរករបៀប ដើម្បីភ្ជាប់សមាជិកក្រុមជំនុំជាមួយគ្នាទៅវិញទៅមក («សួស្ដី សុភ័ក្រ តើប្អូនបានគិតអំពីការចំណាយពេលជាមួយ សុផល ដែរឬទេ?»)។

៤. អនុវត្តការអធិប្បាយរបស់លោកអ្នកមិនមែនត្រឹមតែចំពោះបុគ្គលប៉ុណ្ណោះទេ ប៉ុន្តែចំពោះក្រុមជំនុំទាំងមូល។ (ឧទាហរណ៍៖ «តើបទគម្ពីរនេះមានន័យយ៉ាងដូចម្ដេចសម្រាប់ពួកយើងជាក្រុមជំនុំ? វាមានន័យថា យើងគួរមានឆន្ទៈក្នុងការលើកទឹកចិត្ត និងកែតម្រូវគ្នាទៅវិញទៅមក»)។ ស្វែងរករបៀប ដើម្បីលើកទឹកចិត្តដល់ការបង្កើតសិស្ស និងការថែរក្សាគ្នាទៅវិញទៅមកតាមរយៈការអធិប្បាយរបស់លោកអ្នក។

៥. ចូរអធិប្បាយ និងអនុវត្តដំណឹងល្អចុះ។ ការផ្សាយដំណឹងល្អដោយត្រឹមត្រូវគួរតែបង្កើតគ្រីស្ទបរិស័ទដែលយល់ឃើញពីកាតព្វកិច្ចរួមគ្នារបស់ពួកគេក្នុងការប្រឹក្សា និងបង្រៀនគ្នាទៅវិញទៅមកដោយផ្អែកលើអត្តសញ្ញាណគ្រួសាររួមគ្នារបស់ពួកគេនៅក្នុងព្រះគ្រីស្ទ។ ចូរធ្វើឲ្យបានញឹកញាប់តាមដែលអាចធ្វើទៅបានដោយជួយក្រុមជំនុំឲ្យភ្ជាប់ចំណុចរវាងវិជ្ជាជីវៈនៃជំនឿ និងការអំពាវនាវឲ្យមានសេចក្ដីស្រឡាញ់យ៉ាងសកម្មចំពោះគ្នាទៅវិញទៅមក។

៦. ផ្តល់ជូនថ្នាក់អប់រំសម្រាប់មនុស្សពេញវ័យលើការបង្កើតសិស្ស ឬការប្រឹក្សាយោបល់។

៧. ផ្តល់ជូនថ្នាក់រៀនថ្ងៃអាទិត្យលើប្រធានបទជាក់លាក់បន្ថែមទៀតដូចជា «ការខ្លាចមនុស្ស (Fear of Man)» ឬ «បំណងព្រះហឫទ័យ និងការណែនាំរបស់ព្រះ (“God’s Will and Guidance”)»។

៨. ចូរប្រើថ្នាក់សមាជិកក្រុមជំនុំ ដើម្បីកំណត់ការរំពឹងទុកនៃការចូលរួមជាទៀងទាត់នៅក្នុងជីវិតរបស់គ្នាទៅវិញទៅមក។

៩. ចូរប្រើការសម្ភាសន៍សមាជិកក្រុមជំនុំ ដើម្បីសួរបេក្ខជនថា តើគាត់ចង់ចូលរួមក្នុងទំនាក់ទំនងភាពជាសិស្សមួយទល់មួយឬក៏អត់។

១០. ចូរស្តុកទុកបណ្ណាគារនៅក្រុមជំនុំ និងបណ្ណាល័យក្រុមជំនុំរបស់លោកអ្នកជាមួយនឹងធនធានល្អៗ ស្តីពីភាពជាសិស្ស។

១១. សូមតាំងសៀវភៅគ្រីស្ទបរិស័ទមួយចំនួននៅក្នុងក្រុមជំនុំរបស់លោកអ្នកសម្រាប់ការបង្ហាញពីធនធានដ៏ខ្លី និងអាចយល់បានទាំងនេះនៅលើប្រធានបទជាក់លាក់មួយចំនួនធំ។ ប្រសិនបើអាច សូមផ្តល់សៀវភៅទាំងនេះដោយឥតគិតថ្លៃ។

១២. ផ្សព្វផ្សាយ និងប្រគល់សៀវភៅព្រមទាំងកូនសៀវភៅដូចគ្នាទាំងនេះចេញពីវេទិកា។

១៣. ក្នុងនាមជាគ្រូគង្វាល ចូរធ្វើជាគំរូនៃការបន្ទាបខ្លួន និងសូមឲ្យអ្នកដទៃកែតម្រូវ។

១៤. ពិចារណាផ្តល់ក្រុមតូចៗក្នុងក្រុមជំនុំនូវធនធានដែលបានណែនាំ ដោយយោងទៅតាមប្រភេទក្រុមតូចៗទាំងនោះ ដូចជាក្រុមដែលរៀបការនៅក្មេង ឬក្រុមដែលនៅលីវ។

