តើក្រុមជំនុំគួរសម្លឹងមើលការបង្កើតសិស្សដូចជា «កម្មវិធី» ឬ «របៀបរស់នៅ»?

ក្រុមជំនុំគួរតែសម្លឹងមើលការបង្កើតសិស្សថា ជារបៀបនៃការនៅ។ វាគួរតែជាផ្នែកធម្មតានៃការក្លាយជាគ្រីស្ទបរិស័ទ និងជាសមាជិកក្រុមជំនុំម្នាក់។ វាជាអ្វីដែលអ្នកដើរតាមព្រះគ្រីស្ទ ត្រូវតែធ្វើ។

៩ ឧសភា ២០២៤អានរយៈពេល ៣ នាទី

មើល១៦៤ដង

ក្រុមជំនុំមិនគួរសម្លឹងមើលការបង្កើតសិស្សថាជាព្រឹត្តិការណ៍ពិសេស ឬជាការរៀបចំកម្មវិធីដ៏ឡូយឆាយនោះទេ។ ការបង្កើតសិស្សមិនមែនជាអ្វីដែលត្រូវធ្វើឡើងម្តងម្កាល ឬត្រូវធ្វើឡើងខុសពីធម្មតានោះទេ ឬជាអ្វីដែលត្រូវលាក់ពីជីវិតគ្រីស្ទបរិស័ទ ដែលនៅសេសសល់លើផែនដីរបស់យើង។ ដើម្បីក្លាយជាគ្រីស្ទបរិស័ទម្នាក់ គឺយើងត្រូវតែក្លាយជាសិស្សរបស់ព្រះគ្រីស្ទ។ ហើយការដែលក្លាយជាសិស្សរបស់ព្រះគ្រីស្ទ នោះមានន័យថា៖

១) រកមើលជំនួយពីអ្នកដទៃ ដើម្បីជួយយើងឲ្យរស់នៅដូចជាព្រះគ្រីស្ទ (ដើម្បីក្លាយជាសិស្ស)
២) រកមើលអ្នកដទៃ ដើម្បីជួយពួកគាត់ឲ្យរស់នៅដូចជាព្រះគ្រីស្ទ (ដើម្បីបង្កើតសិស្ស)

ដូច្នេះ ក្រុមជំនុំគួរតែសម្លឹងមើលការបង្កើតសិស្សថា ជារបៀបនៃការនៅ។ វាគួរតែជាផ្នែកធម្មតានៃការក្លាយជាគ្រីស្ទបរិស័ទ និងជាសមាជិកក្រុមជំនុំម្នាក់។ វាជាអ្វីដែលអ្នកដើរតាមព្រះគ្រីស្ទ ត្រូវតែធ្វើ។

នេះមានន័យថា ក្រុមជំនុំអាច ឬមិនអាចប្រើកម្មវិធីនានា ដើម្បីលើកកម្ពស់ការបង្កើតសិស្ស។ ប៉ុន្តែ ពួកគាត់ពិតជាចង់លើកកម្ពស់វប្បធម៌នៃការបង្កើតសិស្ស។ វាគួរតែជារឿងធម្មតា សម្រាប់គ្រីស្ទបរិស័ទក្មេងខ្ចី ដែលពួកគាត់ពិភាក្សាអំពីបញ្ហាខាងឯវិញ្ញាណរបស់ពួកគាត់ នៅពេលបរិភោគអាហារជាមួយគ្រីស្ទបរិស័ទ ដែលមានជំនឿយូរឆ្នាំជាងខ្លួន។ វាគួរតែជារឿងធម្មតា សម្រាប់គ្រីស្ទបរិស័ទក្មេងខ្ចី ក្នុងការចំណាយពេលនៅផ្ទះរបស់គ្រីស្ទបរិស័ទដែលមានជំនឿយូរឆ្នាំ ដើម្បីមើលការអនុវត្តន៍សេចក្តីជំនឿនៅគ្រប់ផ្នែកនៃជីវិតរបស់ពួកគាត់ គឺត្រូវមើលរហូតដល់ពួកគាត់រៀបចំដាក់កូនៗឲ្យគេង។ ដោយព្រះគុណរបស់ព្រះជាម្ចាស់ ក្រុមជំនុំដែលបណ្ដុះបណ្ដាលវប្បធម៌នៃការបង្កើតសិស្ស គឺនឹងមានសមាជិកដែលពួកគាត់មានភាពកាន់តែដូចព្រះអម្ចាស់យេស៊ូវ (១កូរិនថូស ១១:១)។

