- ការដាក់វិន័យក្នុងក្រុមជំនុំ គឺជាសកម្មភាពរបស់ក្រុមជំនុំក្នុងការប្រឈមមុខនឹងអំពើបាបរបស់សមាជិកណាម្នាក់ ហើយត្រូវហៅពួកគេមកជួប ដើម្បីឲ្យមានការប្រែចិត្ត ប្រសិនបើ អ្នកនោះមិនប្រែចិត្តទេ នោះនឹងឈានទៅដល់ការដកអ្នកនោះចេញដោយអះអាងថា មិនមែនជាសមាជិកភាពគ្រីស្ទបរិស័ទនៅក្នុងក្រុមជំនុំ និងមិនអនុញ្ញាតឲ្យចូលរួមក្នុងពិធីលៀងព្រះអម្ចាស់ទេ ដោយព្រោះអ្នកនោះ មានអំពើបាបធ្ងន់ធ្ងរ ដោយមិនបានប្រែចិត្តចេញ។
- ក្នុងអត្ថន័យទូលំទូលាយមួយ ការដាក់វិន័យគឺជាអ្វីគ្រប់យ៉ាងដែលក្រុមជំនុំធ្វើ ដើម្បីជួយសមាជិករបស់ខ្លួនឲ្យដេញតាមភាពបរិសុទ្ធ និងប្រឆាំងជាមួយនឹងអំពើបាប។ ទាំងនេះគឺជាទម្រង់នៃការប្រដៅទូន្មានទាំងអស់ដែលមានដូចជា ការអធិប្បាយព្រះបន្ទូល ការបង្រៀន ការអធិស្ឋាន ការថ្វាយបង្គំរួមគ្នា ការមានទំនួលខុសត្រូវចំពោះទំនាក់ទំនង និងការត្រួតពិនិត្យពីសំណាក់អ្នកដែលកោតខ្លាចព្រះ ដូចជាគ្រូគង្វាល និងពួកចាស់ទុំជាដើម។
- ពេលខ្លះ សមាជិកក្រុមជំនុំបានធ្វើការបែងចែករវាងការដាក់វិន័យទាំងពីរប្រភេទនេះ ដោយពួកគាត់បានហៅទម្រង់នេះថាជា «ការប្រដៅទូន្មានកែតម្រូវ» និង «ការប្រដៅទូន្មានអប់រំ»។
- ការកែតម្រូវ៖ ព្រះគម្ពីរសញ្ញាថ្មីបានធ្វើការបញ្ជា និងពណ៌នាអំពីការដាក់វិន័យកែតម្រូវនៅក្នុងបទគម្ពីរដូចជា ម៉ាថាយ ១៨:១៥-១៧, ១កូរិនថូស ៥:១-១៣, ២កូរិនថូស ២:៦, និង ២ថែស្សាឡូនីច ៣:៦-១៥។
- ការអប់រំ៖ ព្រះគម្ពីរសញ្ញាថ្មី បានរៀបរាប់អំពីការដាក់វិន័យអប់រំនៅក្នុងបទគម្ពីរជាច្រើនរាប់មិនអស់ អំពីការដេញតាមភាពបរិសុទ្ធ និងការស្អាងគ្នាទៅវិញទៅមកនៅក្នុងជំនឿ ដូចជាមានចែងនៅក្នុងកណ្ឌគម្ពីរ អេភេសូរ ៤:១១-៣២ និង ភីលីព ២:១-១៨។ តាមពិតទៅ យើងអាចចាត់ទុកសំបុត្រនៅក្នុងកណ្ឌគម្ពីរសញ្ញាថ្មីថា ជាការបង្ហាញឧទាហរណ៍នៃការដាក់វិន័យអប់រំ ដោយហេតុថា ពួកសាវ័ក បានសរសេរសំបុត្រទៅកាន់ក្រុមជំនុំ ដើម្បីជួយឲ្យពួកគេអំពីអ្វីដែលពួកគេត្រូវជឿ និងយល់ដឹងពីរបៀបដែលពួកគេត្រូវរស់នៅ។
ឯកសារមួយចំនួន ត្រូវបានកែសម្រួលពីអត្ថបទ តើអ្វីទៅជាក្រុមជំនុំដែលមានសុខភាពល្អ? ដោយ លោក ម៉ាក ដិវើរ, ១៨៣។
តើអ្វីជាការដាក់វិន័យក្នុងក្រុមជំនុំ?
មតិយោបល់
Loading…