១៥. ប្រសិនបើមានធនធានគ្រប់គ្រាន់ ចូរស្វែងរកគ្រូគង្វាលពេញម៉ោងដែលអាចលះបង់ខ្លួនឯងក្នុងការប្រឹក្សាយោបល់ផងដែរ។

១៦. ប្រសិនបើមានធនធានគ្រប់គ្រាន់ ចូរស្វែងរកស្ត្រីដែលអាចលះបង់ខ្លួនក្នុងការប្រឹក្សាយោបល់ និងលើកកម្ពស់ភាពជាសិស្សក្នុងចំណោមស្ត្រីក្នុងក្រុមជំនុំ។

១៧. ចូរលើកទឹកចិត្តសមាជិកក្រុមជំនុំឲ្យចូលរួមសន្និបាតមូលដ្ឋានគ្រឹះនៃការប្រឹក្សាយោបល់ និងអប់រំបែបគ្រីស្ទបរិស័ទ (CCEF) និងប្រើប្រាស់វគ្គបណ្ដុះបណ្ដាលតាមអ៊ីនធឺណិត។

១៨. សូមផ្តល់ជូននូវថ្នាក់បណ្ដុះបណ្ដាលការប្រឹក្សាយោបល់សម្រាប់សមាជិក និង/ឬអ្នកដឹកនាំក្រុមតូច ក្នុងក្រុមជំនុំរបស់លោកអ្នក។ ធនធានជាភាសាអង់គ្លេសពី CCEF ផ្តល់ជូននូវកម្មវិធីសិក្សាដ៏ល្អពីរគឺ របៀបមនុស្សផ្លាស់ប្ដូរ និងការជួយលោកអ្នកដទៃផ្លាស់ប្ដូរ។ ការណែនាំ និងសៀវភៅការងាររបស់លោកអ្នកដឹកនាំទាំងនេះធ្វើឲ្យវាមានភាពងាយស្រួលសម្រាប់គ្រូគង្វាល លោកអ្នកដឹកនាំ និងសមាជិក ដើម្បីបង្រៀនគ្នាទៅវិញទៅមកពីរបៀបប្រឹក្សាព្រះបន្ទូល និងរបៀបថែទាំគ្នាទៅវិញទៅមកកាន់តែប្រសើរ។

១៩. សូមអានសំណេររបស់លោក ប៉ុល ដាវីឌ ទ្រីព (Paul David Tripp) ឧបករណ៍នៅក្នុងដៃរបស់ព្រះដ៏ប្រោសលោះជាភាសាអង់គ្លេស (“Instruments in the Redeemer’s Hands”)។

២០. លើកទឹកចិត្ដបុគ្គលដែលលោកអ្នកកំពុងបណ្តុះបណ្តាលសម្រាប់បម្រើព័ន្ធកិច្ចពេញម៉ោងឲ្យអានសៀវភៅជាភាសាអង់គ្លេសរបស់លោក អែត វ៉ែលច៍ (Ed Welch) «នៅពេលមនុស្សធំនិងព្រះតូច» (“When People Are Big and God Is Small”)។

២១. ចូរអធិស្ឋាន។ ចូរទូលសូមព្រះ ដើម្បីលើកអ្នកចាស់ទុំ ស្ត្រីដែលគោរពព្រះ និងអ្នកពេញវ័យក្នុងក្រុមជំនុំរបស់លោកអ្នក ដើម្បីជួយមើលថែទាំហ្វូងចៀម។

(បញ្ជីនេះតំណាងឲ្យខ្លឹមសារពីអត្ថបទ «របៀបទាំងម្ភៃ ដើម្បីបណ្ដុះវប្បធម៌នៃការប្រឹក្សាយោបល់» (“Twenty Ways to Cultivate a Culture of Counseling”) ដោយលោក យ៉ូណាថាន លីមែន និងលោក ឌីផាក រីជូ)

និពន្ធដោយ៖ 9Marks
បកប្រែដោយ៖ លោក ខែម បូឡុង
កែសម្រួលដោយ៖ លោក ស៊ូ ទិត្យ, លោក ទេព រ៉ូ, លោក ឯក សត្យា, លោក ហុង សម្ភស, លោក សឹម រក្សា, លោកស្រី ឡូញ ស្រីរដ្ឋ និងលោក ឈាង បូរ៉ា
ដកស្រង់ខ្លះៗ និងកែសម្រួលចេញពី 9marks.org ដោយមានការអនុញ្ញាត។