និពន្ធដោយ៖ 9Marks
បកប្រែដោយ៖ លោក ស៊ូ ទិត្យ
ជំនួយការបកប្រែ៖ លោក ឈាង បូរ៉ា
កែសម្រួលដោយ៖ លោក ទេព រ៉ូ, លោក ឯក សត្យា, លោក ហុង សម្ភស, លោក ឡង់ គីមឡុង និងលោកស្រី ឡូញ ស្រីរដ្ឋ
ដកស្រង់ខ្លះៗ និងកែសម្រួលចេញពី 9marks.org ដោយមានការអនុញ្ញាត។ Plovpit.com

តើអ្នកគិតយ៉ាងណា?

០ពិន្ទុ

តើលោកអ្នកយល់យ៉ាងណាដែរ?

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

១៨២

កំណត់ហេតុបណ្ដាញ២៩ សីហា ២០២៤

អត្ថប្រយោជន៍ប្រាំមួយយ៉ាងនៃការផ្សាយដំណឹងល្អ សម្រាប់ការបង្កើតសិស្ស

ការនិយាយអំពីដំណឹងល្អជាមួយអ្នកដែលមិនមែនជាគ្រីស្ទបរិស័ទបានបង្ខំឲ្យយើងយល់កាន់តែច្បាស់អំពីចំណុចស្នូលនៃដំណឹងល្អ ដែលគាំទ្រសេចក្តីពិតនៃព្រះបន្ទូលរបស់ព្រះ។ បញ្ហាដូចជា លក្ខណសម្បត្តិរបស់ព្រះ ភាពបរិសុទ្ធ សេចក្តីក្រោធ ការបង្កើតមនុស្សនៅក្នុងរូបអង្គទ្រង់ អំពើបាប ព្រះគុណ ឈើឆ្កាងនៃព្រះគ្រីស្ទ និងការជំនុំជម្រះដែលទាំងអស់នេះហើយ សុទ្ធតែត្រូវមានការផ្ដោតអារម្មណ៍យ៉ាងមុតមាំ។ យើងត្រូវតែមានការគិតតាមរយៈការពន្យល់ពីគោលគំនិតទាំងនេះ ទៅកាន់មនុស្សផ្សេងៗគ្នា និងក្នុងកាលៈទេសៈផ្សេងៗគ្នា។ ហើយយើងរៀនបានកាន់តែច្បាស់ពី សេចក្តីពិតទាំងនេះបានភ្ជាប់ជាមួយគ្នានូវបទគម្ពីរទាំងអស់ គឺចាប់ពីកណ្ឌគម្ពីរ លោកុប្បត្ដិ ដល់កណ្ឌគម្ពីរ វិវរណៈ។

អានបន្ថែម

មូលហេតុប្រាំយ៉ាង យើងមិនបង្កើតសិស្ស (ភាគ៤)

១១៤៦

កំណត់ហេតុបណ្ដាញ២២ សីហា ២០២៤

មូលហេតុប្រាំយ៉ាង យើងមិនបង្កើតសិស្ស (ភាគ៤)

បងប្អូនប្រុសស្រីខ្ញុំអើយ ក្នុងការលត់ដំអ្នកផ្សេងៗទៀត មិនថាចេញពីអាសនា ឬតាមរយៈការសន្ទនាប្រចាំថ្ងៃជាមួយគ្នាក្ដី—តើយើងកំពុងតែកេងចំណេញពីដំណឹងល្អ? តើយើងនិយាយអំពីដំណឹងល្អដោយមិនបានពន្យល់ថាជាអ្វីឬទេ?

អានបន្ថែម