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

១៨០

កំណត់ហេតុបណ្ដាញ២៩ សីហា ២០២៤

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

ការនិយាយអំពីដំណឹងល្អជាមួយអ្នកដែលមិនមែនជាគ្រីស្ទបរិស័ទបានបង្ខំឲ្យយើងយល់កាន់តែច្បាស់អំពីចំណុចស្នូលនៃដំណឹងល្អ ដែលគាំទ្រសេចក្តីពិតនៃព្រះបន្ទូលរបស់ព្រះ។ បញ្ហាដូចជា លក្ខណសម្បត្តិរបស់ព្រះ ភាពបរិសុទ្ធ សេចក្តីក្រោធ ការបង្កើតមនុស្សនៅក្នុងរូបអង្គទ្រង់ អំពើបាប ព្រះគុណ ឈើឆ្កាងនៃព្រះគ្រីស្ទ និងការជំនុំជម្រះដែលទាំងអស់នេះហើយ សុទ្ធតែត្រូវមានការផ្ដោតអារម្មណ៍យ៉ាងមុតមាំ។ យើងត្រូវតែមានការគិតតាមរយៈការពន្យល់ពីគោលគំនិតទាំងនេះ ទៅកាន់មនុស្សផ្សេងៗគ្នា និងក្នុងកាលៈទេសៈផ្សេងៗគ្នា។ ហើយយើងរៀនបានកាន់តែច្បាស់ពី សេចក្តីពិតទាំងនេះបានភ្ជាប់ជាមួយគ្នានូវបទគម្ពីរទាំងអស់ គឺចាប់ពីកណ្ឌគម្ពីរ លោកុប្បត្ដិ ដល់កណ្ឌគម្ពីរ វិវរណៈ។

អានបន្ថែម

មូលហេតុប្រាំយ៉ាង យើងមិនបង្កើតសិស្ស (ភាគ៤)

១១៤៦

កំណត់ហេតុបណ្ដាញ២២ សីហា ២០២៤

មូលហេតុប្រាំយ៉ាង យើងមិនបង្កើតសិស្ស (ភាគ៤)

បងប្អូនប្រុសស្រីខ្ញុំអើយ ក្នុងការលត់ដំអ្នកផ្សេងៗទៀត មិនថាចេញពីអាសនា ឬតាមរយៈការសន្ទនាប្រចាំថ្ងៃជាមួយគ្នាក្ដី—តើយើងកំពុងតែកេងចំណេញពីដំណឹងល្អ? តើយើងនិយាយអំពីដំណឹងល្អដោយមិនបានពន្យល់ថាជាអ្វីឬទេ?

អានបន្ថែម

១៧២

កំណត់ហេតុបណ្ដាញ១៥ សីហា ២០២៤

ហេតុផល៥យ៉ាងយើងមិនបង្កើតសិស្ស (ភាគ៣)

ប៉ុន្តែ គុណវិបត្តិរបស់វាវិញ កម្មវិធីនាំយើងឲ្យកាន់តែពឹងផ្អែកលើកម្មវិធីកាន់តែខ្លាំងឡើងៗ។

អានបន្ថែម

អត្ថបទបន្ថែមពី កំណត់ហេតុបណ្ដាញ

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

៥១៨៤

ក្តៅៗពេញនិយម

កំណត់ហេតុបណ្ដាញ១៣ កុម្ភៈ ២០២៦

ហេតុអ្វីបានជាព្រះយេស៊ូវទទួលបុណ្យជ្រមុជទឹក?

Why was Jesus baptized?

អានបន្ថែម

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

១៥២៨៨

ក្តៅៗពេញនិយម

កំណត់ហេតុបណ្ដាញ៦ មករា ២០២៦

ហេតុអ្វីបានជាស្ត្រីមានចិត្តឆេះឆួលក្នុងព័ន្ធកិច្ច?

វាគ្មានអ្វីគួរឲ្យភ្ញាក់ផ្អើលនោះទេ យើងបានទទួលសំណួរជាច្រើនពីបេសកជននៅតាមតំបន់នានា…

អានបន្ថែម

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

៨២៤៤

ក្តៅៗ

កំណត់ហេតុបណ្ដាញ៣០ ធ្នូ ២០២៥

តើគ្រូគង្វាល និងពួកចាស់ទុំមានភាពខុសគ្នាឬ?(១ធីម៉ូថេ ៣)

សាវ័ក ប៉ុល និងអ្នកនិពន្ធព្រះគម្ពីរសញ្ញាថ្មីផ្សេងទៀតបានប្រើប្រាស់ពាក្យថា «អ្នកត្រួតត្រា» ជំនួសគ្នាទៅវិញទៅមកជាមួយនឹងពាក្យ «ពួកចាស់ទុំ»។ ឧទាហរណ៍៖ សូមពិចារណានៅក្នុងកណ្ឌគម្ពីរ ទីតុស ១:៥-៧។

អានបន្ថែម